დღე: მაისი 7, 2024

რუსეთ-უკრაინის ომში კიდევ ორი ქართველი მებრძოლი დაიღუპა. ამის შესახებ, უკრაინაში მებრძოლი ქართველები სოციალურ ქსელში წერენ. „სამწუხაროდ, კიდევ ორი მაგარი ქართველი დავკარგეთ, ნათელში იყავით ძმებო“, – წერს ვანო ნადირაძე “ფეისბუქზე“. ცნობისთვის, 2022 წლის 24 თებერვალს უკრაინაში რუსეთის სრულმასშტაბიანი ომის დაწყების შემდეგ, არაოფიციალური ცნობებით, დაღუპულია 60-ზე მეტი ქართველი მებრძოლი

სახალხო დამცველი ლევან იოსელიანი ბოლო დროს მომხდარ ძალადობის ფაქტებს ეხმაურება და შს სამინისტროს რეგირებისკენ მოუწოდებს. იოსელიანის თქმით, დაუშვებელია და მიუღებელი განსხვავებული ან კრიტიკული მოსაზრებების ქონის გამო ადამიანებზე თავდასხმა. მან აღნიშნულთან დაკავშირებით შესაბამისი განცხადება გაავრცელა. „გავრცელებული ინფორმაციით, დღეს, 7 მაისს ინტერვიუს მიცემის დროს თავს დაესხნენ „ინფორმაციის თავისუფლების განვითარების ინსტიტუტის“ (IDFI) აღმასრულებელ დირექტორს გიორგი კლდიაშვილს, ასევე, ტელეკომპანია „ფორმულას“ გადამღებ ჯგუფს. კვირას, 5 მაისს თავს დაესხნენ და ფიზიკური შეურაცხყოფა მიაყენეს პედაგოგ ლადო აფხაზავას. სახალხო დამცველი ხაზგასმით აღნიშნავს, რომ დაუშვებელია და მიუღებელი განსხვავებული ან კრიტიკული მოსაზრებების ქონის გამო ადამიანებზე თავდასხმა. მნიშვნელოვანია თითოეულ დასახელებულ შემთხვევაში…

მეორე მსოფლიო ომის მონაწილეები ერთჯერადი ფულადი სოციალური დახმარების სახით – 2000 ლარს, ხოლო მეორე მსოფლიო ომში დაღუპულთა ოჯახის წევრები 1000 ლარს მიიღებენ. გადაწყვეტილება საქართველოს მთავრობამ, ფაშიზმზე გამარჯვების 79-ე წლისთავთან დაკავშირებით მიიღო. მთავრობის ადმინისტრაციის ინფორმაციით, საქართველოს მთელ ტერიტორიაზე, თბილისის მუნიციპალიტეტის გარდა, ერთჯერადი ფულადი სოციალური დახმარების გაცემას უზრუნველყოფს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს კონტროლს დაქვემდებარებული სსიპ სოციალური მომსახურების სააგენტო, ვეტერანების საქმეთა სახელმწიფო სამსახურის მიერ მიწოდებული სიის საფუძველზე.    

მოქალაქეები სოციალურ ქსელში ავრცელებენ ინფორმაციას, რომ რუსული კანონის საწინააღმდეგო აქციის მონაწილეებთან უკრაინული ტელეფონის ნომრებიდან უცნობი პირი რეკავს, ემუქრება და შეურაცხყოფას აყენებს. ,,უკრაინული ნომრიდან დამირეკეს, საცხოვრებელი მისამართი დამისახელეს და მითხრეს, რო ისე ჩამ**ზდავენ, ვერც გავიგებ. როგორც ჩანს, სხვებსაც ურეკავენ. საქართველო ლამაზო”, – წერს ონლაინმედია “აპრილის” ჟურნალისტი, გიორგი ბასხაჯაური სოციალურ ქსელში. ,,სტუდენტები ევროპული მომავლისთვის” წერს, რომ დარეკეს რამდენიმე აქტივისტთან: ,,დღეს რამდენიმე აქტივისთან, მათ შორის ჩვენი ორგანიზაციის წარმომადგენლობასთან, განხორციელდა ზარი აღნიშნული ნომრიდან. უცნობი მამაკაცი რეკავს პროცესში ჩართულ აქტივისტებთან და შეურაცხყოფას აყენებს რუსული კანონის კრიტიკის გამო. გთხოვთ გაითვალისწინოთ და არ აჰყვეთ პროვოკაციას”, – წერს…

საქართველოს მთავრობის დადგენილებით, 2024 წლის 7, 8 და 10 მაისი უქმე დღეებად გამოცხადდა. ინფორმაცია 30 აპრილს საქართველოს საკანონმდებლო მაცნეს გვერდზე გამოქვეყნდა. უქმე დღეები არ ვრცელდება: საქართველოს ეროვნული ბანკის ზედამხედველობას დაქვემდებარებული პირების წინაშე შესასრულებელ ფინანსურ ვალდებულებებზე. შესყიდვებთან დაკავშირებულ და სახელმწიფო შესყიდვებთან დაკავშირებული დავების განხილვის საბჭოს საქმიანობაზე. აღსანიშნავია, რომ აღნიშნულ უქმე დღეებში სკოლები, ბაღები, საჯარო სამსახურების დიდი ნაწილი დაისვენებს. შინაგან საქმეთა სამინისტროს მიერ გამოქვეყნებულ განცხადებაში ვკითხულობთ, რომ აღდგომის ბრწყინვალე დღესასწაულთან დაკავშირებით, 3 მაისიდან 10 მაისის ჩათვლით პერიოდი გამოცხადებულია უქმე დღედ. 11 მაისიდან მომსახურების სააგენტოს ყველა სტრუქტურული ერთეული მუშაობას ჩვეულ რეჟიმში განაახლებს. იმ…

ჩატარებული გაწმენდითი სამუშაოების შედეგად, საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის გუდაური(ფოსტა)-კობის მონაკვეთზე მსუბუქი ავტოტრანსპორტის მოძრაობა აღდგენილია, ხოლო თოვლის გამო, მისაბმელიანი და ნახევრადმისაბმელიანი ავტოტრანსპორტის გადაადგილება აკრძალულია. ინფორმაციას საავტომობილო გზების დეპარტამენტი ავრცელებს. გარემოს ეროვნული სააგენტოს ცნობით, გუდაური(ფოსტა)–კობის მონაკვეთზე ავტოტრანსპორტის მოძრაობა განხორციელდება გაუჩერებლად გავლის რეჟიმში, მხოლოდ ზვავდამცავი გვირაბების გავლით.

მაშველებმა სვანეთში, მდინარე ნაკრაში, დაკარგული მესამე მოზარდის, 18 წლის საბა გვარმიანის ცხედარი ცოტა ხნის წინ იპოვეს. მას და კიდევ ორ ახალგაზრდას მაშველები 6 დღე ეძებდნენ. „ნუ იტყვით ჩემზე ცუდს იქ, სადაც მე არ ვარ!…“, – წერდა ფეისბუკის უკანასკნელ პოსტში საბა გვარმიანი. შეგახსენებთ, რომ 2 მაისს 3 მოზარდი სოფელ ჭუბერიდან ნაკრაში ბრუნდებოდა, რა დროსაც ავარიაში მოყვნენ და მდინარეში გადაცვივდნენ.

,,ერთად აღვნიშნოთ ევროპის დღე”, – საქართველოს პრეზიდენტის ინიციატივით, 9 მაისს 21:00 საათზე, ათონელის ქუჩაზე ევროპის დღე აღინიშნება. პრეზიდენტის ადმინისტრაციის ცნობით, გაიმართება კონცერტი, რომელშიც მონაწილეობას მიიღებენ: ლიზა ბათიაშვილი, გიორგი გიგაშვილი, ნინი ნუცუბიძე, კატო კვარაცხელია, ნიკალა ზუბიაშვილი, მარიამ კუბანსკი, დათა მუნჯიშვილი, ელენე კალანდაძე და ერეკლე გეწაძე, Loudspeakers , დაგადაგანი, quemmekh.

კახეთში 34 წლის მამაკაცს ავტომობილი შეეჯახა და ადგილზე გარდაიცვალა. შემთხვევა, ლაგოდეხის მუნიციპალიტეტის სოფელ ბაისუბანთან მოხდა. ადგილობრივების ინფორმაციით, ქვეითად მოსიარულე მამაკაცს გადაჭარბებული სიჩქარით მოძრავი მერსედესის მარკის ავტომობილი შეეჯახა. შეჯახების შედეგად მიღებული ტრავმებით, ქვეითი დაიღუპა.

ცოტა ხნის წინ, სვანეთში, მესამე დაკარგული მოზარდის ცხედარიც იპოვეს. მაშველებმა მე-12 კლასის მოსწავლის, საბა გვარმიანის ცხედარს მდინარე ენგურში მიაგნეს. ამ წუთებში ისინი მის ამოყვანას ცდილობენ. შეგახსენებთ, რომ სამი არასრულწლოვანი, 2 მაისს, ავტომობილით, სოფელ ჭუბერიდან სახლში სოფელ ნაკრასში ბრუნდებოდა, რა დროსაც ავტომობილი, უამინდობის გამო, მოცურდა და მდინარე ნაკრასში გადავარდა. მათი ძებნის ოპერაცია 6 დღე გრძელდებოდა.

მეტეოროლოგი, კობა ფარტენაძე, ამინდის განახლებულ პროგნოზს აქვეყნებს: ,,მიმდინარე წლის აღდგომის სადღესასწაულო დღეები, გასული წლებისგან განსახვავებით წვიმიანი იქნება! უახლოეს დღეებში, ამინდს მთელი ქვეყნის ტერიტორიაზე, გრილი და ნოტიო ჰაერის მასების ინტენსიური გავრცელება განსაზღვრავს. რაც შეეხება 6 მაისს, ქვეყნის მთელს ტერიტორიაზე, ნალექის ინტენსივობა დაიკლებს და მხოლოდ მცირე წვიმა შენარჩუნდება, ასე, რომ ამ ჩვენთვის მნიშვნელოვან დღეს, დიდ ორშაბათს, როდესაც პატივი უნდა მივაგოთ მიცვალებულებს, ძლიერი წვიმის საშიშროება ნაკლებია. 7 მაისიდან, დაიწყება გამოდარება და 8 მაისს საქართველოში მზიანი ამინდი იქნება. თუ თქვენს ცხოვრებაში დიდი პარასკევი არ არის, არ შეიძლება იყოს აღდგომის სიხარული მთელი სისავსით, შესაბამისად, ეს…

ჭაბუა ამირეჯიბის გზატკეცილზე, სადაც კლდოვანი ფერდის გამაგრების სამუშაოები მიმდინარეობს, უხვი ნალექის გამო მიწის მასა ჩამოიშალა. შექმნილი მდგომარეობიდან გამომდინარე, დღეს 18:00 საათამდე, ჭაბუა ამირეჯიბის გზატკეცილზე არსებული გვირაბიდან თამარაშვილის ქუჩის მიმართულებით, საავტომობილო მოძრაობა სრულად შეიზღუდება. ,,შეზღუდვის პერიოდში, ავტომობილები გადაადგილებას შეძლებენ ქაქუცა ჩოლოყაშვილის გზატკეცილის, სულხან ცინცაძისა და მიხეილ თამარაშვილის ქუჩის გამოყენებით. თბილისის მერია ბოდიშს გიხდით შექმნილი დისკომფორტისთვის!”, – აღნიშნულია მერიის განცხადებაში.