ჩეხეთი პრაღის უნივერსიტეტში თავდასხმის შედეგად მოკლულ 15 ადამიანს გლოვობს. ხვალ მთელი ქვეყნის ტერიტორიაზე დაირეკება გლოვის ზარები და დაღუპულთა ხსოვნას წუთიერი დუმილით პატივს მიაგებენ.
შეგახსენებთ, რომ სროლა გუშინ შუადღისას 3 საათზე დაიწყო უნივერსიტეტის ხელოვნების ფაკულტეტის შენობაში. თავდამსხმელი 24 წლის სტუდენტი იყო, პოლიციის ინფორმაციით, ის ლიკვიდირებულია. მასიური სროლის შედეგად დაღუპულთა რიცხვი 15-მდე გაიზარდა, დაშავებულია 35-ზე მეტი ადამიანი.
