დღე: ნოემბერი 25, 2022

,,თუ შენს მიწას სრულად ვერ დაიბრუნებ, ომი უბრალოდ გაყინულია. მისი განახლება დროის საკითხია,”- ამის შესახებ უკრაინის პრეზიდენტმა, ვოლოდიმირ ზელენსკიმ Financial Times-თან ინტერვიუში განაცხადა. უკრაინის ლიდერის თქმით, მას მიაჩნია, რომ ბრძოლის ველი არის გზა, როდესაც არ არსებობს დიპლომატია. „მესმის, რომ ყველა დაბნეულია შექმნილი სიტუაციით და იმით, რა ბედი ეწევა ყირიმს. თუ ვინმე მზად არის შემოგვთავაზოს გზა ყირიმის დეოკუპაციისკენ არასამხედრო გზებით, მე მხოლოდ მომხრე ვიქნები… თუ გადაწყვეტა არ მოიცავს დეოკუპაციას და ყირიმი რუსეთის ფედერაციის ნაწილია, არავინ უნდა დაკარგოს დრო ამაზე. ეს დროის კარგვაა,”- განაცხადა ზელენსკიმ.

უკრაინის შინაგან საქმეთა მინისტრის მრჩეველის, როსტისლავ სმირნოვის განცხადებით, ხერსონიდან უკან დახევისას რუსმა ოკუპანტებმა საბავშვო სათამაშოებიც კი დანაღმული დატოვეს. მისი თქმით, ხერსონში დანაღმვის მასშტაბები უკიდურესად დიდია. “ახლა მთავარი აქცენტი კეთდება განაღმვაზე. დანაღმვის მასშტაბები ძალიან დიდია. ნაღმები საბავშვო სათამაშოებში, ფეხბურთის ორ ბურთს შორისაც კი იყო დადებული”, – აღნიშნა სმირნოვმა. სმირნოვის ინფორმაციით, ხერსონის ოლქის დეოკუპირებულ ტერიტორიებზე მაშველებმა უკვე გაანეიტრალეს 5 000-ზე მეტი ასაფეთქებელი მოწყობილობა.

,,უშუქობა არ არის ყველაზე უარესი რამ, რაც ჩვენს თავს ხდება,”- ამის შესახებ უკრაინის პირველმა ლედიმ, ოლენა ზელენსკამ განაცხადა. მისი თქმით, უკრაინა ზამთარს გაუძლებს და გააგრძელებს ბრძოლას. ,,მზად ვართ, გავუძლოთ ამას. იმდენი საშინელი გამოწვევა გვქონდა, იმდენი მსხვერპლი, ნგრევა ვნახეთ, რომ უშუქობა არ არის ყველაზე უარესი რამ, რაც ჩვენს თავს ხდება“, – განაცახადა უკრაინის პირველმა ლედიმ. ოლენა ზელენსკმა გამოკითხვასაც ეხმიანება, რომლის  თანახმადაც,  უკრაინელების 90%  მზად არის იცხოვროს ელექტროენერგიის დეფიციტის პირობებში ორი-სამი წლის განმავლობაში, თუ ევროკავშირში გაწევრიანების პერსპექტივას დაინახავენ. „იცით, ადვილია მარათონზე სირბილი, როცა იცი რამდენი კილომეტრია… ”ზოგჯერ შეიძლება ძალიან რთული იყოს, მაგრამ…

გერმანიის ყოფილი კანცლერის, ანგელა მერკელის განცხადებით, უკრაინაში რუსეთის შეჭრა სიურპრიზი არ ყოფილა. მისივე თქმით, პუტინსთვის მოლაპარაკების დროს ერთადერთ რამეს აქვს მნიშვნელოვანი და ეს ძალაა. „ჩემი სურვილი იყო, რომ ჩემი თანამდებობიდან წასვლის შემდეგ მშვიდობა ყოფილიყო და ამიტომ მიწევდა უკრაინის თემატიკაზე ბევრი მუშაობა. მაგრამ ეს შეჭრა არ იყო სიურპიზი. მინსკის შეთანხმება გაქარწყლდა. 2021 წლის ზაფხულში, ბაიდენისა და პუტინის შეხვედრის შემდეგ, მსურდა პუტინთან, საფრანგეთის პრეზიდენტ მაკრონთან და ევროკავშირის საბჭოსთან ერთად უკრაინის საკითხის განსახილველად დამოუკიდებელი ევროპული ფორმატის ჩამოყალიბება. მაგრამ ვიღაც წინააღმდეგი წავიდა, მე კი უკვე ძალა არ მქონდა, რომ ეს დაჟინებით მომეთხოვა, რადგანაც ყველამ…

,,ეს დამარცხებულების შურისძიებაა,”- ასე ეხემიანება უკრაინის პრეზიდენტი ვოლოდიმირ ზელენსკი, ხერსონის მისამართით ცეცხლის გახსნას. მისი თქმით, ასეთი ტერორი მაშინ დაიწყო, როგორც კი რუსეთის არმია იძულებული გახდა, ხერსონიდან დაქცეულიყო. მის შესახებ უკრაინის პრეზიდენტმა ტრადიციული ვიდეომიმართვის დროს ისაუბრა. „თითქმის ყოველ საათში ერთხელ ვიღებ ინფორმაციას ოკუპანტების მიერ ხერსონზე მიტანილი დარტყმების შესახებ. ასეთი ტერორი დაიწყო მაშინვე, როგორც კი რუსეთის არმია იძულებული გახდა, გაქცეულიყო ხერსონიდან. ეს დამარცხებულების შურისძიებაა. არ იციან, როგორ იომონ. ერთადერთი, რაც შეუძლიათ, არის დატერორება. ან ენერგეტიკული ტერორი, ან საარტილერიო ან სარაკეტო. ეს არის ის, სადამდეც მოხდა რუსეთის დეგრადაცია მოქმედი მმართველების პერიოდში“, – განაცხადა უკრაინის პრეზიდენტმა.…

,,რუსეთის თავდასხმები უკრაინის ენერგეტიკულ ინფრასტრუქტურაზე მილიონობით უკრაინელისთვის დამანგრეველ ჰუმანიტარულ კრიზისს იწვევს, – ამის შესახებ საქართველოს პრეზიდენტი სალომე ზურაბიშვილი სოციალურ ქსელში წერს. პრეზიდენტის თქმით, საქართველო განაგრძობს  მტკიცე და ძლიერი უკრაინელი ხალხის თანადგომას. „რუსეთის მუდმივი თავდასხმები უკრაინის ენერგეტიკულ ინფრასტრუქტურაზე მილიონობით უკრაინელისთვის დამანგრეველ ჰუმანიტარულ კრიზისს იწვევს. ეს მიუღებელი ომის დანაშაულებებია, რომელთა სამიზნეც მშვიდობიანი მოსახლეობაა. საქართველო განაგრძობს  მტკიცე და ძლიერი უკრაინელი ხალხის თანადგომას“, – წერს სალომე ზურაბიშვილი „ტვიტერზე“.