დღე: ნოემბერი 9, 2022

უკრაინის პრეზიდენტმა ხერსონში არსებული დასახლებების 4  სამხედრო ადმინისტრაცია შექმნა. ბრძანებულება სახელმწიფოს მეთაურის ოფიციალურ გვერდზე უკვე გამოქვეყნდა. მის მიხედვით: სახელმწიფოს მეთაურმა გადაწყვიტა შექმნას: ხერსონის ოლქის სკადოვსკის რაიონის დოლმატოვსკაიას სოფლის სამხედრო ადმინისტრაცია; ხერსონის ოლქის სკადოვსკის რაიონის გოლოპრისტანსკის საქალაქო სამხედრო ადმინისტრაცია; ხერსონის ოლქის კახოვსკის რაიონის კახოვკას საქალაქო სამხედრო ადმინისტრაცია; ხერსონის ოლქის კახოვსკის რაიონის კრესტოვსკის სოფლის სამხედრო ადმინისტრაცია. უკრაინის შეიარაღებული ძალების გენერალურ შტაბს, ხერსონის რეგიონალურ სახელმწიფო ადმინისტრაციას სამხედრო ადმინისტრაციების ფორმირება დაევალა. შეგახსენებთ, რომ, რუსული მედიის ინფორმაციით, რუსეთის თავდაცვის მინისტრმა რუსული არმიის დნეპრის მარჯვენა სანაპიროდან და ქალაქ ხერსონიდან გაყვანის ბრძანება გასცა. რუსეთის თავდაცვის მინისტრმა ჯარების გაყვანის…

მეტი...

უკრაინის პრეზიდენტის ადმინისტრაციის ხელმძღვანელის განცხადებით, რუსეთი ხერსონს საკუთარი სურვილით კი არ ტოვებს, ის უკრაინულმა არმიამ გააძევა. „რუსეთის არმია არ ტოვებს ხერსონს, ის ხერსონიდან უკრაინის თავდაცვის ძალებმა გააძევა. ნოკაუტში ჩააგდეს მძიმე ბრძოლით, დანაკარგებით, მტრის თავდაცვის მეთოდური გამოფიტვით, მძიმე და სისხლიანი სამხედრო შრომით. ძვირფასო ხერსონელებო, აქ ვართ, დავბრუნდით. ასე რომ, თქვენც ბრუნდებით. კეთილი იყოს, თქვენი სახლში დაბრუნება“, – აცხადებს არესტოვიჩი. მისი თქმით, შეტაკებები მარჯვენა სანაპიროზე გარკვეული პერიოდი გაგრძელდება, თუმცა, ამის შემდეგ კი დადგება რთული პერიოდი სტაბილიზაციის ზომებისთვის. რუსეთის თავდაცვის მინისტრმა ჯარების გაყვანის ბრძანება გასცა  

მეტი...

რუსეთის თავდაცვის მინისტრის ბრძანებასთან დაკავშირებით განცხადებას იენს სტოლტენბერგიც აკეთებს. როგორც ნატოს გენერალური მდივანი აცხადებს, ჯარების გასვლის გადაწყვეტილება გმირი უკრაინელი მებრძოლების დამსახურებაა. „გამამხნევებელია იმის ხილვა, რომ უკრაინულმა არმიამ შეძლო, გაეთავისუფლებინა ქვეყნის ტერიტორიის დიდი ნაწილი. ჩვენ მოვისმინეთ განცხადება, მაგრამ,  დაველოდებით და ვნახავთ, რა მოხდება რეალურად ადგილზე. რაც ვიცით, არის ის, რომ რუსეთი ჯერ კიევის გარშემო ჩრდილოეთიდან განდევნეს, შემდეგ ხარკოვის გარშემო აღმოსავლეთიდან და ახლა ვხედავთ, როგორ ახერხებენ უკრაინელები, ნელ-ნელა უკან დაახევინონ სამხრეთში, ხერსონის გარშემო. უკრაინის შეიარაღებული ძალების გამარჯვებები, მიღწევები ეკუთვნის მამაც, გაბედულ უკრაინელ ჯარისკაცებს. ასევე, მნიშვნელოვანია ის მხარდაჭერა, რომელსაც ისინი იღებენ გაერთიანებული სამეფოსგან,…

მეტი...

რუსები უკრაინის გარკვეული ტერიტორიებიდან გადიან. კერძოდ, რუსული არმია დნეპრის მარჯვენა სანაპიროსა და ქალაქ ხერსონს ტოვებს. ჯარების გაყვანის ბრძანება რუსეთის თავდაცვის მინისტრმა გასცა. რუსული მედიის ინფორმაციით მინისტრ სერგეი შოიგუს ბრძანების შესაბამისად, უკრაინის დატოვების პროცესი დაწყებულია. უკრაინული მხარე კი აცხადებს, რომ რუსეთმა გადაწყვეტილება უკრაინაში შექმნილი ვითარების გამო მიიღო. „არსებული ვითარების შეფასების შემდეგ, შეთავაზებულია თავდაცვის პოზიციის მდინარე დნეპრის მარცხენა სანაპიროზე დაკავება. მესმის, რომ ეს არ არის მარტივი გადაწყვეტილება. ამავდროულად, ჩვენ შევინარჩუნებთ ჩვენი სამხედროების სიცოცხლეს და ჩვენი საბრძოლო დაჯგუფების ბრძოლისუნარიანობას, რომლის მარჯვენა სანაპიროზე შეზღუდულ სივრცეში შენახვა უპერსპექტივოა. ამავდროულად, გათავისუფლდება ძალებისა და რესურსების ნაწილი, რომელიც გამოყენებულ…

მეტი...

,,ამერიკის შეერთებული შტატების შუალედური არჩევნები მნიშვნელოვანია, მაგრამ შედეგს არ ექნება არსებითი გავლენა რუსეთ – ამერიკის ურთიერთობებზე,” – ამის შესახებ კრემლის პრეს-სპიკერმა დიმიტრი პესკოვმა განაცხადა. მისივე თქმით, რუსეთ – ამერიკის ურთიერთობები დიდი ალბათობით, ისევ ცუდ მდგომარეობაში დარჩება. „რა თქმა უნდა, ეს არჩევნები მნიშვნელოვანია, მაგრამ, ალბათ, არ შევცდები, თუ ვიტყვი, რომ არაა საჭირო სერიოზულად გავაზვიადოთ ამ არჩევნების მნიშვნელობა რუსეთ-ამერიკის ორმხრივი ურთიერთობების მომავლისთვის მოკლე და საშუალოვადიან პერსპექტივაში“, – აღნიშნა პესკოვმა.  

მეტი...

უკრაინის ხელისუფლება სამინისტროების 20-დან 14-მდე შემცირებას გეგმავს. მინისტრთა კაბინეტის რეორგანიზაციასთან დაკავშირებით, პრეზიდენტი ზელენსკი პრემიერ დენის შმიგალს უკვე შეხვდა. არსებული ინფორმაციით, მუნიციპალიტეტებისა და ტერიტორიების განვითარების სამინისტრო, ინფრასტრუქტურის სამინისტრო და დროებით ოკუპირებული ტერიტორიების რეინტეგრაციის სამთავრობო სამსახური გაერთიანდება ინფრასტრუქტურისა და ტერიტორიის განვითარების სამინისტროში. ევროპული და ევროატლანტიკური ინტეგრაციის ფუნქცია დაემატება კულტურისა და საინფორმაციო პოლიტიკის სამინისტროს და დაერქმევა ევროინტეგრაციის, კულტურისა და საინფორმაციო პოლიტიკის სამინისტრო. ეკონომიკის სამინისტრო, სტრატეგიული მრეწველობის სამინისტრო (ნაწილობრივ) და აგრარული პოლიტიკისა და სურსათის სამინისტრო გაერთიანდება ეკონომიკური განვითარების სამინისტროში. ციფრული ტრანსფორმაციის სამინისტრო, უკრაინის საჯარო სამსახურის ეროვნული სააგენტო (საჯარო სამსახური) და სტრატეგიული მრეწველობის სამინისტრო (ნაწილობრივ)…

მეტი...

აშშ-ის თავდაცვის მდივნის მოადგილე პოლიტიკის საკითხებში კოლინ კალი აცხადებს, რომ რუსეთმა, სავარაუდოდ, თავისი ძირითადი საბრძოლო ტანკების ნახევარი და გამოიყენა ზუსტი მართვადი იარაღის უმეტესობა დაკარგა. „პუტინმა მარცხი განიცადა. რუსეთი ამ ომიდან უფრო სუსტი გამოვა, ვიდრე იყო “,- განაცხადა კალიმ. მისივე თქმით, ომის დაწყებიდან, რუსეთმა იმაზე მეტი მსხვერპლი განიცხადა, ვიდრე საბჭოთა კავშირმა ავღანეთში.

მეტი...

რუსეთის პრეზიდენტის პრესმდივანი, დიმიტრი პესკოვი ოკუპირებულ ლუგანსკში იმყოფებოდა. არსებული ინფორმაციით, პესკოვმა “ლუგანსკის მედიისა და პრესსამსახურის წარმომადგენლებისთვის”  “სასწავლო პროგრამა” ჩაატარა და მისი მუშაობის საფუძვლები გაუზიარა. ამასთან, ვრცელდება ინფორმაცია იმის შესახებ,რომ კრემლის პრესსპიკერი ოკუპირებული რეგიონის “ოფიციალურ პირებსაც” შეხვდა.  

მეტი...

რუსეთის ძალისხმევა ყირიმის ხიდის შესაკეთებლად გრძელდება, მაგრამ ნაკლებად სავარაუდოა, რომ მან სრულად ფუნქციონირება მინიმუმ 2023 წლის სექტემბრამდე დაიწყოს, – ამის შესახებ უკრაინა-რუსეთის ომის შესახებ, გაერთიანებული სამეფოს თავდაცვის სამინისტროს სადაზვერვო ანგარიშშია ნათქვამი. „ყირიმის ხიდზე თავდასხმამ გამოიწვია ყირიმსა და სამხრეთ უკრაინაში რუსული ლოჯისტიკური მიწოდების შეფერხება, რამაც შეამცირა რუსეთის შესაძლებლობა, გადაიტანოს სამხედრო ტექნიკა და ჯარები რეგიონში სარკინიგზო ან საავტომობილო გზით“, – წერს ბრიტანეთის თავდაცვა. ცნობისთვის, ყირიმის, იგივე ქერჩის ხიდი, ანექსირებულ ნახევარკუნძულსა და რუსეთის სამხრეთ ნაწილს ერთმანეთთან აკავშირებს. ხიდი 8 ოქტომბერს, აფეთქების შედეგად დაზიანდა. რუსეთი აფეთქებაში უკრაინას ადანაშაულებს.

მეტი...

,,ახლა არის დრო, რომ ყველა პოლიტიკური პარტია, მათ შორის მმართველი და ოპოზიციური, გაერთიანდნენ და შეასრულონ ქართველი ხალხის დაკვეთა,”- ამის შესახებ საქართველოში აშშ-ის ელჩმა, კელი დეგნანმა განაცხადა. ელჩის თქმით, აშშ წუხს საქართველოში პოლიტიკური გარემოს დეპოლარიზაციის გაგრძელების გამო. „ვეთანხმებით მოწოდებას პოლიტიკური მხარეების მისამართით, რომ გაერთიანდნენ დემოკრატიული მართლმსაჯულების და ანტიკორუფციული ამბიციური რეფორმებისთვის. ეს სამუშაო მიმდინარეობს და ეს უნდა გაკეთდეს ინკლუზიურად. ვფიქრობ, საქართველოს აქვს კანონპროექტების წარდგენის ძალიან კარგი გამოცდილება ვენეციის კომისიასთან და სხვა ევროპულ საექსპერტო სტრუქტურებთან თანამშრომლობით, რომ მიეღო უკუკავშირი მის გასარკვევად, შეესაბამება თუ არა ეს ევროპულ სტანდარტებს იმ დროს, როდესაც საქართველოს ევროპული მომავლისკენ მიმავალ გზაზე შემდეგი ძალიან…

მეტი...

საქართველოში ბრიტანეთის ელჩის, მარკ კლეიტონის განცხადებით, ყველა პოლიტიკურმა პარტიამ უნდა იმუშაოს ერთად და შეასრულოს 12 რეკომენდაცია. მისი თქმით, დიდი ბრიტანეთი აღარ არის ევროკავშირის წევრი და შესაბამისად, აღარ არის პირდაპირ ჩართული ევროკომისიის 12 რეკომენდაციაზე მუშაობის პროცესში. „თუმცა, დიდი ბრიტანეთი მხარს უჭერს საქართველოს მისწრაფებებს ევროკავშირისა და რა თქმა უნდა, ნატო-ს წევრობისკენ. ამის უკან დგას ძალიან საბაზისო დემოკრატიული მომენტი, კერძოდ ის, რომ ქართველმა ხალხმა თქვა, რომ მათ სურთ ევროკავშირსა და ნატო-ში გაწევრიანება და ყველა ძირითადი პოლიტიკური პარტია ამბობს, რომ ისინიც მხარს უჭერენ ამ წევრობას. ჩვენი პოზიცია არის ის, რომ ჩვენ მოვუწოდებთ ყველა პოლიტიკურ პარტიას, იმუშაონ…

მეტი...

უკრაინის შეიარაღებული ძალების გენერალური შტაბის ინფორმაციითმ, რუსეთმა ომის დაწყებიდან დღემდე, დაახლოებით 77 950 ჯარისკაცი დაკარგა. გენშტაბის ცნობით, ოკუპანტების სამხედრო დანაკარგი ასეთია:​ ჯარისკაცი – დაახლოებით 77 950; ​ტანკი – 2 801; ჯავშანტექნიკა – ​5 666; საარტილერიო სისტემა – 1 802; სარაკეტო სისტემა – 393; საზენიტო საბრძოლო სისტემა – 205; თვითმფრინავები – 278; ვერტმფრენი – 260; ოპერატიულ-ტაქტიკური უპილოტო საფრენი აპარატი – 1 483; საკრუიზო რაკეტები – 399;  საავტომობილო ტექნიკა და საწვავის ავზები – 4 227; გემი/ნავი/კატარღა – 16; სპეციალური აღჭურვილობა – 159.

მეტი...