დღე: ნოემბერი 19, 2022

რუსეთის კუნძულ სახალინზე მდებარე სოფელ ტიმოვსკოეში, ხუთსართულიან სახლში გაზის აფეთქება მოხდა, რასაც ადგილობრივი მედიის ინფორმაციით, 9 ადამიანი შეეწირა. დაღუპულთა შორის 8, 10 და 12 წლის ოთხი ბავშვია. მომხდარ ტრაგედიას სახალინის რეგიონის გუბერნატორი, ვალერი ლიმარენკოც ადასტურებს. წინასწარი ცნობით, სახლში 20-ლიტრიანი გაზის “ბალონი” აფეთქდა, რომელიც ერთ-ერთმა მცხოვრებმა სამზარეულოსთვის გამოიყენა. ვინაიდან საცხოვრებელი სახლი გაზიფიცირებული არ არის, მობინადრეები დღემდე გაზის “ბალონებით” სარგებლობენ. ადგილობრივი ხელისუფლება დაზარალებულთა და დაღუპულთა ოჯახებს ფულად კომპენსაციას დაჰპირდა.

დიდი ბრიტანეთის პრემიერ-მინისტრი, რიში სუნაკი კიევში ჩავიდა. ინფორმაციას უკრაინის პრეზიდენტი ვოლოდიმირ ზელენსკი ავრცელებს. როგორც ზელენსკი წერს, ორი ქვეყნის ლიდერმა შეხვედრაზე უკრაინისა და გლობალური უსაფრთხოების საკითხები განიხილეს. ცნობისთვის, სუნაკი ბრიტანეთის პრემიერმინისტრი 25 ოქტომბერს გახდა. აღსანიშნავია, რომ პრემიერად დანიშვნის შემდეგ, ეს კიევში მისი პირველი ვიზიტია.

,,უბრალოდ ომის დასრულება არ იძლევა მშვიდობის გარანტიას. რუსეთი ახლა ეძებს ხანმოკლე ზავს – შესვენებას ძალების აღსადგენად, ასეთი შესვენება მხოლოდ გააუარესებს სიტუაციას” – განაცხადა უკრაინის პრეზიდენტმა, ვოლოდიმირ ზელენსკიმ ჰალიფაქსის უსაფრთხოების საერთაშორისო ფორუმზე უკრაინის ლიდერის განცხადებით, გრძელვადიანი მშვიდობა შეიძლება იყოს მხოლოდ რუსული აგრესიის სრული დანგრევის შედეგი „ნებისმიერ გაჟღერებულ იდეას ჩვენი მიწის ან სუვერენიტეტის დათმობაზე არ შეიძლება მშვიდობა ეწოდოს. ამორალური კომპრომისები ახალ სისხლს გამოიწვევს“ – აღნიშნა ზელენსკიმ. ზელენსკიმე პარტნიორებს უკრაინის მიერ ინიცირებული 10-პუნქტიანი „მშვიდობის ფორმულის“ განხორციელებაში დახმარებისკენ მოუწოდა. „უკრაინის „მშვიდობის ფორმულაში“ 10 პუნქტია. ეს არის გამოწვევები, რომლებიც უნდა დაიძლიოს უკრაინის, ევროპისა და მსოფლიოს…

კიევიდან ხერსონში რუსეთის სრულმასშტაბიანი შეჭრის დაწყების შემდეგ პირველი მატარებელი ჩავიდა – ინფორმაციას უკრაინული მედია ავრცელებს. მატარებელი დედაქალაქიდან 18 ნოემბერს, ადგილობრივი დროით 22:14 საათზე გავიდა. ვაგონებში 200 მგზავრი იმყოფებოდა. ხერსონში მატარებელი უკრაინელი მხატვრების მიერ, პროექტის „მატარებლები გამარჯვებისკენ“ ფარგლებში, მოხატული ვაგონებით ჩავიდა. პროექტი „უკრზალიზნიცისა“ და UNITED 24-ის ერთობლივი მონაწილეობით განხორციელდა. ვაგონებს „უკრზალიზნიცის“ ობიექტებზე კაპიტალური რემონტი ჩაუტარდა და თანამედროვე სტანდარტების შესაბამისად აღიჭურვა.

ირანში, საპროტესტო აქციის მონაწილეებმა ისლამური რესპუბლიკის დამაარსებლის, აიათოლა ხომეინის სახლ-მუზეუმს ცეცხლი წაუკიდეს. ინფორმაციას „ბიბისი“ ავრცელებს. მედიის ცნობით, სოციალურ ქსელებში ვრცელდება ვიდეოკადრებიც, თუმცა ადგილობრივი ხელისუფლება ამ ფაქტს უარყოფს. გავრცელებული ინფორმაციით, სწორედ ამ სახლში დაიბადა აიათოლა ხომეინი, მოგვიანებით კი, შენობა მუზეუმად გადაკეთდა. პარალელურად, აქცია გაიმართა ქალაქ ზაჰედანში, სადაც მონაწილეები სკანდირებდნენ „სიკვდილი ხამენეი​ს“, რომელშიც ამჟამინდელი სულიერი ლიდერი, აიათოლა ალი ხამენეი მოიაზრება.