დღე: ნოემბერი 17, 2022

,,12 პრიორიტეტის განხორციელებასთან დაკავშირებით, ევროკომისარმა ძალიან მკაფიოდ უთხრა ყველას, ვისაც შეხვდა, რომ საჭიროა ეროვნული კონსენსუსი, რაც ნიშნავს ინკლუზიურობას მთავრობის მხრიდან და კონსტრუქციულ ჩართულობას ოპოზიციის მხრიდან“ – განაცხადა საქართველოში ევროკავშირის ელჩმა, პაველ ჰერჩინსკიმ. დიპლომატის შეფასებით, ახლა ჯერი საქართველოზეა, რომელმაც უნდა დაამტკიცოს, რომ მზადაა გახდეს კანდიდატი. „მას შემდეგ, რაც ზაფხულში ევროკავშირის ლიდერებმა საქართველოს ევროპული პერსპექტივა მიანიჭეს, ევროკავშირის კარი გაიღო და ახლა საქართველომ უნდა დაამტკიცოს, რომ ის მზადაა შემდგომი ნაბიჯების გადასადგმელად. საქართველოში ვიზიტისას ევროკომისარმა ვარჰეიმ ორ ძირითად საკითხზე გაამახვილა ყურადღება, ესენია – ევროკომისიის 12 პრიორიტეტი (რეკომენდაცია) საქართველოსთვის და ევროპის საინვესტიციო გეგმა. 12 პრიორიტეტის…

„ქართული ოცნების“ წევრი ირაკლი ზარქუა სენატორ ჯინ შაჰინზე გაკეთებულ კომენტარზე განმარტებას აკეთებს. „დღევანდელ ფაქტს მინდა გამოვეხმაურო: 1. დღეს გავრცელდა ჩანაწერი, რომელშიც ჩანს თითქოს შევურაცხყოფ აშშ-ის სენატორს. რეალურად სენატორის შეურაცხყოფის მიყენების მიზანი ნამდვილად არ მქონია და აბსოლუტურად სხვა კონტექსტში ვხუმრობდი ჟურნალისტებთან ოფიციალური კომენტარის გაკეთებამდე, ვიდრე კამერებს ჩართავდნენ. მანამდე დაწყებული ხუმრობის გაგრძელებასთან რომ გვქონდა საქმე, ეს იქ მყოფმა ჟურნალისტებმაც კარგად იციან. 2. ნებისმიერ შემთხვევაში ვწუხვარ, თუკი ვინმემ ისე გაიგო ჩემი გამონათქვამი, რა კონტექსტით და მიზნითაც ნაცმედიამ გაავრცელა. P. S. როგორც წესი ასეთი შავი, არაოფიციალური მასალის გამოყენებას ჟურნალისტები არ კადრულობენ-ხოლმე, თუმცა, როგორც ჩანს,…

,,რუსეთი არის მხარე, რომელიც საბოლოო ჯამში პასუხისმგებელია პოლონეთში ჩამოვარდნილ რაკეტაზე” – აღნიშნა აშშ-ის სახელმწიფო მდივანმა ენტონი ბლინკენმა აზია-წყნარი ოკეანის ეკონომიკური თანამშრომლობის სამიტზე, 15 ნოემბერს პოლონეთის ტერიტორიაზე ჩამოვარდნილ რაკეტასთან დაკავშირებით. მისივე განცხადებით, რუსეთი ყოველდღიურად ბომბავს უკრაინას რაკეტებით. „რუსეთი რაკეტებით, ცდილობს უკრაინის კრიტიკულად მნიშვნელოვანი ინფრასტრუქტურა გაანადგუროს, დაარღვიოს ქვეყნის შესაძლებლობა უზრუნველყოს ელექტრომომარაგება, თბო მომარაგება”, – განაცხადა სახელმწიფო მდივანმა.

უკრაინული მხარის ინფორმაციით, კიევის ოლქში ოთხი რუსული რაკეტა და ხუთი კამიკაძე უპილოტო თვითმფრინავი, „შაჰედი“ ჩამოაგდეს. ორი უპილოტო საფრენი აპარატის განეიტრალება კი უშუალოდ კიევის თავზე მოხდა. უკრაინულმა ძალებმა ექვსი რაკეტა ოდესის ოლქის ტერიტორიაზე ჩამოაგდეს.

უკრაინის შეიარაღებული ძალების გენერალური შტაბის მთავარი ოპერატიული დირექტორატის უფროსის მოადგილეს, ალექსეი გრომოვის განცხადებით, კიევმა დროებით ოკუპირებული ყირიმის ნახევარკუნძულის მიმდებარე ტერიტორიაზე კონტროლი დაამყარა. მისივე ინფორმაციით, უკრაინის არმიამ უკვე დნეპრის სანაპირომდე მიაღწია. „ჩვენმა სამხედროებმა მართლაც მიაღწიეს მდინარე დნეპრის სანაპიროს, რაც საშუალებას გვაძლევს გავაკონტროლოთ ტერიტორია დროებით ოკუპირებულ ყირიმის ნახევარკუნძულთან. უკრაინის შეიარაღებული ძალების სამხედრო მოსამსახურეები ყველაფერს აკეთებენ იმისათვის, რომ მტერს მაქსიმალურად შეუტიონ“, – აცხადებს გრომოვი.  

,,შუქისა და სითბოს ნაკლებობა უკრაინის ხელისუფლების ქმედებების შედეგია, რომელსაც პრობლემის გადაჭრა არ სურს” – აცხადებს კრემლის პრესსპიკერი დიმიტრი პესკოვი. პესკოვის განცხადებით, რუსეთი თავს დაესხა მხოლოდ იმ ინფრასტრუქტურულ ობიექტებს, რომლებიც „პირდაპირ ან ირიბად უკავშირდება უკრაინის სამხედრო პოტენციალს და უკრაინის რეჟიმს“. შეგახსენებთ, უკრაინაზე მასიური სარაკეტო თავდასხმისას 15 ნოემბერს, რუსეთმა იერიშები ძირითადად ენერგეტიკულ ობიექტებზე მიიტანა, რის შედეგადაც, დაახლოებით 10 მილიონი უკრაინელი ელექტროენერგიის გარეშე დარჩა.

საქართველოს პარლამენტის წევრი, მმართველი გუნდის წარმომადგენელი ირაკლი ზარქუა ამერიკელ სენატორს „ჩათლახს“ უწოდებს. ჯინ შაჰინი სწორედ ის პოლიტიკოსია, ვინც დეპუტატ ირაკლი ზარქუას მსგავსი შეფასება დაიმსახურა. ჟურნალისტის კითხვას, რომელიც ჯინ შაჰინის საქართველოსთან დაკავშირებულ განცხადებას ეხებოდა, ზარქუამ კითხვა არ დაასრულებინა და შაჰინის გვარის ხსენებაზე ასე უპასუხა: „ჩათლახი“… რომელი პარტიიდანაა ეგ ტიპი, იცი?.. ვინ არის წონიანი?.. დემოკრატი იქნება, გაგიმაზავ…” შეგახსენებთ, რომ 16 ნოემბერს აშშ-ის სენატის საგარეო ურთიერთობების კომიტეტის სხდომაზე ევროპის ქვეკომიტეტის თავმჯდომარე ჯინ შაჰინმა თქვა, რომ საქართველოს დახმარება შეიძლება, ქვეყნის ქმედებებს დაუკავშირონ: „საჭიროა ვიფიქროთ, არის თუ არა დრო, გადავხედოთ ჩვენს სტრატეგიას საქართველოსთან მიმართებით. მათ…

ჰააგის სასამართლომ დონბასში “მალაიზიის ავიახაზების” რეის MH17-ის ჩამოგდებასთან დაკავშირებით გადაწყვეტილება მიიღო. კერძოდ, დადასტურდა, რომ მისი ჩამოგდება  რუსული რაკეტით მოხდა. Reuters-ის ინფორმაციით, როგორც ჰააგის სასამართლოში აცხადებენ,  2014 წელს „მალაიზიის ავიახაზების” რეის MH17-ის ჩამოსაგდებად, რაკეტის გაშვება უკრაინის აღმოსავლეთში მდებარე, რუსეთის მიერ კონტროლირებადი ე.წ. დონეცკის სახალხო რესპუბლიკის ტერიტორიიდან მოხდა. „სასამართლოს მიაჩნია, რომ MH17 ჩამოგდებულ იყო პერვომაისკთან მდებარე სასოფლო-სამეურნეო მიწის მონაკვეთიდან გაშვებული “ბუკის” რაკეტით, რის შედეგადაც, 283 მგზავრი და ეკიპაჟის 15 წევრი გარდაიცვალა”, – აცხადებს ჰააგის სასამართლოს მოსამართლე ჰენდრიკ სტეინჰაუსი. სასამართლო ასევე ადასტურებს, რომ თვითმფრინავის ჩამოგდების დროს,  ე.წ. “დონეცკის სახალხო რესპუბლიკას” რუსეთის ფედერაცია აკონტროლებდა.

,,ტერორის რაც უფრო მეტ ფორმას გამოიყენებს რუსეთი ამ ომში, მით მეტ ფულს გამოიყენებს მსოფლიო იარაღზე და ისეთი თავდასხმების პოტენციური განმეორებისგან თავის დასაცავად, როგორსაც ჩვენ განვიცდით,” ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა. მისი თქმით, გლობალური ვითარება პირდაპირ დამოკიდებულია იმაზე, თუ როდის და როგორ დასრულდება რუსული აგრესია. „რუსეთის მორიგი ტერაქტი ახლახან მოხდა, მთავარი სამიზნე სამოქალაქო ობიექტებია. რუსეთი ებრძვის ხალხისთვის განკუთვნილ ელექტროენერგიას და გათბობას, აფეთქებს ელექტროსადგურებს და სხვა ენერგეტიკულ ობიექტებს. ეს არის ახლა უკრაინაში ყოველდღიური ცხოვრება რუსული ტერორის გამო. სწორედ ამიტომ, ჩვენ ამხელა ძალისხმევას ვწევთ ჩვენი პარტნიორებისგან თანამედროვე საჰაერო თავდაცვისა და რაკეტსაწინააღმდეგო…

,,უკრაინა მშვიდობის ფორმულას გთავაზობთ, უბრალო ცეცხლის შეწყვეტით არაფერი გადაწყდება,”- ამის  შესახებ უკრაინის პრეზიდენტმა, ვოლოდიმირ ზელენსკიმ Bloomberg-ის ახალი ეკონომიკის ფორუმზე სიტყვით მიმართვისას განაცხადა. მისი თქმით, სტაბილურობის აღდგება  მხოლოდ რუსეთის მიერ პროვოცირებული კრიზისების შერბილებით ვერ მოხდება. ,,უკრაინა მშვიდობის ფორმულას გთავაზობთ. ეს ნამდვილად არის მშვიდობის ფორმულა არა მხოლოდ ჩვენთვის, არამედ მსოფლიოსთვის. როდესაც საფრთხე რთულია, მაშინ პასუხიც რთული უნდა იყოს. უბრალო ცეცხლის შეწყვეტით არაფერი გადაწყდება. ეს არის ზუსტად ჩვენი ფორმულა. ჩვენ უნდა აღვადგინოთ მშვიდობა – საიმედოდ, გრძელვადიან პერსპექტივაში. თქვენ ვერ აღადგენთ სტაბილურობას მხოლოდ რუსეთის მიერ პროვოცირებული კრიზისების შერბილებით. ყოველი საფრთხე მთლიანად უნდა იყოს განეიტრალებული”,-…

უკრაინის პრეზიდენტის ადმინისტრაციის ხელმძღვანელის მრჩეველი, მიხაილო პოდოლიაკი უკრაინის წინააღმდეგ დღეს განხორციელებულ კიდევ ერთ მასობრივ სარაკეტო დარტყმას ეხმაურება. მისი თქმით, რუსეთი აგრძელებს მშვიდობიანი მოსახლეობის ტერორს და კრიტიკული ინფრასტრუქტურის განადგურებას. „ისევ „რაკეტების ცა“ მთელი უკრაინის თავზე. რუსეთი აგრძელებს მშვიდობიანი მოსახლეობის ტერორს და კრიტიკული ინფრასტრუქტურის განადგურებას. უკრაინა იმეორებს: რუსმა სამხედრო დამნაშავეებმა უნდა წააგონ და აღმოჩნდნენ განსასჯელის სკამზე. მშვიდობის სხვა გზა უბრალოდ არ არსებობს“, – წერს პოდოლიაკი.

რუსულმა ძალებმა აღმოსავლეთ უკრაინაში გაზის მწარმოებელი კომპანია Naftogaz Ukrainy დაბომბეს. განადგურებულია რამდენიმე ობიექტი, ზოგი კი დაზიანებულია. ხანძარი საგანგებო სიტუაციების სახელმწიფო სამსახურმა ჩააქრო. Naftogaz Ukrainy-ის გამგეობის თავმჯდომარის, ოლექსი ჩერნიშევის ინფორმაციით, დაზიანებულ ობიექტებზე სპეციალისტები მუშაობენ, რომლებიც თავდასხმის შედეგებსა და მასშტაბებს შეაფასებენ და დადგინდება ინფორმაცია მსხვერპლის შესახებაც.

,,უნდა გადავლახოთ ეს ზამთარი და გაზაფხულზე უფრო ძლიერები ვიყოთ,”- ამის შესახებ უკრაინის პრეზიდენტი, ვოლოდიმირ ზელენსკი სოციალურ ქსელ ”ფეისბუქში” წერს. ,,რაც არ უნდა სურდეს ტერორისტებს, რის მიღწევასაც არ უნდა ცდილობდნენ, ჩვენ უნდა გადავლახოთ ეს ზამთარი და გაზაფხულზე უფრო ძლიერები ვიყოთ, ვიდრე ახლა ვართ, კიდევ უფრო მზად ჩვენი ტერიტორიის განთავისუფლებისთვის, ვიდრე ახლა ვართ”,- წერს ზელენსკი.

,,ომის შემდეგ, უკრაინის ეკონომიკის აღდგენის ძირითადი წყარო გაყინული რუსული აქტივები იქნება,”- ამის შესახებ უკრაინის პრემიერ-მინისტრმა, დენის შმიგალმა კიევის საერთაშორისო ეკონომიკურ ფორუმზე სიტყვით გამოსვლისას განაცხადა. მისივე თქმით, რუსეთის აგრესიამ დაანგრია და გაანადგურა ქვეყნის ინდუსტრიული საწარმოები და უმსხვილესი ქარხნები, რომელთა აღდგენასაც დრო დასჭირდება. ,,პრეზიდენტი, მთავრობა, დიპლომატები ახლა აქტიურად მუშაობენ იმის უზრუნველსაყოფად, რომ გაყინული რუსული აქტივები – 300 მილიარდ დოლარზე მეტი, პლუს ოლიგარქების აქტივები, რუსული ბიზნესის აქტივები – მოხმარდეს ჩვენს აღდგენას. ეს იქნება ხერხემალი და ჩვენი აღდგენის მთავარი წყარო და რესურსი, მათ შორის ახალი საცხოვრებლების, ხიდების, ახალი ქალაქების, ყველაფრის მშენებლობაში“, – აღნიშნა შმიგალმა.…