შინაგან საქმეთა სამინისტრომ ვერაზე მოხდარ სროლის ფაქტთან დაკავშირებით გამოძიება დაიწყო. გამოძიება 236-ე მუხლით მიმდინარეობს, რაც ცეცხლსასროლი იარაღის უკანონო შეძენა-შენახვა ტარებას გულისხმობს.
არსებული ინფორმაციით, ვერაზე, ნიკოლაძის ქუჩაზე, 5 ნომერში მეზობლებს შორის კონფლიქტს 4-მდე გასროლა მოჰყვა.
ადგილობრივების ნაწილი ამბობს, რომ დაპირისპირება ძაღლის გამო მოხდა, ხოლო მეორე ვერსიით, აივნიდან გაისროლეს, კონფლიქტის მონაწილეების დასაშლელად. მომხდარის შედეგად არავინ დაშავებულა.
