დღე: ნოემბერი 28, 2022

,,მიხეილ სააკაშვილი ასე კარგად თუ არის და შეუძლია სიარული, გასვლა, გარეთა პროცესებში მონაწილეობის მიღება, მაშინ კლინიკაში ხომ არ იქნებოდა?!”- ამის შესახებ კლინიკა „ვივამედის“ დირექტორმა ნინო ნადირაძემ განაცხადა. მისი თქმით, ექიმებმა მიიჩნიეს, რომ სააკაშვილის ტრანსპორტირება ამ ეტაპზე გამართლებული არ იყო. „არც მანამდე და არც ერთხელ ჩვენ მიგვიცია ეტაპირებაზე თანხმობა. პარასკევს ნევროლოგის კონსულტაცია ჩატარდა, რომელმაც უარყოფითი დინამიკა აღნიშნა. შესაბამისი კვლევები დაინიშნა. დღეს და ხვალ ამ კვლევებს ჩავატარებთ. განისაზღვრება შემდგომი მკურნალობის ტაქტიკა. რაც შეეხება გადაყვანას, ჩვენ არცერთ შემთხვევაში და არცერთ ეტაპზე სასამართლოში წაყვანისა და ტრანსპორტირების ნებართვა არ გაგვიცია. პაციენტის პოზიცია ჩემი გადასაწყვეტი არ…

,,ახლა მამიკოს ბიჭად წარმოჩნდა ნიკა მელია, ძალიან კარგი მამა ჰყავს და ის ჩართო ღიად რინგზე,”- ამის შესახებ პარტია „კანონი და სამართლის“ ლიდერმა  თაკო ჩარკვიანმა განაცხადა. მისი თქმით, ნიკა მელიას ტროლ-ბოტები „ქართული ოცნების“ ტროლ-ბოტებისგან არაფრით განსხვავდება. „რა თქმა უნდა, ის აბსოლუტურად არ განსხვავდება „ქოცების“ ტროლ-ბოტებისგან. მეტიც, ჩემს ბავშვობაში ვხუმრობდით ხოლმე და დედიკოს ბიჭებს ვეძახდით, ახლა მამიკოს ბიჭად წარმოჩნდა ნიკა მელია, ძალიან კარგი მამა ჰყავს და ის ჩართო ღიად რინგზე. ცოტა უხერხულია ასაკში მყოფი მამის რინგში ჩართვა“, – აღნიშნა თაკო ჩარკვიანმა.

,,დარწმუნებული ვიყავი, რომ მიშა უნდა მოსულიყო, აქ უნდა ყოფილიყო. მე მოვედი, ამდენი ხალხი მოვიდა და ის არ არის, არაფერი არ ვიცი,” – ამის შესახებ მიხეილ სააკაშვილის დედამ, გიული ალასანიამ განაცხადა. მისი თქმით, ძალიან ღელავს და ფიქრობს, ”ისე ცუდად ხომ არ გახდა, რომ უკვე მისი ტრანსპორტირებაც ვერ მოხდა”. „ძალიან დიდი სურვილი მაქვს, რომ სწრაფად ვნახო და დაველაპარაკო, არანაირი ინფორმაცია არ მაქვს, ათას რაღაცას ვფიქრობ. იქნებ, ისევ ცუდად გახდა მოულოდნელად. დილით დავინახე, რომ უკეთდებოდა გადასხმა, სუსტად იყო, ვკითხე კიდეც როგორ ხარ-თქო და სუსტადო მითხრა. ვიდრე არ ვნახავ ჩემს შვილს და არ გავიგებ…

,,მიხეილ სააკაშვილის ჯანმრთელობის მდგომარეობა მკვეთრად გაუარესებულია. პრაქტიკულად მუდმივად წევს, როგორც ექიმებმაც დამიდასტურეს, ფეხზე არ დგება, არ დადის,”- ამის შესახებ საქართველოს სახალხო დამცველმა, ნინო ლომჯარიამ განაცხადა. ომბუდსმენმა ყოფილი პრეზიდენტი მიხეილ სააკაშვილი კლინიკა „ვივამედში“ მოინახულა. „ვნახე მიხეილ სააკაშვილი, პირადად ვესაუბრე, ასევე, შევხდი მის მკურნალ ექიმს და ადვოკატს. მიხეილ საკაშვილს დაახლოებით 10 წუთის განმავლობაში ვესაუბრე, უფრო დიდხანს უჭირს, არ შეუძლია საუბარი. არ ვარ ექიმი, მაგრამ ერთი შეხედვით, მახსოვს, როგორი იყო შარშან, იანვარში ჰოსპიტალში და ვიზუალურად განსხვავება ძალიან თვალშისაცემია. მისი ჯანმრთელობის მდგომარეობა მკვეთრად გაუარესებულია, ვიზუალურადაც ეტყობა. მკვეთრად არის დაკლებული წონაში. პრაქტიკულად მუდმივად წევს, როგორც…

ფინანსთა მინისტრის ლაშა ხუციშვილის განცხადებით,  ყოველწლიურად საჯარო სექტორში დასაქმებულთა ხელფასები 10%-ით გაიზრდება. მისივე თქმით, მომავალ წელს კი გამონაკლისის სახით ჯარის, პოლიციისა და უსაფრთხოების სამსახურის ანაზღაურება 20%-ით მოიმატებს. „საჯარო პირობად გვაქვს აღებული, რომ ყოველწლიურად დაახლოებით 10%-ით გაიზარდოს საჯარო სამსახურში დასაქმებულთა ხელფასები, რადგან მეტ-ნაკლებად კონკურენტულ გარემოში შეძლონ საჯარო სამსახურებმა ფუნქციონირება. ეს წელი გამონაკლისია უშუალოდ ჯარისთვის, პოლიციისთვის და უსაფრთხოების სამსახურის თანამშრომლებისთვის. არსებული რეალობიდან და რისკებიდან გამომდინარე იქნა ეს გადაწყვეტილება მიღებული და მათი ხელფასები 20%-ით გაიზრდება“,- განაცხადა ლაშა ხუციშვილმა.

,,ხელისუფლებას არ სურს, რომ საზოგადოება სააკაშვილის მძიმე მდგომარეობაში დარწმუნდეს,” – ამის შესახებ ”ნაციონალური მოძრაობის” თავმჯდომარემ, ნიკა მელიამ განაცხადა. მისი თქმით, უახლოეს დღეებში დაცვის მხარე მიმართავს სასამართლოს სასჯელის გადავადებასთან დაკავშირებით. ,,ვინც თვალყურს ადევნებს მიხეილ სააკაშვილის მდგომარეობას უკანასკნელი ერთი წლის განმავლობაში, ცალსახად მიხეილ სააკაშვილის ჯანმრთელობის მდგომარეობა უმძიმესია და არ სურს ხელისუფლებას საზოგადოება დარწმუნდეს იმაში, რაშიც დარწმუნებულია სამედიცინო საზოგადეობის ყველა წარმომადგენელი, ვისაც ჰქონდა საშუალება მასთან შესვლის, იმ ადამიანების სიმართლეში დარწმუნდეს მთელი საზოგაოდება, ვინც დასკვნა დაწერა, იმ პოლიტიკოსების, მათ შორის, მიხეილ სააკაშილის მეგობრების სიტყვებში, რომლებსაც აქვთ შესძლებლობა დროდადრო შევიდნენ და ინფორმაცია გამოიტანონ და მერე…

,,სოციალურად დაუცველების დასაქმების პროგრამით დაახლოებით 30 000 მდე სოციალურად დაუცველი დასაქმდა, მინიმუმ 200 000 შრომისუნარიანი სოციალურად დაუცველი გვყავს და ჩვენი სურვილია, რომ ყველა ეს ადამიანი დავასაქმოთ,”-ამის შესახებ საქართველოს პრემიერ-მინისტრმა ირაკლი ღარიბაშვილმა მთავრობის სხდომაზე განაცხადა. პრემიერ-მინისტრის თქმით, მნიშვნელოვანია, სოციალურად დაუცველების არა მხოლოდ საზოგადოებრივ საქმიანობაში ჩართვა, არამედ ბიზნესში მათი ეტაპობრივი გადასვლა და მათი პროფესიული უნარების განვითარება. „რამდენიმე თვის წინ ჩვენ დავიწყეთ ახალი ინიციატივის განხორციელება, ეს შეეხებოდა სოციალურად დაუცველების დასაქმებას. ესეც არის ევროპული მოდელი, გამოცდილება. დაახლოებით 30 000 მდე სოციალურად დაუცველი დასაქმდა უკვე. ეს არის ბევრი, მაგრამ არც ცოტაა, მაგრამ რესურსი გაცილებით უფრო…

,,ნაციონალური მოძრაობის“ წევრის ხატია დეკანოიძის განცხადებით, მიხეილ სააკაშვილს ექიმებმა კლინიკიდან სასამართლოში გადაყვანის ნებართვა არ მისცეს. მისი თქმით, ექიმები სააკაშვილის გადაყვანაზე პასუხისმგებლობას ვერ იღებენ. ,,საქართველოს მესამე პრეზიდენტს მიხეილ სააკაშვილს მკურნალმა ექიმებმა კლინიკა „ვივამედიდან“ საქალაქო სასამართლოში მის პროცესზე დასასწრებად ეტაპირების ნება არ დართეს,” – განაცხადა დეკანოიძემ.  

პრემიერ-მინისტრ ირაკლი ღარიბაშვილის განცხადებით, მომდევნო ორი წლის განმავლობაში ქვეყანაში საერთაშორისო დონის ვარსკვლავები ჩამოვლენ და კონცერტებს გამართავენ. მისი თქმით, აღნიშნული პროექტისთვის 70 მილიონი ლარი გამოიყოფა. „ტურიზმის ხელშეწყობის მიზნით, ჩვენ გვაქვს გეგმა, მომდევნო ორი წლის განმავლობაში ქვეყანაში ჩამოვიყვანოთ მსოფლიო დონის ვარსკვლავები, არტისტები. ივნისში, ივლისში, აგვისტოსა და სექტემბრის დასაწყისში საქართველოში გაიმართება მსოფლიო დონის შემსრულებლების კონცერტები სტადიონებზეც და ასევე „ბლექ სი არენაზეც“. გამოვყოფთ 70 მილიონ ლარს, ჩვენ გვაქვს ამის შესაბამისი თანხები. მომდევნო ორ წელიწადში ეს პროექტი დაფინანსდება და, ვფიქრობ, დამატებით მოიზიდავს ტურისტებს. საინტერესო პროგრამა გამოგვივა“, – განაცხადა ღარიბაშვილმა.