დღე: ნოემბერი 1, 2022

ოკუპირებული აფხაზეთის შემდეგ, რუსეთის ფედერაცია სოციალურ-ეკონომიკური განვითარების პროგრამაზე ოკუპირებულ ე.წ. სამხრეთ ოსეთთან საუბრობს და პირობას აძლევს,  რომ მის განხორციელებაში დაეხმარება. „მოხარული ვართ, მოგესალმოთ მოსკოვში, როგორც სამხრეთ ოსეთის რესპუბლიკის საგარეო საქმეთა მინისტრს. ჩვენი პოლიტიკური დიალოგი აგრძელებს ინტენსიურ განვითარებას…. ჩვენ დავამყარეთ აქტიური კონტაქტი საგარეო საქმეთა სამინისტროების, პრეზიდენტის ადმინისტრაციების, ასევე საპარლამენტო დონეზე და ამჟამად მზადება მიმდინარეობს რესპუბლიკის პარლამენტის თავმჯდომარის ალან ალბოროვის მოსკოვში ვიზიტისთვის, რუსეთის ფედერაციის სახელმწიფო სათათბიროს თავმჯდომარის ვიაჩესლავ ვოლოდინის მოწვევით“, – განაცხადა ლავროვმა ე.წ. სამხრეთ ოსეთის საგარეო საქმეთა მინისტრთან ახსარ ჯიოევთან შეხვედრაზე. მისივე თქმით, „სამხრეთ ოსეთის რესპუბლიკის სოციალურ-ეკონომიკური განვითარების პროგრამის განხორციელებაში რუსეთი…

მეტი...

გაეროს, უკრაინისა და  თურქეთის შეთანხმების შედეგად, ჰუმანიტარული დერეფანი, რომელიც ე.წ. მარცვლეულის შეთანხმების ფარგლებში მოქმედებდა, 2 ნოემბერს დახურული იქნება და ხომალდების გადაადგილება შეჩერდება. ერთობლივი განცხადებით,  თუ რუსეთის მხრიდან ე.წ. მარცვლეულის შეთანხმებაში მონაწილეობის შეჩერების შემდეგ გემები იმოძრავებენ, ეს იქნება დროებითი და ექსტრაორდინალური ზომა. ასევე ცნობილია, რომ თურქეთის ჩართულის ე.წ. მარცვლეულის შეთანხმების განახლებაზე პუტინის მხრიდან. ორ პრეზიდენტს შორის აღნიშნულ თემაზე საუბარიც კი შედგა. როგორც პუტინმა ერდოღანთან შეხვედრისას აღნიშნა, ის უკრაინისგან გარანტიებს ითხოვს, რომ უკრაინა სტამბოლის შეთანხმებას დაიცავს. თურქული მხარის ინფორმაციით, პრეზიდენტი მაქსიმალურს ეცდება, რომ უკრაინიდან მარცვლეულის უსაფრთხო  ექსპორტი განხორციელდეს.  

მეტი...

რუსეთის ბრალდების საპირისპიროდ, რომ დასავლეთი მსოფლიოს გლობალურ ომში ითრევს, საფრანგეთი უკრაინას სამხედრო დახმარებას უზრდის. ასეთია პრეზიდენტ მაკრონის პასუხი ოკუპანტი ქვეყნის მიმართ. „პრეზიდენტ ზელენსკის დავუდასტურე, რომ  ჩვენ ბოლომდე მობილიზებულები ვართ, რათა რაც შეიძლება სწრაფად გავზარდოთ უკრაინისთვის ჩვენი სამხედრო დახმარება, კერძოდ საჰაერო თავდაცვა. უკრაინის ელექტროენერგიისა და წყალმომარაგების ინფრასტრუქტურა მნიშვნელოვნად დაზარალდა რუსული თავდასხმების შედეგად. ზამთრამდე უნდა ვიმოქმედოთ. ჩვენ სწრაფად მოვახდენთ საერთაშორისო თანამეგობრობისა და კერძო სექტორის მობილიზებას”, – აცხადებს საფრანგეთის პრეზიდენტი მაკრონი.  

მეტი...

რუსეთის ფედერაცია დასავლეთს ისევ თავს ესხმის და აცხადებს, რომ მისი ინტერესი მსოფლიო გლობალური ომის გაჩაღებაა. კერძოდ, უშიშროების საბჭოს თავმჯდომარის მოადგილე დიმიტრი მედვედევი ამბობს, რომ დასავლეთის ქვეყნები მსოფლიოს გლობალური ომისკენ უბიძგებენ. „ყველაფერს თავისი სახელი დავარქვათ. დასავლეთის ქვეყნები მსოფლიოს უბიძგებენ გლობალური ომისკენ. მხოლოდ რუსეთის სრული და საბოლოო გამარჯვება არის გარანტი მსოფლიო კონფლიქტის წინააღმდეგ”, – აცხადებს მედვედევი. ის დასავლელი ლიდერების ფრაზების ანალიზსაც ახდენს და ასკვნის, რომ რასაც ისინი აცხადებენ, რუსეთისთვის დიდი საფრთხეა. ისინი ამბობენ,  რომ  რუსეთს არ უნდა მივცეთ ომის მოგების საშუალება. რას ნიშნავს ეს სინამდვილეში?  თუ რუსეთი არ იმარჯვებს, მაშინ, როგორც ჩანს, უკრაინა…

მეტი...

უკრაინის დაზვერვის ინფორმაციით, ნოემბერში ირანიდან რუსეთში  200 საბრძოლო დრონის გაგზავნა იგეგმება. უკრაინული მხარე დრონების მოდელსაც ასახელებს, რაც ირანმა რუსეთს უნდა მიაწოდოს. საუბარია Shahed-136, Mohajer-6 და Arash-2 ტიპის ირანულ საბრძოლო დრონებზე. „უპილოტო საფრენი აპარატების მიწოდება კასპიის ზღვის გავლით ასტრახანის პორტში მოხდება. დრონები დაშლილ მდგომარეობაში გაიგზავნება. მომავალში, რუსეთის ფედერაციის ტერიტორიაზე, მათ თავიდან ააწყობენ, გადაღებავენ და რუსულ მარკირებას გაუკეთებენ”, – აღნიშნულია უკრაინული დაზვერვის ინფორმაციაში.  

მეტი...

უკრაინიდან მარცვლეულის ექსპორტთან დაკავშირებით, რომელიც პუტინის გადაწყვეტილებით შეჩერებულია, ერდოღანი ორივე მხრესთან მოლაპარაკებას გეგმავს. როგორც თურქეთის საგარეო მინისტრ აცხადებს, თურქული მხარე შეეცდება, პუტინი დაარწმუნოს, რომ ხელშეკრულება განაახლოს. „ჩვენი პრეზიდენტი დაელაპარაკება პუტინს და ზელენსკის უახლოეს დღეებში. ჩვენ გვჯერა, რომ ჩვენ ამას გადავლახავთ… მარცვლეულის შესახებ შეთანხმება ყველასთვის სასარგებლო იქნება”, – აცხადებს თურქეთის საგარეო საქმეთა მინისტრი ჩავუშოღლუ.

მეტი...

,,სიენენის” ინფორმაციით, ირანი ემზადება, რომ რუსეთს დაახლოებით 1 000 დამატებითი იარაღი, მათ შორის მცირე დისტანციის ბალისტიკური რაკეტები და დრონები გაუგზავნოს. უცნობია ზუსტი დრო, როდის ჩავა იარაღი რუსეთში. გამოცემის ცნობით,  ირანმა რუსეთს უკვე გაუგზავნა დაახლოებით 450 დრონი, რომელიც რუსეთმა უკრაინაში უკვე გამოიყენა. მათივე ინფორმაციით, ახალი შესაძლო გადაზიდვა ნიშნავს რუსეთის ომის მიმართ ირანის მხარდაჭერის მნიშვნელოვან ზრდას.  

მეტი...

კრემლის პრესსპიკერის, დიმიტრი პესკოვის განცხადებით,  შავი ზღვის ფლოტზე თავდასხმაში ლონდონის მონაწილეობას უპასუხოდ არ დატოვებენ. მისივე თქმით, მოსკოვი დამატებითი ნაბიჯების გადადგმას განიხილავს. „ასეთი ქმედებების რეაგირების გარეშე დატოვება არ შეიძლება. ცხადია, ჩვენ ვიფიქრებთ დამატებით ნაბიჯებზე, ამის გარეშე არ შეიძლება“, – განაცხადა პესკოვმა. პესკოვის მტკიცებით, რუსეთის სპეცსამსახურებს აქვთ მონაცემები, რომლებიც ადასტურებს, რომ სევასტოპოლში რუსულ გემებზე თავდასხმა ბრიტანელ სამხედროებთან კონსულტაციით ხდებოდა.

მეტი...

პენტაგონი უკრაინას სამხედრო დახმარების ახალ პაკეტს გადასცემს. დახმარება მოიცავს  საბრძოლო მასალასა და სხვა საშუალებებს, რომელთა საერთო ღირებულება 275 მილიონი დოლარია. კერძოდ, პაკეტში შედის: დამატებითი საბრძოლო მასალა HIMARS-ებისთვის; 500 მაღალი სიზუსტის 155 მმ საარტილერიო ჭურვი; 1300-ზე მეტი ტანკსაწინააღმდეგო სისტემა (მრავალფუნქციური თავდასხმის იარაღი SMAW, AT4); 125 Army Humvee-ის სატვირთო; ოთხი სატელიტური საკომუნიკაციო ანტენა. პენტაგონის ოფიციალური წარმომადგენელის თქმით, HIMARS უკრაინელებს ბრძოლის ველზე ვითარების შეცვლაში მნიშვნელოვნად ეხმარება.

მეტი...

,,ვფიქრობ, რომ 2023 წლის ზაფხულში უკრაინა ტერიტორიულ მთლიანობას აღადგენს. მათ შორის ყირიმის დეოკუპაციაც მოხდება,”- ამის შესახებ აშშ-ის არმიის ყოფილმა მთავარსარდალმა ევროპაში,  ბენ ჰოჯესმა განაცხადა. მისი თქმით,  წლის ბოლომდე უკრაინელები მტერს აიძულებენ 23 თებერვლამდე არსებულ პოზიციებს დაუბრუნდნენ. ,,ვფიქრობ, რომ 2023 წლის ზაფხულში უკრაინა ტერიტორიულ მთლიანობას აღადგენს. მათ შორის ყირიმის დეოკუპაციაც მოხდება. წლის ბოლომდე კი უკრაინელები მტერს აიძულებენ 23 თებერვლამდე არსებულ პოზიციებს დაუბრუნდნენ.  ომში მონაწილე მხარეებს წინ ძლიერი ზამთარი ელოდებათ, თუმცა დარწმუნებული ვარ უკრაინელები უკეთ მომზადებულები არიან. ამის მიზეზი კი საკუთარი ტერიტორიის დაცვაა. მსოფლიოს 50 ქვეყანა ერთსულოვნად ცდილობს უკრაინას მაქსიმალურად მიაწოდოს ის…

მეტი...

უკრაინის საგარეო საქმეთა სამინისტრო საერთაშორისო თანამეგობრობას მოუწოდებს, გააუქმოს პრეზიდენტ ვლადიმირ პუტინის მიწვევა G20-ის სამიტში მონაწილეობის მისაღებად. უწყების განმარტებით, პუტინი ”იდაყვებამდე სისხლიანი ხელებით არ უნდა იჯდეს ერთ მაგიდასთან მსოფლიო ლიდერებთან”. ,,პუტინმა საჯაროდ აღიარა, რომ უკრაინელი მშვიდობიანი მოსახლეობის და ენერგეტიკული ინფრასტრუქტურის წინააღმდეგ სარაკეტო დარტყმების ბრძანება გასცა. იდაყვებამდე სისხლიანი ხელებით არ უნდა იჯდეს ერთ მაგიდასთან მსოფლიო ლიდერებთან. პუტინის მოწვევა ბალის სამიტზე უნდა გაუქმდეს და რუსეთი უნდა გაირიცხოს დიდი ოცეულიდან” – წერს Twitter-ზე უკრაინის საგარეო საქმეთა სამინისტროს პრესსპიკერი ოლეგ ნიკოლენკო.

მეტი...

,,რა მოაქვს “რუსულ მშვიდობას” უკრაინელებისთვის? –  ტკივილი, ტანჯვა და განადგურება,”- ამის შესახებ უკრაინის პრეზიდენტი ვოლოდიმირ ზელენსკი სოციალურ ქსელ ”ფეისბუქში” წერს. ,,რა მოაქვს “რუსულ მშვიდობას” უკრაინელებისთვის? S-300 რაკეტები საცხოვრებელ კორპუსებში, საერთო საცხოვრებლებში, უნივერსიტეტებში. ტკივილი, ტანჯვა და განადგურება. ეს არის ის მოლაპარაკებები, რომელსაც თქვენ გვთავაზობთ? ტერორისტები. თქვენი ცინიკური ტაქტიკის ერთადერთი შესაძლო შედეგი იქნება დამარცხება და სამართლიანი სასჯელი ყველა დანაშაულისთვის,”- წერს ზელენსკი,

მეტი...