დღე: ნოემბერი 21, 2022

„ნაციონალური მოძრაობის“ თავმჯდომარემ, ნიკა მელიამ პარტიაში არსებული ვითარების შესახებ ისაუბრა. მელიას განცხადებით, პარტიის თავმჯდომარეობის არჩევნებზე, სავარაუდოდ, მხოლოდ 2 კანდიდატი იქნება და ისინი თავად ნიკა მელია და ლევან ხაბეიშვილი იქნებიან. „ძალიან დასანანი და ცოტა უხერხულია, როდესაც სააკაშვილის მიერ დაფუძნებულ პარტიაში, მის მიერ ჩამოყალიბებულ ევროპული ყაიდის გაერთიანებაში დღეს იმართება ის, რაც იმართება [თავმჯდომარის არჩევნები], მაგრამ ამ ყველაფერს ჩვენ თანმხვედრი ნაბიჯით დავხვდით. რამ მიგვაღებინა ეს გადაწყვეტილება, ამას მომავალში ვიტყვი. მე ვფიქრობ, რაც შეიძლება სწრაფად უნდა დასრულდეს ეს პროცესი, რადგან პარტია უნდა წარმოჩინედეს სრულიად სხვაგვარად ამომრჩევლის თვალში. დიდი მოლოდინია, რომ „ნაციონალური მოძრაობის“ თავმჯდომარეობის არჩევნებზე…

,,ნატო-ს საპარლამენტო ასამბლეის წლიურმა სესიამ დაასრულა მუშაობა. ამ სესიას ჰქონდა ძალიან დიდი პოლიტიკური დატვირთვა, რადგან ალიანსის მოკავშირეები, ნატო-ს წევრი სახელმწიფოები აგრძელებენ ევროატლანტიკური უსაფრთხოების ახალი დღის წესრიგის იმპლემენტაციას, სადაც მნიშვნელოვანი ადგილი უჭირავს ჩვენს ქვეყანას” – განაცხადა საქართველოს პარლამენტის თავდაცვისა და უშიშროების კომიტეტის თავმჯდომარე ირაკლი ბერაიამ. ბერაიას შეფასებით, საქართველოს მნიშვნელოვანი და პრიორიტეტული ადგილი უჭირავს ნატო-ს დღის წესრიგში. „მოვისმინეთ ალიანსის უმაღლესი პოლიტიკური თანამდებობის პირის, გენერალური მდივნის მიერ საქართველოს მიმართ გაჟღერებული მხარდაჭერა, რაც კიდევ ერთხელ ადასტურებს, რომ საქართველოს უჭირავს მნიშვნელოვანი და პრიორიტეტული ადგილი ნატო-ს უმაღლეს დღის წესრიგში. გამოვყოფდი იმ რეზოლუციებს, რომელიც მიიღო საპარლამენტო ასამბლეამ.…

,,დროა, ჩვენს პარტნიორებთან თანამშრომლობა გავაძლიეროთ. მათთან, ვისაც რუსული აგრესია ყველაზე მეტად შეეხო და დაზარალდა – როგორებიც არიან: საქართველო, მოლდოვა და ბოსნია-ჰერცეგოვინა”- განაცხადა NATO-ს გენერალურმა მდივანმა, იენს სტოლტენბერგმა ალიანსის საპარლამენტო ასამბლეაზე სიტყვით გამოსვლის დროს. ”ასევე, მსოფლიოში ყველა თანამოაზრე ქვეყანასთან. ლათინური ამერიკიდან ახლო აღმოსავლეთამდე, ჩრდილოეთ აფრიკიდან ინდოეთ-წყნარი ოკეანეთის რეგიონამდე. ჩვენ ვიზიარებთ უსაფრთხოების ინტერესებს და ერთნაირი გამოწვევების წინაშე ვდგავართ. ჩვენ შეგვიძლია და ამას ერთად უნდა გავუმკლავდეთ იმისთვის, რომ თავისუფლება ჩაგვრისგან, დემოკრატია კი ტირანიისგან დავიცვათ და შევინარჩუნოთ საერთაშორისო წესებზე დამყარებული ინსტიტუტები, რომლებსაც თითოეული ჩვენგანისთვის სიკეთე მოაქვს.”- აღნიშნა სტოლტენბერგმა

„ქალბატონო სალომე, არ მინდა დავიჯერო, რომ ერთგვარ შესავალს ამზადებთ, როგორ შეიწყალოთ (მიხეილ სააკაშვილი), როცა ამას ქვეყნის გარედან გეტყვიან“ – ასე მიმართა მოძრაობა „ხალხის ძალის“ ერთ-ერთმა ლიდერმა სოზარ სუბარმა საქართველოს პრეზიდენტს. სუბარის განცხადებით, სალომე ზურაბიშვილის ინტერვიუ BBC-სთან აშფოთებს, რადგან განცდას უტოვებს, რომ პრეზიდენტი მიხეილ სააკაშვილის შეწყალებას არ გამორიცხავს. „ქალბატონმა სალომე ზურაბიშვილმა BBC-სთან ინტერვიუში თითქოს „გადაახვია“ თავისი ყოფილი განცხადებები. გვახსოვს, არასდროს და არავითარ შემთხვევაში არ შევიწყალებო. დღეს უკვე დაიწყო ლაპარაკი, რომ „ჰო, არ ვიწყალებ ჯერჯერობით, მაგრამ მესამე პრეზიდენტი ციხეში არ უნდა მოკვდეს…“. ქალბატონო სალომე, გარწმუნებთ, რომ მის ჯანმრთელობას არაფერი არ ემუქრება და…

„დეოლიგარქიზაციის“ კანონპროექტთან დაკავშირებით განცხადებას ავრცელებს ევროკავშირის წარმომადგენლობა საქართველოში „დეოლიგარქიზაციის“ კანონპროექტმა მეორე მოსმენა გაიარა. კვლავ ვიმეორებთ ჩვენს მტკიცე მოსაზრებას, რომ ამ კანონის მიღებამდე უნდა იყოს მოთხოვნილი და შესრულებული ვენეციის კომისიის დასკვნა”, – აცხადებენ საქართველოში ევროკავშირის წარმომადგენლობაში.

,,მნიშვნელოვანია, რომ მიხეილ სააკაშვილის მკურნალობის პროცესი მაქსიმალურად სამართლიანად მიმდინარეობდეს”- განაცხადა ამერიკის შეერთებული შტატების ელჩმა საქართველოში, კელი დეგნანმა. “ჩვენ რეგულარულად, დიდი ყურადღებით ვადევნებთ თვალყურს მესამე პრეზიდენტის ჯანმრთელობის მდგომარეობას. მუდმივი კონტაქტი გვაქვს ამ თემაზე სახალხო დამცველთან და ჩვენ აუცილებლად გავაგრძელებთ მონიტორინგს. მნიშვნელოვანია, მისი ჯანმრთელობის მდგომარეობა იყოს დიდი ყურადღების ქვეშ და მისი მკურნალობის პროცესი მიმდინარეობდეს მაქსიმალურად სამართლიანად” – აცხადებს კელი დეგნანი.

საქართველოში აშშ-ის ელჩის, კელი დეგნანის განცხადებით, შეერთებული შტატები საქართველოს ყველაზე ძლიერი მხარდამჭერია ,,ნატო”-ში. დიპლომატის შეფასებით, აშშ ყოველთვის ცდილობს მოიძიოს სხვადასხვა გზები საქართველოს თავდაცვის ძალებთან და თავდაცვის სამინისტროსთან თანამშრომლობისთვის, რათა გაზარდოს საქართველოს შესაძლებლობები და თავსებადობა ალიანსთან. „აშშ არის საქართველოს ყველაზე ძლიერი მხარდამჭერი ნატო-ში. ნატო-სთან საქართველოს შესაძლებლობებისა და ურთიერთთავსებადობის გაზრდის მიზნით, ჩვენ მრავალი წლის განმავლობაში საკმაოდ მჭიდროდ ვთანამშრომლობთ საქართველოს თავდაცვის სამინისტროსთან, საგარეო საქმეთა სამინისტროსთან და მთელ მთავრობასთან. ცხადია, უფრო მეტი უნდა გაკეთდეს და ეს აისახება ხოლმე ყოველწლიურ ეროვნულ გეგმაში, რომელსაც საქართველოს მთავრობა ნატო-სთან ყოველწლიური კონსულტაციის შედეგად ამზადებს“, – აღნიშნა შეერთებული შტატების ელჩმა.…