დღე: ნოემბერი 4, 2022

ამერიკის შეერთებულმა შტატები უკრაინისთვის მორიგი დახმარების შესახებ ინფორმაციას ავრცელებს. საუბარია 400 მილიონი დოლარის ღირებულების სამხედრო პაკეტზე. სამხედრო დახმარების პაკეტი მრავალი მიმართულებისაა. მათ შორის იქნება  90 ერთეული T-72 ტანკი. პენტაგონის ინფორმაციით, შტატები და ნიდერლანდები ჩეხეთის რესპუბლიკაში შენახული T-72 ტანკების აღდგენის ხარჯებს ერთობლივად დაფარავენ. „ეს ტანკები ჩამოვა ჩეხეთიდან. აშშ გადაიხდის 45 ერთეულის აღდგენისთვის. ნიდერლანდების მთავრობა კი, თავისი ვალდებულებების შესაბამისად, გადაიხდის დანარჩენი 45 ტანკს. ჯამში, 90 ტანკი გაიგზავნება უკრაინაში. ეს იქნება ტექნიკურად განახლებული ტანკები” , – აცხადებენ პენტაგონში. დახმარების პაკეტში, ტანკების გარდა შედის 250 ერთეული M1117 ჯავშანტრანსპორტიორი, 40 ჯავშანტექნიკა, Hawk საზენიტო სარაკეტო სისტემები…

მეტი...

მინისტრი მარკო ბუშმანი უკრაინაში ჩავიდა. უსაფრთხოებიდან გამომდინარე, მისი ვიზიტის შესახებ წინასწარ ინფორმაცია არ გავრცელებულა. მინისტრმა კიევის რკინიგზის სადგურში განაცხადა, რომ გერმანია უკრაინის გვერდითაა. ერთ-ერთი მიმართულება, რაშიც გერმანია უკრაინას დაეხმარება, მართლმსაჯულების სისტემაა. დაგეგმილია მინისტრის ოფიციალური შეხვედრები. ბუშმანი პრეზიდენტ ზელენსკისაც შეხვდება, სადაც განიხილავენ ევროკავშირში მიღების საკითხსაც. როგორც უკრაინის იუსტიციის მინისტრი აცხადებს, ერთ-ერთი მთავარი მიზანია, გაეროს გენერალური ასამბლეის საგანგებო სესიაზე მიაღწიონ რეზოლუციის მიღებას, რომელიც ომის შედეგად უკრაინისთვის მიყენებული ზარალის ანაზღაურების მიზნით ფონდის შექმნას შეეხება. ბუშმანის შეფასებით, საერთაშორისო თანამეგობრობამ რუსეთს თავისი ადგილი უნდა მიუჩინოს.

მეტი...

„დიდი შვიდეული“ უკრაინის მხარდასაჭერად მორიგ ერთობლივ გზავნილს ავრცელებს. როგორც G7-ის წევრი ქვეყნის საგარეო მინისტრები აცხადებენ, მზად არიან, უკრაინას კრიტიკული ენერგეტიკული და წყლის ინფრასტრუქტურის შეკეთება-აღდგენა-დაცვაშიც დაეხმარონ. „ჩვენ მტკიცედ ვიდგებით უკრაინის გვერდით, რამდენ ხანსაც საჭირო იქნება… რუსეთის მხრიდან ქიმიური, ბიოლოგიური ან ბირთვული იარაღის ნებისმიერ გამოყენებას პასუხად მოჰყვება სერიოზული შედეგები. ჩვენ ასევე უარვყოფთ, რუსეთის ყალბ ბრალდებებს, თითქოს უკრაინა ემზადება რადიოლოგიური „ბინძური ბომბის“ გამოყენებისთვის. ატომური ენერგიის საერთაშორისო სააგენტოს ინსპექტორებმა დაადასტურეს, რომ ეს ბრალდებები უსაფუძვლოა და ჩვენ მივესალმებით უკრაინის გამჭვირვალობას“, – აღნიშნულია გზავნილში. რაც შეეხება სანქციებს, დიდი შვიდეული წევრი ქვეყნები აცხადებენ, რომ რუსეთს მოუწევს ეკონომიკური საფასურის გადახდა.…

მეტი...

რუსეთის ფედერაციის პრეზიდენტი აცხადებს, რომ ხერსონიდან ადგილობრივების  ევაკუაცია უნდა მოხდეს. მისი შეფასებით, ხერსონი სწორედ ყველაზე აქტიური და საშიში ზონაა მოსახლეობისთვის. „ისინი, ვინც ხერსონში ცხოვრობს, უნდა გაიყვანონ ყველაზე საშიში ქმედებების ზონიდან. მოსახლეობა არ უნდა იტანჯებოდეს ცეცხლის გახსნის გამო, რამე შეტევითი ან კონტრშეტევითი და სხვა სახის ღონისძიებებისგან, რომლებიც სამხედრო მოქმედებებს უკავშირდება“, – აცხადებს რუსეთის ფედერაციის პრეზიდენტი ვლადიმერ პუტინი. უკრაინული მხარე პუტინის განცხადებას მორიგ პროვოკაციას უწოდებს და ამბობს, რომ ეს არის უკრაინელების იძულებითი დეპორტაცია.

მეტი...

რუსეთის პრეზიდენტმა ვლადიმერ პუტინმა ხელი მოაწერა ბრძანებას, რომლის თანახმადაც რუსეთში ლეგალური ხდება იმ პირების გამოძახება სამხედრო სამსახურში, რომლებსაც მძიმე კრიმინალური წარსული აქვთ. რუსული მედიის ცნობით, გამონაკლისია ისეთი დანაშაული, როგორიცაა ბირთვული მასალებისა და რადიოაქტიური ნივთიერებების უკანონო მოპყრობა, მათი ქურდობა ან გამოძალვა.

მეტი...

„დიდი შვიდეული“ და ავსტრალია რუსულ ნავთობზე ფიქსირებული ფასის დაწესებაზე შეთანხმდნენ. ამის შესახებ ინფორმაციას სააგენტო „როიტერი“ ავრცელებს. წყაროს განცხადებით, კოალიცია შეთანხმდა, რომ ფასის ზედა ზღვარი ფიქსირებული იქნება და რეგულარულად გადაიხედება, რაც ბაზრის სტაბილურობას გაზრდის. ”როიტერის” ცნობით, ფასი ჯერ არ არის დადგენილი და ამ საკითხზე შეთანხმება უახლოეს პერიოდში უნდა მოხდეს.

მეტი...

,,რუსეთის ფედერაციის შეიარაღებულ ძალებში გაწევრიანების მსურველთა ნაკადი არ მცირდება და მობილიზებულთა რაოდენობამ 318 ათას ადამიანს მიაღწია,” – ამის შესახებ რუსეთის პრეზიდენტმა, ვლადიმერ პუტინმა განაცხადა. “ჩვენ უკვე გვყავს 318 000 (მობილიზებული). რატომ 318 000? იმიტომ, რომ მოხალისეები მოდიან. მოხალისეთა რაოდენობა არ მცირდება”, – აღნიშნა პუტინმა. რუსეთის ლიდერის განმარტებით, 318 000 მობილიზებულიდან 49 000 ადამიანი უკვე ჯარშია და საბრძოლო დავალებებს ასრულებს, დანარჩენები კი წვრთნებს გადიან.

მეტი...

ირანის პრეზიდენტი იბრაჰიმ რაისი ჯო ბაიდენს პასუხობს და აცხადებს, რომ ირანი 43 წლის წინ გათავისუფლდა. „მე ვეუბნები ბაიდენს, რომ ირანი 43 წლის წინ გათავისუფლდა“, – განაცხადა ირანის ლიდერმა თეირანში გამართულ აქციაზე სიტყვით გამოსვლისას. აშშ-ის პრეზიდენტმა, ჯო ბაიდენმა კონგრესის შუალედური არჩევნების კამპანიის დროს განაცხადა: „არ ინერვიულოთ, ჩვენ მალე გავათავისუფლებთ ირანს. ისინი საკუთარ თავს ძალიან მალე გაათავისუფლებენ“.

მეტი...

გერმანიის იუსტიციის მინისტრი მარკო ბუშმანი კიევში იმყოფება. ბუშმანი  მოლაპარაკების გამართვას გეგმავს, როგორც უკრაინის ხელისუფლებასთან ასევე  უფლებადამცველებთან. ,,რუსეთის ომის დანაშაულების გამოძიებას ბოლო თვეებში მეზობელ ქვეყანაზე თებერვალში განხორციელებული თავდასხმის შემდეგ დიდი მნიშვნელობა აქვს არა მხოლოდ უკრაინისთვის”, – განაცხადა  ბუშმანმა. მხარეებმა  იუსტიციის სფეროში თანამშრომლობის გეგმებს განიხილავენ, კერძოდ, უკრაინის ევროკავშირში გაწევრიანების გათვალისწინებით.  

მეტი...

,,ჩვენ ვებრძვით მყეფარე ძაღლების დიდ ხროვას დასავლური გალიებიდან,”- ამის შესახებ რუსეთის უშიშროების საბჭოს თავმჯდომარის მოადგილემ, დიმიტრი მედვედევმა განაცხადა. მისი თქმით, რუსები „ებრძვიან გიჟი ნარკომან-ნაცისტების გროვას”. „გვაქვს შესაძლებლობა, ყველა მტერი ცეცხლოვან გეენაში გავაგზავნოთ, მაგრამ ეს ჩვენი ამოცანა არ არის. ჩვენ გულში ვუსმენთ შემოქმედის სიტყვებს და ვემორჩილებით. ეს სიტყვები წმინდა მიზანს გვაძლევს. მიზანია ჯოჯოხეთის უზენაესი მმართველის შეჩერება, არ აქვს მნიშვნელობა, რა სახელს გამოიყენებს – სატანა, ლუციფერი თუ იბლისს, მისი მიზანი სიკვდილია. ჩვენი მიზანი სიცოცხლეა. მისი იარაღი ჩახლართული ტყუილია, ჩვენი იარაღი სიმართლეა. ამიტომ არის ჩვენი საქმე სწორი. ამიტომ გამარჯვება ჩვენი იქნება! “ –…

მეტი...

,,დროა მივესალმოთ ფინეთს და შვედეთს, როგორც ნატოს სრულუფლებიან წევრებს,”- ამის შესახებ ნატო-ს გენერალურმა მდივანმა, იენს სტოლტენბერგმა სტამბოლში ვიზიტისას განაცხადა, სადაც შეხვედრა გამართა თურქეთის საგარეო საქმეთა მინისტრ მევლუთ ჩავუშოღლუსთან. მისი თქმით, ფინეთმა და შვედეთმა შეასრულეს მემორანდუმის პირობები და მზად არიან თურქეთთან გრძელვადიანი პარტნიორობა გააგრძელონ. ,,ამ კვირაში მე ვესაუბრე ფინეთის და შვედეთის ხელმძღვანელობას და მივესალმები ორივე ქვეყნის მიერ განხორციელებულ ძირითად, კონკრეტულ ქმედებებს მემორანდუმის პრაქტიკაში განსახორციელებლად,”- აღნიშნა სტოლტენბერგმა. ნატო-ს გენერალური მდივნის განცხადებით, ფინეთისა და შვედეთი გაწევრიანება  ალიანსს გააძლიერებს და ”ჩვენს ხალხს უფრო მეტ უსაფრთხოებას მოუტანს”.

მეტი...

,,ცვლილებისა და არეულობის დროს” ჩინეთსა და გერმანიას შორის თანამშრომლობის გაძლიერება მნიშვნელოვანია,”- ამის შესახებ ჩინეთის პრეზიდენტმა სი ძინპინმა გერმანიის კანცლერ ოლაფ შოლცთან შეხვედრაზე განაცხადა. მისივე თქმით, ჩინეთმა და გერმანიამ, როგორც გავლენიანმა ქვეყნებმა, უფრო მეტად უნდა იმუშაონ ერთად. „ამჟამად საერთაშორისო ვითარება რთული და არასტაბილურია. როგორც დიდმა და გავლენიანმა ქვეყნებმა, ცვლილებებისა და არეულობის დროს ჩინეთმა და გერმანიამ უფრო მეტად უნდა იმუშაონ ერთად, რათა მეტი წვლილი შეიტანონ მსოფლიო მშვიდობასა და განვითარებაში“, – განაცხადა სი ძინპინმა. შეგახსენებთ, გერმანიის კანცლერი ოლაფ შოლცი პეკინში გერმანულ ბიზნეს დელეგაციასთან ერთად იმყოფება.  

მეტი...