დღე: ნოემბერი 27, 2022

რუსეთის ფედერაციის იუსტიციის სამინისტრომ ამერიკული კორპორაცია Meta Platforms Inc. (ფეისბუქის, ინსტაგრამის, WhatsApp-ის მფლობელი) იმ ორგანიზაციების რეესტრში შეიყვანა, რომელთა საქმიანობასაც რუსეთის ხელისუფლება “ექსტრემისტულად” მიიჩნევს. ინფორმაცია სამინისტროს ვებგვერდზე გამოქვეყნდა. სამინისტროს განცხადებაში ნათქვამია, რომ რუსეთში Meta-ს საქმიანობის აკრძალვის შესახებ გადაწყვეტილება ძალაში შევიდა. გენერალური პროკურატურის წარმომადგენელმა სასამართლოზე განაცხადა, რომ ფიზიკური და იურიდიული პირების მიერ Meta-ს პროდუქტების (ფეისბუქი, ინსტაგრამი) გამოყენება “არაექსტრემისტული მიზნებით არ უნდა ჩაითვალოს ექსტრემისტული ორგანიზაციის მხარდაჭერად”.

ჩრდილოეთ კორეის ლიდერმა, კიმ ჩენ ინმა აღნიშნა, რომ მისი ქვეყანა გეგმავს, ჰქონდეს ყველაზე ძლიერი ბირთვული შეიარაღება. ამასთანავე, სახელმწიფო მედიის ცნობით, კიმ ჩენ ინმა დააწინაურა ის ათობით სამხედრო ოფიცერი, რომლებიც ბოლო ბალისტიკური რაკეტის გაშვებაში მონაწილეობდა. ”ჩრდილოეთ კორეის საბოლოო მიზანია, ფლობდეს მსოფლიოში ყველაზე მძლავრ სტრატეგიულ ძალას”. – აღნიშნა კიმმა ბრძანებაში, რომელიც ოფიცრების დაწინაურებას ითვალისწინებს და დამატებით განაცხადა, რომ ქვეყნის ბირთვული შესაძლებლობების გაძლიერებით ქვეყნის ღირსებასა და სუვერენიტეტს დაიცავს

ბელარუსის საგარეო საქმეთა მინისტრი, ვლადიმირ მაკეი 64 წლის ასაკში გარდაიცვალა, პოლიტიკოსის ავადმყოფობის ან ჯანმრთელობის სხვა პრობლემების შესახებ ცნობები არ გავრცელებულა. მაკეის გარდაცვალების შესახებ ინფორმაციას საგარეო საქმეთა სამინისტროს პრესსპიკერი ავრცელებს. ჯერჯერობით უცნობია თუ რა გახდა პოლიტიკოსის გარდაცვალების მიზეზი. ბელარუსის საგარეო საქმეთა სამინისტროს ოფიციალური ინფორმაციით, ბოლო შეხვედრა მაკეიმ, 25 ნოემბერს წმინდა საყდრის წარმომადგენელთან გამართა.

უკრაინის უმაღლეს რადაში ფრაქცია „ხალხის მსახურის“ ხელმძღვანელი დავით არახამია აცხადებს, რომ მომავალი კვირა შესაძლოა, ძალიან მძიმე იყო. არახამიამ თითოეულ უკრაინელს მოუწოდა, იზრუნონ საკუთარ თავსა და ოჯახებზე, კერძოდ, მოიმარაგონ წყალი, საკვები, დატენონონ ტელეფონები, ასევე გაიგონ, სად არის მათგან ე.წ. უძლეველობის უახლოესი პუნქტი – სპეციალურად მოწყობილი პუნქტი, სადაც მოქალაქეებს გათბობა, ტელეფონის დატენვა და ინტერნეტით სარგებლობა შეუძლიათ. „შემდეგი კვირა შესაძლოა, ძალიან მძიმე იყოს. რუსები ენერგეტიკის ობიექტების წინააღმდეგ ახალ ტერაქტებს ამზადებენ. საგანგებო სამსახურები და ხელისუფლების ორგანოები მუშაობენ სხვადასხვა სცენარზე. ჩატარებულია მრავალი სწავლება, შემუშავებულია ენერგეტიკოსებისა და კრიტიკული ინფრასტრუქტურის მოქმედებები, ყველამ იცის, რა უნდა გააკეთონ. ჩვენ…

კანადა დიდ ფსონს დებს იმიგრაციაზე. ვიზიტორთა უპრეცედენტო ტალღით, კანადის მთავრობა იმედოვნებს, რომ კანადის ეკონომიკაში მუშახელის ნაკლებობის კომპენსირებას მოახდენს. ამ პრობლემის გამწვავება მოსახლეობის დაბერებამ და ბეიბი–ბუმერების თაობის მასობრივად პენსიაზე გასვლამ გამოიწვია. თუმცა, ყველა კანადელი არ არის მზად, ხელგაშლილი მიესალმოს უცხოელების ასეთ დიდ რაოდენობას. ნოემბრის დასაწყისში კანადის ფედერალურმა ხელისუფლებამ გამოაცხადა გრანდიოზული გეგმების შესახებ: მომავალი წლის იანვრიდან და 2025 წლის ბოლომდე ქვეყნის მთავრობა ყოველწლიურად 500 000 ემიგრანტის მიღებას გეგმავს. ანუ მომდევნო სამი წლის განმავლობაში კანადის მოსახლეობა სულ 1,5 მილიონი ადამიანით უნდა გაიზარდოს. ერთ სულ მოსახლეზე გათვლით, ეს დაახლოებით რვაჯერ აღემატება იმას, რასაც გაერთიანებული…

რუსეთის მიერ ხერსონის ოლქის დაბომბვის შედეგად დაიღუპა ერთი ადამიანი, ორი კი დაშავდა, დაშავებულთაგან ერთი ბავშვია. შესაბამის ინფორმაციას უკრაინული მედია ხერსონის სამხედრო საოლქო ადმინისტრაციის ხელმძღვანელზე, იაროსლავ იანუშევიჩზე დაყრდნობით ავრცელებს. იანუშევიჩის განცხადებით, რუსმა ოკუპანტებმა გასული დღე-ღამის განმავლობაში ხერსონის ოლქის მისამართით 54-ჯერ გახსნეს ცეცხლი. „რაშისტები განაგრძობენ ტერორის ტაქტიკის გამოყენებას, მიზანმიმართულად ახორციელებენ დარტყმებს სამოქალაქო ინფრასტრუქტურასა და ოლქის მშვიდობიან მოსახლეობაზე“, – განაცხადა იანუშევიჩმა. ოკუპანტებმა დაბომბეს ხერსონი, ჩერნობაევკა, ანტონოვკა და სხვა დასახლებები.

უკრაინის შეიარაღებული ძალების გენერალური შტაბის განცხადებით, რუსეთმა ფარული მობილიზაციის მორიგი ტალღისთვის მზადება დაიწყო. უწყების ინფორმაციით, მობილიზაცია უკრაინის დროებით ოკუპირებულ ტერიტორიებზეც იგეგმება. „რუსი ოკუპანტები ახორციელებენ მოსამზადებელ ზომებს ფარული მობილიზაციის მორიგი ტალღისთვის. არსებული ინფორმაციით, ე.წ. მობილიზაცია იგეგმება რუსეთის და უკრაინის დროებით ოკუპირებულ ტერიტორიებზე. ფარული მობილიზაციის მორიგი ტალღის დაწყება მიმდინარე წლის 10 დეკემბრიდან არის მოსალოდნელი“ – აღნიშნულია უკრაინული მხარის განცხადებაში.

იტალიის ცნობილ კურორტზე, კუნძულ ისკიაზე ჩამოწოლილი მეწყერის შედეგად ათზე მეტი ადამიანია დაკარგული. ვრცელდება ინფორმაცია, რომ მაშველებმა იპოვეს ქალის ცხედარი. 26 ნოემბერს, გამთენიისას კუნძულზე დაწყებულმა ძლიერმა წვიმამ წყალდიდობა და მეწყერი გამოიწვია. ჩამოწოლილმა მეწყერმა საცხოვრებელი სახლები მოიყოლა. ტალახისა და წაქცეული ხეების ნიაღვარმა მანქანები წაიღო. უამინდობის გამო ათობით საცხოვრებელ სახლამდე მაშველები მისვლას ვერ ახერხებენ. შინაგან საქმეთა მინისტრი მატეო პიანტედოსი სიტუაციას ძალიან რთულს უწოდებს.

რუსეთის საგარეო საქმეთა სამინისტროს სპიკერი მარია ზახაროვა აცხადებს, რომ “არამეგობრულმა” ქვეყნებმა რუსი დიპლომატების დიდი ნაწილი ქვეყნებიდან გააძევეს. ზახაროვა აღნიშნავს, რომ ზოგიერთ დასავლურ ქვეყანაში ორ რუს დიპლომატზე მეტი აღარ დარჩა. “არამეგობრულმა ქვეყნებმა ჩვენი დიპლომატების რიცხვი შეამცირეს. ზოგიერთ ქვეყანაში მხოლოდ ერთი ან ორი დიპლომატი გვყავს. რუსეთი ამ ქვეყნებთან დიპლომატიურ ურთიერთობებს ისევ ინარჩუნებს, რადგან იქ ჩვენი მოქალაქეებიც ცხოვრობენ. გარდა ამისა, იქ არიან ადამიანები, რომლებიც ამყარებენ ჩვენთან ეკონომიკურ კავშირებს. ასეთი ხალხის რაოდენობა ძალიან დიდია. ისინი ჩვენს ქვეყანასთან ბიზნესსაქმიანობით არიან დაკავებული, რაც ორივე მხარისთვის სასარგებლოა. ეს ხალხი ნამდვილად განიცდის, თუ რაც ხდება რუსეთთან მიმართებით” –…