პოლონეთის საგარეო საქმეთა მინისტრმა, რადოსლავ სიკორსკიმ დაადასტურა, რომ უკრაინაში, რომელსაც ომი აქვს რუსეთთან, დასავლელი ჯარისკაცები იმყოფებიან. ეს ცნობილი საიდუმლოა, რომ როგორც ბრიტანელი, ასევე ფრანგი სამხედროები უკრაინაში არიან, რათა, მაგალითად, „Storm Shadow-“ს ტიპის ბრიტანული ფრთოსანი რაკეტების დამიზნებისას რჩევები მისცენ კოლეგებს, უთხრა სიკორსკიმ dpa-ს.
პოლონეთის საგარეო საქმეთა მინისტრმა თქვა, რომ პოლონეთი არ აპირებს უკრაინაში თავისი სამხედროების გაგზავნას და მან ეს ახსნა საერთო ისტორიით. უკრაინას და პოლონეთს 400 წელიწადი ჰქონდათ საერთო სახელმწიფო და ამიტომ, პოლონელი სამხედროები უკრაინის მიწაზე კრემლისთვის იოლი პროპაგანდისტული საკვები იქნება.
სიკორსკი მიესალმა საფრანგეთის პრეზიდენტის, ემანუელ მაკრონის მიდგომას, რომ არ უნდა გამოირიცხოს უკრაინის ფრონტზე სახმელეთო ჯარის გაგზავნა. რუსეთის პრეზიდენტს, ვლადიმირ პუტინს ეს უნდა აწუხებდეს, რომ დასავლეთი მზად არის მხარში ედგეს უკრაინას. გერმანია ამგვარ გეგმებს არ ეთანხმება.
