თვე: ივლისი 2023

საქართველოს მთავრობის ადმინისტრაცია ჩინეთის სახალხო რესპუბლიკის და საქართველოს სტრატეგიული პარტნიორობის დამყარების შესახებ ერთობლივ განცხადებას ავრცელებს. როგორც განცხადებაშია აღნიშნული, მხარეებმა მიიღეს გადაწყვეტილება, რომ სტრატეგიული პარტნიორობის ხარისხში აიყვანონ ორმხრივი ურთიერთობები. მხარეები მიიჩნევენ, რომ 1992 წლის 9 ივნისს დიპლომატიური ურთიერთობების დამყარების დღიდან ორ ქვეყანას შორის არსებული ორმხრივი თანამშრომლობა ნაყოფიერი შედეგების მომტანია სხვადასხვა მიმართულებით. პოლიტიკური განზომილება 1.1. მხარეები ადასტურებენ პატივისცემას ყველა ქვეყნის სუვერენიტეტის, დამოუკიდებლობისა და ტერიტორიული მთლიანობისადმი. საქართველო მტკიცედ ემხრობა ერთიანი ჩინეთის პრინციპს. 1.2. მხარეები ხაზგასმით აღნიშნავენ, რომ არსებული საერთაშორისო მდგომარეობისა და ეკონომიკური გლობალიზაციის პირობებში, ჩინეთსა და საქართველოს შორის არსებული ორმხრივი კავშირების მნიშვნელობამ საგრძნობლად იმატა. მხარეები ერთმანეთს მიიჩნევენ…

საკრუიზო ლაინერმა Astoria Grande-მ,  შემდეგი რეისების მარშრუტიდან ბათუმი ამოიღო. შემდგომი რეისების შესახებ საიტზე გამოქვეყნებულ ინფორმაციაში ბათუმი აღარ იძებნება. მანამდე გავრელებული ინფორმაციით, ლაინერი ბათუმის ნავსადგურში ყოველ ორ კვირაში ერთხელ უნდა შემოსულიყო, თუმცა დღეს ქალაქების ჩამონათვალიდან ბათუმი ამოიღეს. ცნობისთვის, საკრუიზო ლაინერი Astoria Grande პირველად საქართველოში 27 ივლისს შემოვიდა. ბათუმის ნავსადგურში საკრუიზო გემის ჩამოსვლას მოქალაქეები პროტესტით დახვდნენ. ლაინერი საქართველოში, დღეს, 31 ივლისს კიდევ ერთხელ შემოვიდა. რუსეთიდან გამოსულ საკრუიზო გემს ბათუმში ამჯერადაც პროტესტით დახვდნენ. რუსეთიდან გამოსულ საკრუიზო გემს ბათუმში პროტესტით დახვდნენ

31 ივლისს, ღამით, რუსეთის ძალები თავს დაესხნენ ხარკოვის რეგიონს. ამის შესახებ ინფორმაცია ხარკოვის რეგიონალური სახელმწიფო ადმინისტრაციის ხელმძღვანელმა ოლეგ სინეგუბოვმა ტელეგრამზე გაავრცელა. ,,ქალაქ ხარკოვისა და რეგიონის მცხოვრებთა საყურადღებოდ, დარჩით თავშესაფრებში”, – დაწერა სინეგუბოვმა 00:06 საათზე. ხარკოვის გარნიზონის უფროსმა, სერგეი მელნიკმა აღნიშნა, რომ რუსებმა ხარკოვის რეგიონსა და ხარკოვს დაარტყეს, მანამდე S-300 საჰაერო თავდაცვის სისტემიდან. ,,ინფორმაცია შესაძლო ზარალისა და მსხვერპლის შესახებ დგინდება. ამ დროისთვის ხარკოვის თავზე ჰაერში ასეთი რაკეტები არ არის, მაგრამ საფრთხე რჩება. არ დატოვოთ თავშესაფარი, სანამ საჰაერო იერიში არ დასრულდება!”,- აღნიშნა მელნიკმა.

ჩეხეთმა, რუს მილიარდერს, ვლადიმერ ევტუშენკოვს ანგარიშები დაუბლოკა და ქონება ჩამოართვა. მისი ქონება დაახლოებით 20 მილიონი დოლარადაა შეფასებული. მედიის ცნობით, ჩამორთმეულთა სიაშია კარლოვი ვარის ხუთვარსკვლავიანი სასტუმრო Savoy Westend. ახლა ის შეზღუდულ რეჟიმში მუშაობს და ჯავშნებს არ იღებს.

რუსეთის პრეზიდენტი ვლადიმერ პუტინი არ გამორიცხავს, რომ უახლოეს მომავალში ოფიციალური ვიზიტით ეწვევა თურქეთს, სადაც პრეზიდენტ რეჯეფ თაიფ ერდოღანთან საუბრის მთავარი თემა გაზი იქნება. ამის შესახებ განცხადება პუტინმა მოსკოვში რუსეთ-აფრიკის სამიტზე გააკეთა. „ჩვენ შევთანხმდით, რომ შევხდებოდით. დიახ, ან ის ჩამოვა ჩვენთან, ან მე გავემგზავრები მასთან. ვნახოთ. მან ჯერ კიდევ თურქეთის საპრეზიდენტო არჩევნებამდე დამპატიჟა, მაგრამ შემდეგ შევთანხმდით, რომ გადაგვედო, რადგან ამ თემით სპეკულირება არ მომხდარიყო“, – განაცხადა პუტინმა. პუტინმა ხაზგასმით აღნიშნა, რომ საუბრის მთავარი თემა თურქეთის ტერიტორიაზე ბუნებრივი აირის ჰაბის შექმნა იქნება. პროექტი გულისხმობს არა დიდი მოცულობის გაზის შენახვას, არამედ ელექტრონული სავაჭრო…

ბათუმში დაგეგმილ აქციას, სადაც რუსული გემით ოკუპანტი ქვეყნის პროპაგანსიტების შემოსვლას გააპროტესტებენ, “ლელოც” შეურთდება. განცხადება ამის შესახებ პარტიის წევრებმა საგანგებო ბრიფინგზე გააკთეს. ოპოზიციის წევრებს მიაჩნიათ, რომ საკუთარი ღირსება საქართველოს მოქალაქეებმა ერთად უნდა დაიცვან. ,,ხვალ დილის 6 საათზე ბათუმის ნავსადგურში ისევ შემოდის რუსული საკრუიზო გემო “ასტორია გრანდე”. ბორტზე ამჯერად, პირდაპირ პუტინის პროპაგანდისტები არიან. ადამიანები, რომლებიც ამართლებენ უკრაინაში ომს. ამ გემის მგზავრები არ იცავენ საქართველოს კანონებს, განსაკუთრებით, ოკუპაციის კანონს. გამომდინარე აქედან, მე მოვუწოდებ ბათუმელებს, რომ ხვალ, დილის 6 საათზე, დავხვდეთ ოკუპანტებს ისე, როგორც ისინი იმსახურებენ. შევუქმნათ მაქსიმალური დისკომფორტი და ერთად დავიცვათ ამ ქვეყნის…

,,რუსეთს არ სურს ნატო-სთან პირდაპირი სამხედრო შეტაკება, მაგრამ თუ ვინმე მოისურვებს, მოსკოვი ამისთვის მზადაა”. ამის შესახებ რუსეთის პრეზიდენტმა, ვლადიმერ პუტინმა განაცხადა. მისი თქმით, რუსეთი “მზადაა ნებისმიერი სცენარისთვის”, თუმცა ეს არავის სურს. პუტინმა ასევე აღნიშნა, რომ მსგავსი კონფლიქტების თავიდან აცილების მიზნით შეერთებული შტატების ინიციატივით სპეციალური მექანიზმი შეიქმნა. „გარკვეული უწყებების ხელმძღვანელები უშუალოდ ურთიერთობენ ერთმანეთთან და აქვთ შესაძლებლობა კონსულტაციები გამართონ ნებისმიერ კრიზისულ სიტუაციასთან დაკავშირებით“, – განაცხადა პუტინმა. მისივე თქმით, ეს მექანიზმი მიუთითებს, რომ მხარეებს არ აქვთ პირდაპირი დაპირისპირების სურვილი. „მაგრამ თუ ვინმე მოისურვებს, ჩვენ მზად ვართ”, – აღნიშნა რუსეთის პრეზიდენტმა.