დღე: მაისი 19, 2023

ქართული ოცნების თავმჯდომარე ირაკლი კობახიძე აცხადებს,  რომ “IRI-ის კვლევითაც, ქართველი ხალხის უმეტესობა ემხრობოდა რუსეთთან პირდაპირი ფრენების აღდგენას”.  მისი თქმით, ქართველი ხალხის სახელით საუბარი სპეკულაცია. „დღეს ვიღაცები საუბრობდნენ ქართველი ხალხის სახელით, თითქოს ქართველი ხალხია შეშფოთებული, მათ შორის სალომე ზურაბიშვილმა დაპოსტა ამასთან დაკავშირებით. შეგახსენებთ, IRI-ის გაყალბებული მონაცემების მიხედვითაც კი, მოსახლეობის უმეტესობა ემხრობოდა ფრენების აღდგენას. ჩახედეთ IRI-ის კვლევას. ასეთ დროს ქართველი ხალხის სახელით საუბარი არის კიდევ ერთი სპეკულაცია. ამიტომ, ქართველი ხალხის სახელით ნურავინ ისაუბრებს“, – განაცხადა ირაკლი კობახიძემ.

“ლელო” ლიდერი მამუკა ხაზარაძე რუსეთიდან ფრენების აღდგენასა და პირველი ავიარეისის შესრულებას ეხმიანება. ხაზარაძის განცხადებით, მიმდინარეობს საქართველოს ჩუმი ანექსია. ,,გაიღვიძე საქართველო! გამოფხიზლების დროა! მიმდინარეობს საქართველოს ჩუმი ანექსია – ანექსია მარტო ტანკი არ არის. სასწრაფოდ დაუწესდეს რუსეთის მოქალაქეებს სავიზო რეჟიმი! ასე თუ გაგრძელდა, მივიღებთ საქართველოს ქართველების გარეშე!”,- წერს მამუკა ხაზარაძე. ცნობისთვის, პირველი რუსული თვითმფრინავი თბილისის საერთაშორისო აეროპორტში რამდენიმე წუთის წინ დაჯდა. მოქალაქეები ფრენების აღდგენას აეროპორტში პროტესტით დახვდნენ.

რუსეთიდან  ჩამოფრენილი  ვალერი კვარაცხელია პირველი კომენტარს აკეთებს თბილისში ჩამოსვლის შემდეგ.  მისი თქმით, 23 წლის განმავლობაში ქართველი ხალხი იტანჯებოდა და მათ ფრენების აღდგენით შეძლეს მოჯადოებული  წრის გარღვევა. ,,ვინც რუსეთი ოკუპანტად გადააქცია, ის ახლა გარეთ დგას და წკავწკავებს. ჩვენ რუსეთს გადავაქცევთ მეგობრად და გავათავისუფლებთ ყველაფერს, რაც გასათავისუფლებელია… მადლიერი ვარ – როცა ვიღაცას რაღაცას სთხოვ და შეგისურლებს, იმისი მადლიერი უნდა იყო,”- განაცხადა კვარაცხელიამ. პირველი რუსული თვითმფრინავი თბილისის საერთაშორისო აეროპორტში რამდენიმე წუთის წინ დაჯდა. მოქალაქეები ფრენების აღდგენას აეროპორტში პროტესტით დახვდნენ.

რუსეთიდან  ჩამოფრენილი  მერაბ ჭიქაშვილი პირველი კომენტარს აკეთებს თბილისში ჩამოსვლის შემდეგ.  მისი თქმით, საქართველო იმსახურებს ჰქონდეს უვიზო მიმოსვლა რუსეთთან. ,,პირველ რიგში, საქართველოს მოსახლეობას ვულოცავთ იმ გამარჯვებას, რაც მოიტანა სახალხო დიპლომატიამ და კონკრეტულად იმ შედეგმა, რაზეც დავიწყეთ ჩვენ მუშაობა ჯერ კიდევ 7 დეკემბერს. ჩვენი ორგანიზაციის სახელით, “სოლიდარობა მშვიდობის” სახელით, იმ ადამიანებთან ერთად, რომლებიც დღეს აქ არიან წარმოდგენილი, გვქონდა ფორუმი, სადაც მონაწილეობას იღებდა რუსეთის მხარე, დუმის დეპუტაცია, კონკრეტულად ლეონიდ კალაშნიკოვთან და კაზბეკ ტაისაევთან დავაყენეთ საკითხი, რომ საქართველოს მოსახლეობას მოხსნოდა, ყოფილიყო უვიზო რეჟიმი და აღდგენილიყო ფრენები. ჩვენ მოვმართეთ ჩვენი ორგანიზაციის, იმ ადამიანების სახელით და…

პირველი რუსული თვითმფრინავი თბილისის საერთაშორისო აეროპორტში რამდენიმე წუთის წინ დაჯდა. .ოქალაქეები ფრენების აღდგენას აეროპორტში პროტესტით დახვდნენ. აეროპორტში პოლიციაა მობილიზებული. ადგილზე ვითარება უკიდურესად დაძაბულია. ადგილზე დაიწყო დაკავებებიც. გავრცელებული ინფორმაციით, დაკავებულია რამდენიმე ადამიანი. მათ შორისაა ”დროას” ერთ-ერთი წევრი.

,,უმრავლესობას გაუხარდა ფრენების აღდგენა, ხოლო ვისაც არ გაუხარდა, მალე გაქრება”,- ამის შესახებ რუსეთიდან მომავალმა ერთ-ერთმა მგზავრმა განაცხადა. პირველი რუსული თვითმფრინავი თბილისის საერთაშორისო აეროპორტში რამდენიმე წუთის წინ დაჯდა. მგზავრი, რომელიც “აზიმუტს” გამოჰყვა აცხადებს, რომ ფრენების აღდგენა უხარია. ,,ძალიან მიხარია, რომ ფრენები აღდგა, ადრე სამი გადაჯდომა გვჭირდებოდა, ახლა თბილისში მოხვედრა მარტივია. ბილეთები მარტივად , სააგენტოს საშუალებით ვიყიდეთ. საქართველოში 5 დღით, გასართობად და ხინკლის საჭმელად მივდივარ”,-  ამბობს კიდევ ერთ-ერთი მგზავრი.

მოსკოვი-თბილისის პირველი რეისი თბილისის საერთაშორისო აეროპორტში დაეშვა. აღნიშნულ ფაქტს საქართველოს პრეზიდენტი, სალომე ზურაბიშვილი ეხმიანება. ,,ქართველი ხალხის წინააღმდეგობის მიუხედავად, რუსეთმა თბილისში მისი არასასურველი რეისი დასვა”- წერს პრეზიდენ სოციალურ ქსელ ტვიტერში. პირველი რეისის პარალელურად, აეროპორტთან საპროტესტო აქცია მიმდინარეობს.

,,არც ნატოს წევრი ქვეყანა ვართ და არც ევროკავშირი ჯერჯერობით, როგორ ფიქრობთ, თქვენ როგორ წარმოგიდგენიათ, რომ ჩვენი ქვეყნის მოქალაქეები დავიცვათ და ქვეყანა გავაერთიანოთ, ამაზე იფიქრეთ,”- ამის შესახებ საქართველოს პრემიერ-მინისტრმა ირაკლი ღარიბაშვილმა, ჟურნალისტებს განუცხადა. მისითქმით, ხელისუფლებამ, სწორი, პრაგმატული პოლიტიკით მშვიდობის შენარჩუნება და განმტკიცება მოახერხა. „მე მაინტერესებს ჩვენი ქვეყანა, მაინტერესებს ჩვენი ქვეყნის ინტერესები და კიდევ ვიმეორებ, რომ ჩვენი ომი ომი არ არის და უკრაინის ომი ომი არის? აი თქვენ, ჩენი ქვეყნის მოქალაქე ბრძანდებით, კითხვა დაუსვით ვინც მაგას ავრცელებს, თქვენ გული არ შეგტკივათ ჩვენს სამხედროებზე ან ჩვენს მოქალაქეებზე ან ჩვენს დევნილებზე. როგორ გინდათ რომ მოაგვაროთ მაშინ. როგორ გინდათ მოვაგვაროთ? არც ნატოს წევრი ქვეყანა ვართ და არც ევროკავშირი ჯერჯერობით. როგორ ფიქრობთ, თქვენ როგორ წარმოგიდგენიათ, რომ ჩვენი ქვეყნის მოქალაქეები დავიცვათ და ქვეყანა გავაერთიანოთ. ამაზე იფიქრეთ ხალხნო, ამაზე უდნა ესაუბროთ ჩვენს ხალხს. ყველაფერი იქნება ძალიან კარგად, ჩვენ შევინარჩუნეთ მშვიდობა. ეს არის…

საქართველოში აშშ-ის ელჩი, კელი დეგნანი აცხადებს, რომ  რუსეთ-საქართველოს შორისპირდაპირი ფრენების აღდგენა , უფრო რუსებისთვისაა მომგებიანი. მისივე თქმით, კარგად ესმის ქართველი ხალხის შეშფოთების ფრენების აღდგენასთან დაკავშირებით. ,,კარგად მესმის ქართველი ხალხის შეშფოთების ამ ფრენების აღდგენასთან დაკავშირებით. ქართველების სანქცირება აქ არაფერ შუაშია. რუსეთში ისედაც დაახლოებით 13 000 ქართველია და უმეტესობას ორმაგი რუსულ-ქართული მოქალაქეობა აქვს, ხოლო თუ ვინმეს რუსეთის დატოვება უნდოდა, უკვე დატოვეს გასულ წელს. სინამდვილეში მილიონამდე რუსი მოქალაქე ჩამოვა საქართველოში და შესაბამისად ეს ფრენების აღდგენა უფრო რუსებისთვისაა მომგებიანი. ამიტომ, სავსებით გასაგებია, რატომ არსებობს ქართველებს შორის შეშფოთება და ისიც გასაგებია, რომ მათ უნდათ გაიგონ,…

,,რა თქმა უნდა, ქალბატონ სალომეს დაუკმაყოფილდება მისი განაცხადი, რომელიც მან შემოიტანა”, – ამის შესახებ საქართველოს პრემიერ-მინისტრმა ირაკლი ღარიბაშვილმა, ჟურნალისტებს განუცხადა. ,,რა თქმა უნდა, ქალბატონ სალომეს დაუკმაყოფილდება მისი განაცხადი, რომელიც მან შემოიტანა და თქვა, რომ ევროპარლამენტში ჰქონდა მას დაგეგმილი მანამდე, ელოდებოდნენ, არ წავიდა, შემდეგ ჩვენ დაგვაბრალა, გახსოვთ კარგად. მაგრამ ჩვენ ამის თაობაზე გავასაჯაროეთ ინფორმაცია, რომ ჩვენ გაცემული გვქონდა უკვე თანხმობა,”- განაცხადა პრემიერმა. მისი  თქმით, პრეზიდენტის ადმინისტრაციის განცხადება არის ყურადღების გადატანის მცდელობა. ,,მემგონი ძალიან უხერხულია ამ თემებზე საუბარი,. ეს არის ტექნიკური საკითხები, რომელსაც ადმინისტრაციები ერთმანეთთან წყვეტენ. ამის საჯაროდ გამოტანა მე ვფიქრობ, არასერიოზულია,…

,,ჩვენიყველა ნაბიჯი გათვლილია ჩვენი ქვეყნის გაერთიანების დიდი იდეის მიღწევაზე, ყველა ეს ნაბიჯი გვაახლოებს ჩვენს საერთო, დიდ, ეროვნულ მიზანთან, რაც არის ჩვენი ქვეყნის გაერთიანება. ეს არის უალტერნატივო, სწორი, პრაგმატული და ეროვნული პოლიტიკა,”- ამის შესახებ საქართველოს პრემიერ-მინისტრმა ირაკლი ღარიბაშვილმა განაცხადა. მისი  თქმით, ხელისუფლების ყველა ნაბიჯი  ქვეყანას აახლოებს საერთო, დიდ, ეროვნულ მიზანთან, რაც არის ჩვენი ქვეყნის გაერთიანება. „უფრო მთავარს გეტყვით, იგივე ადამიანები და მათი ბელადი სააკაშვილი გახსოვთ, რომ პირადად ხვდებოდა რუს ტურისტებს საზღვარზე. ეს ადამიანები დღეს ასე ურცხვად ატყუებენ ჩვენს საზოგადოებას და აყენებენ შეურაცხყოფას, რაც მთავარია. ანუ ეუბნებიან, რომ საზოგადოებას რასაც ეტყვიან და ეუბნებიან, უნდა დაიჯეროს ყველაფერი ხალხმა. ესაა შეურაცხმყოფელი დამოკიდებულება. აი, ამ დამოკიდებულების გამო, თუნდაც ამის გამო, ისინი დღეს და ყოველთვის იქნებიან ხელმოცარული ოპოზიცია. რაც იყო მათთვის დასაშვები თურმე დღეს არის დაუშვებელი, სად…

,,თქვენ, რომ გადაადგილდებით 100 ევროდ თავისუფლად ევროპაში, ეს ჩვენი დამსახურებაა. ეს არის ბიძინა ივანიშვილის და მისი გუნდის, ქართული ოცნების დამსახურება,”- ამის შესახებ საქართველოს პრემიერ-მინისტრი ირაკლი ღარიბაშვილმა განაცხადა. მისი თქმით, ევროინტეგრაციის მიმართულებით, ”ქართული ოცნების” ხელისუფლებაზე მეტი, არავის არაფერი არ გაუკეთებია ბოლო 30 წლის განმავლობაში. ,,ჩვენ არაერთხელ გვითქვამს, რომ რუსეთთან ვაჭრობას, ეკონომიკას არ ვაჩერებთ, იმიტომ, რომ ეს ჩვენი ხალხის ინტერესებს დააზიანებს. მეორე მიმართულება არის ჩვენი ქვეყნის ევროინტეგრაცია. რაშიც ჩვენს ხელისუფლებაზე მეტი არავის არაფერი არ გაუკეთებია ბოლო 30 წლის განმავლობაში, არავის, თუ ვინმემ რაიმე შედეგი მოიტანა, ეს მოიტანა ქართულმა ოცნებამ მეგობრებო. ასოცირება, უვიზო…

საქართველოს პრემიერ-მინისტრი ირაკლი ღარიბაშვილი აცხადებს, რომ რუსეთთან რკინიგზა მაშინ აღდგება, როცა საქართველო გაერთიანდება. პრემიერმა უპასუხა კითხვას  – განიხილება თუ არა რკინიგზის აღდგენა რუსეთთან, აფხაზეთის გავლით. ,,თუ ჩვენი ქვეყანა გაერთიანდება და ეს მოხდება აუცილებლად, მაგის შემდეგ, ბევრი რამ შეიძლება განვიხილოთ,”- განაცხადა პრემიერმა.

სამოქალაქო ავიაციის სააგენტოს ინფორმაციით, ივნისიდან, ავიაკომპანია Red Wings-ი სოჭი – თბილისი – სოჭის და მოსკოვი – ქუთაისი – მოსკოვის საჰაერო ხაზებზე იწყებს ოპერირებას. მათივე ცნობით, საქართველოს სამოქალაქო ავიაციის სააგენტომ ფრენების განხორციელებისათვის აუცილებელი ნებართვა ავიაკომპანიას მიმდინარე წლის 18 მაისს მიანიჭა. ,,მიმდინარე წლის ივნისიდან, ავიაკომპანია Red Wings-ი სოჭი – თბილისი – სოჭის და მოსკოვი – ქუთაისი – მოსკოვის საჰაერო ხაზებზე იწყებს ოპერირებას. ავიაკომპანია არ იმყოფება ევროკავშირის შავ სიაში. Red Wings-ის მიერ, სამოქალაქო ავიაციის სააგენტოში წარმოდგენილი განაცხადების შესაბამისად, მრავალჯერადი ჩარტერული ფრენები სოჭი – თბილისი – სოჭის მიმართულებით მიმდინარე წლის 2 ივნისიდან, კვირაში 3…

რუსული მედიის, ცნობით მოსკოვი-თბილისის პირველ ბორტზე ქართული დელეგაცია იფრენს, რომელსაც საზოგადოებრივი ორგანიზაცია „სოლიდარობა მშვიდობისთვის“ თავმჯდომარე მერაბ ჭიკაშვილი ხელმძღვანელობს. ,,ჩემი და ჩემი ორგანიზაციის სახელით, საქართველოს მოსახლეობის დიდი ნაწილის სახელით მინდა მადლობა გადავუხადო რუსეთის პრეზიდენტ ვლადიმერ ვლადიმეროვიჩ პუტინს [განკარგულებაზე] ხელმოწერისთვის და ჩვენი მოთხოვნის დაკმაყოფილებისთვის, ეს იყო ერის მოთხოვნა და ყველამ კარგად ვიცით ამის მნიშვნელობა. მთავარია არა მხოლოდ თავიდან დავიწყოთ, არამედ გავაუმჯობესოთ ჩვენი ურთიერთობები, განსაკუთრებით ამ სიტუაციაში”, – განაცხადა მერაბ ჭიკაშვილმა. ”რია ნოვოსტის” ცნობით დელეგაციამ ჯერ კიდევ 2022 წლის 7 დეკემბერს დაიწყო ინტენსიური დიალოგი რუსეთის ხელისუფლების წარმომადგენლებთან რუსეთსა და საქართველოს შორის საჰაერო მიმოსვლის აღდგენის…

საქართველოს საკანონმდებლო ორგანოში დღეს ორი მინისტრის მოსმენა შედგება. განათლებისა და მეცნიერების მინისტრს, გიორგი ამილახვარი და შინაგან საქმეთა მინისტრი  ვახტანგ გომელაური პარლამენტში ინტერპელაციის წესით მივლენ. გომელაურის მოსმენის და შემდეგ კითხვა-პასუხის ერთ-ერთი თემა 7-8 მარტის აქციები, სამართალდამცველთა მოქმედება, წყლის ჭავლის გამოყენება, აქციის მონაწილეთა დაშლა  და დაშავებული მონაწილეები იქნება. საპარლაენტო ოპოზიცია სწორედ ამ მიმართულებით აპირებს მინისტრისთვის კითხვების დასმას. განათლებისა და მეცნიერების მინისტრს რა შეეხება, ერთ-ერთი თემა კვლევა იქნება, რომელიც გამოქვეყნდა და რომლის მიხედვითაც, ბავშვები სკოლებში მშივრები არიან. შესაბამისად, მინისტრს მოუწევს სკოლებში უფასო კვებასთან დაკავშირებით კონკრეტული პასუხების გაცემა.