სპეციალური საგამოძიებო სამსახურის განცხადებით, მიხეილ სააკაშვილის ადვოკატის, შალვა ხაჭაპურიძის მიერ დღეს გავრცელებულ ინფორმაციაზე, რომ საკუთარ სახლში მოსასმენი აპარატურა და ვიდეო კამერები იპოვა გამოძიება დაიწყო.
,,სპეციალურმა საგამოძიებო სამსახურმა, 2022 წლის 30 ნოემბერს, მედიასაშუალებებით გავრცელებული ინფორმაციის საფუძველზე, ადვოკატ შალვა ხაჭაპურიძის კერძო კომუნიკაციის საიდუმლოების შესაძლო დარღვევის ფაქტზე გამოძიება, საქართველოს სისხლის სამართლის კოდექსის 158-ე მუხლის 1-ლი ნაწილით გათვალისწინებული დანაშაულის ნიშნებით დაიწყო.
სპეციალური საგამოძიებო სამსახური ჩაატარებს ყველა საჭირო საგამოძიებო და საპროცესო მოქმედებას ობიექტური გამოძიების უზრუნველსაყოფად”, – ნათქვამია უწყების განცხადებაში.
შალვა ხაჭაპურიძის განცხადებით, საკუთარ სახლსა და ავტომობილში სათვალთვალო კამერები იპოვა – (mcm.ge)
