დღე: სექტემბერი 2, 2023

ბელარუსი პოლონეთს საჰაერო სივრცის დარღვევაში ადანაშაულებს. ოფიციალური მინსკის მტკიცებით, პოლონური სამხედრო ვერტმფრენმა Mi-24 1,2 კმ სიღრმეზე ბელარუსის ტერიტორიაზე შეფრინდა, შემდეგ კი პოლონეთში დაბრუნდა. ბელარუსის სახელმწიფო სასაზღვრო კომიტეტის განცხადებით, ფაქტი ბერესტოვიცკის რაიონში მოხდა. არსებული ინფორმაციით, ვარშავა საზღვრის დარღვევის ბრალდებას უარყოფს. „ეს არის ტყუილი და პროვოკაცია ბელარუსის მხრიდან. ნამდვილად არ ყოფილა ასეთი დარღვევა“, – განუცხადა AFP-ს პოლონეთის შეიარაღებული ძალების ოპერატიული სარდლობის სპიკერმა იაცეკ გორიშევსკიმ.

მეტი...

საფრანგეთის ელჩი საქართველოში შერაზ გასრი სალომე ზურაბიშვილის გადაწყვეტილებას, რომელმაც ევროპული საქართველოს ევროინტეგრაციის მხარდასაჭერად, ევროპული ტურნე დაიწყო, მიესალმება. ,,ბრავო ქალბატონო პრეზიდენტო. ევროპული მომავლისკენ საქართველოს წინსვლაში თქვენი როლისთვის”, – წერს საფრანგეთის ელჩი საქართველოში.

მეტი...

სექტემბერში უკრაინის პრეზიდენტი ვოლოდიმირ ზელენსკი აშშ-ში ჩავა და გაეროს უშიშროების საბჭოს სხდომაში მიიღებს მონაწილეობას. ამის შესახებ ინფორმაციას The Guardian ავრცელებს. ,,უკრაინის პრეზიდენტი, ვოლოდიმირ ზელენსკი ამ თვეში ნიუ-იორკში ჩავა, გაეროს ყოველწლიურ შეხვედრას დაესწრება და უკრაინის საკითხზე გაეროს უშიშროების საბჭოს სხდომაში მონაწილეობას მიიღებს”, – განაცხადა ალბანეთის ელჩმა გაეროში, ფერიტ ჰოჯამ. შეგახსენებთ, რომ გაეროს უშიშროების საბჭოს სხდომა 19-25 სექტემბრის ჩათვლით ნიუ-იორკში გაიმართება. უკრაინის საკითხთან დაკავშირებით სხდომა 20 სექტემბრისთვისაა ჩანიშნული.

მეტი...

,,ქართული ოცნების” მიერ საქართველოს პრეზიდენტის იმპიჩმენტის პროცედურის დაწყებას ევროპარლამენტარი რასა იუკნევიჩიენე გამოეხმაურა. ,,სამწუხაროდ, საქართველოს მთავრობა, მიყვება შეხედულებას, რომ ისე უნდა გაუმკლავდეს განსხვავებულ აზრს და ხალხს, რომელიც ეწინააღმდეგება მას, როგორც ამას პუტინი აკეთებს. მათ მოსწონთ პოლიტიკური ლანდშაპტიდან დაუყონებლივ ამოიღონ ყველა, როგორც კი შეძლებენ. იგივე გაუკეთეს სააკაშვილს. ბიძინა ივანიშვილი ცდილობს დარჩეს მარტო, როგორც ეს პუტინმა გააკეთა რუსეთში. სამწუხაროდ, ეს არ არის მხოლოდ ჩემი მოსაზრება. საქართველოში პროცესი მიდის, როგორც დიდი გამარჯვება კრემლისთვის. პერიოდულად თვალს ვადევნებ კრემლის პროპაგანდას და ისინი ძალიან ბედნიერები არიან, როდესაც საქართველოს ამჟამინდელ ვითარებაზე საუბრობენ. მმართველი პარტია ყველაფერს აკეთებს, რომ საქაართველომ…

მეტი...

გასულ ღამეს რუსმა ოკუპანტებმა ხერსონი დაბომბეს, რის შედეგადაც ორი ადამიანი დაშავდა. ,,უკრაინსკაია პრავდას” ცნობით, 69 წლის ქალს დაზიანებები ნაღმის აფეთქების შედეგად სახის არეში აქვს. 49 წლის კაცი კი გულმკერდის არეში მიყენებული ჭრილობით საავადმყოფოში გადაიყვანეს. სხვა დამატებითი დეტალები ჯერჯერობით უცნობია.

მეტი...

გაფართოებისა და სამეზობლო საკითხებში ევროკომისარმა ოლივერ ვარჰეიმ EURACTIV-თან ინტერვიუში განაცხადა, რომ ევროკავშირის გაფართოება 2030 წლისთვის შესაძლებელია, მაგრამ მხოლოდ იმ შემთხვევაში, თუ კანდიდატები და ბლოკი ძალისხმევას გაორმაგებენ. მისი თქმით, ევროკომისია ოქტომბერში, გაფართოებასთან დაკავშირებით, მნიშვნელოვანი წინადადებების გაკეთებას გეგმავს. ,,ყოველთვის არსებობდა კითხვა: გვინდა თუ არა ამის გაკეთება? და ევროსაბჭოსგან პირველად მესმის, რომ მათ ამის გაკეთება სურთ – ეს მისასალმებელია,” – განაცხადა ვარჰეიმ. როგორც მან აღნიშნა, გაფართოების გეგმა, რომელიც მომავალ თვეში იქნება წარმოდგენილი, კანდიდატების ევროკავშირში ინტეგრაციას დააჩქარებს. ,,ეს გეგმა დააჩქარებს ამ ქვეყნების არა მხოლოდ ინსტიტუციურ, არამედ რეალურ ინტეგრაციას ევროკავშირში. ის მოიცავს ყველაფერს, დაწყებული რეფორმებიდან…

მეტი...

აშშ უკრაინას ურანის შემცველ საბრძოლო მასალას პირველად გადასცემს. ინფორმაციას ამის შესახებ Reuters ავრცელებს. როგორც სააგენტო წერს, აღნიშნული საბრძოლო მასალა უკრაინისთვის განკუთვნილი სამხედრო დახმარების ახალი პაკეტის ნაწილია, რომელსაც აშშ, სავარაუდოდ, მომავალ კვირაში გამოაცხადებს. დაუზუსტებელი ინფორმაციით, დახმარების ახალი პაკეტის ღირებულება $240-დან $375 მილიონამდე იქნება. საბრძოლო მასალის გამოყენება, რომელსაც აშშ უკრაინას პირველად გადასცემს, Abrams-ის ტიპის ამერიკულ ტანკიდანაა შესაძლებელი და ისინი უკრაინას უახლოეს კვირებში უნდა მიეწოდოს.

მეტი...

რუსეთის თავდაცვის სამინისტროს მტკიცებით, უკრაინულმა ძალებმა ყირიმის ხიდზე საზღვაო უპილოტო აპარატებით სცადეს თავდასხმა. მათივე ინფორმაციით, ღამის განმავლობაში განადგურებულია სამი უპილოტო კატერი. თავდასხმის გამო ყირიმის ხიდზე მოძრაობა დროებით შეიზღუდა. აღნიშნულ განცხადებას უკრაინული მხარე ჯერჯერობით არ გამოხმაურებია.

მეტი...

ევროპული საბჭო შარლ მიშელისა და სალომე ზურაბიშვილის შეხვედრის შესახებ ინფორმაციას ავრცელებს. მათი ცნობით, ევროპული საბჭოს პრეზიდენტმა და საქართველოს პრეზიდენტმა შეხვედრისას განიხილეს ევროკავშირისა და საქართველოს ურთიერთობები, ასევე რეგიონში განვითარებული მოვლენები და რუსეთის მიერ უკრაინის წინააღმდეგ აგრესიული ომის შედეგები საქართველოსა და სამხრეთ კავკასიისთვის. ,,პრეზიდენტმა მიშელმა ხაზი გაუსვა ევროპის საბჭოს გადაწყვეტილებას საქართველოს ევროპული პერსპექტივის მინიჭების შესახებ, როგორც ისტორიულ შესაძლებლობას, რომლის ხელიდან გაშვება არ შეიძლება. მან კიდევ ერთხელ დაადასტურა ევროკავშირის ვალდებულება, მხარი დაუჭიროს საქართველოს ევროპულ გზაზე წინსვლაში. მან ასევე ხაზი გაუსვა ქვეყნისთვის საჭირო რეფორმების გაღრმავების აუცილებლობას, განსაკუთრებით მართლმსაჯულების, დეოლიგარქიზაციისა და ანტიკორუფციული და მედიის პლურალიზმის…

მეტი...

უკრაინის გენშტაბი რუსი ოკუპანტების სამხედრო დანაკარგების შესახებ ინფორმაციას ავრცელებს. მონაცემები 2022 წლის 24 თებერვლიდან დღემდე, 2 სექტემბრამდე, არსებულ ინფორმაციას მოიცავს. მათივე ცნობით, მხოლოდ ბოლო 24 საათის განმავლობაში თავდაცვის ძალებმა გაანადგურეს დაახლოებით 570 სამხედრო, 12 ტანკი და 30 საარტილერიო სისტემა. რუსეთის შეიარაღებული ძალების საერთო დანაკარგები კი ასეთია: ჯარისკაცი – დაახლოებით 264 060; ტანკი – 4 471; ჯავშანტექნიკა – 8 637; საარტილერიო სისტემა – 5 560; სარაკეტო სისტემა – 736; საზენიტო საბრძოლო სისტემა – 501; თვითმფრინავები – 315; ვერტმფრენი – 316; ოპერატიულ-ტაქტიკური უპილოტო საფრენი აპარატი – 4 433; საკრუიზო რაკეტები – 1 447; საავტომობილო…

მეტი...