დღე: სექტემბერი 3, 2023

უკრაინა და საფრანგეთი უსაფრთხოების გარანტიების ორმხრივ დოკუმენტზე იმუშავებენ. ორი ქვეყნის პრეზიდენტებმა ფრონტის ხაზზე არსებული ვითარება მიმოიხილეს და განიხილეს შავი ზღვის უსაფრთხოების სპეციფიკა და „მარცვლეულის დერეფნის“ შეთანხმებაც. ,,მნიშვნელოვანი შეთანხმება უსაფრთხოების გარანტიებზე: ჩვენი გუნდები, უკრაინა და საფრანგეთი, იმუშავებენ ორმხრივ დოკუმენტზე გარანტიების შესახებ”, – განაცხადა ვოლოდიმირ ზელენსკიმ. ცნობისთვის, უსაფრთხოების გარანტიები გათვალისწინებულია უკრაინის მხარდაჭერის ერთობლივ დეკლარაციაში, რომელზეც G7-ის ქვეყნების (გერმანია, დიდი ბრიტანეთი, აშშ, კანადა, საფრანგეთი, იტალია და იაპონია) ლიდერები 12 ივლისს შეთანხმდნენ. აღსანიშნავია, რომ უსაფრთხოების გარანტიებზე უკრაინამ დიდ ბრიტანეთთან მოლაპარაკებები უკვე დაიწყო.

მკაცრად ვგმობ რუსეთის სასტიკ თავდასხმას ოდესის ოლქის საპორტო ინფრასტრუქტურაზე. რუსეთმა პასუხი უნდა აგოს ინფრასტრუქტურის განადგურებაზე. მოლდოვის პრეზიდენტი, მაია სანდუ რუსული ძალების მიერ ოდესის ოლქზე დღეს განხორციელებულ თავდასხმას გამოეხმაურა. ,,ჩემი ფიქრები დაზარალებულებთანაა. მოლდოვა მტკიცედ დგას უკრაინის გვერდით”, – აცხადებს სანდუ.

ამერიკელი და ევროპელი მაღალი რანგის თანამდებობის პირები სოფელ ოძისში საოკუპაციო ხაზთან ჩავიდნენ. ,,პირველად არ ვარ საოკუპაციო ხაზთან. აქ უკრაინაში ომის დაწყებამდეც ნამყოფი ვარ. სამწუხაროა, ყოველ ჩამოსვლაზე ვრწმუნდები, რომ მოლაპარაკებების გზით სასურველ შედეგებს ვერ ვიღებთ და ოკუპაცია გრძელდება. ეს ქვეყნის მთავრობის პასიური ქმედებების შედეგებია. სამწუხაროა, ისიც რომ თავის დროზე რუსეთს მკაცრი სანქციები არ დაეკისრა. ახლა უკრაინის მაგალითზე სიტუაცია შეიცვალა და რუსეთს საკმაოდ მკაცრი სანქციები დაეკისრა. ამ მიმართულებით მუშაობა უნდა გაგრძელდეს”, – განაცხადა ევროპარლამენტარმა ვიოლა ფონ კრამონმა. არსებული ინფორმაციით, დიპლომატებმა უკვე დატოვეს საოკუპაციო მიმდებარე ტერიტორია. ისინი ადგილზე თითქმის ერთი საათის განმავლობაში იმყოფებოდნენ…

სომხეთის უსაფრთხოების ერთ ცენტრზე დამოკიდებულება სტრატეგიული შეცდომაა. სომხეთის პრემიერ მინისტრის, ნიკოლ ფაშინიანის თქმით, ქვეყნის ხელისუფლება უსაფრთხოების პოლიტიკის დივერსიფიკაციას ცდილობს. „სომხეთის უსაფრთხოების არქიტექტურა 99,999%-ით რუსეთთან იყო დაკავშირებული, მათ შორის იარაღისა და საბრძოლო მასალის შეძენაში. მაგრამ დღეს, როცა რუსეთს თავად სჭირდება იარაღი და საბრძოლო მასალა, ცხადია, რომ ვერ უზრუნველყოფს სომხეთის უსაფრთხოების საჭიროებებს სურვილის შემთხვევაშიც. ამ მაგალითმა უნდა დაგვანახოს, რომ უსაფრთხოების სფეროში მხოლოდ ერთ ცენტრზე დამოკიდებულება, ან მიბმულობა თავისთავად სტრატეგიული შეცდომაა. და მხოლოდ მას შემდეგ, რაც ამ შეცდომის მწარე ნაყოფი გავსინჯეთ, ჩვენ ვცდილობთ ჩვენი უსაფრთხოების პოლიტიკის დივერსიფიკაციისთვის”, – თქვა მან La Repubblica-სთან ინტერვიუში.

რუსეთის შეიარაღებული ძალების საკონტრაქტო სამსახურს, იანვრის შემდეგ, დაახლოებით 280 ათასი ადამიანი შეუერთდა. ამის შესახებ ინფორმაციას რუსეთის უშიშროების საბჭოს თავმჯდომარის მოადგილე, დიმიტრი მედვედევი ავრცელებს. „თავდაცვის სამინისტროს მონაცემებით, 1-ელი იანვრიდან, შეიარაღებული ძალების რიგებში, კონტრაქტის საფუძველზე, დაახლოებით 280 000 ადამიანი მიიღეს“, – აღნიშნა მედვედევმა. ცნობისთვის, გასულ წელს რუსეთმა განაცხადა, რომ შეიარაღებული ძალების შემადგენლობის 30%-ზე მეტით, 1.5 მილიონამდე გაზრდას გეგმავს.

რუსეთი „დიდი პრივატიზაციისთვის“ ემზადება. ადგილობრივი მედიის ცნობით, სახელმწიფო აქტივების მასშტაბური რეალიზაციის პროცესის დაწყება არა უგვიანეს 2024 წლის აპრილ-მაისში არის დაგეგმილი, ანუ რუსეთის პრეზიდენტის არჩევნების შემდეგ (რუსეთის პრეზიდენტის არჩევნები 2024 წლის 17 მარტს ჩატარდება). არსებული ინფორმაციით, ამჟამად იმ ბიზნესმენების ჩამონათვალი მზადდება, რომლებსაც პრივატიზებაში მონაწილეობის მიღების საშუალება მიეცემა. პროცესის ორგანიზატორებს, პირველ რიგში, ბიზნესმენების ფინანსური უნარიანობა, პუტინისადმი ლოიალობა და უკრაინის წინააღმდეგ ომში თითოეული კონკრეტული მონაწილის ფინანსური დახმარების მოცულობა აინტერესებთ.

თელ-ავივში ერიტრეის მთავრობის დიქტატურის მხარდამჭერებს, მოწინააღმდეგეებსა და პოლიციას შორის შეტაკებები მოხდა, რომლის შედეგად 160-მდე ადამიანი დაშავდა. ინფორმაციას ამის შესახებ The Times of Israel ავრცელებს. „პროტესტანტებმა კორდონი გაარღვიეს და დარბევა დაიწყეს, რის შემდეგაც პოლიციელებმა შუქ-ხმოვანი ყუმბარები გამოიყენეს. მოგვიანებით პოლიციელებმა მომიტინგეებს ცეცხლიც გაუხსნეს, რადგან სამართალდამცავთა სიცოცხლის რეალური საფრთხე არსებობდა“, – ნათქვამია ინფორმაციაში. არსებული ინფორმაციით, დაჭრილია 160-მდე ადამიანი, მათ შორის 30 პოლიციელი, 15 ადამიანი მძიმე მდგომარეობაშია. შეგახსენებთ, რომ თელ-ავივში ერიტრეის საელჩოს მიერ ორგანიზებული ღონისძიება ეთიოპიისგან ქვეყნის დამოუკიდებლობის 30-ე წლისთავს ეძღვნებოდა. ამჟამად ისრაელში ერიტრეის 25 ათასამდე მოქალაქე ცხოვრობს და მათი უმრავლესობა ერიტრეის დღევანდელი მთავრობისა…

ტავრიის ჯარების ოპერატიულ-სტრატეგიული ჯგუფის მეთაურის, ბრიგადის გენერალ ალექსანდრე ტარნავსკის განცხადებით, უკრაინის არმიამ გაარღვია რუსების თავდაცვის პირველი ხაზი სამხრეთში. რუსეთმა თავისი დროისა და რესურსების 60% დახარჯა თავდაცვის პირველი ხაზის აგებაზე და მხოლოდ 20% მეორე და მესამე ხაზის აგებაზე. ტარნავსკი ამბობს, რომ კრემლი არ ელოდა, რომ უკრაინის შეიარაღებული ძალები პირველ ხაზს გაარღვევდნენ. „ახლა ჩვენ ვიმყოფებით თავდაცვის პირველ და მეორე ხაზებს შორის, ვასრულებთ მტრის ქვედანაყოფების განადგურებას, რომლებიც უზრუნველყოფენ რუსული ჯარების გაყვანას თავდაცვის მეორე ხაზის უკან“, – განუცხადა გენერალმა Observer-ს ინტერვიუში. მისივე თქმით, რუსული ჯარები “უბრალოდ იდგნენ და ელოდნენ უკრაინის ჯარს, ესროდნენ ტექნიკას ჭურვებითა…

ისრაელის სახელმწიფოს ქნესეთის (პარლამენტის) სპიკერი ამირ ოჰანა ოფიციალური ვიზიტით საქართველოს ეწვია. თბილისის საერთაშორისო აეროპორტში მას საქართველოს პარლამენტის განათლებისა და მეცნიერების კომიტეტის თავმჯდომარე და საქართველო-ისრაელის საპარლამენტო მეგობრობის ჯგუფის ხელმძღვანელი გივი მიქანაძე დახვდა. 4 სექტემბერს, ქნესეთის სპიკერი საქართველოს საკანონმდებლო და აღმასრულებელი ხელისუფლების წარმომადგენელებთან გამართავს შეხვედრებს. საკანონმდებლო ორგანოში ამირ ოჰანას პარლამენტის თავმჯდომარე შალვა პაპუაშვილი უმასპინძლებს. შეხვედრის დასრულების შემდეგ, ორი ქვეყნის პარლამენტების სპიკერები პრესისთვის ერთობლივ განცხადებას გააკეთებენ. ამირ ოჰანა შეხვდება საქართველოს პრემიერ-მინისტრ ირაკლი ღარიბაშვილს, საგარეო საქმეთა მინისტრს, ილია დარჩიაშვილს და უზენაესი სასამართლოს თავმჯდომარეს, ნინო ქადაგიძეს. 5 სექტემბერს, საქართველოს პარლამენტის პლენარულ სხდომაზე, ქართველი კანონმდებლები ისრაელის…

2 სექტემბერს რუსმა ოკუპანტებმა დონეცკის ოლქის ქალაქი ვუგლედარი დაბომბეს, რის შედეგადაც 2 ადამიანი დაიღუპა და 2 დაიჭრა. როგორც დონეცკის ოლქის პროკურატურა ამბობს, დაღუპულებს შორის 43 წლის კაცი და მისი 42 წლის მეუღლე იყვნენ. დაშავებულები სამედიცინო დაწესებულებაში გადაიყვანეს. დარტყმა საცხოვრებელ კორპუსებზე განხორციელდა. აფეთქებებმა საცხოვრებელი კორპუსის შესასვლელის ნაწილი გაანადგურა, დაზიანდა ჭერი, ფანჯრები და აივნები.

უკრაინის გენშტაბი რუსი ოკუპანტების სამხედრო დანაკარგების შესახებ ინფორმაციას ავრცელებს. მონაცემები 2022 წლის 24 თებერვლიდან დღემდე, 3 სექტემბრამდე, არსებულ ინფორმაციას მოიცავს. მათივე ცნობით, მხოლოდ ბოლო 24 საათის განმავლობაში თავდაცვის ძალებმა გაანადგურეს დაახლოებით 500 სამხედრო, 5 ტანკი და 22 საარტილერიო სისტემა. რუსეთის შეიარაღებული ძალების საერთო დანაკარგები კი ასეთია: ჯარისკაცი – დაახლოებით 264 660; ​ტანკი – 4 476; ჯავშანტექნიკა – 8 649; საარტილერიო სისტემა – 5 582; სარაკეტო სისტემა – 739; საზენიტო საბრძოლო სისტემა – 503; თვითმფრინავები – 315; ვერტმფრენი – 316; ოპერატიულ-ტაქტიკური უპილოტო საფრენი აპარატი – 4 444; საკრუიზო რაკეტები – 1…

რუსმა სამხედროებმა დონეცკის ოლქის ქალაქ კრამატორსკზე სარაკეტო იერიში მიიტანეს. არსებული ინფორმაციით, თავდასხმა ადგილობრივი დროით 16:30 საათის შემდეგ მოხდა და ქალაქში აფეთქებების ხმა ისმოდა. მსხვერპლის შესახებ ინფორმაცია ჯერჯერობით არ ვრცელდება. ოკუპანტების სამიზნე ამჯერადაც მრავალსართულიანი საცხოვრებელი კორპუსი იყო, თუმცა კორპუსზე ჩამოგდებული რაკეტა არ აფეთქდა. დაბომბვის შედეგად, დაზიანდა სასაფლაოს ტერიტორია. ცნობისთვის, კრამატორსკი დონეცკის რეგიონის უკრაინის მიერ კონტროლირებადი ნაწილის ადმინისტრაციული ცენტრია. მისგან ფრონტის ხაზამდე დაახლოებით 30 კილომეტრია.