დღე: სექტემბერი 22, 2023

გლდანში, ვითარება უკიდურესად დაძაბულია. ცოტა ხნის წინ ადგილზე ხელჩართული ჩხუბი იყო. დაკავებულია ”ნაციონალური მოძრაობის”  ყოფილი თავმჯდომარე ნიკა მელია. გავრცელებული ინფორმაციით, დაკავებულია ბაჩო დოლიძეც. რა მუხლით არის დაკავებული ნიკა მელია ამ ეტაპზე უცნობია. ნიკა მელიას განცხადებით, ირაკლი ეძგვერაძეს გლდანში თავს დაესხნენ

საკონსტიტუციო სასამართლომ საქართველოს პრეზიდენტის წინააღმდეგ იმპიჩმენტზე წარდგინება წარმოებაში მიიღო. საქმეს არსებითად განიხილავს საქართველოს საკონსტიტუციო სასამართლოს პლენუმი, ზეპირი მოსმენით, წარდგინების ავტორთა და პრეზიდენტის მონაწილეობით. ,,საქართველოს საკონსტიტუციო სასამართლო მიიჩნევს, რომ საქართველოს პარლამენტის წევრთა №1797 კონსტიტუციური წარდგინება აკმაყოფილებს საქართველოს საკონსტიტუციო სასამართლოს შესახებ საქართველოს ორგანული კანონის 31 1 მუხლის მე-5 და მე-6 პუნქტების მოთხოვნებს და არ არსებობს აღნიშნული კანონის 31 3 მუხლის პირველი პუნქტით გათვალისწინებული კონსტიტუციური წარდგინების არსებითად განსახილველად მიღებაზე უარის თქმის რომელიმე საფუძველი”, – აცხადებს საკონსტიტუციო სასამართლო.  

ბე­რა­ია არც გა­ბე­დო, ხმა ჩა­ი­წყვი­ტე, შე რეგ­ვე­ნო! შენი ტოლი და სწო­რი ნახე და იქ იყ­მუვ­ლე, შე, რეგ­ვე­ნო, შენ! – ამ სიტყვებით „ნა­ცი­ო­ნა­ლუ­რი მოძ­რა­ო­ბის“ დე­პუ­ტატ­მა ეკა ხერ­ხე­უ­ლი­ძემ უმ­რავ­ლე­სო­ბის წევრს, ირაკ­ლი (დაჩი) ბე­რა­ი­ას მიმართა. დე­პუ­ტა­ტებს შო­რის სი­ტყვი­ე­რი და­პი­რის­პი­რე­ბა ეკა ხერ­ხე­უ­ლი­ძის გან­ცხა­დე­ბას მოყ­ვა. ,,კო­ლე­გე­ბო, რომ­ლე­ბიც უმ­რავ­ლე­სო­ბა­ში ბრძან­დე­ბით, ეს არის მო­ნაც­ვლე­ო­ბი­თი ამ­ბა­ვი. ოდეს­ღაც ჩვენ ვის­ხე­დით მაგ მხა­რეს და აქეთ იყო ოპო­ზი­ცია. თქვენც აუ­ცი­ლებ­ლად შე­იც­ვლე­ბით. ბე­რა­ია არც გა­ბე­დო, ხმა ჩა­ი­წყვი­ტე, შე, რეგ­ვე­ნო! შენი ტოლი და სწო­რი ნახე და იქ იყ­მუვ­ლე, შე, რეგ­ვე­ნო, შენ! ყო­ველ­თვის იცო­დეთ, რომ ეს არის ძა­ლი­ან მო­ნაც­ვლე­ო­ბი­თი და­მო­კი­დე­ბუ­ლე­ბა. ეს არ არის კა­ცის…

,,ამხელა შს მინისტრი რომ ხართ კაცი, აი ამხელა სამინისტრო გაბარიათ და ოროსანი დაჩი ბერაიას, ირაკლი ზარქუას და ალუდა ღუდუშაურის დასაცავი, რომ ხართ, თქვენს ადგილას ძალიან შემრცხვებოდა, მაგრამ თქვენ რა თქმა უნდა, არ გრცხვენიათ,”- ამ სიტყვებით ”ნაციონალური მოძრაობის” წევრმა, ანი წითლიძემ ვახტანგ გომელაურს მიმართა. ,,შოვის ტრაგედიასთან დაკავშირებით თქვენ აქ რომ პასუხებით არ მოხვიდოდით, ეს ძალიან კარგად ვიცით. პირველივე დღეებში თქვენ გააკეთეთ ასეთი განცხადება, რომ გამოსაძიებელი არაფერი არ არისო და  ამით ფაქტობრივად  პასუხი გაეცით კითხვებს. თქვენ დამოუკიდებელი და თავისუფალი სასამართლოს პირობებში მოგიწევთ ამ კითხვებზე პასუხის გაცემა, თუმცა თქვენ კიდევ ბევრ რამეში ხართ…

ერთ-ერთი კითხვა შეეხებოდა იმ საკითხს, თითქოს სამძებრო-სამაშველო ოპერაცია სამი საათის დაგვიანებით დაიწყო და არგუმენტად მოყვანილია, საჯარო სივრცეში გავრცელებული მოსაზრებები. აღნიშნული არის საზოგადოების შეცდომაში შეყვანის მცდელობა და ცრუ ბრალდება, – ამის შესახებ შინაგან საქმეთა მინისტრმა ვახტანგ გომელაურმა საკანონმდებლო ორგანოში შოვის ტრაგედიასთან დაკავშირებით, დეპუტატების მიერ დასმული კითხვის საპასუხოდ განაცხადა. მის თქმით, ინფორმაციის მიღებისთანავე, ონის სახანძრო-სამაშველო დანაყოფიდან პირველი მორეაგირე ჯგუფი სტიქიის ზონაში, 15 საათსა და 12 წუთზე  გაემგზავრა და მიუხედავად რთული რელიეფისა და შორი მანძილისა დაახლოებით ნახევარ საათში, 15 საათსა და 40 წუთზე მივიდა ადგილზე. „რეალურად შოვის ტერიტორიაზე განვითარებული მეწყრულ-ღვარცოფული მოვლენის შესახებ საზოგადოებრივი…

მამუკა მდინარაძის ინფორმაციით, აშშ-ის მიერ სანქცირებული ოთარ ფარცხალაძე გამოიკითხა. მისი თქმით,  ფარცხალაძე მოკვლევის დაწყების დღესვე გამოიკითხა. ,,სამწუხაროდ, ჩვენ ჯერ არ მიგვიღია არცერთი ფრაზა, არათუ მტკიცებულება ბრალდების დამადასტურებლად. აშშ-მა და მისმა სახდეპმა რომ ეს არის აგენტი, ამას უნდა მოაყოლონ სუს-ში მაინც ერთი მტკიცებულება, რომ ეს არის აგენტი”, – განაცხადა მდინარაძემ.   წყარო: ტვ პირველი

პარლამენტთან ამ წუთებში  საპროტესტი აქცია მიმდინარეობს. ადგილზე მობილიზებულია პოლიცია. აქციის მონაწილეებმა ბანერი გაშალეს წარწერით ”დააკავეთ რუსეთის აგენტი ფარცხალაძე”. დღეს პარლამენტში ორ მინიტრს,  შინაგან საქმეთა მინისტრ,ვახტანგ გომელაური და ეკონომიკის მინისტრ ლევან დავითაშვილს ელოდებიან.