დღე: სექტემბერი 17, 2023

ომი უკრაინაში დიდხანს გაგრძელდება და შესაძლებელია, მოვლენები მოულოდნელი გზით განვითარდეს, მათ შორის ბირთვული იარაღის გამოყენების თვალსაზრისით. ამის შესახებ ფინეთის პრეზიდენტმა, საული ნიინისტომ განაცხადა. ,,ჩვენ ძალიან მგრძნობიარე სიტუაციაში ვართ. წვრილმანმაც კი შეიძლება შეცვალოს სიტუაცია და, სამწუხაროდ, უარესობისკენ. ეს არის ფართომასშტაბიანი ომის რისკი. ბირთვული იარაღის გამოყენების რისკი უზარმაზარია”, – განაცხადა ფინეთის პრეზიდენტმა. საული ნიინისტოს განმარტებით, მისი გაფრთხილება ნაწილობრივ პასუხია მათ მიმართ, ვინც უკრაინისთვის შორ მანძილზე მოქმედი რაკეტებისა და დრონების მიწოდებასთან დაკავშირებით აშშ-ის პრეზიდენტის, ჯო ბაიდენისა და გერმანიის კანცლერის, ოლაფ შოლცის პოლიტიკას აკრიტიკებს და ზედმეტად ფრთხილს უწოდებს.

მეტი...

წითელი ჯვრის საერთაშორისო კომიტეტმა ხერსონის მერი, იგორ კოლიხაევი ტყვედ ოფიციალურად აღიარა. ამის შესახებ მისმა ვაჟმა უკრაინულ მედიას განუცხადა. „წითელ ჯვარს დავუკავშირდი და მითხრეს, რომ რუსულმა მხარემ მამაჩემი იგორ კოლიხაევი ტყვეების სიაში შეიყვანა და რომ ის რუსეთის ფედერაციის ტერიტორიაზე იმყოფება. მისი ადგილმდებარეობისა და ჯანმრთელობის მდგომარეობის შესახებ ინფორმაცია არ დაუკონკრეტებიათ”, – აღნიშნა სვიატოსლავ კოლიხაევმა. ადგილობრივი მედიის ცნობით, რუსებმა ხერსონის მერი 2022 წლის 26 ივნისს გაიტაცეს და დაუდგენელი მიმართულებით წაიყვანეს. რუსებმა ეს გადაწყვეტილება იმის გამო მიიღეს, რომ კოლიხაევმა მათთან თანამშრომლობაზე უარი განაცხადა.

მეტი...

სომხეთის საზღვართან აზერბაიჯანის არმიის მობილიზება ხდება. ,,ტელეგრაფის” ცნობით, „საინფორმაციო მდგრადობის ცენტრის“ მიერ გაზიარებული სადაზვერვო მასალა, როგორც ჩანს, ადასტურებს სომხურ განცხადებებს, რომ აზერბაიჯანი ომისთვის ემზადება. აზერბაიჯანის ბაზებზე ინტენსიური აქტივობის პარალელურად, ასევე შეინიშნება ფრენების ზრდა აზერბაიჯანსა და ისრაელის სამხედრო აეროდრომებს შორის.

მეტი...

კანადა, დიდი ბრიტანეთის ინიციატივით შექმნილ უკრაინის საერთაშორისო დახმარების ფონდში 24,38 მილიონი აშშ დოლარს გადარიცხავს. კანადის მიერ გადარიცხული ფული მოხმარდება უკრაინისთვის ასობით მოკლე და საშუალო მანძილის საზენიტო რაკეტისა და მასთან დაკავშირებული სისტემების შეძენას, რომლებიც საჭიროა უკრაინის კრიტიკული ინფრასტრუქტურის დასაცავად. ცნობისთვის, რუსეთის სრულმასშტაბიანი შეჭრის დაწყებიდან უკრაინაში, კანადის დახმარების ჯამური ოდენობა 8 მილიარდ დოლარზე მეტია, საიდანაც 1,8 მილიარდზე მეტი სამხედრო დახმარებაზე მოდის. ამ დახმარების ფარგლებში, კანადამ უკრაინას უკვე მიაწოდა AIM-7 რაკეტები, 155 მმ და 105 მმ-იანი საარტილერიო საბრძოლო მასალა, Leopard 2A4 ძირითადი საბრძოლო ტანკები და ჯავშანტექნიკა, საევაკუაციო მანქანა, NASAMS საზენიტო სარაკეტო სისტემა საბრძოლო…

მეტი...

უკრაინაში რუსეთის წინააღმდეგ ომს შეერთებული შტატები მართავს. ამის შესახებ რუსეთის საგარეო საქმეთა მინისტრმა, სერგეი ლავროვმა რუსულ მედიასთან ინტერვიუში განაცხადა. „ხდება ის, რომ უკრაინას მრავალი წელი ამზადებდნენ, რათა მისი ხელით ეწარმოებინათ ბრძოლა რუსეთისთვის სტრატეგიული მარცხის მისაყენებლად. რაც არ უნდა თქვან, ისინი მართავენ ამ ომს, აწვდიან იარაღს, საბრძოლო მასალას, დაზვერვის მონაცემებს, თანამგზავრებიდან მონაცემებს – ისინი ჩვენს წინააღმდეგ ომს აწარმოებენ”, – განაცხადა ლავროვმა.

მეტი...

,,ევროკავშირი თურქეთიდან დისტანცირებას ცდილობს. ჩვენ ამ მოვლენებს შევაფასებთ, და, საჭიროების შემთხვევაში, ევროკავშირთან ურთიერთობებს შევწყვეტთ”. ამის შესახებ თურქეთის პრეზიდენტმა, რეჯეფ თაიფ ერდოღანმა განაცხადა. უცხოური მედიის ცნობით, ერდოღი თურქეთის შესახებ ევროპარლამენტის კრიტიკულ მოხსენებას გამოეხმაურა. მოხსენებაში ნათქვამია, რომ დღევანდელ მდგომარეობაში ევროკავშირში თურქეთის შესვლის პროცესი ვერ განახლდება. მოხსენება ასევე შეიცავს მოწოდებას ანკარასთან არსებული ურთიერთობებისთვის „პარალელური და რეალისტური ჩარჩოების“ შესწავლისკენ. თურქეთს უკვე 24 წელია, რაც ევროკავშირის წევრობის კანდიდატის სტატუსი აქვს მიღებული, თუმცა ბოლო წლებში მოლაპარაკებები ამ საკითხზე ჩიხშია შესული, რადგან ევროკავშირს ამ ქვეყანაში არსებული ადამიანის უფლებების დარღვევასა და სამართლის უზენაესობის პატივისცემისადმი ხელისუფლების დამოკიდებულება აშფოთებს.

მეტი...

ნატო-ს გენერალური მდივნის, იენს სტოლტენბერგის განცხადებით, უკრაინაში მიმდინარე ომი სწრაფად ვერ დასრულდება. „ომების უმეტესობა იმაზე დიდხანს გრძელდება, ვიდრე მათი დაწყების დროს იყო მოსალოდნელი, ამიტომ ჩვენ უნდა მოვემზადოთ უკრაინაში ხანგრძლივი ომისთვის. ჩვენ ყველას გვსურს სწრაფი მშვიდობა, მაგრამ ამავე დროს ჩვენ უნდა ვაღიაროთ: თუ პრეზიდენტი ზელენსკი და უკრაინელები ბრძოლას შეწყვეტენ, მათი ქვეყანა აღარ იარსებებს. თუ პრეზიდენტი პუტინი და რუსეთი იარაღს დაყრის, ჩვენ მშვიდობა გვექნება“, – აღნიშნა სტოლტენბერგმა.

მეტი...

სომხეთი და აზერბაიჯანი 5 ოქტომბერს გრანადაში, ევროპის პოლიტიკური გაერთიანების სამიტის ფარგლებში დაგეგმილ შეხვედრაზე არანაირი დოკუმენტის ხელმოწერას არ გეგმავენ. ამის შესახებ სომხეთის პრემიერ-მინისტრმა ნიკოლ ფაშინიანმა განაცხადა. ,,სამშვიდობო დღის წესრიგი ჩვენი პრიორიტეტია და გვსურს ხელი მოვაწეროთ სამშვიდობო ხელშეკრულებას აზერბაიჯანთან რაც შეიძლება მალე, მაგალითად, წლის ბოლომდე ან მომავალი წლის დასაწყისში. ჩვენ ყველაფერს ვაკეთებთ ამისთვის. ძალიან მინდა ვთქვა, რომ დოკუმენტის გაფორმება იგეგმება გრანადაში, მაგრამ სამწუხაროდ არა. ჩვენ ვიმედოვნებთ, რომ ინტენსიურად გავაგრძელებთ მოლაპარაკებებს და მივაღწევთ საკითხის გადაწყვეტას“, – განაცხადა ფაშინიანმა.

მეტი...

უკრაინა თავდაცვის მრეწველობის ფორუმისთვის ემზადება, რომელიც ქვეყანაში ამ შემოდგომაზე ჩატარდება და მასში მონაწილეობას 21 ქვეყნიდან, 86 წამყვანი თავდაცვის მრეწველობის კომპანია მიიღებს. ,,ვემზადებით თავდაცვის მრეწველობის ფორუმისთვის, პირველი ასეთი ღონისძიება უკრაინაში ამ შემოდგომაზე გაიმართება. ფორუმის მიმართ ინტერესი ძალიან მაღალია. ეს სრულად ასახავს უკრაინის ძალასა და პოტენციალს, ჩვენს უნარს დავიცვათ თავი და დავეხმაროთ სხვა ქვეყნებს თავისუფლებისა და საერთაშორისო წესრიგის დაცვაში. ფორუმში მონაწილეობა უკვე 86-მა წამყვანმა თავდაცვითმა კომპანიამ, ანუ 21 ქვეყანამ დაადასტურა. ჩვენი ამოცანა აბსოლუტურად აშკარაა – მივცეთ უკრაინას იარაღისა და საბრძოლო მასალის წარმოების ყველა შესაძლებლობა, უზრუნველყოს თანამედროვე ტექნოლოგიები, რათა ჰქონდეს საიმედო დაცვა აგრესიის…

მეტი...

ჩრდილოეთ კორეას შეუძლია გააძლიეროს რუსეთისთვის საარტილერიო საბრძოლო მასალის მიწოდება უკრაინაში ომისთვის, მაგრამ ამას დიდი მნიშვნელობა არ ექნება. ამის შესახებ შეერთებული შტატების არმიის გენერალმა მარკ მილმა განაცხადა. მისივე თქმით, რუსეთში გამართულ შეხვედრაზე კიმ ჩენ ინი და პუტინი სავარაუდოდ, რუსეთისთვის საბჭოთა დროინდელი 152-მმ საარტილერიო ჭურვების მიწოდებაზე შეთანხმდნენ, თუმცა, ჯერ უცნობია რამდენი იქნება ეს დახმარება, ან რამდენად მალე. „ექნება ამას დიდი მნიშვნელობა? მე სკეპტიკურად ვარ განწყობილი”, – განუცხადა მილიმ ჟურნალისტებს. ცნობისთვის, გასულ კვირას ჩრდილოეთ კორეის ლიდერი რუსეთში ჩავიდა და ,,ვოსტოჩნის” კოსმოდრომზე პუტინს შეხვდა. რამდენიმესაათიანი დახურული მოლაპარაკებების ოფიციალური შედეგები ჯერჯერობით უცნობია.

მეტი...

გასული ღამეს რუსეთმა უკრაინას საჰაერო ხომალდის ფრთოსანი რაკეტებითა და ,,შაჰიდის” ტიპის უპილოტო საფრენი აპარატებით შეუტია. როგორც უკრაინის საჰაერო ძალები ამბობენ, მათ 16-დან 12 სამიზნე ჩამოაგდეს. დარტყმის ძირითადი მიმართულება ოდესის სამხრეთი ნაწილი იყო და რაკეტები სასოფლო-სამეურნეო საწარმოს ტერიტორიას მოხვდა. ნგრევის, მსხვერპლის და დაშავებულების შესახებ ინფორმაცია ჯერჯერობით არ გავრცელებულა. ,,საჰაერო თავდასხმის მოგერიებაში მონაწილეობდა გამანადგურებელი ავიაცია, საზენიტო-სარაკეტო დანაყოფები, მობილური სახანძრო ჯგუფები და განადგურების სხვა საშუალებები. მტრის რაკეტები ოდესის ოლქში სამოქალაქო სასოფლო-სამეურნეო საწარმოს ტერიტორიაზე მოხვდა. ადგილზე სასწრაფო დახმარების სამსახურები მუშაობენ შედეგების შესახებ ინფორმაციას ადგილობრივი სამხედრო ადმინისტრაციები გაავრცელებენ”, – ნათქვამია საჰაერო ძალების განცხადებაში.

მეტი...

დონეცკის ოლქის დროებით ოკუპირებულ სვიტლოდარსკში, უკრაინის შეიარაღებულმა ძალებმა ძლიერი დარტყმებით გაანადგურეს რუსეთის საოკუპაციო ძალების ორი საზენიტო სარაკეტო კომპლექსი Buk-M3. ამის შესახებ ინფორმაციას უკრაინის შეიარაღებული ძალების სტრატკომი ავრცელებს. „დღეს, დაახლოებით 12:30 საათზე, დროებით ოკუპირებულ სვიტლოდარსკში, უკრაინის შეიარაღებულმა ძალებმა წარმატებით მოახდინეს ორი Buk-M3 საზენიტო-სარაკეტო კომპლექსის „დემილიტარიზაცია“, – ნათქვამია განცხადებაში. ორივე საჰაერო თავდაცვის სისტემით, რუსები ცდილობდნენ დაეცვათ ბრიგადის შტაბის მიმდებარე ნაწილები და სადესანტო სამმართველო.

მეტი...

​უკრაინის გენშტაბი რუსი ოკუპანტების სამხედრო დანაკარგების შესახებ ინფორმაციას ავრცელებს. მონაცემები 2022 წლის 24 თებერვლიდან დღემდე, 17 სექტემბრამდე, არსებულ ინფორმაციას მოიცავს. უწყების ცნობით, მხოლოდ ბოლო 24 საათის განმავლობაში, თავდაცვის ძალებმა გაანადგურეს დაახლოებით 530 სამხედრო, 4 ტანკი და 15 საარტილერიო სისტემა. რუსეთის შეიარაღებული ძალების საერთო დანაკარგები კი ასეთია: ჯარისკაცი – დაახლოებით 272 320; ტანკი – 4 620; ჯავშანტექნიკა – 8 828; საარტილერიო სისტემა – 6 003; სარაკეტო სისტემა – 776; საზენიტო საბრძოლო სისტემა – 523; თვითმფრინავები – 315; ვერტმფრენი – 316; ოპერატიულ-ტაქტიკური უპილოტო საფრენი აპარატი – 4 742; საკრუიზო რაკეტები – 1…

მეტი...

გასულ ღამეს რუსმა ოკუპანტებმა უკრაინის ქალაქი ხარკოვი დაბომბეს. არსებული ინფორმაციით, ოკუპანტები S-300 საჰაერო თავდაცვის სისტემას იყენებდნენ და დაბომბვა ბელგოროდიდან განხორციელდა. მსხვერპლისა და დაშავებულების შესახებ ინფორმაცია ჯერჯერობით არ გავრცელებულა. ადგილობრივი მედიის ცნობით, გასულ ღამეს უკრაინაში სარაკეტო საფრთხის გამო, საჰაერო განგაში 2 საათზე მეტ ხანს გრძელდებოდა. განგაში თავდაპირველად 12 რეგიონში იყო გამოცხადებული, მოგვიანებით კი მთელ უკრაინაში. ,,დილის 6:52 საათისთვის უკრაინის ყველა რეგიონში საჰაერო განგაში გაუქმდა”, – წერს უკრაინული გამოცემა.

მეტი...

უკრაინის თავდაცვის მინისტრის მოადგილის, ჰანა მალიარის ინფორმაციით, ამჟამად უკრინის შეიარაღებული ძალები შეტევით ოპერაციებს ატარებენ ბახმუტის სამხრეთით. მისივე თქმით, მტერი დღეს წარუმატებლად ცდილობდა თავდაცვის გარღვევას დონეცკის ოლქის იაგიდნისა და ბოჰდანივკას რაიონებში. „შეტევითი ოპერაციები გრძელდება ბახმუტის სამხრეთით. კლიშჩიივკა და კურდიუმივკა ახლა ცხელი წერტილებია. კლიშჩიივკას რაიონში შეტევითი მოქმედებების შედეგად ჩვენმა თავდაცვის ძალებმა წარმატებას მიაღწიეს. მტერი წარუმატებლად ცდილობდა გაერღვია ჩვენი თავდაცვა ქ. დონეცკის ოლქის რაიონებში. რუსებმა წარუმატებელი შეტევითი მოქმედებები ჩაატარეს დონეცკის ოლქის მარინკას რაიონში იეინსკის მიმართულებით“, – ამბობს მალიარი. არსებული ინფორმაციით, თავდაცვის ძალები შეტევით ოპერაციებს აგრძელებენ დროებით ოკუპირებული მელიტოპოლის მიმართულებითაც. ,,საოკუპაციო ჯარებს აყენებენ მნიშვნელოვან…

მეტი...