დღე: დეკემბერი 20, 2022

ფინეთის პრეზიდენტი ემანუელ მაკრონს იმ განცხადების გამო აკრიტიკებს, სადაც საფრანგეთის პრეზიდენტი რუსეთისთვის უსაფრთხოების გარანტიების მიცემაზე საუბრობს. საული ნიინისტოს თქმით, გარანტიები არა რუსეთს, არამედ რუსეთის მეზობლებს სჭირდებათ. „ვის სჭირდება აქ უსაფრთხოება? რუსეთის მეზობლებს. რუსეთს თუ შეუძლია, მისცეს მეზობლებს უსაფრთხოების გარკვეული გარანტიები, რატომ არ მივცეთ რუსეთს იმავე დონის და თანაბარად საიმედო უსაფრთხოების გარანტიები? ისეთივე საიმედო, როგორსაც მათ აძლევენ“, – განაცხადა საული ნიინისტომ.  

ბელარუსის მიერ რუსეთისთვის უკრაინის წინააღმდეგ ომში დახმარების აღმოჩენის შემთხვევაში, ვაშინგტონი მინსკს დამატებით სანქციებს დაუწესებს – ამის შესახებ აშშ-ის სახელმწიფო დეპარტამენტის პრესსპიკერმა ნედ პრაისმა ბრიფინგზე განაცხადა. ნედ პრაისის თქმით, პუტინი  „მოცემულ მომენტში ცდილობს, ძალადობრივად შთანთქოს მშვიდობიანი კარის მეზობელი“. „აღმოუჩენს თუ არა ბელარუსი დამატებით მხარდაჭერას პუტინის ომს უკრაინაში, ეს არის ის, რასაც ჩვენ ძალიან ყურადღებით დავაკვირდებით. თუ ვიხილავთ ამის პოტენციალს, ჩვენ შესაბამისად მოვახდენთ რეაგირებას დამატებითი ზომების დასაწესებლად, რათა ლუკაშენკოს რეჟიმს პასუხი ვაგებინოთ იმისთვის, რაც არსებითად წარმოადგენს მის თანამონაწილეობას უკრაინის წინააღმდეგ პუტინის ომში“, – განაცხადა ნედ პრაისმა.  

,,რუსეთსა და ბელარუსს შორის მჭიდრო თანამშრომლობა აღიზიანებს შეერთებულ შტატებს, რომელიც ცდილობს ორივე ქვეყნის იზოლირებას,” – ამის შესახებ ვაშინგტონში რუსეთის საელჩოს მიერ გავრცელებულ განცხადებაშია ნათქვამი. როგორც განცხადებაშია აღნიშნული, ”რუსეთსა და ბელარუსს შორის ყოვლისმომცველი და ორმხრივად მომგებიანი თანამშრომლობა დრომ გამოცადა და ეფუძნება ორი ქვეყნის მოძმე ხალხების გულწრფელ მეგობრობას.” „ჩვენ ყურადღება მივაქციეთ სახელმწიფო დეპარტამენტის სპიკერის ნედ პრაისის განცხადებებს. მისი თქმით, პრეზიდენტ პუტინის სიტყვები, რომ რუსეთის ფედერაცია არ არის დაინტერესებული რომელიმე სახელმწიფო შთანთქოს, უკიდურეს ირონიას იწვევს. შემდეგ მან უბრალოდ გადაიტანა ნარატივი უკრაინაში რუსული „შეჭრის“ საყვარელ თემაზე. ასეთი განცხადებები ოფიციალური წარმომადგენლის მიერ საკავშირო სახელმწიფოს საშინაო…

 უკრაინის პრეზიდენტის, ვოლოდიმირ ზელენსკის განცხადებით, ბახმუტი კვლავ რჩება საბრძოლო მოქმედებების ეპიცენტრად. მისი თქმით, მაისიდან ოკუპანტები ცდილობენ ბახმუტის გატეხვას, მაგრამ დრო გადის და ბახმუტი ტეხს არა მხოლოდ რუსულ არმიას, არამედ რუს დაქირავებულ მებრძოლებსაც. „ბახმუტი ფრონტის მთელ ხაზზე, აქტიური საბრძოლო მოქმედებების 1 300 კილომეტრის ყველაზე ცხელ წერტილად რჩება. ჯერ კიდევ მაისიდან ოკუპანტები ცდილობენ ჩვენი ბახმუტის გატეხვას, მაგრამ დრო გადის და ბახმუტი ტეხს არა მხოლოდ რუსულ არმიას, არამედ რუს დაქირავებულ მებრძოლებსაც, რომლებიც ოკუპანტების დაკარგული არმიების ჩასანაცვლებლად მოდიან. მხოლოდ დაფიქრდით ამაზე – რუსეთმა უკვე დაკარგა უკრაინაში 99 000 ჯარისკაცი. ამ დღეებში იქნება ოკუპანტების 100…

,,რუსეთს არავის შთანთქმა არ სურს უბრალოდ, ამაში მიზანშეწონილობა არ არის“,- ამის შესახებ ვლადიმერ პუტინმა ბელარუსის პრეზიდენტ ალექსანდრ ლუკაშენკოსთან მინსკში გამართულ ერთობლივ პრესკონფერენციაზე განაცხადა. მისი თქმით, „არაკეთილისმსურველები“ რუსეთისა და ბელარუსის ინტეგრაციული პროცესების შეფერხებას ცდილობენ. „არაკეთილსინდისიერ გარე კრიტიკოსებს ან არ ესმით, რაზე საუბრობენ, ან სპეციალურად ლაპარაკობენ ამაზე, რათა შეცდომაში შეიყვანონ ხალხი, ვინც ამ საკითხს არ უღრმავდება. საქმე ეხება არა შთანთქმას, არამედ ეკონომიკური პოლიტიკის შეთანხმებას – ისევე, როგორც ეს კეთდება მრავალ სხვა საერთაშორისო გაერთიანებაში. ყველაფერი დანარჩენი ზედაპირული და სისულელეა. ეს არის ჩვენი არაკეთილისმსურველთა მცდელობები, შეაფერხონ ჩვენი ინტეგრაციული პროცესი. ამას ისინი აკეთებენ მხოლოდ იმისთვის,…

,,გთხოვთ, გადაიყვანეთ სააკაშვილი თუნდაც უკრაინაში, ევროპის ნებისმიერ ქვეყანაში, ამერიკაში. ზუსტად ახლა არის დრო, რომ კეთილი საქმე გააკეთოთ,”- ამის შესახებ უკრაინის პრეზიდენტმა, ვოლოდიმირ ზელენსკიმ ყოველდღიურ ვიდეომიმართვაში განაცხადა. ზელენსკი  საქართველოს მოსახლეობასა და ხელისუფლებას მიმართავს და აღნიშნავს, ის, რაც ახლა მიხეილ სააკაშვილთან დაკავშირებით ხდება, არის შეურაცხყოფა. „მინდა, მივმართო საქართველოში ყველა ჩვენს მეგობარს და უბრალოდ კეთილსინდისიერ ადამიანებს. ალბათ ყველამ ნახა, როგორ მდგომარეობაშია ახლა მიხეილ სააკაშვილი, როგორ მდგომარეობაშია მისი ჯანმრთელობა. ამიტომ მე მივმართავ საქართველოს მოსახლეობას, საქართველოს ხელისუფლებას – საჭიროა მოწყალების გამოვლენა, განსაკუთრებით წინასაშობაოდ. ის, რაც ახლა მიხეილ სააკაშვილთან დაკავშირებით ხდება, არის შეურაცხყოფა. ეს არ შეეფერება საქართველოს. ეს უნდა…