რუსეთის თავდაცვის სამინისტროს ინფორმაციით, გენერალურმა შტაბმა, პრეზიდენტ პუტინის ბრძანებით ტაქტიკური ბირთვული იარაღით სწავლებისთვის მზადება დაიწყო.
წვრთნები ,,დასავლეთის ოფიციალური პირების პროვოკაციული განცხადებებისა და მუქარის პასუხად მალე გაიმართება” – აცხადებენ რუსეთში, თუმცა ზუსტად არ არის მითითებული რა განცხადებებზეა საუბარი. არ სახელდება არც წვრთნების ადგილმდებარეობა.
მოგვიანებით კრემლის პრესსპიკერმა დიმიტრი პესკოვმა განმარტა, რომ წვრთნები დაკავშირებულია უკრაინაში ჯარების გაგზავნის შესახებ დასავლეთის განცხადებებთან.