პრემიერ-მინისტრ ირაკლი ღარიბაშვილის განცხადებით, მომდევნო ორი წლის განმავლობაში ქვეყანაში საერთაშორისო დონის ვარსკვლავები ჩამოვლენ და კონცერტებს გამართავენ. მისი თქმით, აღნიშნული პროექტისთვის 70 მილიონი ლარი გამოიყოფა.
„ტურიზმის ხელშეწყობის მიზნით, ჩვენ გვაქვს გეგმა, მომდევნო ორი წლის განმავლობაში ქვეყანაში ჩამოვიყვანოთ მსოფლიო დონის ვარსკვლავები, არტისტები. ივნისში, ივლისში, აგვისტოსა და სექტემბრის დასაწყისში საქართველოში გაიმართება მსოფლიო დონის შემსრულებლების კონცერტები სტადიონებზეც და ასევე „ბლექ სი არენაზეც“. გამოვყოფთ 70 მილიონ ლარს, ჩვენ გვაქვს ამის შესაბამისი თანხები. მომდევნო ორ წელიწადში ეს პროექტი დაფინანსდება და, ვფიქრობ, დამატებით მოიზიდავს ტურისტებს. საინტერესო პროგრამა გამოგვივა“, – განაცხადა ღარიბაშვილმა.
