დღე: თებერვალი 8, 2024

საქართველოს პარლამენტმა ახალი პრემიერ მინისტრი და სამთავრობო გუნდი დაამტკიცა. პრემიერ-მინისტრი  ირაკლი კობახიძე გახდა. რაც შეეხება მინისტრთა კაბინეტს, ამ ეტაპზე, მხოლოდ ერთი მინისტრი შეიცვალა და ეს არის თავდაცვის მინისტრი. შეგახსენებთ, რომ  დღემდე, ირაკლი კობახიძე პარლამენტის წევრი იყო და მმართველი პარტიის თავმჯდომარის პოზიციას იკავებდა. ამჯერად კი ყოფილმა და ახალმა პრემიერებმა ადგილები გაცვალეს და მმართველი გუნდის თავმჯდომარე ყოფილი პრემიერი, ირაკლი ღარიბაშვილი გახდა. პრემიერ მინისტრობის კანდიდატის სამთავრობო პროგრამის მოსმენას დღეს, საკანონმდებლო ორგანოში, საქართველოში აკრედიტირებული ელჩები სრულად ესწრებოდნენ.    

საპარლამენტო უმრავლესობის წარმომადგენელმა, დეპუტატმა პაატა კვიჟინაძემ, საპარლამენტო ტრიბუნიდან, იმერეთში მომხდარ მეწყერზე ისაუბრა რომელსაც 9 ადამიანის სიცოცხლე ემსხვერპლა. დეპუტატი გარემოს ეროვნული სააგენტოს გეოლოგიის დეპარტამენტის მიერ მომზადენულ დოკუმენტსაც შეეხო, სადავ ყველა მეწყერსაშიში უბანია შეყვანილი. მისი თქმით, მეწყერსაშიში ზონებიდან მოსახლეობის გამოსახლება გამოსავალი არ არის. „მთელი იმერეთია შეყვანილი ამ დოკუმენტში, რაჭა, სამეგრელო, გურია. როგორია ჩვენი სოფლები? –  მთაზე შეფენილი სოფლებია. იმ დოკუმნტში ყველა არის შეყვანილი. უნდა გამოვასახლოთ ყველა და დავცალოთ?  ან ისინი წამოვლიან იქიდან? ან სად მიგყავს ისინი? როგორ უნდა გააკეთო ეს, ან რა ფული გეყოფა ამაზე“ – განაცხადა დეპუტატმა საპარლამეტო ტრიბუნიდან.

პარლამენტის ოპოზიციონერი დეპუტატი ალეკო ელისაშვილი კულტურის მინისტრობის კანდიდატ თეა წულუკიანს მიმართავს და მის მინისტრობას კატასტროფას უწოდებს. „აი თქვენ, ქალბატონო თეა, რა გითხრათ, თუ თქვენ ისეთივე მეთოდებით აპირებთ მინისტრობას, როგორც აქამდე იყავით კულტურის მინისტრი, ეს იქნება კატარსტოფა ჩვენი ქვეყნისთვის და იმ უწყებისთვის, რომელსაც ხელმძთვანელობთ. ასე მაუზერით და ნაგანით არქეოლოგების დარბევა, მწერალთა სახლის დარბევა და სხვადასხვა არ შეიძლება. თქვენ პოლიტიკურ პრობლემებს საკუთარ გუნდს უქმნით“ – მიმართა ელისაშვილმა წულუკიანს და დასძინა: „პაპუაშვილმა თუ მიკროფონი ჩაურთო წულუკიანს, აქ სისხლის გუბეები დადგება“.

„ნაციონალური მოძრაობის“ დეპუტატმა ანი წითლიძემ თავდაცვის მინისტრობის კანდიდატი ირაკლი ჩიქოვანი „უსარგებლო ძაღლს“ შეადარა. „თავდაცვს მინისტრის „პოსტზე“ წარდგენილია ჩემი მშობლიური ქალაქიდან ირაკლი ჩიქოვანი. მთელი ამ პერიოდის განმავლობაში, ზუგდიდელები მეკითხებიან, როგორ შეაფასებ ირაკლი ჩოქოვანის მაჟორიტარობასო. გამიჭირდა შეფასება და საბოლოოდ, სოციალურ ქსელში არის ზუგდიდელების ჯგუიფი და მანდ ვიპოვე ზუსტი შეფასება. ვინც მეგრულს ვერ გაიგებთ ზარქუას (დეპუტატი წალენჯიხიდან) სთხოვეთ და გითარგმნით: „უსარგებლე ჯოღორია, ყუდეს ვერგუდუა დო კარიშა მეუნდესია“ (უსარგებო ძაღლი შინ არ ვარგოდაო და გარე საქმეებზე მიყავდათო“ – განაცხადა დეპუტატმა წითლიძემ საპარლამენტო ტრიბუნიდან.

პარლამენტის წევრი ალეკო ელისაშვილი დღეს, საკანონმდებლო ორგანოში ჩოხა-ახალუხით მივიდა. მან პარლამენტის თავმჯდომარეს მიმართა და ჰკითხა, კიდევ ხომ არ იწუნებდა მის ჩაცმულობას. „ვინმეს ახირებული კაცი  რომ არ ვეგონო, პარლამენტის რეგლამენტში წერია, რომ პარლამენტის სხდომათა დარბაზში  უნდა გეცვას საქმიანად, ან შემოსილი უნდა იყო ეროვნული სამოსით. რამდენიმე დღის წინ, მეგონა, რომ საქმიანად მეცვა, მაგრამ თურმე ნურას უკაცრავად, პარლამენტის თავმჯდომარემ ტანსაცმელი დამიწუნა და მითხრა როგორ დადიხარო ასე. კიდევ კარგი არ გამაგდეს დარბაზიდან. მთელი დღეა ვნერვიულობ ბატონო შალვა. შესაბამისად თუ მაცვია და რამე წუნს  ხომ არ დაუდებთ ამ ჩემს ჩოხას?“ – მიმართა მან პარლამენტის თავმჯდომარეს…

„რას თვლით გამარჯვებად?“ – ამ კითხვით ოპოზიციონერმა დეპუტატმა ანა ნაცვლიშვილმა საპარლამენტო უმრავლესობას მიმართა. მან მმართველი გუნდი რუსული ინტერესების გატარებაში ამხილა და აღნიშნა, რომ ისინი ისტორიაში სწორედ ამ სახელით შევლენ. „თქვენ გადაეფარეთ კლანს, ისევე როგორც გადაეფარეთ რუსეთის აგენტობაში მხილებულ ფარცხალაძეს, იმიტომ რომ, ერთნი ხართ. ერთნი ხართ და რამდენიც არ უნდა გადაეფაროთ ერთმანეთს არაფერი გიშველით. დღეს, ოკუპირებულ აფხაზეთში ოკუპანტის ხელისუფლებამ დააინიცირა რუსული კანონი. მეტი რა სამხილი შეიძლება იყოს. დიახ, რუსული კანონი და საქართველოს წინააღმდეგ რუსული დივერსია იყო ის, რაც თქვენ დააინიცირეთ და ხმა მიეცით. ძალიან გინდათ, ისტორიამ კონსტიტუციის ავტორად დაგიმახსოვროთ, მაგრამ, რუსული…

პარლამენტის ოპოზიციონერი დეპუტატი სალომე სამადაშვილი პარლამენტის თავმჯდომარეს მიმართავს, საქართველოს დროშის გვერდით ტრიბუნასთან ევროკავშირის დროშაც აფრიალდეს. როგორც სამადაშვილმა პაპუაშვილს მიმართა, ის ევროპულ დროშაზე „ეშმაკის მსგავსად“ რეაგირებს. „წარდგენილ პროგრამას კი ჰქვია ევროპული სახელმწიფოსთვის, მაგრამ პარლამენტის თავმჯდომარე ისე რეაგირებს ევროპულ დროშაზე, როგორც ეშმაკი ჯვარზე. ბატონო შალვა, კოლეგებისთვის შენიშვნის მიცემის ნაცვლად, იმას მაინც მოვიფიქრებდი, რომ ევროპული დროშა, ევროკავშირის დროშა საქართველოს პარლამენტის ტრიბუნასაც რომ  ამშვენებდეს იმ ქვეყანაში, რომელიც ევროკავშირში გაწევრიანების კანდიდატი ქვეყანა გახდა, მიუხედავად თქვენი მცდელობისა, რომ ეს დღე არ დამდგარიყო“ – აღნიშნა სამადაშვილმა პარლამენტში. “თქვენი ბოღმის ლექსიკონი კვლავ აქტიურია როგორც ვხედავ” – ასე უპასუხა…

„არ ვიცი დასაქმებასთან დაკავშირებით რამდენჯერ გავცე ამ შეკითხვას პასუხი, ციფრებით, ციფრების გარეშე, ანალიტიკით, ანალიტიკის გარეშე რა ფორმით გინდათ, რომ დაკმაყოფილდეთ?“ – ასე უპასუხა პრემიერ-მინისტრობის კანდიდატმა ირაკლი კობახიძემ საპარლამენტო ოპოზიციის კითხვებს დასაქმებასთან დაკავშირებით. როგორც კობახიძემ განმარტა, ციფრები მათ არ მოსწონთ, ანალიტიკა მათ არ მოსწონთ. „ციფრები თქვენ არ მოგწონთ, ანალიტიკა თქვენ არ მოგწონთ, თხრობითი ფორმით ნათქვამი თქვენ არ მოგწონთ, არ ვიცი როგორ მოგაწოდოთ დასაქმებასთან დაკავშირებით ინფორმაცია, შემიძლია დავხატო და ისე გაჩვენოთ მონაცემები… ციფრებით გაჩვენეთ ის თუ რა მოხდა გასული წლების განმავლობაში საქართველოში, რამდენით მეტი ადამიანი დასაქმდა და მომავალში, შესაბამისად, როგორი პროგნოზი შეიძლება გვქონდეს.…

,,ვურჩევ გიორგი ვაშაძეს, რომ ნაცვლად მანიპულაციებისა, მეტი აქცენტი გააკეთოს საფუძვლიან კრიტიკაზე”. ასე მიმართა პრემიერობის კანდიდატმა, ირაკლი კობახიძემ “სტრატეგია აღმაშენებლის” ლიდერს გიორგი ვაშაძეს. ,,20 პროცენტი იყო სიღარიბე 2012 წელს, ეს დაგვიტოვეთ თქვენ. 2022 წელს მაჩვენებელი იყო უკვე 15.6 პროცენტი, ეს ნიშნავს იმას, რომ ნახევარ მილიონზე მეტმა ადამიანმა დაძლია სიღარიბე, თუმცა გვაქვს კვლავაც მძიმე მაჩვენებელი – ნახევარ მილიონი ადამიანი და მეტი კვლავაც ცხოვრობს სიღარიბის ზღვარს მიღმა. ვურჩევ გიორგი ვაშაძეს, რომ ნაცვლად მანიპულაციებისა, მეტი აქცენტი გააკეთოს საფუძვლიან კრიტიკაზე, თუმცა როგორც ჩანს, ასე აფასებს, რომ არ აწყობს საფუძვლიანი კრიტიკა და ურჩევია ციფრებით მანიპულირება. ან…

ირაკლი კობახიძე საქართველოს პარლამენტის წევრებს სამთავრობო პროგრამას აცნობს და დეპუტატების კითხვებს პასუხობს. როგორც პრემიერ-მინისტრობის კანდიდატმა აღნიშნა, შემოსავლებში მმართველი გუნდი მემარჯვენეა, ხარჯებში კი მემარცხენე. „რაც შეეხება ჩვენს იდეოლოგიას, „შემოსავლებში ვართ მემარჯვენეები, ხარჯებში ვართ მემარცხენეები. ეს არის რეალურად ჩვენი პოლიტიკის შინაარსი“, – აღნიშნა კობახიძემ საპარლამენტო ტრიბუნიდან.

,,მიუღებელია ე.წ. ქართულ-ჯიგრულ პონტში კორუფცია, კორუფციული გარიგებით არცერთი თეთრი არ მიშოვია”. ამის შესახებ, პრემიერობის კანდიდატმა ირაკლი კობახიძემ განაცხადა. ,,რაც შეეხება კორუფციას, ჩემთვის არის კატეგორიულად მიუღებელი კორუფციის ნებისმიერი ფორმა, მათ შორის ე.წ. ქართულ-ჯიგრულ პონტში კორუფცია, რის მიმართაც ლოიალური იყო თქვენი პარტიის თავმჯდომარე. მე არ ვარ ლოიალური არც ასეთი კორუფციის მიმართ და ერთი რამ მინდა გითხრათ სრული პასუხისმგებლობით, არასდროს არცერთი კორუფციული გარიგებით არცერთი თეთრი არ მიშოვია და ასე ვაპირებ მომავალშიც საქმიანობის გაგრძელებას, შესაბამისად, არავითარი ინტერესი არ მაქვს ვინმეს კორუფციას დავაფარო ხელი, მივუდგე ლოიალურად,“ – ამბობს კობახიძე.

,,პოლიტიკაშიც რომ იგივე შეფასება იყოს, როგორც სპორტში, თქვენ დღეის მდგომარეობით, რამდენიმე ოქროს მედალი გეკუთვნით”. ასე მიმართა პარლამენტის პლენარულ სხდომაზე დეპუტატმა შოთა ხაბარელმა პრემიერ-მინისტრობის კანდიდატს, ირაკლი კობახიძეს. „თუ გადავხედავთ თქვენს პოლიტიკურ განვლილი გზას, ყველა ნაბიჯი წარმატებული იყო. თუნდაც რად ღირს ის თქვენი შექმნილი კონსტიტუცია, რომელმაც ვენეციის კომისიიდან უმაღლესი შეფასება მიიღო. ეს არის ის თქვენი წარმატება, რომელიც გვაძლევს იმედს, რომ მომავალში უფრო წარმატებული იქნებით. ჩემი დიდი სურვილია, რომ 4 წლის შემდეგ კიდევ მიუმატოთ ოქროს მედლები თქვენს წარმატებებს“, – აღნიშნა ხაბარელმა.

პარლამენტის პლენარულ სხდომაზე, სადაც მთავრობის ახალ შემადგენლობას უსმენენ, პარლამენტის თავმჯდომარე შალვა პაპუაშვილმა „ლელოს“ დეპუტატ ანა ნაცვლიშვილს ევროკავშირისა და საქართველოს დროშის გამოსახულებიან გულსაბნევზე მიუთითა და უთხრა, რომ სტანდარტით, მისგან მარჯვნივ საქართველოს დროშა უნდა იყოს და შემდეგ სხვა ნებისმიერი. ,,ქალბატონო ანა, შეგატყვეთ, რომ გულსაბნევი გაქვთ ევროკავშირის დროშით და საქართველოს დროშით. მესმის, რომ როგორც ჩანს სადღაც გაჩუქეს ეს გულსაბნევი, თუმცა მე მგონი თქვენ პარტიას არ გაუჭირდება დაამზადოს სხვა სახის გულსაბნევი, ვინაიდან, თქვენ ხართ საქართველოს პარლამენტის წევრი, ხოლო ეროვნული დროშის გამოსახვის სტანდარტი გულისხმობს, რომ ჯერ უნდა იყოს საქართველოს დროშა, შემდეგ ნებისმიერი სხვა დროშა. ამიტომ…

,,თქვენს ადგილას თორნიკე რიჟვაძეს მითითებას და შენიშვნას მივცემდი, რომ დაუყოვნებლივ გაემგზავროს მთიან აჭარაში”. ამის შესახებ პარტია „მოქალაქეების“ ლიდერმა ალეკო ელისაშვილმა, პლენარულ სხდომაზე განაცხადა, სადაც დეპუტატები სამთავრობო პროგრამისთვის ნდობის გამოსაცხადებლად მსჯელობენ. „ახლა ტელეფონში ვუყურებდი კადრებს, უზარმაზარი მიწის მასა როგორ მოძრაობს მთიან აჭარაში. მართალია, ჯერ თქვენ არჩეული არ ხართ, რამდენიმე საათში გახდებით პრემიერ-მინისტრი, დიდი ალბათობით, „ქართული ოცნება“ დაგიჭერთ მხარს, ეჭვი არ მეპარება. მიუხედავად იმისა, რომ ჯერ არ შესდგომიხართ მოვალეობის შესრულებას, პირველი თქვენს ადგილას, ახლავე რასაც გავაკეთებდი, ახლავე აჭარის მთავრობის თავმჯდომარეს თორნიკე რიჟვაძეს მშვიდად, აუღელვებლად, წყნარად რომ ზის და გვადევნებს თვალყურს, მითითებას და…

საქართველოს პრემიერ-მინისტრობის კანდიდატის ირაკლი კობახიძის განცხადებით, საქართველოს ეკონომიკისა და მდგრადი განვითარების მინისტრს, გამორჩეულ პროფესიონალს, ლევან დავითაშვილს საქართველოს მთავრობაში პირველი ვიცე-პრემიერის უფლებამოსილება მიენიჭება. „ეკონომიკის განვითარებას ქვეყნის საერთო წინსვლისთვის განსაკუთრებული მნიშვნელობა ენიჭება. სწორედ ეკონომიკის ზრდაზეა თვისობრივად დამოკიდებული, როგორც მოსახლეობის ცხოვრების დონის გაუმჯობესება, ისე ქვეყნის სტაბილურობისა და უსაფრთხოების უზრუნველყოფა და საერთაშორისო ასპარეზზე საქართველოს პოლიტიკური პოზიციების გაძლიერება. შესაბამისად, ქვეყნის ეკონომიკის განვითარება მთავრობის საქმიანობის განსაკუთრებული პრიორიტეტი იქნება. ამ დამოკიდებულების ერთ-ერთი სიმბოლური და პრაქტიკული გამოხატულებაა ის, რომ საქართველოს ეკონომიკისა და მდგრადი განვითარების მინისტრს გამორჩეულ პროფესიონალს, ლევან დავითაშვილს, საქართველოს მთავრობაში პირველი ვიცე-პრემიერის უფლებამოსილება მიენიჭება“, – განაცხადა კობახიძემ.

,,მოქალაქეების” ლიდერი ალეკო ელისაშვილი პარლამენტში დღეს ჩოხით მივიდა. შეგახსენებთ, რომ რამდენიმე დღის წინ პარლამენტის თავმჯდომარემ ალეკო ელისაშვილს ჩაცმულობის ეტიკეტი დაუწუნა და უთხრა, რომ საკანონმდებლო ორგანოში არსებობს ჩაცმის ეტიკეტი. დეპუტატმა კი პარლამენტის თავმჯდომარის შენიშვნას ამ ჟესტით უპასუხა. ,,წინაზე დამიწუნეს ტანსაცმელი, რა გაცვიაო მითხრეს. იმედია, ჩოხა-ახალუხსაც არ იწუნებს, ხანჯალი სპეციალურად არ გამიკეთებია. ვნახოთ აბა, შეიძლება პაპუაშვილმა დღეს მასრები დამიწუნოს”, – აღნიშნა პაპუაშვილმა. ის ერთადერთი დეპუტატია, რომელიც მთავრობის დამტკიცებას ჩოხით ეწრება.