დღე: თებერვალი 2, 2024

კანადის საგარეო საქმეთა მინისტრმა, მელანი ჯოლიმ განაცხადა, რომ უკრაინა და კანადა რუსეთში უკანონოდ გადაყვანილი ბავშვების დასახმარებლად საერთაშორისო კოლიაციას ქმნიან: „ომის კიდევ ერთი რეალობა უკრაინელი ბავშვების ტრაგიკული და უკანონო გადაყვანაა რუსეთში. დაშორებული არიან საკუთარ ოჯახებს, სახლებს, მშობლიურ ენას. მათი დაბრუნების მნიშვნელობა არ შეიძლება სათანადოდ არ შეფასდეს. სწორედ ამიტომ, იქმნება ახალი საერთაშორისო კოალიცია უკრაინელი ბავშვების სახლებში დასაბრუნებლად და იმისთვის, რომ შევძლოთ მათ მხარდასაჭერად მსოფლიოს ბევრ ქვეყანასთან მუშაობა” – განაცხადა მელანი ჯოლიმ. ცნობისთვის, დღეს კანადის საგარეო საქმეთა მინისტრი უკრაინაში მხარდაჭერის გამოსახატავად ჩავიდა. მან და უკრაინის პრეზიდენტმა ვოლოდიმირ ზელენსკიმ სამხედრო დახმარება, მშვიდობის ფორმულის ერთობლივი…

ომის დაწყებიდან დღემდე რუსეთმა უკრაინაში დაახლოებით 387 060 (+830) ჯარისკაცი დაკარგა. ინფორმაციას უკრაინის გენშტაბი ავრცელებს. მათივე ცნობით. ოკუპანტების სავარაუდო ჯამური საბრძოლო დანაკარგი უკრაინაში 25.02.22-დან 02.02.24-მდე ასეთია: ტანკები – 6331 (+9), ჯავშანტექნიკა – 11792 (+19), საარტილერიო სისტემები – 9274 (+46), მრავალჯერადი სარაკეტო სისტემა – 978 (+2). საჰაერო თავდაცვის სისტემები – 663 (+0), თვითმფრინავები – 332 (+0), ვერტმფრენები – 324 (+0), ოპერატიულ-ტაქტიკური დონის დრონები – 7146 (+5), ფრთოსანი რაკეტები – 1847 (+0). მსუბუქი ჩქაროსნული ნავი/გემი – 24 (+1). წყალქვეშა ნავები – 1 (+0). საავტომობილო ტექნიკა და საწვავის ავზი – 12316 (+49), სპეციალური…

ლატვიის სპორტულ ნაკრებებს რუსეთისა და ბელარუსის ნაკრებებთან თამაში ეკრძალებათ. გადაწყვეტილება რუსეთ-უკრაინის მიმდინარე ომით არის განპირობებული. სპორტის კანონში შეტანილი შესწორება კრძალავს ლატვიის ჰოკეის, ფეხბურთის, კალათბურთისა და სხვა სახეობების ნაკრებების თამაშს რუსეთის და მისი მოკავშირე ბელარუსის ნაკრებებთან, განურჩევლად იმისა, იასპარეზებენ ისინი თავიანთი დროშით თუ მის გარეშე. კანონმდებლებმა ასევე დაამტკიცეს შესწორება, რომელიც ლატვიაში სპორტული ღონისძიებების ორგანიზატორებს უკრძალავს რუსეთისა და ბელარუსის ნაკრებების შეჯიბრებზე მოწვევას.

ნორვეგიაში ქარიშხალი „ინგუნი“ მძვინვარებს. ქვეყნის ცენტრალურ ნაწილში, ქარის სიჩქარემ საათში 180 კილომეტრს მიაღწია. დაზიანდა საცხოვრებელი სახლები, უსაფრთხოების მიზნით, ქალაქ ბოდოში დაიკეტა საავტომობილო გზები და გაუქმდა სატრანსპორტო მიმოსვლა. ქარიშხალმა ნორვეგიის რამდენიმე რაიონში წყალდიდობაც გამოიწვია, რის გამოც ათობით დასახლება ელექტროენერგიის გარეშე დარჩა. ბოლო 30 წლის განმავლობაში ყველაზე ძლიერი ქარიშხლის გამო, ნორვეგიაში გაუქმდა ავიარეისებიც.

უკრაინელმა მაშველებმა კრივოი როგის ორ შახტში მოყოლილი 113 მაღაროელი გადაარჩინეს. მამაკაცები მიწის ზედაპირზე ამოსვლას ვერ ახერხებდნენ, რადგან რუსეთის მიერ დრონებით განხორციელებული შეტევის შედეგად ელექტროქვესადგური დაზიანდა და შახტების ენერგომომარაგება შეწყდა. ინფორმაცია 113-ივე მაღაროელის გადარჩენის შესახებ კრივოი-როგის თავდაცვის საბჭოს ხელმძღვანელმა, ოლექსანდრ ვილკულმა გაავრცელა.

აიდაჰოს შტატის ქალაქ ბოისის აეროპორტში მშენებარე შენობა ჩამოინგრა, შედეგად სამი ადამიანი დაიღუპა, 9 კი დაშავდა. ქალაქის ხელისუფლების განცხადებით, ინციდენტის შედეგად ცხრა დაშავებულიდან 5 მძიმე მდგომარეობაშია. სამი ადამიანი ადგილზე გარდაიცვალა. ნგრევის ადგილზე მომუშავე სახანძრო ბრიგადებმა რამდენიმე დაშავებული გადაარჩინეს. ,,არ ვიცი, რამ გამოიწვია ეს, მაგრამ შემიძლია გითხრათ, რომ ეს იყო საკმაოდ დიდი ნგრევა,” – თქვა ბოისის მეხანძრემ აარონ ჰუმელმა ბრიფინგზე.

ჟურნალისტთა დაცვის კომიტეტის (CPJ) მონაცემების მიხედვით, ისრაელი-“ჰამასის” ომს, სულ მცირე, 85 ჟურნალისტი ემსხვერპლა. მათგან 78 პალესტინელი, 4 ისრაელელი და 3 ლიბანელი იყო. არსებული ინფორმაციით, დაშავებულია 16 ჟურნალისტი, 4 დაკარგულად მიიჩნევა, 25 კი დაკავებულია. კომიტეტი იძიებს მედიის წარმომადგენელთა დაკავებისა და მუქარის შემთხვევებსაც. ასევე, დაუდასტურებელ ცნობებს მედიის ოფისებსა და ჟურნალისტების სახლების დაზიანების შესახებ.

,,ომს არ დავიწყებთ, მაგრამ ვისაც ჩვენი დაშინება ენდომება, მკაცრს პასუხს მიიღებს”. ამის შესახებ ირანის პრეზიდენტმა განაცხადა. მისი მტკიცებით, ისლამური რესპუბლიკის სამხედრო ძალა რეგიონში არ არის და არც არასდროს ყოფილა საფრთხე არც ერთი ქვეყნისთვის, არამედ ირანი უზრუნველყოფს უსაფრთხოებას, რომელსაც რეგიონის ქვეყნებს შეუძლიათ დაეყრდნონ და ენდონ. ,,ჩვენ არ დავიწყებთ არანაირ ომს, მაგრამ თუ ვინმეს სურს ჩვენი დაშინება, ისინი მიიღებენ ძლიერ პასუხს”, – თქვა ებრაჰიმ რაისიმ სატელევიზიო გამოსვლაში. ცნობისთვის, შეერთებული შტატები აპირებს პასუხი გასცეს იორდანიაში, სამხედრო ბაზაზე დრონით თავდასხმას, რომლის დროსაც სამი ამერიკელი ჯარისკაცი დაიღუპა და სულ მცირე 40 დაშავდა. შტაბი თავდასხმაში ირანის…

ბიშკეკის ერთადერთ თბოელექტროსადგურზე აფეთქება მოხდა. ადგილობრივი მედიის ცნობით, ყირგიზეთის დედაქალის მთელ სამხრეთ ნაწილს ელექტროენერგია და ცხელი წყალი არ მიეწოდება. არსებული ინფორმაციით, ავარიის შედეგად 5 ადამიანი დაშავდა, მათგან ორის მდგომარეობა უკიდურესად მძიმეა. მათ სხეულის 80%-ის დამწვრობა მიიღეს. ქვეყნის საგანგებო სიტუაციების სამსახურის ხელმძღვანელი არ გამორიცხავს, რომ ავარია დივერსიას გამოეწვია, თუმცა, მისივე თქმით, შესაძლებელია ასევე ტექნიკური მიზეზებიც.

დღეს გერმანიაში, თითქმის მთელი ქვეყნის მასშტაბით, საზოგადოებრივი ტრანსპორტის თანამშრომლებიც გაფიცვაა დაგეგმილი. გაფიცვაში ავტობუსების, ტრამვაის და მეტროს მემანქანეები მიიღებენ მონაწილეობას. ტრანსპორტის პროფკავშირები თავისი 90 ათასი წევრისთვის ხელფასების მატებას და სამუშაო პირობების გაუმჯობესებას ითხოვს. ბრანდენბურგში გაფიცულები ხელფასის 20 პროცენტით გაზრდას ითხოვენ. ანაზღაურების მატების გარდა, როკავშირები საზოგადოებრივი ტრანსპორტის მემანქანეებისთვის სამუშაო საათების შემცირებასაც ითხოვს.

თურქეთში, ზოგიერთმა ფინანსურმა ინსტიტუტმა, რუსული კომპანიების ანგარიშების დახურვა დაიწყო და მოთხოვნები გაზარდა იმ პირებისადმი, რომლებიც ბარათების გახსნას აპირებენ. რუსულ პრესაში წერენ, რომ თურქული ბანკების პოლიტიკა დეკემბერში, ჯო ბაიდენის ბრძანებულების გამოქვეყნების შემდეგ, მკვეთრად შეიცვალა. ცნობისთვის, ბაიდენმა აშშ-ის ხაზინას მიანიჭა უფლებამოსილება, რომ გამარტივებული წესით დასაჯოს ბანკები, რომლებიც რუსეთის წინააღმდეგ დაწესებულ სანქციებს არღვევენ.

უკრაინის შეიარაღებული ძალების მთავარსარდალმა, ვალერი ზალუჟნიმ რუსეთთან ომში მყოფი ქვეყნის 3 ძირითადი ამოცანა დაასახელა მიმდინარე წლისთვის. ,,2024 წელს ჩვენი ძირითადი ძალისხმევა 3 მიმართულებაზე უნდა მივმართოთ: შევქმნათ სისტემა ჩვენი შეიარაღებული ძალების მაღალტექნოლოგიური აქტივებით უზრუნველყოფისთვის, დავნერგოთ წვრთნისა და ომის ახალი ფილოსოფია, რომელიც ითვალისწინებს მათი გამოყენების საშუალებებისა და აქტივების შეზღუდვას, მესამე, ახალი საბრძოლო შესაძლებლობების რაც შეიძლება სწრაფად დაუფლებაა”, – წერს ზალუჟნი ვრცელ სტატიაში. მაღალტექნოლოგიური საშუალებებზე საუბრისას, ის ყურადღებას ამახვილებს უპილოტო საფრენი აპარატების სისტემის განვითარებაზე. მისივე თქმით, უკრაინას უკვე აქვს მტრის განადგურების და სახელმწიფოებრიობის არსებობის უზრუნველყოფის შესაძლებლობები. ზალუჟნი ამბობს, რომ რუსეთი, იმის გათვალისწინებით, თუ…

რუსეთი არ შეიძლება იყოს სომხეთის მთავარი პარტნიორი თავდაცვის სფეროში. ამის შესახებ სომხეთის პრემიერმინისტრმა, ნიკოლ ფაშინიანმა განაცხადა. მისი თქმით, წარსულში სომხეთის თავდაცვის სექტორის ურთიერთობების 95-97% რუსეთთან იყო. ფაშინიანის აზრით, სომხეთს არმიის განვითარების კონცეფციის შეცვლა სჭირდება. ,,ახლა ეს არ შეიძლება იყოს იგივე, როგორც ობიექტური, ასევე სუბიექტური მიზეზების გამო. ჩვენ უნდა გავიგოთ, როგორი ურთიერთობა გვაქვს, მაგალითად, ინდოეთთან ამ კონცეფციაში”, – განაცხადა ფაშინიანმა. მან აღნიშნა, რომ ერევანი ეძებს ახალ პარტნიორებს, რადგან მოსკოვმა ვერ შეასრულა მოკავშირის ვალდებულებები. სომხეთის პრემიერი ამბობს, რომ ყარაბაღში განვითარებულმა მოვლენებმა სომხეთს თავდაცვის სფეროში ახალი პარტნიორების მოძიების აუცილებლობა აჩვენა.

თურქეთში, ქალაქ სტამბოლის მახლობლად მდებარე Procter & Gamble (P&G) ქარხანაში მძევლად აყვანილი 7 ადამიანი, 9-საათიანი ტყვეობის შემდეგ გაათავისუფლეს. ქარხანაში პოლიცია მას შემდეგ შევიდა, რაც ეჭვმიტანილი საპირფარეშოში გავიდა. ადგილობრივი გუბერნატორის, სედარ იავუზის თქმით, მძევლები არ დაშავებულან. ეჭვმიტანილი დაკავებულია. მომხდართან დაკავშირებით გამოძიება მიმდინარეობს. ოფიციალური პირები ამბობენ, რომ ეჭვმიტანილს სურდა ყურადღების მიპყრობა ღაზის სექტორში მიმდინარე ვითარებასთან დაკავშირებით. გავრცელებული ინფორმაციით, ქარხნის შენობის შესასვლელთან პალესტინის დროშა იყო დახატული წარწერით “ღაზისთვის კარი ღია იქნება.”