თვე: მარტი 2024

ვლადიმერ პუტინმა ხელი მოაწერა განკარგულებას რუსეთის მოქალაქეების სამხედრო სამსახურში გაწვევის შესახებ. შესაბამისი დოკუმენტი იურიდიული ინფორმაციის ოფიციალურ ინტერნეტ პორტალზე დღეს გამოქვეყნდა. განკარგულების მიხედვით, ჯარში 18-დან 30 წლამდე ახალგაზრდები გაიწვევენ. საერთო ჯამში, სამხედრო სამსახურში 150 000 ადამიანის გაწვევა იგეგმება, რაც ყველაზე დიდი მაჩვენებელია ბოლო 8 წლის განმავლობაში. მანამდე რუსეთის ხელისუფლებამ მიიღო გადაწყვეტილება სამხედრო სამსახურში გაწვევის ასაკის ზედა ზღვარის 27-დან 30-მდე გაზრდასთან დაკავშირებით. ამიტომ, მოქალაქეებს, რომლებსაც გასული წლის დეკემბრის ბოლომდე შეუსრულდათ 27 წელი, არ გაიწვევენ. პარასკევს, 29 მარტს, რუსეთის გენერალურმა შტაბმა პირობა დადო, რომ ახალწვეულებს უკრაინასთან საბრძოლო მოქმედების ზონაში არ გაგზავნიან.

საფრანგეთის თავდაცვის მინისტრმა გამოაცხადა, რომ საფრანგეთი ასეულობით ძველ ჯავშანმანქანას და ახალ „ხმელეთი-ჰაერის“ ტიპის რაკეტებს მიაწვდის კიევს. ამის შესახებ La Tribune Dimanche-ისთვის 31 მარტს მიცემულ ინტერვიუში განაცხადა სებასტიენ ლეკორნიუმ. ფრანგი მინისტრის თქმით, საფრანგეთის პრეზიდენტმა, ემანუელ მაკრონმა, მას მერე, რაც უკრაინის პრეზიდენტს ვოლოდიმირ ზელენსკის შეხვდა, მას სთხოვა მოემზადებინა დახმარების პაკეტი, რომელიც შეიცავს საფრანგეთის ძველ, მაგრამ მოქმედ აღჭურვილობას. უკრაინა დასავლეთის ქვეყნებისგან ითხოვს სამხედრო ტექნიკას და შეიარაღებას, რათა რუსეთის მზარდ იერიშებს გაუმკლავდეს. მისი მთავარი დამხმარე ქვეყნები აშშ და გერმანია არიან.

სანქტ-პეტერბურგში 400-ზე მეტი მიგრანტის დეპორტაციის გადაწყვეტილება მიიღეს. რუსეთის ხელისუფლების მტკიცებით, ამ პირებმა დაარღვიეს მიგრაციასთან დაკავშირებული კანონმდებლობა. ინფორმაციას ქალაქის სასამართლოების პრესსამსახური ავრცელებს. კვირის განმავლობაში, რუსეთის სამართალდამცავი სტრუქტურები მიგრანტების აღმოსაჩენად მასობრივ რეიდებს აწყობდნენ, როგორც სანქტ-პეტერბურგში, ასევე ქვეყნის სხვა ქალაქებში. როგორც იტყობინებიან, ბოლო 5 დღის განმავლობაში, ქალაქის სასამართლოებში, თითქმის 600 პირის საქმე შევიდა. 418 პირთან დაკავშირებით, ჯარიმის დაწესებასთან ერთად, მიღებულია დეპორტაციის გადაწყვეტილებაც. კიდევ 50 უცხოელს ქვეყნის დამოუკიდებლად დატოვება დაევალა. “Фонтанка”-ს ინფორმაციით, დეპორტაციის წინ, 418 პირი უცხო ქვეყნების მოქალაქეების დროებითი განთავსების ცენტრში გადაიყვანეს. მანამდე გავრცელებული ოფიციალური სტატისტიკის თანახმად, ხსენებული ცენტრი მხოლოდ 336 ადამიანს იტევს.…

უკრაინის საჰაერო ძალების განცხადებით, გუშინ ღამით უკრაინელებმა რუსეთის მიერ გაშვებული 9 დრონი და 9 რაკეტა ჩამოაგდეს. “გუშინ ღამით რუსი ოკუპანტები უკრაინას თავს საკრუიზო და ბალისტიკური რაკეტებით დაესხნენ. რაკეტები ოკუპირებული ყირიმიდან და ზაპოროჟიედან გაუშვეს. ამასთან, მტერმა უპილოტო საფრენი აპარატები უკრაინის ტერიტორიაზე პრიმორსკო-ახტარსკიდან გაუშვა. ჩვენმა საჰაერო თავდაცვის ნაწილებმა 18 სამიზნე გაანადგურეს. 9 Shahed-ის ტიპის დრონი და 9 საკრუიზო რაკეტა”, – ნათქვამია განცხადებაში. რუსეთი უკრაინაში 2022 წლის 24 თებერვალს შეიჭრა. რუსულ სამხედრო ძალებს ათასობით მშვიდობიანი მოქალაქის სიცოცხლე ემსხვერპლა. ლტოლვილად და იძულებით გადაადგილებულ პირად 10 მილიონზე მეტი ადამიანი იქცა.

გვსურს, ევროპის საუკეთესო სამეულში დავიკავოთ ადგილი კორუფციის სიმცირის თვალსაზრისით, – ამის შესახებ საქართველოს პრემიერ-მინისტრმა, ირაკლი კობახიძემ ანტიკორუფციული ბიუროს წლიური ანგარიშის პრეზენტაციაზე სიტყვით გამოსვლისას განაცხადა. მთავრობის მეთაურმა ხაზი გაუსვა, რომ ეს მიზანი არის სავსებით მიღწევადი. „მთავრობის კეთილინდისიერების“ ინდექსით საქართველო მსოფლიოს საუკეთესო 40 და ევროპის საუკეთესო 20 ქვეყანას შორის დასახელდა და ბოლოს, მექრთამეობის შემთხვევების სიმცირით საქართველო მსოფლიოში მე-13 ადგილზე, ხოლო ევროპის საუკეთესო ათეულშია, სამთავრობო კონტრაქტების მოპოვებისას მოსყიდვისგან თავისუფლებით კი მსოფლიოში საუკეთესოა. ეს არის ის შედეგები, რომლებიც გვაძლევს, რა თქმა უნდა, კმაყოფილების საფუძველს, თუმცა, ჩვენ ამ შედეგებით და მიღწევებით არ უნდა დავკმაყოფილდეთ. ჩემი…

გვსურს ევროპის საუკეთესო სამეულში დავიკავოთ ადგილი კორუფციის სიმცირის თვალსაზრისით, –  ამის შესახებ საქართველოს პრემიერ-მინისტრმა ირაკლი კობახიძემ ანტიკორუფციული ბიუროს წლიური ანგარიშის პრეზენტაციაზე სიტყვით გამოსვლისას განაცხადა. მთავრობის მეთაურმა ხაზი გაუსვა, რომ ეს მიზანი არის სავსებით მიღწევადი. „მთავრობის კეთილინდისიერების“ ინდექსით საქართველო მსოფლიოს საუკეთესო 40 და ევროპის საუკეთესო 20 ქვეყანას შორის დასახელდა და ბოლოს, მექრთამეობის შემთხვევების სიმცირით საქართველო მსოფლიოში მე-13 ადგილზე, ხოლო ევროპის საუკეთესო ათეულშია, სამთავრობო კონტრაქტების მოპოვებისას მოსყიდვისგან თავისუფლებით კი მსოფლიოში საუკეთესოა. ეს არის ის შედეგები, რომლებიც გვაძლევს, რა თქმა უნდა, კმაყოფილების საფუძველს, თუმცა, ჩვენ ამ შედეგებით და მიღწევებით არ უნდა დავკმაყოფილდეთ. ჩემი…

უკრაინის შეიარაღებული ძალების სტრატკომის ინფორმაციით, ჰაკერული ჯგუფის UA25-ის წევრებმა რუსეთს 12 მილიარდი დოლარის ზარალი მიაყანეს. სტრატკომის ცნობით, ჰაკერებმა 100 კრიტიკულად მნიშვნელოვან რუსულ ვებგვერდზე შეღწევა შეძლებს და ათობით ტერაბაიტის მოცულობის საიდუმლო ინფორმაცია მოიპოვეს. უწყებაში ამბობენ, რომ ეს ყველაფერი რამდენიმე წუთში მოხდა. უკრაინული მხარის თქმით, რუსეთს სერვერებისა და ინფორმაციის აღდგენისთვის დიდი დრო და რესურსი დასჭირდება. -0:18

რუსი ჟურნალისტი ანტონინა ფავორსკაია, რომელიც ოპოზიციონერი ალექსეი ნავალნის სასამართლო პროცესს აშუქებდა, მოსკოვში “ექსტრემიზმის” ბრალდებით დააპატიმრეს. მოსკოვის სასამართლოს განკარგულებით ფავორსკაია პატიმრობაში გამოძიების დასრულდება დარჩება და მორიგი სასამართლო პროცესი 28 მაისამდე არ გაიმართება. ჟურნალისტის სასამართლო პროცესი დახურულ კარს მიღმა გაიმართა, რაც ფავორსკაიამ და მისმა ადვოკატმა გააპროტესტეს. ფავორსკაიას ნავალნის ფონდისთვის მასალების მოგროვება, ვიდეოების მონტაჟი და წარმოება ედება ბრალად. ოპოზიციონერის ფონდი რუსეთში “ექსტრემისტულ ორგანიზაციად” არის გამოცხადებული. ფავორსკაიას 6 წლამდე თავისუფლების აღკვეთა ემუქრება. ჟურნალისტი 17 მარტს დააკავეს, როცა ის ნავალნის საფლავზე, ყვავილების მისატანად მივიდა. ის პოლიციის დაუმორჩილებლობისთვის დააკავეს, რის გამოც ჟურნალისტმა 10 დღე ციხეში გაატარა,…

რუსეთში მართლმადიდებლური ეკლესიის მღვდლებს უბრძანეს, უკრაინასთან ომში რუსეთის გამარჯვებისთვის ილოცონ.  შესაბამისი წერილი, რომელსაც ხელს აწერს მოსკოვის საპატრიარქოს საქმეთა მმართველი, მიტროპოლიტი გრიგოლ ვოსკრესენსკი, ხელთ რუსულ მედიას ჩაუვვარდა. ეს არის პირველი დოკუმენტი, რომელიც ოფიციალურ დონეზე ეკლესიაში ომის მხარაჭერას უწყობს ხელს. ვოსკრესენსკის ბრძანებაში ნათქვამია, რომ მღვდლებმა ლოცვა ყოველდღე უნდა წაიკითხონ – ეკლესიასა და სახლში. იმავდროულად, რუსეთი სიკვდილით დასჯის დაბრუნებას გეგმავს. პარტია „სამართლიანი რუსეთი“ ამ საკითხზე რეფერენდუმის ჩატარების ინიციატივით გამოვიდა.  სახელმწიფო სათათბიროს თავმჯდომარე ვიაჩესლავ ვოლოდინი კი აცხადებს, რომ „რეფერენდუმი საჭირო არ არის და საკმარისია საკონსტიტუციო სასამართლოს გადაწყვეტილება“.

პანკისის ხეობა და ისლამური მეჩეთის ახალი იმამის ამბავი. ჩეჩენი ბლოგერები ამტკიცებენ, რომ პანკისში ახალდანიშნული იმამი – ტახირ დუიშვილი რამზან კადროვის კადრი და მისი ინსტრესების გამტარებელია. დუიშვილი ხეობის ტრადიციული ისლამური მეჩეთის იმამი, ანუ წინამძღვარი, მარტის დასაწყისში გახდა. ჩეჩენ აქტივიტებს თუ დავეყრდნობით, გროზნოში მცხოვრები ტახირ დუიშვილი, პანკისში იმამად კადიროვს დაქვემდებარებულმა ჩეჩნეთის სამუფთომ გაამწესა. დუიშვილის რუსულ ინტერესებზე კითხვის ნიშნების მას შემდეგ გაჩნდა, რაც 21 მარტს სოციალურ ქსელ „ტელეგრამში“ აუდიოჩანაწერები გავრცელდა. ჩანაწერების ავთენტურობა დადგენილი არ არის, ხმა სავარაუდოდ ტახირ დუიშვილს ეკუთვნის; ის კადიროვის დაქვემდებარებულ სამუფთოს მადლობას უხდის „ნდობისთვის“ და პირობას დებს, რომ აქ მათთვის…