დღე: თებერვალი 26, 2024

თამაშდამოკიდებულთა რიცხვი საქართველოში ნორმიდან დიდ გადახვევას წარმოადგენს და ჩვენი ვარაუდით, დაახლოებით, მოსახლეობის 15%-ია – განცხადება ამის შესახებ UNICEF-ის ექსპერტმა, გუგა ბესელიამ, განათლების კომიტეტის სხდომაზე გააკეთა, სადაც „მოზარდებსა და ახალგაზრდებში აზარტულ თამაშებზე დამოკიდებულების პრევენციის და გამოჯანმრთელების პოლიტიკა: გამოწვევები და გაუმჯობესების შესაძლებლობები“ თემატური მოკვლევის ანგარიშს ისმენენ. მოკვლევა გაეროს ბავშვთა ფონდის (UNICEF) მხარდაჭერით განხორციელდა. ,,დათვლილია საშუალო მონაცემი, მოსახლეობის თუ რა პროცენტია ნორმა, რომ თამაშდამოკიდებული იყოს. ეს პროცენტი მერყეობს 2-დან 2.5 %-მდე. ჩვენთან ეს მონაცემი ოფიციალური არ არის, მაგრამ იმ კვლევებიდან გამომდინარე, რომელიც საქართველოში ამ მიმართულებით არსებობს, ეს რიცხვი საკმაოდ გაზრდილია და დიდ გადახვევას…

მარნეულის სოფელ თაზაქენდში მომხდარ ავტოსაგზაო შემთხვევას 28 წლის ნემატ იოლჩუიევის სიცოცხლე ემსხვერპლა. გავრცელებული ინფორმაციით, ახალგაზრდა კაცი ქორწილიდან სახლში ბრუნდებოდა, რა დროსაც ავარია მოჰყვა.  

ონკოპაციენტები პრემიერმინისტრთან შეხვედრას ითხოვენ. მათ დღეს ირაკლი კობახიძის სახელზე მთავრობის ადმინისტრაციაში წერილი შეიტანეს. აქციის მონაწილეები მკურნალობის დაფინანსებას და 25 ათასლარიანი ზღვრის მოხსნას ითხოვენ. ასევე ამბობენ, რომ მათთვის განკუთვნილ მედიკამენტებზე დეფიციტია. ,,12 თებერვალს შევიტანეთ პრემიერთან წერილი. ამის შემდეგ დაგვიკავშირდა ჯანდაცვის სამინისტრო და 16 თებერვალს გვქონდა შეხვედრა ჯანდაცვის სამინისტროსთან. ეს შეხვედრა იყო ძალიან არაპროდუქტიული, რადგანაც ჩვენ ვერცერთ კითხვაზე კონკრეტული პასუხი ვერ გაგვცეს, ვერ გვითხრეს როდის გამოსწორდება ეს ხარვეზები. სწორედ ამიტომაც, დღეს ჩვენ შევიტანთ ისევ წერილს პრემიერ ირაკლი კობახიძესთან შეხვედრის მოთხოვნით”, – ამბობს ერთ-ერთი მოქალაქე. არსებული ინფორმაციით, ონკოპაციენტები და მათი ახლობლები 3 მარტს…

ბათუმში, აღმაშენებლის ქუჩაზე, ხანძარია. საგანგებო სიტუაციების მართვის სამსახურის ცნობით , ცეცხლი ავტონაწილების სასაწყობე ნაგებობას გაუჩნდა. ადგილზე მეხანძრე-მაშველები არიან მობილიზებულნი. რამ გამოიწვია ხანძარი, ამ ეტაპზე, უცნობია.

93 წლის ასაკში ქართველი თეატრმცოდნე და საზოგადო მოღვაწე ნოდარ გურაბანიძე გარდაიცვალა. ინფორმაციას საქართველოს შოთა რუსთაველის თეატრისა და კინოს სახელმწიფო უნივერსიტეტი ავრცელებს: „ნოდარ გურაბანიძე, საქართველოს სათეატრო ხელოვნებისა და სათეატრო კრიტიკის პატრიარქი იყო. ის იყო ადამიანობისა და პროფესიონალიზმის საუკეთესო, მისაბაძი მაგალითი. 90 წელს გადაცილებულიც ბევრ ახალგაზრდაზე უკეთ აზროვნებდა და წერდა. ბატონი ნოდარი იყო გამორჩეული პიროვნული თვისებებით დაჯილდოებული ადამიანი. არასდროს გულში ბოროტი არ გაუვლია, არავისთვის განზრახ ცუდი არ გაუკეთებია. პირიქით, ყოველთვის ცდილობდა ყველას დახმარებოდა, გვერდში ამოდგომოდა. ყველაზე მეტად დასაფასებელი კი ისაა, რომ ბატონ ნოდარს ახალგაზრდობა, მომავალი თაობა უყვარდა, აფასებდა, უხაროდა მათი პროფესიული წარმატებები.…

სახელმწიფო-პოლიტიკური თანამდებობის პირებს ნარკოლოგიური შემოწმების გავლის ვალდებულება აღარ ექნებათ. ინფორმაციას “ინტერპრესნიუსი” ავრცელებს. უქმდება „კორუფციის წინააღმდეგ ბრძოლის შესახებ“ კანონით განსაზღვრული ვალდებულება, რომელიც დაკავშირებულია საქართველოს პრეზიდენტის, პარლამენტის წევრების, მინისტრების, მათი პირველი მოადგილეებისა და მოადგილეების, ასევე აფხაზეთისა და აჭარის ავტონომიური რესპუბლიკების უმაღლესი წარმომადგენლობითი ორგანოების წევრებისა და მთავრობის წევრების მიერ ნარკოლოგიური შემოწმების გავლასთან. შესაბამისად, უქმდება ნარკოლოგიური შემოწმების გავლისთვის თავის არიდებაზე დადგენილი ჯარიმა, რომლის ოდენობაც 500 ლარია. ეს ერთ-ერთი ცვლილებაა “კორუფციის წინააღმდეგ ბრძოლის შესახებ“ კანონში დაგეგმილ ცვლილებათა შორის, რომელიც “ქართული ოცნების“ დეპუტატებმა მოამზადეს. პარლამენტში წარდგენილი პროექტის მიხედვით, კანონიდან ამოდის მუხლი, რომლის თანახმად, აღნიშნული თანამდებობის პირები ვალდებულნი არიან…

მიხეილ სააკაშვილის სასამართლო პროცესი დაწყებიდან რამდენიმე წუთში გადაიდო. მიზეზი საქმის ფიგურანტი ერთ-ერთი პირის ადვოკატის სხდომაზე გამოუცხადებლობა გახდა. შეგახსენებთ, რომ თბილისის საქალაქო სასამართლოში დღეს ე.წ. 7 ნოემბრის საქმის სხდომა იყო ჩანიშნული. მიხეილ სააკაშვილის ადვოკატებმა სასამართლო კოლეგიას სთხოვეს მესამე პრეზიდენტისთვის სიტყვით გამოსვლის უფლება მიეცა, თუმცა მოსამართლემ ეს თხოვნა არ დააკმაყოფილა. არსებული ინფორმაციით, მომდევნო სხდომა 11 მარტს, 12-ის ნახევარზე ჩაინიშნა.

ზოგადი განათლების ეროვნული მიზნების დოკუმენტი 2004 წლის შემდეგ პირველად განახლდება, უახლოეს დღეებში სამინისტრო დოკუმენტის საჯარო განხილვას დაიწყებს,- ამის შესახებ საქართველოს პრემიერ-მინისტრმა ირაკლი კობახიძემ მთავრობის სხდომაზე განაცხადა. პრემიერ-მინისტრის თქმით, ზოგადი განათლების სისტემის უმთავრესი ამოცანა იქნება უზრუნველყოს ისეთი სასკოლო გარემოს შექმნა, რომელიც ეროვნულ-პატრიოტულ სულისკვეთებაზე, პიროვნულ განვითარებაზე, ოჯახის ინსტიტუტის პატივისცემაზე, უნივერსალურ ეთიკურ პრინციპებსა და დემოკრატიულ ღირებულებებზე იქნება ორიენტირებული. „განათლების მინისტრმა წარმოადგინა ზოგადი განათლების ეროვნული მიზნების დოკუმენტი, რომელიც 2004 წლის შემდეგ პირველად განახლდება. დოკუმენტის თანახმად, ზოგადი განათლების სისტემის უმთავრესი ამოცანა იქნება უზრუნველყოს ისეთი სასკოლო გარემოს შექმნა, რომელიც ეროვნულ-პატრიოტულ სულისკვეთებაზე, პიროვნულ განვითარებაზე, ოჯახის ინსტიტუტის პატივისცემაზე,…

ცნობილი ქართველი სოპრანო თამარ ივერი სოციალურ ქსელში მშობლებისა და შვილების ურთიერთობაზე წერს. „ეს ყველაფერი მართლაც დღევანდელობის გლობალური ტრაგედიაა, რომ შვილებს მათი მოხუცი მშობლებისთვის აღარ სცალიათ. პირადად მე, მივატოვე ევროპაში უზრუნველი ცხოვრება, რომ სიცოცხლის ბოლო 12 წელი დედის გვერდზე მეცხოვრა და ის ვიღაც მომვლელების ამარა არ დამეტოვებინა. ეს ჩემი მხრიდან დიდ სიყვარულთან ერთად, იმ უდიდესი ამაგის დაფასებაც იყო, რაც დედამ ჩემთვის გასწია. მოეფერეთ მშობლებს!“, – წერს თამარ ივერი სოციალურ ქსელში.

ახალგაზრდებისთვის ანაზღაურებადი სტაჟირების კანონის აღსრულება საპილოტე რეჟიმში წელსვე დაიწყება, – ამის შესახებ საქართველოს პრემიერ-მინისტრმა ირაკლი კობახიძემ მთავრობის სხდომაზე განაცხადა. პრემიერის თქმით, წელს უნდა იქნას უზრუნველყოფილი უნივერსიტეტების 2-3 ათასი კურსდამთავრებულის მიერ ოთხ თვიანი ანაზღაურებადი სტაჟირების გავლა სახელმწიფო სტრუქტურებში. „პარლამენტმა როგორც მოგეხსენებათ, შარშან მიიღო კანონი ახალგაზრდებისთვის ანაზღაურებადი სტაჟირების შესაძლებლობის მინიჭების შესახებ. ეს კანონი საჭიროებს ეფექტიან აღსრულებას და მინდა გაგაცნოთ ჩემი გადაწყვეტილება იმის შესახებ, რომ კანონის აღსრულება საპილოტე რეჟიმში დაიწყება უკვე წელსვე. წელს უნდა უზრუნველვყოთ უნივერსიტეტების 2-3 ათასი კურსდამთავრებულის მიერ სულ მცირე, ოთხ თვიანი ანაზღაურებადი სტაჟირების გავლა სახელმწიფო სტრუქტურებში. გარდა ამისა, მუნიციპალიტეტებთან და კერძო…

თელავის რაიონულმა სასამართლომ სრულად გაიზიარა პროკურატურის მიერ წარდგენილი მტკიცებულებები და დამამძიმებელ გარემოებაში, ჯგუფურად ჩადენილი განზრახ მკვლელობის ფაქტზე ბრალდებული დამნაშავედ ცნო. სასამართლო პროცესზე გამოკვლეული მტკიცებულებებით დადასტურდა, რომ 2023 წლის 18 იანვარს, გურჯაანის რაიონის სოფელ ველისციხეში, ბრალდებულის საცხოვრებელ სახლში, ორმა პირმა, წარსულში არსებული კონფლიქტის ნიადაგზე, შურისძიების მოტივით, დაზარალებულს ჯგუფურად, მოკვლის განზრახვით, ბლაგვი საგნების გამოყენებით სხეულის დაზიანებები მიაყენეს, შემდეგ კი გაგუდეს. მიღებული დაზიანებებით ის ადგილზე გარდაიცვალა. აღნიშნულის შემდგომ, დანაშაულის ჩამდენმა პირებმა მოკლული ველისციხეში სარწყავი არხის მიმდებარე ტერიტორიაზე მდებარე ჭაში დამარხეს. ასევე, დანაშაულის ჩამდენი პირები მოკლულის კუთვნილ მობილურ ტელეფონს დაეუფლნენ. საქმეზე ჩატარებული საგამოძიებო მოქმედებების…

თბილისის საქალაქო სასამართლოში დღეს ე.წ. 7 ნოემბრის საქმეზე მესამე პრეზიდენტის მორიგი სასამართლო პროცესი გაიმართება. უცნობია ჩაერთვება თუ არა მიხეილ სააკაშვილი პროცესზე დისტანციურად. ყოფილი პრეზიდენტის ადვოკატის თქმით, დღევანდელ სასამართლოზე ბრალდების მხარის მტკიცებულებებს გამოიკვლევენ. ,,წინასწარ, ცხადია, უცნობია, კონკრეტულად რომელ მტკიცებულებას გამოვიკვლევთ, თუმცა ეს იქნება მოწმე, რომელსაც პროკურატურა წარმოადგენს. პრეზიდენტს სააკაშვილის დასწრების შესახებ ცნობილი ხდება სხდომის დაწყების წინ, როცა სასამართლოს გადაეცემა ნებართვა და რეკომენდაცია სამკურნალო დაწესებულებიდან და ასევე პენიტენციური სამსახურიდან. ამიტომ, დასწრების საკითხი ჩვენთვისაც უცნობია. თავად საქმე, ცხადია, არის პოლიტიკური. ამ საქმეზე არავითარი მტკიცებულება არ არსებობს იმის დასადასტურებლად, რომ სააკაშვილმა რაიმე სასამართლო დარღვევა…