დღე: თებერვალი 25, 2024

უკრაინამ ევროპისა და აშშ-ის უსაფრთხოების მარეგულირებლებს საჰაერო სივრცის გახსნის გეგმის დასადასტურებლად მიმართა, ამის შესახებ უკრაინის თემების, ტერიტორიებისა და ინფრასტრუქტურის განვითარების მინისტრმა ალექსანდრე კუბრაკოვმა ფორუმზე “უკრაინა 2024 წელი” განაცხადა. კუბრაკოვმა აღნიშნა, რომ უკრაინა კონსულტაციებს გადის ამერიკულ და ევროპულ საჰაერო სივრცის უსაფრთხოების მარეგულირებლებთან. “კომპლექსური პროცესია, მაგრამ უკრაინა ახლა დგამს პირველ ფორმალურ ნაბიჯებს. ამ კვირებში ჩვენ შესაბამის მარეგულირებელ ორგანოებს გადავცემთ რისკის შეფასების ოფიციალურ განცხადებებს… ჩვენთვის მნიშვნელოვანია, რომ ამერიკელმა და ევროპულმა მარეგულირებლებმა დაადასტურონ ჩვენი მოქმედებების ალგორითმი”, – განაცხადა მინისტრმა. კონკრეტული დრო, თუ როდის იქნება შესაძლებელი უკრაინის საჰაერო სივრცის გახსნა, ისევ გაურკვეველი რჩება. შეგახსენებთ, რომ უკრაინამ,…

“მტერს ახალი სიურპრიზები ელის – მშვიდობიან მოსახლეობას ე.წ ყირიმის ხიდის გამოყენებას არ ვურჩევ”, – ამის შესახებ უკრაინის თავდაცვის სამინისტროს მთავარი სადაზვერვო სამმართველოს ხელმძღვანელი, გენერალ-ლეიტენანტი კირილ ბუდანოვი საუბრობს. “რუსეთის ომი უკრაინის წინააღმდეგ დაიწყო არა ორი წლის წინ, არამედ ათი წლის წინ – უკრაინული ყირიმის ოკუპაციასთან ერთად. თუმცა არც უკრაინის სახელმწიფო და არც უკრაინელები არ დათანხმდნენ აგრესორის უფლების აღიარებას ყირიმის მიწაზე… წარმატებული თავდაცვისა და კონტრშეტევისთვის ჩვენ უნდა ვაკონტროლოთ შავი ზღვა და ვიყოთ ყირიმის ნახევარკუნძულზე. დაკისრებული ამოცანები შესრულებულია. დაგპირდით, რომ 2023 წელს უკრაინული სპეცრაზმი ყირიმში იქნებოდა და ჩვენ ეს დაპირება შევასრულეთ. მტერს ახალი სიურპრიზები ელის…

  ნავალნის თანამებრძოლები რუსი ოპოზიცონერის სიკვდილის შესახებ დამატებითი ინფორმაციის მისაღებად 100 000 ევროს ოდენობით ჯილდოს აწესებენ. ინფორმაციას გარდაცვლილი ოპოზიციონერის თანაპარტიელი ივან ჟდანოვი “ტელეგრამ” არხზე ავრცელებს. შეგახსენებთ, რუსი ოპოზიციონერი ალექსეი ნავალნი 47 წლის ასაკში16 თებერვალს, ციმბირის ციხეში დაიღუპა. რუსული პროპაგანდისტული მედია სიკვდილის მიზეზად თრომბს ასახელებს, მსოფლიო ლიერები კი ნავალნის სიკვდილზე პასუხისმგებლობას პირადად ვლადიმერ პუტინს აკისრებენ.

გაერთიანებული სამეფოს პრემიერ-მინისტრის, რიში სუნაკი, დასავლეთს უკრაინის მხარდაჭერაში მეტი  აქტიურობისკენ მოუწოდებს: ”პუტინის რუსეთი აგრძელებს გლობალური უსაფრთხოებისთვის უდიდესი საფრთხის შექმნას. ეს ომი აჩენს ფუნდამენტურ კითხვას იმის შესახებ, არის თუ არა დასავლეთი მზად, გააკეთოს ის, რაც საჭიროა ევროპასა და მის ფარგლებს გარეთ თავისუფლებისა და უსაფრთხოების დასაცავად“, – წერს სუნაკი ბრიტანულ The Sunday Times-ში გამოქვეყნებულ სტატიაში. სუნაკის თქმით, მისი ქვეყანა და დასავლელი დემოკრატიული მოკავშირეები არ უნდა დამორჩილდნენ მზარდ პესიმიზმს, რომელიც არსებობს მოსკოვის დამარცხებაში კიევის შესაძლებლობებთან დაკავშირებით. „როგორც ჩანს, მოდად იქცა იმის გამოცხადება, რომ უკრაინა, რატომღაც, განწირულია წაგებისთვის, მაგრამ ეს უბრალოდ არასწორია. დიახ, უნდა…

უკრაინის პრეზიდენტი ვოლოდიმირ ზელენსკი საქართველოს პრეზიდენტს, სალომე ზურაბიშვილს გუშინ გავრცელებული ვიდეომიმართვისთვის მადლობას უხდის. „გმადლობთ, ქალბატონო პრეზიდენტო! აგრესორზე ერთობლივი და ძლიერი ზეწოლა მნიშვნელოვანია, რათა ყველა მისი მეზობელი ერი თავისუფალი დარჩეს. ძალიან ვაფასებთ საქართველოსა და მის თავისუფლების მოყვარე ერს“, – წერს ზელენსკი. საქართველოს პრეზიდენტმა, სალომე ზურაბიშვილმა გუშინ ვიდეომიმართვა გაავრცელა სადაც განაცხადა: „ორი წელი გავიდა, მაგრამ რუსეთმა ვერ გაიმარჯვა, ვერ შეძლო უკრაინის სიმტკიცის გატეხა“.  

25 თებერვალი საბჭოთა ოკუპაციის დღეა, მომავლის შესანარჩუნებლად წარსულის გაკვეთილების გახსენება აუცილებელია, – ამის შესახებ საქართველოს პრეზიდენტი, სალომე ზურაბიშვილი სოციალურ ქსელში წერს. ზურაბიშვილი საბჭოთა ოკუპაციის დღეს „ტვიტერში“ ეხმაურება. „დღეს დამოუკიდებლობამ და თავისუფლებამ გაიმარჯვა! რუსეთის იმპერიალისტური მცდელობები, გამოსცადოს ჩვენი სიმტკიცე ჩვენს ოკუპირებულ ტერიტორიებზე თუ ჰიბრიდულ ზომების გამოყენებით, წარსულს ვერ აღადგენს. საქართველო თავისუფალი და მტკიცეა, მტკიცედ მიემართება ევროპისკენ და ვერავინ გადაიყვანს იმ გზიდან, რომელიც ქართველი ხალხის თავისუფალი არჩევანია“,- წერს ზურაბიშვილი სოციალურ ქსელში.

საქართველოს პრემიერ-მინისტრმა ირაკლი კობახიძემ საბჭოთა ოკუპაციის დღესთან დაკავშირებით კოჯორში იუნკერთა მემორიალი გვირგვინით შეამკო. მთავრობის მეთაური მემორიალზე პარლამენტის თავმჯდომარე შალვა პაპუაშვილთან; ვიცე-პრემიერთან, თავდაცვის მინისტრ ირაკლი ჩიქოვანთან; თბილისის მერთან, კახა კალაძესთან და საკანონმდებლო ხელისუფლების წარმომადგენლებთან ერთად მივიდა. საბჭოთა ოკუპაციიდან 103 წელი გავიდა. აღნიშნულ თარიღთან დაკავშირებით დროშები დაეშვა ადმინისტრაციულ შენობებზე და საზღვარგარეთ საქართველოს დიპლომატიურ წარმომადგენლობებში. 25 თებერვალი საბჭოთა ოკუპაციის დღედ საქართველოს პარლამენტის დადგენილებით არის გამოცხადებული.

აღგვაფრთოვანებს ქართველი ხალხის თავისუფლებისა და დამოუკიდებლობის სიყვარული-საქართველოს ევროპისკენ მიმავალ გზაზე შეერთებული შტატები თქვენ გვერდითაა,- ამის შესახებ საქართველოში ამერიკის შეერთებული შტატების საელჩოს განცხადებაშია ნათქვამი. როგორც საელჩოს განცადებაშია ნათქვამი, დღეს ვიხსენებთ მათ, ვინც საბჭოთა ოკუპაციას შეეწირა. „ამ ტრაგიკულ დღეს ვიხსენებთ მათ, ვინც საბჭოთა ოკუპაციას შეეწირა. აღგვაფრთოვანებს ქართველი ხალხის თავისუფლებისა და დამოუკიდებლობის სიყვარული. საქართველოს ევროპისკენ მიმავალ გზაზე შეერთებული შტატები თქვენ გვერდითაა“,- აღნიშნულია განცხადებაში. ცნობისთვის, საბჭოთა ოკუპაციიდან 103 წელი შესრულდა. აღნიშნულ თარიღთან დაკავშირებით, დროშები დაეშვა ადმინისტრაციულ შენობებზე და საზღვარგარეთ საქართველოს დიპლომატიურ წარმომადგენლობებში. 25 თებერვალი საბჭოთა ოკუპაციის დღედ საქართველოს პარლამენტის დადგენილებით არის გამოცხადებული.