დღე: თებერვალი 23, 2024

მებაჟე ოფიცრებმა ყაზბეგში არადეკლარირებული საქონელი გამოავლინეს. მათი ინფორმაციით, ამოღებულია 419 კოლოფი ელექტროსიგარეტი, რომელსაც უცხო ქვეყნის მოქალაქე ავტომობილში მალავდა. მისმა საერთო საბაჟო ღირებულებამ 14 109,48 ლარი შეადგინა. ,,ფინანსთა სამინისტროს შემოსავლების სამსახურის საბაჟო გამშვებ პუნქტში “ყაზბეგი”, მებაჟე ოფიცრების მიერ, უცხო ქვეყნის მოქალაქის მართვის ქვეშ არსებული ავტომობილის, ეჭვის საფუძველზე, დეტალური დათვალიერების შედეგად, სპეციალურად მოწყობილ სამალავებში, არადეკლარირებული საქონელი, კერძოდ – 419 კოლოფი ელექტრო სიგარეტი გამოვლინდა… საქმე, შემდგომი რეაგირების მიზნით, ფინანსთა სამინისტროს საგამოძიებო სამსახურს გადაეცა,” – ნათქვამია შემოსავლების სამსახურის მიერ გავრცელებულ განცხადებაში.

თბი­ლის­ში, გლდანში, შვილ­მა მამა მოკ­ლა. წინასწარი ინფორმაციით, შვილმა მამას სასიკვდილო ჭრილობა სავარაუდოდ ცივი იარაღით მიაყენა. საგამოძიებო მოქმედებები ადგილზე ამ დრომდე მიმდინარეობს. როგორც მეზობლები ამბობენ, დანაშაულს ოჯახის მცირეწლოვანი წევრიც შეესწრო. სწორედ, ბრალდებულის 12 წლის დამ დარეკა 112-ში. ,,არავინ არაფერი იცის. სახლში მოხდა და ზუსტად რა მოხდა არ იციან. ოჯახი მშვენივრად ცხოვრობდა, მშრომელი ხალხი არიან დედ-მამა და ეს ბიჭი არ ვიცი”, – ამბობს ერთ-ერთი ადგილობრივი. ,,დილით დაინახეს დანით ხელში, დაარტყა და ჩამოვიდა შვილი, აქ ტრიალებდა, გაოგნებული იყო თვითონაც. 112-ში დარეკა მეორე შვილმა პატარამ, 12 წლისაა. ეს ბავშვიც შეესწრო, სახლში იყო. ძირითადად, ეს…

UFC-ის ქართველმა მებრძოლმა, მერაბ დვალიშვილმა ამერიკაში მშენებლობაზე მუშაობის პერიოდი გაიხსენა. ინფორმაციას სოციალურ ქსელში სალი ირემაძე ავრცელებს. ,,ამერიკაში შენთვის არავის სცალია, ყველას თავისი საქმე აქვს – აქაურ გადასახადებს რომ გაუმკლავდეს, ნორმალურად რომ იცხოვროს, ყველამ უნდა იმუშაოს. მე კი, რადგან აქ სპორტში არავინ მიცნობდა, ბრძოლებში თანხასაც არ მიხდიდნენ. პროფესიონალებში რომ გადავსულიყავი, სახელის მოსახვეჭად ყველაფერი ნულიდან დავიწყე. მშენებლობაზე მივედი სამუშაოდ, რადგან სახლების დასანგრევად ფიზიკურად ძლიერი, გამძლე და ამტანი ბიჭები სჭირდებოდათ. პირველი ზამთარი ძალიან ძნელი შესაჩვევი იყო – ფიზიკურად მძიმე მუშაობა, დანგრევა და მერე ამ ნაგვის კონტეინერში ჩაყრა, თან, ყოველდღე, კვირის გარდა, გარეთ, ყინვაში…

პრემიერმინისტრი ირაკლი კობახიძე ამბობს, რომ ამერიკასთან პარტნიორობაში “წლების მანძილზე გვქონდა გარკვეული სისუსტე”. ,,წლების მანძილზე გვქონდა გარკვეული სისუსტე, გარკვეულია გამოვლინება იმისა, რომ შესუსტებული იყო თითქოს ინტერესის სტატეგიული პარტნიორობის კუთხით, რაც ჩვენთვის სამწუხარო განვითარება იყო. კონკრეტულ დეტალებშიც იყო ეს გამოხატული, მაგალითად, უმაღლესი დონის ვიზიტები არ შემდგარა ქვეყნებს შორის უკვე არაერთი წელია, დაახლოებით 6-7 წელი იქნება. ეს გამოიხატება პროტოკოლურ საკითხებშიც, მაგალითად, მილოცვები რომ ავიღოთ, დაახლოებით ალბათ უკვე მერვე წელია, უმაღლეს დონეზე არც ერთ პრეზიდენტს თუ პრემიერს არ მიუღია მილოცვა აშშ-დან. არის შედარებით საშუალო დონე, რა დონეზეც იგზავნება მილოცვები. სავაჭრო-ეკონომიკური ურთიერთობის კუთხითაც არ გვაქვს…

კახეთში ავტოსაგზაო შემთხვევის შედეგად 6 ადამიანი დაშავდა. არსებული ინფორმაციით, ტრაილერი სამგზავრო მიკროავტობუსს შეეჯახა. თვითმხილველების ცნობით, სატვირთო მანქანის მძღოლმა საჭე ვერ დაიმორჩილა, მოცურდა და ჯერ “ფორდის” მარკის მიკროავტობუსს შეეჯახა, შემდეგ კი გადატრიალდა. მგზავრებმა სხეულის მრავლობითი დაზიანებები მიიღეს. ისინი სასწრაფო სამედიცინო დახმარების ბრიგადებმა კახეთის ორ კლინიკაში გადაიყვანეს. მგზავრები სოფელ ფშავლიდან თბილისის მიმართულებით მიდიოდნენ. შემთხვევის ადგილზე ექსპერტ-კრიმინალისტები მუშაობენ.

საქართველოს პრეზიდენტმა, სალომე ზურაბიშვილმა, იუნკერთა ხსოვნას პატივი მიაგო. ის ჯერ კოჯორში იმყოფებოდა მემორიალთან, შემდეგ კი საქართველოს პარლამენტთან მივიდა. ცნობისთვის, სალომე ზურაბიშვილი პარლამენტმა იუნკერთა ხსოვნისთვის პატივის მისაგებად ცერემონიალზე არ მიიწვია. როგორც შალვა პაპუაშვილმა აღნიშნა, ამ ღონისძიებაზე “პრეზიდენტის მონაწილეობა გათვალისწინებული არ ყოფილა”.

საქართველოს პრემიერ-მინისტრი ირაკლი კობახიძე 1921 წლის თებერვალში კოჯორ-ტაბახმელასთან დაღუპულ იუნკერთა ხსოვნისადმი მიძღვნილ ღონისძიებას დაესწრო. მთავრობის მეთაურმა პარლამენტის თავმჯდომარესთან − შალვა პაპუაშვილთან ერთად იუნკერთა მემორიალი გვირგვინით შეამკო და მათ ხსოვნას პატივი მიაგო. ირაკლი კობახიძე პარლამენტში არსებულ ხარების სახელობის სამლოცველოში იუნკერთა სულის მოსახსენიებელ პანაშვიდსაც დაესწრო. ღონისძიებაზე ასევე იმყოფებოდნენ ვიცე-პრემიერი, საქართველოს თავდაცვის მინისტრი ირაკლი ჩიქოვანი, თბილისის მერი კახა კალაძე, აღმასრულებელი და საკანონმდებლო ხელისუფლების წარმომადგენლები.

ბათუმში, ფრიდონ ხალვაშის ქუჩაზე ქვეითს მანქანა დაეჯახა. 61 წლის კაცი კლინიკაში გადაიყვანეს. არსებული ინფორმაციით, მისი ჯანმრთელობის მდგომარეობა კრიტიკულია. ინფორმაციას “აჭარა თაიმსი” ავრცელებს. როგორც გამოცემას საავადმყოფოში განუცხადეს, პაციენტი მართვით სუნთქვაზე, რეანიმაციულ განყოფილებაშია მოთავსებული.

პრეზიდენტი პარლამენტმა იუნკერთა ხსოვნისთვის პატივის მისაგებად ცერემონიალზე არ მიიწვია. ამის შესახებ ინფორმაციას პრეზიდენტის ადმინისტრაცია ავრცელებს. ,,სამწუხაროდ, იმის გამო, რომ საქართველოს პრეზიდენტი არ ყოფილა მიწვიეული პარლამენტის მიერ, არ მიეცა შესაძლებლობა დასწრებოდა პარლამენტის ეზოში მდებარე ხარების სახელობის სამლოცველოში იუნკერთა სულის მოსახსენებელ პანაშვიდს და სახელმწიფოს ინსტიტუტების სხვა წარმომადგენლებთან ერთად, პატივი მიეგო იუნკერების ხსოვნისათვის”, – ნათქვამია პრესსამსაუხირს განცხადებაში. პრეზიდენტის ადმინისტრაციის ცნობით, სალომე ზურაბიშვილი დღეს, 13:00 საათზე, 1921 წლის თებერვალში კოჯორ-ტაბახმელას ბრძოლებში დაღუპული იუნკერების მემორიალს გვირგვინით შეამკობს და პატივს მიაგებს მათ ხსოვნას, რის შემდგეგაც პრეზიდენტი ყვავილებით შეამკობს პარლამენტის სასახლის ფასადზე განთავსებულ იუნკერების მემორიალურ დაფას.

შინაგან საქამეთა სამინისტრომ ნარკოდანაშაულის ბრალდებით 270 პირი დააკავა, მათ შორის 27 ნარკორეალიზატორია. ამის შესახებ ცენტრალური კრიმინალური პოლიციის დეპარტამენტის დირექტორმა თეიმურაზ კუპატაძემ საგანგებო ბრიფინგზე განაცხადა. ,,მიმდინარე წლის დასაწყისიდან შსს-სა და გენერალური პროკურატურის თანამშრომლების მიერ, ქვეყნის მასშტაბით ჩატარებული ოპერატიული ღონისძიებისა და საგამოძიებო ღონისძიების შედეგად ნარკოდანაშაულის ბრალდებით 270 პირია დაკავებულია, აქედან 27 ნარკორეალიზატორია. მათ შორის არიან ისეთები, ვინც, ხელიდან ხელში გასაღებით ახდენენ რეალიზებას, არიან, ე.წ. დამდებები, ასევე არიან უკანონოდ შემომტანი პირები, რომლებსაც სხეულის მეშვეობით შემოჰქონდათ საქართველოს საზღვარზე ნარკოტიკული საშუალებები. დაკავებულია, როგორც საქართველოს, ისე უცხო ქვეყნის მოქალაქეები. ბრალდებულების მითითებული ლოკაციებიდან, მათი საცხოვრებელი სახლებისა და…