დღე: თებერვალი 8, 2024

,,მერისი, სოფელი გარეტყე… ასეთი სიტუაციაა ჩემი სახლის გარშემო, 18 მეწყრული კერაა”, – წერს სოციალურ ქსელში ადგილობრივი როინ თურმანიძე და მეწყერსაშიში ზონიდან ფოტოებს აქვეყნებს. ,,მერისი, სოფელი გარეტყე, ასეთი სიტუაციაა ჩემი სახლის გარშემო და მთლიანობაში გარეტყის ამ პატარა სოფელში 18 მეწყრული კერაა”, – წერს მოქალაქე.

ბაღდათის რაიონის სოფელ ნერგეეთში, სტიქიის ზონაში, სამძებრო სამუშაოები მთელი ღამის განმავლობაში მიმდინარეობდა. ამის შესახებ შინაგან საქმეთა სამინისტროს განცხადებაშია საუბარი. ,,შინაგან საქმეთა სამინისტროს საგანგებო სიტუაციების მართვის სამსახურის მეხანძრე-მაშველები მთელი ღამის განმავლობაში ახორციელებდნენ საძიებო სამუშაოებს. ინტენსიური ძებნა-შველის ღონისძიების შედეგად, ბაღდათის მუნიციპალიტეტის, სოფელ ნერგეეთში, მეწყერში მოყოლილი 8 პირის ცხედარი ნაპოვნია, ერთის მიმართ კი უწყვეტ რეჟიმში მიმდინარეობს საძიებო სამუშაოები. სტიქიის ზონაში, 200-ზე მეტი მეხანძრე-მაშველი, შესაბამისი აღჭურვილობით, მცურავი საშუალებებით, ტექნიკითა და დრონებით ახორციელებს სამძებრო სამუშაოებს. ძებნა-შველის ღონისძიებაში, ასევე ჩართულია კინოლოგთა ჯგუფი”, – ნათქვამია განცხადებაში.

,,მეწყრული პროცესები განვითარდა და 10-ზე მეტი ოჯახია ევაკუირებული”. ამის შესახებ ხაშურის მერმა თენგიზ ჩიტიაშვილმა განაცხადა, რომელიც მეწყრული პროცესების განვითარების შემდეგ სურამში ჩავიდა. ,,მეწყრული პროცესები განვითარდა და პირველი ეტაპზე მოხდა მოქალაქეების ევაკუაცია. ვისაც არ აქვს საშუალება, რომ ნათესავთან გადავიდეს ის რამდენიმე მოქალაქე და ოჯახი გადაყვანილია სასტუმროში. დანარჩენი გეოლოგების შესწავლის საკითხია, უკვე დილიდან დაიწყება ეს პროცესი და იმის მიხედვით ვიმოქმედებთ. პოლიცია, საგანგებო სამსახური მობილიზებულია და ყველა შესაბამისი უწყება არის ინფორმირებული ამის შესახებ. დაახლოებით 10-ზე მეტი ოჯახია გაყვანილი ამ ზონიდან და მაინც, უსაფრთხოების მიზნით, ქვედა მხრიდან გაგვყავს კიდევ ოჯახები. დაახლოებით 1,5 საათია დაიწყო…

სურამში, გვიან ღამით, მეწყრული პროცესები განვითარდა. ამ დროისთვის ზინდისის დასახლებაში მოსახლეობის ევაკუაცია მიმდინარეობს. ადგილზე მობილიზებულია სამაშველო სამსახური. სხვა დამატებითი დეტალები ჯერჯერობით უცნობია.

8 თებერვალს, საქართველოს მართლმადიდებელი ეკლესია წმინდანად შერაცხული მეფის, დავით აღმაშენებლის ხსენების დღეს აღნიშნავს. დღეს დავითობაა. ქვეყნის გაერთიანება, აღმშენებლობა, გამარჯვებები, ქვეყნის ძლიერების სიმბოლო სწორედ დავით აღმაშენებს უკავშირდება. „მედიაცენტრი მთავარი“ გილოცავთ დავითობას. დავით აღმაშენებელი 1089 წელს, 16 წლის ასაკში გამეფდა და 36 წელი მეფობდა. დავით აღმაშენებლის მეფობის დროს აშენდა გელათის აკადემია, სადაც იოანე პეტრიწი, არსენ იყალთოელი და სხვები მოღვაწეობდნენ. მეფე დავითი 53 წლის ასაკში 1125 წელს აღესრულა. ანდერძის თანახმად, დავით აღმაშენებელი გელათის მონასტრის შესასვლელშია დაკრძალული.