დღე: თებერვალი 16, 2024

უკრაინის პრეზიდენტი ვოლოდიმირ ზელენსკი პარიზში ჩავიდა. ცნობილია, რომ დაგეგმილია პრეზიდენტ მაკრონთან შეხვედრა და უსაფრთხოების ხელშეკრულებაზე ხელმოწერა. ცნობისთვის, ელისეის სასახლეში შეხვედრების დასრულების შემდეგ, ზელენსკი გერმანიაში დაბრუნდება, სადაც მიუნხენის საერთაშორისო კონფერენცია მიმდინარეობს. დაგეგმილია უკრაინის პრეზიდენტის მიმართვა კონფერენციის მონაწილეებისთვის. აღსანიშნავია, რომ დღეს უკრაინასა და გერმანიას შორის უსაფრთხოების სფეროში თანამშრომლობის შესახებ შეთანხმება გაფორმდა.

მეტი...

ამერიკის შეერთებული შტატების პრეზიდენტი, ჯო ბაიდენი რუსი ოპოზიციონერის ალექსეი ნავალნის ციხეში სიკვდილს ეხმაურება და აცხადებს, რომ აღნიშნულზე პასუხისმგებელი პუტინია. „ნავალნი გაბედულად დაუპირისპირდა კორუფციას, ძალადობას და ყველა იმ ცუდს, რასაც პუტინის მთავრობა აკეთებდა. ამის საპასუხოდ, პუტინმა მოწამლა, დააპატიმრა და შეთითხნილი დანაშაულებისთვის დასჯა… მას შეეძლო უსაფრთხოდ ეცხოვრა ემიგრაციაში 2020 წელს მისი მკვლელობის მცდელობის შემდეგ. სანაცვლოდ, ის დაბრუნდა რუსეთში – იცოდა, რომ სავარაუდოდ დააპატიმრებდნენ, მოკლავდნენ, თუ გააგრძელებდა თავის საქმიანობას, მაგრამ მან ეს მაინც გააკეთა იმიტომ, რომ ძალიან ღრმად სწამდა თავისი ქვეყნის, რუსეთის” – განაცხადა ჯო ბაიდენმა. მისივე თქმით, ახლა დროა ამერიკელმა პოლიტიკოსებმა მიიღონ…

მეტი...

გაეროს ადამიანის უფლებათა ოფისი ალექსეი ნავალნის სიკვდილის დამოუკიდებელ გამოძიებას ითხოვს: „თუ ვინმე სახელმწიფოს პატიმრობაში იღუპება, ამაზე პასუხისმგებელი სახელმწიფოა.. ამ პასუხისმგებლობის უარყოფა შესაძლებელია მხოლოდ დამოუკიდებელი ორგანოს მიერ განხორციელებული მიუკერძოებელი, საფუძვლიანი და გამჭვირვალე გამოძიების გზით”.- აღნიშნულია განცხადებაში. გაეროს ოფისი თქმითვე, არაერთხელ გამოთქვეს შეშფოთება ნავალნის პატიმრობაზე. ადამიანის უფლებათა დაცვის კომისარმა ვოლკერ ტურკმა გასული წლის ზაფხულში საჯაროდაც მოითხოვა მისი გათავისუფლება და განაცხადა, რომ ხანგრძლივი სასჯელი მიუთითებდა რუსეთის მიერ სასამართლო სისტემის პოლიტიკური მიზნებისთვის გამოყენებას. შეგახსენებთ, რომ 47 წლის ასაკში, ალექსეი ნავალნი დღეს, ციმბირის ციხეში დაიღუპა. რუსული სამთავრობო პროპაგანდისტული მედია ირწმუნება, რომ ნავალნის სიკვდილის მიზეზი თრომბია.…

მეტი...

მოლდოვის პრეზიდენტი მაია სანდუ რუსი ოპოზიციონერის, ალექსეი ნავალნის ციხეში სიკვდილს ეხმაურება: „ალექსეი ნავალნის სიკვდილი ციხეში არის მკაფიო შეხსენება, როგორი შემაძრწუნებელია რეჟიმის მიერ განსხვავებული აზრის გათელვა. ჩემი გულახდილი ფიქრი მიმართულია მისი ოჯახის, ყველა დემოკრატიულად მოაზროვნე რუსის მიმართ და იმ ხალხის მიმართაც, რომლებიც იბრძვიან თავისუფლებისა და დემოკრატიისთვის რუსეთის შიგნით და მის გარეთაც” – აცხადებს მაია სანდუ. შეგახსენებთ, რომ 47 წლის ასაკში, ალექსეი ნავალნი დღეს, ციმბირის ციხეში დაიღუპა. რუსული სამთავრობო პროპაგანდისტული მედია ირწმუნება, რომ ნავალნის სიკვდილის მიზეზი თრომბია. მსოფლიო ლიდერების დიდი ნაწილი რუსი ოპოზიციონერის გარდაცვალებაში პუტინს ადანაშაულებენ.

მეტი...

რუსეთის საგარეო საქმეთა სამინისტროს პრესსპიკერი მარია ზახაროვა რუსი ოპოზიციონერის, ალექსეი ნავალნის სიკვდილზე საუბრობს და ისრები NATO-ს ქვეყნებისკენ გადააქვს: „ნატოს ქვეყნების ლიდერების მყისიერი რეაქცია ნავალნის მკვლელობაზე რუსეთის წინააღმდეგ პირდაპირი ბრალდებების სახით, თვითგამომჟღავნებაა. სასამართლო ექსპერტიზა ჯერ არ ჩატარებულა, მაგრამ დასავლეთის დასკვნები უკვე მზადაა“, – განაცხადა ზახაროვამ. შეგახსენებთ, რომ 47 წლის ასაკში, ალექსეი ნავალნი დღეს, ციმბირის ციხეში დაიღუპა. რუსული სამთავრობო პროპაგანდისტული მედია ირწმუნება, რომ ნავალნის სიკვდილის მიზეზი თრომბია. მსოფლიო ლიდერების დიდი ნაწილი რუსი ოპოზიციონერის გარდაცვალებაში პუტინს ადანაშაულებენ.

მეტი...

რუსეთის დუმის თავმჯდომარე, ვიაჩესლავ ვოლოდინი რუსი ოპოზიციონერის ალექსეი ნავალნის მკვლელობაში დასავლეთს ადანაშაულებს. „ყველა მათგანი, მათი სახელები კარგად არის ცნობილი: ნავალნის სიკვდილში დამნაშავეები არიან ნატოს გენერალური მდივანი და აშშ-ის ხელმძღვანელობა, შოლცი, სუნაკი და ზელენსკი. სწორედ ისინი, ვინც მიიღეს უამრავი წარუმატებელი გადაწყვეტილებები და მიჯაჭვულნი არიან თავიანთ პოზიციებზე, სარგებლობენ მისი სიკვდილით“, – განაცხადა ვოლოდინმა. შეგახსენებთ, რომ 47 წლის ასაკში, ალექსეი ნავალნი დღეს, ციმბირის ციხეში დაიღუპა. რუსული სამთავრობო პროპაგანდისტული მედია ირწმუნება, რომ ნავალნის სიკვდილის მიზეზი თრომბია. მსოფლიო ლიდერების დიდი ნაწილი რუსი ოპოზიციონერის გარდაცვალებაში პუტინს ადანაშაულებენ.

მეტი...

უკრაინული მედიის ცნობით, უკრაინამ და გერმანიამ უსაფრთხოების შესახებ შეთანხმება გააფორმეს. „ბერლინში სახელმწიფო ლიდერებმა ხელი მოაწერეს უპრეცენდენტო შეთანხმებას უსაფრთხოების სფეროში თანამშრომლობისა და გრძელვადიანი მხარდაჭერის შესახებ უკრაინასა და გერმანიას შორის. ეს არის მეორე შეთანხმება, გაერთიანებულ სამეფოსთან შეთანხმების შემდეგ, რომელსაც ჩვენ ხელს ვაწერთ” – აღნიშნულია განცხადებაში.

მეტი...

თბილისში, რუსეთის ყოფილ საელჩოსთან, რუსი ოპოზიციონერის, ალექსეი ნავალნის გარდაცვალებასთან დაკავშირებით, რუსი აქტივისტები მდუმარე აქციას მართავენ. ისინი ნავალნის სიკვდილში პუტინს ადანაშაულებენ. შეგახსენებთ, რომ 47 წლის ასაკში, ალექსეი ნავალნი დღეს, ციმბირის ციხეში დაიღუპა. რუსული სამთავრობო პროპაგანდისტული მედია ირწმუნება, რომ ნავალნის სიკვდილის მიზეზი თრომბია. ცნობისთვის, რუსი ოპოზიციონერის გარდაცვალებაზე მსოფლიო ლიდერების დიდი ნაწილი პასუხისმგებლობას სწორედ პუტინს აკისრებს.

მეტი...

საქართველოს მესამე პრეზიდენტი, მიხეილ სააკაშვილი რუსი ოპოზიციონერის სიკვდილს ეხმაურება და წერს, რომ ალექსეი ნავალნი პუტინმა მოკლა: „პუტინმა ციხეში მოკლა ალექსეი ნავალნი. შარშან ნავალნიმ ციხიდან ჩემს მხარდასაჭერად წერილი გამოაგზავნა. პუტინი ნავალნის მე ხშირად მადარებდა და, რა თქმა უნდა, ერთიანად ვეზიზღებოდით. შარშან პუტინის დავალებით ოლიგარქის პრორუსულმა რეჟიმმა მომწამლა ციხეში და მაშინ ღმერთმა გადამარჩინა. რა თქმა უნდა, ივანიშვილს ხელი არ აუღია პუტინის დავალების შესრულებაზე და მეც ნავალნის მსგავსად ბოლომდე ვიბრძოლებ პუტინიზმის დამარცხებისთვის საქართველოში” –  წერს მიხეილ სააკაშვილი

მეტი...

რუსეთის ციხეში გარდაცვლილი რუსი ოპოზიციონერის გარდაცვალებასთან დაკავშირებით განცხადებას აშშ-ის ვიცე-პრეზიდენტი, კამალა ჰარისიც აკეთებს. „ეს, რა თქმა უნდა, საშინელი ამბავია. თუ დადასტურდება, რომ (პუტინია დამნაშავე), ეს იქნება პუტინის სისასტიკის კიდევ ერთი ნიშანი.  შეგვიძლია ნათლად განვაცხადოთ, რომ ამაზე პასუხისმგებელი რუსეთია. ამის შესახებ უფრო მეტს ახლო მომავალში ვიტყვით,” – აცხადებს კამალა ჰარისი.  

მეტი...

ალექსეი ნავალნის გარდაცვალებასთან დაკავშირებით განცხადებას ევროკომისიის პრეზიდენტიც ავრცელებს. როგორც  ურსულა ფონ დერ ლაიენი წერს, დამნაშავე პუტინი და მისი რეჟიმია. „შეწუხებული და დამწუხრებული ვარ ალექსეი ნავალნის გარდაცვალების შესახებ იმფორმაციით. პუტინს საკუთარი ხალხის მხრიდან უთანხმოებაზე მეტად არაფრის ეშინია. ეს არის საზარელი შეხსენება იმისა, თუ რას წარმოადგენს პუტინი და მისი რეჟიმი. უნდა გავერთიანდეთ ჩვენს ბრძოლაში, რათა დავიცვათ მათი თავისუფლება და უსაფრთხოება, ვინც ბედავენ ავტოკრატიის წინააღმდეგ დადგომას“, – აცხადებს უსრულა  ფონ დერ ლაიენი. შეგახსენებთ, რომ  რუსი ოპოზიციონერი პოლიტიკოსი ალექსეი ნავალნი დღეს რუსეთის კოლონიაში გარდაიცვალა.

მეტი...

ევროკავშირის უმაღლესი წარმომადგენელი ჯოზეფ ბორელი ალექსანდრ ნავალნის გარდაცვალებასთან დაკავშირებით წერს. „შოკირებული ვარ მედიის ინფორმაციით ალექსეი ნავალნის გარდაცვალებასთან დაკავშირებით, ძალიან მამაცი ადამიანის, რომელმაც თავისი სიცოცხლე რუსეთის ღირსების გადარჩენას, დემოკრატებისთვისა და სამოქალაქო საზოგადოებისთვის იმედის მიცემას დაუთმო. მოდით ნათელი ვიყოთ. პასუხისმგებელი მხოლოდ პუტინია,” – წერს ჯოზეფ  ბორელი. შეგახსენებთ,  რომ რუსი ოპოზიციონერი პოლიტიკოსი, ალექსეი ნავალნი დღეს ციმბირის ციხეში გარდაიცვალა.

მეტი...

ალექსეი ნავალნის მეუღლე მისი ქმრის გარდაცვალების შემდეგ პირველ განცხადებას აკეთებს და მომხდარში პუტინის რეჟიმს ადანაშაულებს. „ყველაზე დიდი ბოროტება, რაც კი არსებობს, რომელიც ახლა მძვინვარებს რუსეთის ფედერაციაში, ეს პუტინი და მისი რეჟიმია. პუტინი არის პასუხისმგებლები ამ ყველაფერზე და მათ პერსონალურად უნდა აგონ პასუხი რაც ხდება. მინდა მადლობა გადაგიხადოთ მხარდაჭერისთვის“ – ეს განცხადება ნავალნის მეუღლემ მიუნჰენის კონფერენციაზე გააკეთა. შეგახსენებთ, რომ რუსი ოპოზიციონერი ალექსეი ნავალნი, ციმბირში, სასჯელაღსრულების დაწესებულებაში, სადამსჯელო საკანში გარდაიცვალა.

მეტი...

უკრაინასა და გერმანიას შორის უსაფრთხოების სფეროში თანამშრომლობის შესახებ შეთანხმება გაფორმდა. მას ხელი ვოლოდიმირ ზელენსკიმ და ოლაფ შოლცმა მოაწერეს. ,,ჩვენ ხელი მოვაწერეთ შეთანხმებას უსაფრთხოების სფეროში თანამშრომლობის შესახებ უკრაინასა და გერმანიის ფედერაციულ რესპუბლიკას შორის”, – თქვა ნიკიფოროვმა. გერმანიის კანცლერმა, ოლაფ შოლცმა კი შეთანხმებას ისტორიული ნაბიჯი უწოდა. ,,ისტორიული ნაბიჯი. გერმანია გააგრძელებს უკრაინის მხარდაჭერას რუსეთის აგრესიული ომის წინააღმდეგ”, – განაცხადა შოლცმა.

მეტი...