დღე: თებერვალი 1, 2024

პატიმრობაში მყოფი საქართველოს მესამე პრეზიდენტი პოლიტიკურ განცხადებას ავრცელებს და ამბობს, რომ ამ არჩევნებში ოლიგარქს საქართველოს კლანჭებიდან გააგდებინებს. „ჩვენი ხალხის მორიგი დაცინვა – ივანიშვილი და მისი გუნდი საერთოდ მოწყვეტილია რეალობას. მთავარი არის ის, რომ ქართველებს აღარ აქვთ ეკონომიკური შესაძლებლობა იცხოვრონ საკუთარ ქვეყანაში. მრავალი წელია უკვე ადამიანების ცხოვრება არ უმჯობესდება მაშინ, როდესაც ივანიშვილის ქონება გაორმაგდა. მოსამართლეები, პროკურორები, პარლამენტარები, მინისტრები ივანიშვილისგან ყოველთვიურად კონვერტებით იღებენ “ხელფასს” და ამიტომ ხალხი ფეხებზე ჰკიდიათ. ნეპოტიზმმა და კორუფციამ წალეკა ქვეყანა. ამ არჩევნებში ოლიგარქს საქართველოს კლანჭებიდან გავაგდებინებ. ამისთვის ვარ მე აქ, ამისთვის ვთქვი უარი პრივილეგიებზე და კომფორტზე, ჩავიგდე სიცოცხლე…

პარლამენტში, ირაკლი კობახიძის ადგილს გიორგი ბარვენიშვილი დაიკავებს. ის ,,ქართული ოცნების” პროპორციულ საარჩევნო სიაში 71-ე იყო. შეგახსენებთ, რომ დღეს ირაკლი კობახიძე პრემიერმინისტრობის კანდიდატად წარადგინეს. რაც შეეხება ირაკლი ჩიქოვანის ადგილს, რომელიც თავდაცვის მინისტრობის კანდიდატი იქნება.  როგორც ფრაქცია „ქართული ოცნების“ თავმჯდომარე მამუკა მდინარაძემ განმარტა, ჩიქოვანი მაჟორიტარული სიით იყო არჩეული და რადგან საარჩევნო წელს შუალედური არჩევნები არ ტარდება, შესაბამისად, ზუგდიდს ოქტომბრის საპარლამენტო არჩევნებამდე, საქართველოს პარლამენტში მაჟორიტარი დეპუტატი არ ეყოლება.

შემდეგ სხდომაზე, ალბათ როგორც უმრავლესობის ლიდერს, მხარს დამიჭერენ. ამის შესახებ “ქართული ოცნების” აღმასრულებელმა მდივანმა, მამუკა მდინარაძემ განაცხადა. ,,ჩემთან დაკავშირებით ძალიან მარტივია, არ არის რამე სასკანდალო, დიახ, უმრავლესობაში არის ამაზე საუბარი და შემდეგ უმრავლესობის სხდომაზე, ალბათ როგორც უმრავლესობის ლიდერს, მხარს დამიჭერენ”, – თქვა მამუკა მდინარაძემ.  

როგორც საქართველოს პარლამენტის თავმჯდომარე შალვა პაპუაშვილმა ჟურნალისტებს განუცხადა, მთავრობის მოსმენისა და კენჭისყრის დღის წესრიგს პარლამენტის ბიუროს ხვალინდელ სხდომაზე შეათანხმებენ. რაც შეეხება პლენარულ სხდომაზე მთავრობის შემადგენლობისა და სამთავრობო პროგრამის კენჭისყრასა და დამტკიცებას, პროცედურა ხუთშაბათისთვის არის დაგეგმილი. „ირაკლი კობახიძემ როგორც განაცხადა, ის ხვალ მომართავს პარლამენტს მთავრობის შემადგენლობით და სამთავრობო პროგრამით. ხვალ, 17:00 საათზე ჩაინიშნება ბიუროს სხდომა და გვექნება დღის წესრიგის განხილვა. მომავალი კვირიდან, ორშაბათიდან უკვე იქნება საკომიტეტო მოსმენები მთავრობის შემადგენლობის და ჩვენი გეგმაა კვირის ბოლოსთვის, ხუთშაბათისთვის განვიხილოთ მთავრობის შემადგენლობა პლენარულ სხდომაზე და კენჭი ვუყაროთ მთავრობის ახალ შემადგენლობას“, – განაცხადა შალვა პაპუაშვილმა.

გავრცელებული სპეკულაციები საკადრო ცვლილებებთან დაკავშირებით, უსაფუძვლო იყო, რასაც ის ფაქტი ადასტურებს, რომ მინისტრთა კაბინეტის შემადგენლობაში მხოლოდ ერთი ცვლილება განხორციელდება. ამის შესახებ პრემიერ-მინისტრობის კანდიდატმა, ირაკლი კობახიძემ განაცხადა. ,,უამრავი თითიდან გამოწოვილი სპეკულაცია იყო მინისტრებთან, საკადრო ცვლილებებთან დაკავშირებით. იყო ერთკვირიანი ისტერიკა, რასაც არ ჰქონდა არავითარი საფუძველი, კიდევ ერთხელ გავიმეორებ, ყველა მინისტრს შევთავაზე თანამდებობაზე დარჩენა. ერთადერთი, პირადი მოსაზრებებიდან გამომდინარე თავდაცვის მინისტრს სურდა სხვა სფეროში გადანაცვლება, რასაც, რა თქმა უნდა, ანგარიში გავუწიეთ. ეს იყო ჩემი პოზიცია და ეს პოზიცია, დამყარებულია პირველ რიგში იმაზე, რომ სამთავრობო გუნდის საქმიანობა ირაკლი ღარიბაშვილთან ერთად, იყო თითოეული მინისტრის დამსახურება”, –…

თბილისის მერმა კახა კალაძემ „ქართული ოცნების“ ყრილობის დასრულების შემდეგ მედიასთან პრემიერ-მინისტრობის კანდიდატს ირაკლი კობახიძეს სამომავლო საქმიანობაში წარმატებები უსურვა. მისი თქმით, ირაკლი კობახიძეს „ქართული ოცნების“ სტრუქტურულ გაძლიერებაში მნიშვნელოვანი წვლილი მიუძღვის. „ირაკლი კობახიძე წარდგენილია მთავრობის მეთაურად პრემიერ-მინისტრის რანგში. მინდა, თავის გუნდთან ერთად წარმატებები ვუსურვო. მნიშვნელოვანი წელი გველოდება. ის სირთულეები რაც იყო, არსად წასულა. ერთიანი ძალისხმევით უნდა შევძლოთ ქვეყნის ეკონომიკური განვითარება და მშვიდობის შენარჩუნება. ირაკლის უდიდესი როლი აქვს პარტიის აღმშენებლობასა და სტრუქტურულ გაძლიერებაში. დარწმუნებული ვარ, როგორც პრემიერ-მინისტრი, წარმატებული იქნება“, – განაცხადა კახა კალაძემ.

,,ისტორიულ მინიმუმზეა უმუშევრობა და სიღარიბე, სიღარიბის დონე განახევრდა”. ამის შესახებ „ქართული ოცნების“ ახალარჩეული თავმჯდომარემ ირაკლი ღარიბაშვილმა, მმართველი პარტიის ყრილობაზე სიტყვით გამოსვლისას განაცხადა. „2012 წელს, ჩვენი ქვეყნის ეკონომიკა, მშპ იყო დაახლოებით, 27 მლრდ ლარი, წელს მშპ გახდება 86 მლრდ ლარი, ეს ნიშნავს, რომ „ქართული ოცნების“ მმართველობის დროს ეროვნული ეკონომიკა სამჯერ გაიზარდა. ისტორიულ მინიმუმზეა უმუშევრობისა და სიღარიბის დონე. ფაქტობრივად, განახევრდა სიღარიბე. 2012 წელთან შედარებით ნახევარ მილიონზე მეტმა ადამიანმა სიღარიბეს დააღწია თავი”, – განაცხადა ღარიბაშვილმა. მისი თქმით, საქართველო არაერთი მაჩვენებლით უსწრებს ევროკავშირისა და ნატო-ს წევრ ქვეყნებს. ,,ჩვენი ქვეყნის შთამბეჭდავ პროგრესზე მეტყველებს ყველაზე ობიექტური…

,,მაგრამ, სანამ კრიმინალური ორგანიზაცია რჩება პოლიტიკაში, საფრთხე არსად წასულა”. ამის შესახებ პარტია „ქართული ოცნების“ თავმჯდომარემ, ირაკლი ღარიბაშვილმა განაცხადა. ,,საქართველო დღეს კვლავ დიდი გამოწვევების დგას, კვლავ რთული გეოპოლიტიკური ვითარებაა მსოფლიოში. სამწუხაროდ, ერთ-ერთ უმთავრეს საფრთხედ ჯერ კიდევ რჩება ის ბოროტი ძალა, „ნაციონალური მოძრაობა“, რომელიც ჩვენ 2012 წელს ყველამ ერთად დავამარცხეთ. ვიდრე ეს კრიმინალური ორგანიზაცია რჩება პოლიტიკაში, საფრთხე არსად წასულა”, – აღნიშნა ღარიბაშილმა. მისივე თქმით, „ქართული ოცნება“ არის ერთადერთი ეროვნული, ქართული ინტერესების გამტარებელი პოლიტიკური ძალა. ,,ასევე მინდა, ვთქვა, ჩვენ ყველანი ვხედავთ, რომ ახლა უკვე აპრობირებული, მაგრამ განახლებული სტრატეგიით შენიღბული, მოჩვენებითად დაშლილი ფორმით, თუმცა…

ჯუანშერ ბურჭულაძე ნატოში საგანგებო და სრულუფლებიანი ელჩის თანამდებობას დაიკავებს. ამის შესახებ ჟურნალისტებს ბურჭულაძემ თავად განუცხადა. „13 წელია საჯარო მოხელე ვარ, მყავს დიდი ოჯახი. შემოთავაზება მივიღე, რისთვისაც ახალ პრემიერს მადლობას ვუხდი, რომ განვიხილო ნატო-ში ელჩობის თანამდებობა. ეს იქნება 4 თვის შემდეგ, სავარაუდოდ, დავთანხმდები ამ თანამდებობას. ფიქრის დრო მაქვს, ეს 4 თვე იქნება ჩემთვის დასვენების პერიოდი. ასევე, მივიღებ გადაწყვეტილებას გავაგრძელებ თუ არა დიპლომატიურ სამსახურს“, – აღნიშნა ბურჭულაძემ. შეგახსენებთ, ბურჭულაძე ირაკლი კობახიძის მინისტრთა კაბინეტში აღარ იქნება. ეს ინფორმაცია კობახიძემ თავად დაადასტურა და განაცხადა, რომ თავდაცვის მინისტრის კანდიდატად ირაკლი ჩიქოვანს წარადგენს.

2008 წელს ბიძინა ივანიშვილი და „ქართული ოცნება“ რომ ყოფილიყო ხელისუფლებაში, აგვისტოს ომი არ მოხდებოდა. ამის შესახებ „ქართული ოცნების“ ახალარჩეულმა თავმჯდომარემ ირაკლი ღარიბაშვილმა სიტყვით გამოსვლისას განაცხადა. მისივე თქმით, დამოუკიდებლობის აღდგენის დღიდან, ქვეყანას პირველად აქვს უწყვეტი, ხანგრძლივი მშვიდობიანი პერიოდი. ,,2008 წელს რომ ყოფილიყო ხელისუფლებაში ბიძინა ივანიშვილი და “ქართული ოცნება” აგვისტოს ომი არ მოხდებოდა. ამიტომ, დღესაც მინდა გავიმეორო, რომ ბიძინა ივანიშვილი და “ქართული ოცნება” რჩება მშვიდობის და დემოკრატიული განვითარების უმთავრეს გარანტად. მინდა მადლიერება გამოვხატო პარტიის დამფუძნებლისადმი, იმის გამო, რომ მომცა შესაძლებლობა ამ პროცესების მონაწილე ვყოფილიყავი. ჩემთვის თანამდებობა ყოველთვის იყო საშუალება, რომ მემსახურა ჩვენი…

,,მინისტრთა კაბინეტში მხოლოდ ერთადერთი ცვლილება განხორციელდება, თავდაცვის მინისტრი ჯუანშერ ბურჭულაძე ირაკლი ჩიქოვანით ჩანაცვლდება”. ირაკლი კობახიძის თქმით, ბურჭულაძემ ამის სურვილი თავად გამოთქვა. სხვა მინისტრების შეცვლის შესახებ გავრცელებულ ინფორმაციებს კი კობახიძემ სპეკულაციები უწოდა: ,,მთავრობის თითოეულ წევრს შევთავაზე დარჩენა, ერთადერთი, თავდაცვის მინისტრის ჯუანშერ ბურჭულაძის პოზიცია იყო, რომ მას სურდა პოლიტიკიდან სხვა სფეროში გადანაცვლება. მე პატივს ვცემ მის გადაწყვეტილებას. შესაბამისად ერთადერთი ცვლილება განხორციელდება მთავრობაში, თავდაცვის მინისტრის თანამდებობაზე წარდგენილი იქნება ირაკლი ჩიქოვანის კანდიდატურა”, – თქვა კობახიძემ, რომელიც დღეს პრემიერობის კანდიდატად დასახელდა.

„ქართულმა ოცნებამ“ პრემიერ-მინისტრის თანამდებობაზე ირაკლი კობახიძის კანდიდატურა ოფიციალურად წარადგინა. ცოტა ხნის წინ გამართულ ყრილობაზე დელეგატებმა კობახიძის კანდიდატურას მხარდაჭერა ერთხმად გამოუცხადა. „მინდა სიმბოლურად გთხოვოთ ყველას, რომ გამოვუცხადოთ მხარდაჭერა პრემიერ-მინისტრობის კანდიდატს, ირაკლი კობახიძეს. ყრილობისგან აქვს სრული ლეგიტიმაცია და მანდატი მინიჭებული ირაკლი კობახიძეს“, – განაცხადა პარტიის თავმჯდომარედ არჩევის შემდეგ, ყრილობაზე ირაკლი ღარიბაშვილმა.

,,ქართულმა ოცნების” საპატიო თავმჯდომარედ ირაკლი ღარიბაშვილი აირჩიეს. გადაწყვეტილება ყრილობაზე ცოტა ხნის წინ მიიღეს. ,,როგორც საზოგადოებისთვის უკვე ცნობილია, პარტიის პოლიტიკური საბჭოს გადაწყვეტილებით, პარტიის თავმჯდომარის თანამდებობაზე წარდგენილია ბატონი ირაკლი ღარიბაშვილის კანდიდატურა. ერთხმად დამტკიცებულია თავმჯდომარის პოსტზე ბატონი ირაკლი ღარიბაშვილის კანდიდატურა”, – თქვა კობახიძემ. მან მადლობა გადაუხადა ღარიბაშვილს 3-წლიანი “მოღვაწეობისთვის”.

,,რა უნდა დავუწუნო, ნახეთ როგორი კაცია”. ასე უპასუხა ბიძინა ივანიშვილმა ჟურნალისტების შეკითხვას – რა დაუწუნა და რატომ გაუშვა ღარიბაშვილი პრემიერობიდან. ბიძინა ივანიშვილი, ირაკლი ღარიბაშვილი და ირაკლი კობახიძე ყრილობის დაწყებამდე ერთად გამოჩნდნენ. “თბილისი პარაგრაფში” ყრილობა ამ წუთებში იწყება, იქამდე კი “ოცნებამ” პოლიტსაბჭოს სხდომა გამართა. არსებული ინფორმაციით, ივანიშვილი ღარიბაშვილის შემცვლელად კობახიძეს დღეს ოფიციალურად დაასახელებს.