დღე: თებერვალი 6, 2024

„მალე უკრაინაც იქნება ევროკავშირში” – ამის შესახებ ევროკომისიის პრეზიდენტმა, ურსულა ფონ დერ ლაიენმა სტრასბურგში ევროპარლამენტის პლენარულ სხდომაზე გამოსვლისას ისაუბრა. „კონტრასტი [უკრაინაში არსებულ] ვითარებასთან სულ რაღაც 10 წლის წინ არ შეიძლება უფრო გასაოცარი იყოს. მაშინ პრორუსული რეჟიმი უკრაინაში ავტორიტარულ კანონებს იღებდა და მომიტინგეებს ქუჩებში კლავდა. დღეს ქვეყანა ახალ კანონმდებლობას იღებს, რომელიც ეროვნული უმცირესობების უფლებებს აფართოებს, სასამართლო სისტემას აუმჯობესებს და ხელისუფლების შეკავებისა და გაწონასწორების სისტემას უზრუნველყოფს. სწორედ ამან მიგვიყვანა გაწევრიანების შესახებ მოლაპარაკებების გახსნასთან. და ეს პროცესი არა მხოლოდ იმიტომ ხდება, რომ ამას ევროპა ითხოვს. ეს უკრაინელი ერის ღრმა სურვილია. უკრაინა ევროპაა, ვინაიდან…

გარემოს დაცვისა და სოფლის მეურნეობის მინისტრობის კანდიდატმა ოთარ შამუგიამ კომიტეტების გაერთიანებულ სხდომაზე აგრარული დარგის განვითარების ხელშეწყობის მიმართულებით მიმდინარე სახელმწიფო პროექტების შედეგებზე გაამახვილა ყურადღება. „ერთ-ერთი წარმატებული სახელმწიფო პროგრამა გახლავთ „დანერგე მომავალი“, რომლის ფარგლებშიც გაშენებულია 22 ათას ჰექტრამდე თანამედროვე ბაღი. ჩვენი გათვლებით, მას შემდეგ რაც, გაშენებული ბაღები სრულ მსხმოიარობაში შევა, მიღებული მოსავლის რაოდენობა 200 ათას ტონას და ღირებულებაში 500 მილიონ ლარს გადააჭარბებს. პროგრამის შედეგები უკვე აისახება საექსპორტო მაჩვენებლებზე. მაგალითად შეიძლება მოვიყვანოთ მოცვი, რომელიც ბოლო წლებში სწორედ ამ პროგრამის ფარგლებში გაშენდა. გასულ წელს მისი ექსპორტიდან მიღებულმა შემოსავალმა 21 მლნ დოლარს გადააჭარბა, რაც თითქმის…

გარემოს დაცვისა და სოფლის მეურნეობის მინისტრობის კანდიდატმა ოთარ შამუგიამ აგრარულ საკითხთა, გარემოს დაცვისა და ბუნებრივი რესურსების, დარგობრივი ეკონომიკისა და ეკონომიკური პოლიტიკის, რეგიონული პოლიტიკისა და თვითმმართველობის და საფინანსო-საბიუჯეტო კომიტეტების გაერთიანებულ სხდომაზე გარემოს დაცვისა და სოფლის მეურნეობის სამინისტროს მიერ განხორციელებული ღონისძიებების შედეგების მოკლე მიმოხილვა და სამომავლო ხედვები წარადგინა. „ყოველწლიურად იზრდება როგორც აგრობიზნესის პროდუქციის გამოშვების, ასევე ექსპორტის მაჩვენებლები.  2023 წლის წინასწარი მონაცემებით აგრობიზნესის პროდუქციის გამოშვება 16 მლრდ. ლარს გადააჭარბებს ხოლო ექსპორტმა რეკორდული, 1.44 მლრდ აშშ დოლარი შეადგინა, რაც 2022 წლის მაჩვენებელს 15%-ით აღემატება, ხოლო ბოლო 12 წელიწადში გვაქვს 180%-იანი ზრდა. რაც იმას ნიშნავს,…

,,ვინც შეიძლება გამოირჩეოდნენ ღირსების შემლახავი ეპითეტებით, ან შეურაცხმყოფელი გამოსვლებით, გთხოვდით, რომ დაატოვებინოთ დარბაზი”, – ასე მიმართა „ქართული ოცნების“ დეპუტატმა ნინო წილოსანმა დარგობრივი ეკონომიკისა და ეკონომიკური პოლიტიკის კომიტეტის ხელმძღვანელს, დავით სონღულაშვილს სხდომაზე, სადაც მინისტრობის კანდიდატებს უსმენენ. პასუხად, სონღულაშვილმა განაცხადა – ,,ვინც დაარღვევს სამუშაო წესრიგს და ვერ ჩაჯდება სამუშაო გრაფიკში კომიტეტის სხდომის ნაწილში ვერ გამოგვყვება”.

,,სალომე ზურაბიშვილმა გაიმეორა ის, რასაც მე სულ ვამბობ: ოპოზიციურმა პარტიებმა უნდა შეწყვიტონ ერთმანეთის ლანძღვა და სამიზნე გაასწორონ ოლიგარქზე”. ამის შესახებ საქართველოს მესამე პრეზიდენტი სოციალურ ქსელში წერს. ,,პრეზიდენტ ზურაბიშვილის გამოსვლასთან დაკავშირებით: ვეთანხმები, რომ არ არის ხელოვნური ფორმალური გაერთიანებების დრო, ამავე დროს, ჩამოსაყალიბებელია ერთობლივი პროევროპული ძალების საკოორდინაციო ფრონტი, თუნდაც არჩევნების გაყალბების წინააღმდეგ. როგორც პირველ ნაბიჯს, მე ყველა დასავლურ ძალას ვთავაზობ, ჩამოვყალიბდეთ არჩევნებში გამარჯვების შემდეგ ერთობლივ საპრეზიდენტო კანდიდატზე. მე დაახლოებით ვხვდები, თუ ვინ იკვეთება ასეთ კანდიდატად, მაგრამ ასევე სხვების აზრის გაგება მაინტერესებს. ამავე დროს, სალომე ზურაბიშვილმა გაიმეორა ის, რასაც მე სულ ვამბობ: ოპოზიციურმა…

,,თუ არ იქნება სრული კონტრასტი ბიძინა ივანიშვილთან და “ქართულ ოცნებასთან”, ოპოზიციას გაუჭირდება ივანიშვილის დამარცხება. ამის შესახებ “ევროოპტიმისტების” წევრმა ხატია დეკანოიძემ განაცხადა და აღნიშნა, რომ პრეზიდენტის მიერ დაანონსებულ პლატფორმას ის შეუერთდება. ,,თუ არ იქნება სრული კონტრასტი ბიძინა ივანიშვილთან და “ქართულ ოცნებასთან”, ოპოზიციას გაუჭირდება ივანიშვილის დამარცხება. ვისთვისაც პრობლემაა ფარდის უკან მიმდინარე მდიდარი ადამიანების კარნახი, ეს არის ჩემთვის ძალიან სერიოზული, მნიშვნელოვანი საკითხი. მე ერთობის მომხრე ვარ და დარწმუნებული ვარ, რომ ასეთი კონტრასტული სინერგია და ერთობა იქნება და ნამდვილად შეიტანს თავის წვლილს ბიძინა ივანიშვილის წინააღმდეგ ბრძოლაში“, – ამბობს ხატია დეკანოიძე.

ოპოზიციური პარტიის დეპუტატი სალომე სამადაშვილი ამბობს, მისი პარტია შეუერთდება ყველა იმ გაერთიანებას, სადაც ქვეყნის ევროპულ მომავალზე იმსჯელებენ. ,,ყველა რეალურ პლატფორმაში, რაც უკავშირდება ევროპულ დღის წესრიგს, მივიღებთ მონაწილეობას, რადგან ქართველი ხალხის ისტორიული არჩევანი უნდა აღსრულდეს, ჩვენ უნდა გავხდეთ ევროპის ნაწილი, ამიტომ ამ თვალსაზრისით, ცხადია, პრეზიდენტს თუ ექნება ინიციატივები, ჩვენ ამაშიც მონაწილეობას მივიღებთ”, – ამბობს სამადაშვილი. შეგახსენებთ, რომ საქართველოს პრეზიდენტი საკოორდინაციო ცენტრს აფუძნებს. სალომე ზურაბიშვილის თქმით, ეს იქნება პლატფორმა, რომელიც ევროპულ პრიორიტეტებზე ყველა კონკრეტულ შეთავაზებას მოუყრის თავს და დიალოგით და კონსენსუსის წესით ხელს შეუწყობს ერთობლივი დოკუმენტის ჩამოაყალიბებას.

ფრაქციების თავმჯდომარეების სიტყვით გამოსვლების შემდეგ, პრეზიდენტმა სალომე ზურაბიშვილმა პარლამენტში დასკვნითი სიტყვით ისარგებლა. ზურაბიშვილმა “ოცნების” პროპაგანდას, თითქოს პრეზიდენტი ამბობდა, რომ საქართველო ევროკავშირის კანდიდატის სტატუსს არ იმსახურებდა, ასე  უპასუხა: ,,იმისათვის, რომ არ ინერვიულოთ, მინდა გავიმეორო, დაგიდასტუროთ რასაც ვაკეთებ შიგნით და გარეთ, რომ საქართველო იმსახურებდა, იმსახურებს და დაიმსახურებს ევროპაში გაწევრიანებას, ეს არის მისი ერთადერთი მომავალი”, – თქვა სალომე ზურაბიშვილმა დასკვნით სიტყვაში.

პარლამენტის წევრი, დეპუტატი ფრიდონ ინჯია პრეზიდენტს გადადგომისკენ მოუწოდებს. მან პრეზიდენტს საპარლამენტო ტრიბუნიდან მიმართა, ერთ ხელში პლანშეტი ეკავა, საიდანაც მოკლე ტექსტს კითხულობდა, მეორე ხელი კი ჯებეში ჰქონდა ჩალაგებული და თან მხრებს იჩეჩავდა. „ქალბატონო სალომე, ყველაზე ცუდი იცით რა არის ჩემთვის და საერთოდ? უმადურობა. ქვეყნის უმრავლესობა, აგირჩიათ, არ მოგწონთ? გადადექით, დაიწყეთ ისე, როგორც თქვენ მიგაჩნიათ სწორად. რა არის ამაში მიუღებელი?“ – მიმართა ინჯიამ პრეზიდენტს.

,,დატყვევებული პრეზიდენტი, ეს არის ისტორიული უსამართლობა”. ამის შესახებ საპარლამენტო ფრაქცია „ერთიანი ნაციონალური მოძრაობის“ თავმჯდომარემ, თინა ბოკუჩავამ  განაცხადა. „მე იმედი მაქვს, რომ პრეზიდენტი ზურაბიშვილი იქნება გულწრფელი საქართველოს მოქალაქეებთან, ეს არის პრეზიდენტობის ვადის ბოლო ანგარიში პარლამენტთან და დარწმუნებული ვარ, რომ ის აცნობიერებს, რომ არის ცვლილებების დრო, რომ გარდაუვალია ხელისუფლების ცვლილება. ჩვენი ქვეყნის კეთილდღეობის ინტერესშია ეს და იმედი მაქვს , რომ ამ გზავნილს მოვისმენთ ჩვენ პრეზიდენტი ზურაბიშვილის მხრიდან. ჩვენთვის ბუნებრივია ერთ-ერთი ყველაზე პრინციპული საკითხი და მე ვიტყოდი, ყველაზე პრინციპული საკითხი მასთან მიმართებაში არის პრეზიდენტი სააკაშვილის პოლიტიკური ტყვეობის საკითხი, ეს არის ისტორიული უსამართლობა, რომლის…

„ნაციონალური მოძრაობა“ მზადაა, შეუერთდეს პრეზიდენტ სალომე ზურაბიშვილის ინიციატივას, შეიქმნას „ერთობის პლატფორმა ევროპისთვის“. როგორც „ნაციონალური მოძრაობის“ თავმჯდომარემ, თინა ბოკუჩავამ განაცხადა, საარჩევნოდ ერთიანობა მნიშვნელოვანია. „ყველაზე დიდი ოპოზიციური პარტიის სახელით მინდა დაგიდასტუროთ მზაობა, მონაწილეობა მივიღოთ პრეზიდენტ სალომე ზურაბიშვილის ინიციატივაში. იმიტომ, რომ ჩვენთვის უმთავრესია არა პარტიული, არამედ ქვეყნის ევროპული და შესაბამისად, ეროვნული ინტერესი და მიგვაჩნია, რომ ერთიანი ძალისხმევა არის ძალიან მნიშვნელოვანი იმ არჩევნების წინ, რომელიც ქვეყანას ელოდება და რომელმაც აუცილებლად უნდა მოიტანოს ცვლილება“, – განაცხადა თინა ბოკუჩავამ.

„სხდომათა დარბაზში ქვეყნის პრეზიდენტი შემოვიდა და თქვენ სამარცხვინო საქციელი ჩაიდინეთ, ფეხზე არ წამოუდექით მას. თქვენ მტრულად დახვდით არა მხოლოდ საქართველოს პრეზიდენტს, არამედ მტრულად დახვდით მთელ ქვეყანას. თქვენ აღვივებთ ქვეყანაში კონფრონტაციას, რისი დადასტურებაც არის თქვენი დღევანდელი  საქციელი. თქვენ პატივს არ სცემთ კონსტიტუციას, გერბს და დროშას, პრეზიდენტს, რომელიც არის ქვეყნის სიმბოლო“, – ამის შესახებ  საპარლამენტო პოლიტიკური ჯგუფის „ევროოპტიმისტები“ თავმჯდომარე რომან გოცირიძემ პარლამენტის პლენარულ სხდომაზე განაცხადა, სადაც ქვეყნის მდგომარეობის უმნიშვნელოვანეს საკითხებზე საქართველოს პრეზიდენტის ყოველწლიური მოხსენება მოისმინეს.

,,შალვას ფანჩატურის სალომეს ფანჩატურად გადაქცევას სთავაზობს ოპოზიციის რადიკალურ ფრთას”, – თქვა “ქართული ოცნების” აღმასრულებელმა მდივანმა, მამუკა მდინარაძემ პრეზიდენტზე. ,,პოლიტიკური პლატფორმის შექმნა, ტენდენციურის მითუმეტეს, პრეზიდენტის სტატუსს რომ არ შეესატყვისება, ეს მარტივი ამბავია. მეორე, წეღანაც ვთქვი და იგივეს გავიმეორებ, მას უნდა, რომ რაღაც ევრორემონტს სთავაზობს შალვას ფანჩატურისას და სალომეს ფანჩატურად გადაქცევას სთავაზობს ოპოზიციის რადიკალურ ფრთას და მესამე, მას აქვს როგორც ჩანს გარკვეული როლი, რომელიც ორ თუ სამ ვერსიად შეიძლება დაკონვერტირდეს: ან უნდა შეიწყალოს მიხეილ სააკაშვილი და მისი პოლიტიკური აქტუალიზაცია საერთოდ გააქროს და ეს როლი შეიძლება შეითავსოს, ამ შემთხვევაში სხვას ვერაფერს მოახერხებს, მეორე,…

,,კარგი სასტარტო პოზიციები გვაქვს, არჩევნებში საკონსტიტუციო უმრავლესობა მივიღოთ”. ამის შესახებ პრემიერ-მინისტრობის კანდიდატმა ირაკლი კობახიძემ განაცხადა და აღნიშნა, რომ ბოლო კვლევების მიხედვით, მმართველი პარტიის რეიტინგი 60%-თან ახლოსაა. ,,ჩვენი სურვილია, მივიღოთ საკონსტიტუციო უმრავლესობა. ბოლო კვლევების მიხედვით, 60%-თან ახლოსაა ჩვენი რეიტინგი, შესაბამისად ამის ძალიან კარგი შანსი გვაქვს. ასევე, მნიშვნელოვანია, რაც შეიძლება ნაკლები რადიკალური ოპოზიციური პარტია შევიდეს პარლამენტში. ამის ყველანაირი რესურსი არსებობს, გვაქვს ძალიან კარგი სასტარტო პოზიციები იმისათვის, რომ ამ საპარლამენტო არჩევნებში მივიღოთ საკონსტიტუციო უმრავლესობა. დავაზუსტებ – საკონსტიტუციო უმრავლესობაში ვგულისხმობ 113 მანდატს და არა – 100 მანდატს”, – თქვა კობახიძემ.

,,ეს იყო ძალიან შინაარსიანი და უკიდურესად პროევროპული გამოსვლა”. ასე აფასებს საქართველოში ევროკავშირის ელჩი, პაველ ჰერჩინსკი სალომე ზურაბიშვილის ბოლო მოხსენებას პარლამენტში. ,,ეს იყო ძალიან შინაარსიანი და უკიდურესად პროევროპული გამოსვლა, რაც ჩემთვის მნიშვნელოვანია, მაგრამ ასევე იყო კრიტიკული მმართველი პარტიისა და ოპოზიციის მიმართ. მან ასევე გამოთქვა კონკრეტული მოსაზრებები ქვეყნის წინსვლისა და არჩევნების შესახებ. ზოგადად მისი გამოსვლა მომეწონა, რადგან ოპტიმისტური იყო და ეს ოპტიმიზმი აუცილებლად გაგვყვება მომდევნო თვეებში”, – ამბობს ჰერჩინსკი.