დღე: თებერვალი 6, 2024

,,დაადასტურა რაზეც ვსაუბრობდით, რომ აპირებს შექმნას ფსევდო-შუაშისტური პოლიტიკური ძალა”. ასე შეაფასა პრემიერ-მინისტრობის კანდიდატმა, ირაკლი კობახიძემ საქართველოს პრეზიდენტის, სალომე ზურაბიშვილის წლიური მოხსენება. ,,რაც შეეხება პრეზიდენტის გამოსვლას, ერთადერთი რამ იყო საინტერესო, მან დაადასტურა რეალურად ის გეგმები, რაზეც ჩვენ ვსაუბრობდით. ის აპირებს შექმნას ფსევდო-შუაშისტური პოლიტიკური ძალა, ამისთვის გადადგება სექტემბერში და არჩევნებში მიიღებს მონაწილეობას, ეს იყო ერთადერთი საინტერესო, რაც შეიძლება ამოვიკითხოთ მისი გამოსვლიდან, დანარჩენი იყო რადიკალური ოპოზიციის წარმომადგენლის ერთი ჩვეულებრივი გამოსვლა. საერთოდ არ არის საინტერესო სალომე ზურაბიშვილის ფრაზების კომენტირება”, – აღნიშნა კობახიძემ.  

ამ ტრიბუნიდან გთავაზობთ არსებული ჩიხიდან გამოსვლის ფორმულას და გზას, რათა არ გავუშვათ ხელიდან ეს უნიკალური შანსი – გთავაზობთ, შევქმნათ მომავლის ქარტია – „ერთობის პლატფორმა ევროპისთვის“, – ამის შესახებ საქართველოს პრეზიდენტმა, სალომე ზურაბიშვილმა პარლამენტში პლენარულ სხდომაზე განაცხადა, სადაც წლიურ ანგარიშს წარადგენს. ,,გაფრთხილებთ ყველას, დაინახეფთ და შეიგრძენით, რომ ქვეყანა და ჩვენი უაღრესად დაღლილი და ყველას მიმართ იმედგაცრუებული საზოგადოება ვეღარ იტანს გაუთავებელ სიძულვილს, ერთი მეორის გამომრიცხავ და გამანადგურებელ არჩევნებს, რევანშის ქადაგებას და განტევების ვაცის გაუთავებელ ძიებას. ქვეყანას სჭირდება დამშვიდება და დაცულობა, რაც მთავარია, ქვეყნის მომავლის დანახვა და ამ ქვეყანაში საკუთარი პერსპექტივის აღმოჩენა და…

საქართველოს პრზიდენტი სალომე ზურაბიშვილი პრემიერ-მინისტროსბის კანდიდატს, ირაკლი კობახიძეს მიართავს და მისგან კითხვებზე პასუხს ითხოვს. როგორც პრეზიდენტი აცხადებს, პრემიერმა უნდა ახსნას, როგორ აპირებს საზოგადოების ევროპული დაკვეთის შესრულებას. „არ შევაფასებ ახალ თუ მომავალ პრემიერს, არც იმას, თუ რას ნიშნავს ერთის მოვლა, მეორეს წასვლა და მესამეს წახალისება. მაგრამ ვალდებული ვარ ამ ტრიბუნიდან გავაჟღერო ის, რაც საზოგადოებასა აწუხებს და რაზეცპასუხის მიღება მათი უფლებაა. მივმართავ ახალ ან მიმავალ პრემიერს: თქვენ, ვისთანაც ასოცირდება გავრილოვის შემოშვება პარლამენტში, შარლ მიშელის დოკუმენტის ანულირება, ანტიევროპული რიტორიკა და იმპიჩმენტი, როგორ აპირებთ საზოგადოების ევროპული დაკვეთის შესრულებას და კერძოდ, რეკომენდაციების არჩევნებამდე განხორციელებას? – აღნიშნა…

მთავარი მოვალეობა და პასუხისმგებლობა ეკისრება მას, ვის ხელშიც ძალაუფლების ყველა ბერკეტია, ესე იგი, მთავრობას, საპარლამენტო უმრავლესობასა და ახლა უკვე, მათ  მმართველს, ბიძინა ივანიშვილს – განაცხადა სალომე ზურაბიშვილმა საპარლამენტო ტრიბუნიდან, წლიური მოხსენებით გამოსვლის დროს. საქართველოს მეხუთე პრეზიდენტმა პარლამენტის ტრიბუნიდან ბიძინა ივანიშვილს მიმართა და განმარტების გაკეთება სთხოვა. ,,საზოგადოებამ არ იცის, ვინ რატომ გაუშვით, ან რატომ მოგყავთ. ქვეყნის წინაშე არსებული დანაშაულისა თუ კიდევ სხვა მიზეზების გამო უშვებთ, რაც არ ვიცით? რადგან საზოაგდოება მმართველობის ახალ ევროპულ მოდელს ელდოება, ისიც უნდა იცოდეს და უნდა უთხრათ, როგორ აპირებთ ერთპიროვნული ერთპარტიული და ვერტიკალური მოდელიდან დემოკარტიულ ევროპულ მოდელზე გადასვლას…

სალომე ზურაბიშვილმა პარლამენტის ტრიბუნიდან მომავალ პრემიერს, ირაკლი კობახიძეს მიმართა და აღნიშნა, რომ კობახიძესთან ასოცირდება რუსი დეპუტატის, გავრილოვის შემოშვება პარლამენტში, შარლ მიშელის დოკუმენტის ანულირება, ანტიევროპული რიტორიკა და იმპიჩმენტი. ,,მივმართავ ახალ თუ მომავალ პრემიერს – თქვენ, ვისთანაც ასოცირდება გავრილოვის შემოშვება პარლამენტში, შარლ მიშელის დოკუმენტის ანულირება, ანტიევროპული რიტორიკა და იმპიჩმენტი, როგორ აპირებთ საზოგადოების ევროპული დაკვეთის შესრულებას და კერძოდ, რეკომენდაციების არჩევნებამდე განხორციელებას? წარმოადგენთ თუ არა გეგმას, სადაც მკაფიოდ და ვადებში იქნება გაწერილი, როგორ შეცვლით იუსტიციის უმაღლესი საბჭოს და უზენაესი სასამართლოს შემადგენლობას; სადაც გაწერილი იქნება, როგორ უზრუნველყოფთ კონსენსუსით საარჩევნო ადმინისტრაციის დაკომპლექტებას; სადაც ანტიკორუფციულ სამსახურს მისცემთ საგამოძიებო…

საქართველოს პრეზიდენტი საქართველოს ოკუპირებულ ტერიტორიეზე არსებულ ურთულეს მდგომარეობაზე საუბრობს და ამბობს, რომ ოკუპირებულ ტერიტორიებზე და საოკუაციო ხაზთან მოსახლეობის ტერორი გრძელდება. „რუსეთის მიერ ოჩამჩირის პორტის სამხედრო ბაზად ქცევის გეგმა ემსახურება შავ ზღვაზე, ჩვენს ტერიტორიულ წყლებზე კონფრონტაციის გადატანას და ამით შავი ზღვის სტრატეგიული პერსპექტივისათვის საფრთხის შექმნას… ოკუპირებულ ტერიტორიებზე მობილიზაციის გამოცხადება, ანექსიისკენ გადადგმული ნაბიჯები (ოჩამჩირის პორტის, ბიჭვინთის სახელმწიფო რეზიდენციისა და სოხუმის ბაბუშერას აეროპორტის მიტაცება), ადამიანის უფლებების უგულებელყოფა, კულტურისა და იდენტობის განადგურება ხდება. საოკუპაციო ხაზთან კი, გრძელდება მოსახლეობის მუდმივი დაშინება, შევიწროება, გატაცება და მკვლელობა“, – განაცხადა პრეზიდენტმა საპარლამენტო ტრიბუნიდან.

საკანონმდებლო ორგანოში ყოველწლიურ გამოსვლაში სალომე ზურაბიშვილი დემოკრატიის კუთხით, ქვეყნის გამოწვევებზე ისაუბრა. ,,გამოწვევები არ დაგვკლებია დემოკრატიის კუთხით: 2023 წელს, დემოკრატიული რეფორმების განხორციელების ნაცვლად, ვიხილეთ ძალაუფლების არნახული გაძლიერება, რომელიც აისახა რუსული კანონის ინიცირებაში. ეს იყო სამოქალაქო საზოგადოების შევიწროებისა და მისი განიარაღების მცდელობა. მკვეთრად მოიშალა სახელმწიფო შტოებს შორის ის აუცილებელი ბალანსი, რაც დემოკრატიის ქვაკუთხედია. პარტიასა და მთავრობას შორის გამყოფი ხაზი აღარაა. ასევე, პარლამენტი მთავრობის ზედამხედველობისა და კონტროლის მაგივრად, მხოლოდ პარტიული პოლიტიკის გამტარებელი გახდა. ერთპარტიული სისტემა ედუარდ შევარდნაძისა და მიხეილ სააკაშვილის შემდგომ, მიუხედავად 2012-2013 წლებში ხანმოკლე კოალიციური მმართველობის მცდელობისა, დაუბრუნდა ძველ, ერთპარტიულ, მონოლითურ მოდელს.…

საქართველოს პრეზიდენტმა საპარლამენტო ტრიბუნიდან სასამართლო სისტემაში არსებულ კორუფციაზეც ისაუბრა და აღნიშნა, რომ სასამართლო სისტემა მარადიული კლანის მსახურია. „სასამართლო სისტემა მარადიული კლანის ინკარნაციად იქცა. მურუსიძე და ჩინჩალაძე იგივე თავდადებით ემსახურებიან დღევანდელ მართველ გუნდს, როგორც ემსახურებოდნენ გუშინდელს და თუ არაფერი შეიცვალა, ხვალაც მონახავენ ახალ პატრონსმ ვისაც გამოუცხადებენ ერთგულ მსახურებას“ – განაცხადა საქარტველოს პრეზიდენტმა საპარლამენტო  ტრიბუნიდან. „ელიტარული კორუფციის მადას ზღვარი არ გააჩნია“ – საქართველოს პრეზიდენტი

,,ბოლოჯერ კი არა, ამ ტრიბუნასთან დღეს პირველად ვდგავარ, როგორც ევროკავშირის კანდიდატი ქვეყნის პრეზიდენტი”. ამის შესახებ სალომე ზურაბიშვილმა პარლამენტში, წლიური მოხსენების დასაწყისში განაცხადა. ,,პარლამენტის ტრიბუნასთან დღეს ბოლოჯერ კი არ ვდგავარ, არამედ ამ ტრიბუნასთან პირველად ვდგავარ, როგორც ევროკავშირის კანდიდატი ქვეყნის პრეზიდენტი. ყველას გილოცავთ ამ დიდ გამარჯვებას! ჩვენ ეს შევძელით! 2023 წელი, რომელიც ესოდენ დიდი მიღწევით და ახალი იმედით დასრულდა, გამოწვევების და სირთულეების გარეშე არ ყოფილა”, – აღნიშნა პრეზიდენტმა.

საქართველოს პრეზიდეტი სალომე ზურაბიშვილი, ამ წუთებში, საპარლამენტო ტრიბუნიდან, ქვეყანაში გამეფებულ კორუფციაზე საუბრობს და აცხადებს, რომ მას მადა არ გააჩნია. „ელიტარულმა კორუფციამ ახალი მასშტაბი მიიღო, რაც იმისი მაჩვენებელია, რომ ელიტის მადას ზღვარი არ გააჩნია.  რეალურად არაფერი კონტროლდება და არავის პასუხისმგებლობა ვლინება. ეს იმიტომ, რომ ელიტარული კორუფცია აუცილებელი ცენეტია, რომელიც მონოლითური ძალაუფლების ირგვლივ კრავს სანდო კასტას. ისინი არ ეცილებიან ძალაუფლებაშიმ სანაცლოდ კი დოვლათს ინაწილებენ“ – განაცხადა პრეზიდენმტა საპარლამეტო ტრიბუნიდან.          

საქართველოს პრეზიდენტი სალომე ზურაბიშვილი უკვე პარლამენტშია. სხდომათა დარბაზში სალომე ზურაბიშილი ისე შევიდა, რომ დეპუტატები ფეხზე არც წამოუდგნენ და მისი პარლამენტში შესვლა არც შეიმჩნიეს. ამ წუთებში, სალომე ზურაბიშვილი საპარლამენტო ტრიბუნაზე ადის და გამოსვლისთვის ემზადება.

პარლამენტში პრემიერობის კანდიდატი ირაკლი კობახიძე მივიდა. საკანონმდებლო ორგანოში ის დღეს დეპუტატის სტატუსით იმყოფება, ვინაიდან კობახიძეს ოფიციალურად არ შეწყვეტია დეპუტატის მანდატი. წამოუდგება თუ არა სალომე ზურაბიშვილს ფეხზე ამჯერად მაინც? – მმართველი პარტიის ლიდერმა ეს კითხვა უპასუხოდ დატოვა. პარლამენტში დღეს საგაზაფხულო სესია იქნება და პრეზიდენტი სალომე ზურაბიშვილი წლიური მოხსენებით წარდგება. სხდომას მმართველი გუნდი დაესწრება. საკანონმდებლო ორგანოში უკვე მივიდა ზურაბიშვილი.

საქართველოს მეხუთე პრეზიდენტი პარლამენტშია. პრეზიდენტს პროტოკოლის თანამშრომლებთან ერთად, პარლამენტის თავმჯდომარე, შალვა პაპუაშვილი დახვდა. საკანონმდებლო ორგანო ქვეყნის მდგომარეობის უმნიშვნელოვანეს საკითხებზე პრეზიდენტის ყოველწლიურ მოხსენებას მოისმენს. აღსანიშნავია, რომ სალომე ზურაბიშვილი პრეზიდენტის სტატუსით პარლამენტის წინაშე ბოლო მოხსენებით წარდგება.

დღეს, პარლამენტის საგაზაფხულო სესია იხსნება. პირველ პლენარულ სხდომაზე დეპუტატები პრეზიდენტის ყოველწლიურ მოხსენებას მოისმენენ. ეს სალომე ზურაბიშვილის ბოლო მოხსენებაა საკანონმდებლო ორგანოში, რადგან წლის ბოლოს მას საპრეზიდენტო ვადა ეწურება. უცნობია ვინ დაესწრება სხდომას აღმასრულებელი ხელისუფლებიდან, რადგან, ახალი მთავრობა ჯერ დამტკიცებული არაა. არსებული ინფორმაციით, სხდომაზე მივა ვიცე-პრემიერი, ლევან დავითაშვილი და მინისტრების მოვალეობის შემსრულებლები.