დღე: ნოემბერი 29, 2022

,,ტიმოშენკო ციხიდან ეტლით გამოვიდა და მეორე დღეს წამოხტა, ხომ არ გვაქვს ასეთივე სიმულაციასთან საქმე,”-   ამის შესახებ პარტია „ქართული ოცნების“ თავმჯდომარე ირაკლი კობახიძემ მიხეილ სააკაშვილზე საუბრისას განაცხადა. ,,მე შეგახსენებთ მიხეილ სააკაშვილის ერთ-ერთ მეგობარს, იულია ტიმოშენკოს, რომელიც ციხიდან გამოვიდა კალიასკით, მანამდე იყო უამრავი სიმულაცია, ეტლით უკაცრავად, გამოვიდა ეტლით და ეს იყო მისი პირველი და ბოლო მისი გამოჩენა ეტლით, მეორე დღეს წამოხტა ქალბატონი ტიმოშენკო ეტლიდან, რატომ, იყო მარტივი სიმულაცია, ხომ არ გვაქვს ასეთივე სიმულაციასთან ჩვენ საქმე ამ შემთხვევაშიც?” – განანცხადა კობახიძემ.

წალენჯიხის მუნიციპალიტეტის მერის, გია ხარჩილავას განცხადებით, მის კუთვნილი  მანქანაში ხანძარი ხელოვნურად არის გაჩენილი. ხარჩილავამ ჩატარებული ექსპერტიზის დასკვნა გაასაჯაროვა. ,,უსინდისო ვერსია, რომ მანქანა თვითაალებით დაიწვა, გაცამტვერებულია. მე ახლა ხელში მიჭირავს ექსპერტიზის დასკვნა, რომელშიც მთელი დინამიკაა აღწერილი ცეცხლის გაჩენის, ეს არის ადამიანის მიერ გაჩენილი ცეცხლი. ეს გახლავთ პოლიტიკური გზავნილი, არა მხოლოდ პირადად ჩემს, არამედ ჩემი თანამებრძოლების მიმართ, რომ მუჭში მოექცეს წალენჯიხის თვითმმართველობა, მაგრამ წალენჯიხის თვითმმართველობას აქვს მკაფიოდ განსაზღვრული გზა და პოლიტიკა”,- განაცხადა ხარჩილავამ.  

დედაქალაქის მერის, კახა კალაძის განცხადებით, თბილისში სატრანსპორტო მიმართულებით არსებობს რამდენიმე მნიშვნელოვანი გამოწვევა, მათ შორის, პრობლემური კვანძები და ტრანსპორტის მოცდის დრო. ამის შესახებ მან პრეზენტაციაზე განაცხადა, სადაც საზოგადოებას სატრანსპორტო პოლიტიკით გათვალისწინებული შემდეგი ეტაპები გააცნო. „დღეს არსებული გამოწვევებია: 13 პრობლემური კვანძი – ეს საზოგადოებრივი ტრანსპორტისთვის გადაადგილების თვალსაზრისით, სერიოზულ პრობლემას ქმნის. ეს იწვევს ავტობუსებსა და მიკროავტობუსებში მგზავრთა რაოდენობის ზრდას. ისინი შესაბამის ბრუნებს ვერ ასრულებენ. ტრანსპორტი საცობში არ უნდა იდგეს. ამისთვის საჭიროა ამ 13 პრობლემური კვანძის მოწესრიგება და საავტობუსო ზოლების მოწყობის გაგრძელება; ავტობუსების მოცდის დროის კიდევ უფრო შემცირება 18-დან რვა წუთამდე – საშუალოდ მოცდის…

„ნაცმოძრაობაში“ გრძელდება დაშლის პროცესი, პარტია სუსტდება თანდათანობით, რაც კარგია ჩვენი პოლიტიკური სისტემის ჯანსაღი ფორმით განვითარებისთვის,”– ამის შესახებ პარტია „ქართული ოცნების“ თავმჯდომარე ირაკლი კობახიძემ განაცხადა. მისი თქმით, ”ნაციონალურ მოძრაობაში” არის ”სამი კანდიდატი და სამივე ერთმანეთზე უინტელექტო, ოდიოზური და სამარცხვინო”. „ჩვენთვის დიდად საინტერესო არ არის პროცესი „ნაციონალურ მოძრაობაში“. ერთადერთი, რითაც არის საინტერესო, „ნაცმოძრაობაში“ გრძელდება დაშლის პროცესი, პარტია სუსტდება თანდათანობით, რაც კარგია ჩვენი პოლიტიკური სისტემის ჯანსაღი ფორმით განვითარებისთვის. ამ პოლიტიკურ პარტიაში არის სამი კანდიდატი და სამივე ერთმანეთზე უინტელექტო, ოდიოზური და სამარცხვინო, ვგულისხმობ ხაბეიშვილს, მელიასა და მუმლაძეს. საზოგადოება შეხედავს ამ ყველაფერს და ნახავს, რამდენად გოიმურია თავისი არსით ის…

,,ნიკა მელიას ძალიან სასათბურე პირობები შევუქმენით, როდესაც მასში დავინახეთ დიდი პერსპექტივა და პოტენციალი. ის იყო კარგი შერწყმა ზუგდიდელობის, თბილისელობის, ინტელიგენციის, მაგრამ ეს კაცი გადაიღალა აშკარად,”- ამის შესახებ საქართველოს ორი მოწვევის პარლამენტის წევრმა „ნაციონალური მოძრაობიდან“, კონფლიქტოლოგმა, მეცნიერებათა დოქტორმა, მამუკა გაჩეჩილაძემ „მედიაცენტრ მთავარში” განაცხადა. მისი თქმით, პატიმრობის შემდეგ ნიკა მელიას ქცევა, სიტყვა და საქმე ერთმანეთისგან დაცილებულია. ,,ძირითადი პრობლემა არის ის, რომ იგეგმება რაღაც აქცია და მერე არაფერი ხდება. ამას ჰქვია ”ბოლი” და  ”დაბოლება” შენი მომხრეების, რომლებიც ათი წელი შიმშილში, სიცივეში, ქარში გვერდით გედგა, უბრალოდ ლამაზი არ არის. ამიტომ პასუხისმგებლობა უნდა აიღოს იმან,…

”ნაციონალური მოძრაობის” თავმჯდომარეობისთვის კიდევ ერთი კანდიდატი, საქართველოს ორი მოწვევის პარლამენტის წევრი „ნაციონალური მოძრაობიდან“, მამუკა გაჩეჩილაძე იბრძოლებს. ამის შესახებ საქართველოს ორი მოწვევის პარლამენტის წევრმა „ნაციონალური მოძრაობიდან“, კონფლიქტოლოგმა, მეცნიერებათა დოქტორმა, მამუკა გაჩეჩილაძემ „მედიაცენტრ მთავარში”გამართულ პრესკონფერენციაზე განაცხადა. მამუკა გაჩეჩილაძის თქმით, მას პარტიაში პოლიტიკური საბჭოს შვიდი წევრის თანხმობა აქვს. ,,მაქვს არა ხუთი, არამედ პოლიტიკური საბჭოს შვიდი წევრის თანხმობა. ეს არ არის ჩემთვის საკმარისი. გავივლი კონსულტაციებს კანდიდატებთანაც. საინტერესო იქნება ჩვენი თაობის თანამონაწილეობა ამ პროცესებსში. ჩემი თაობა იყო, იმ ოცი წლის წინანდელი პროცესების შექმნას, რომელიც საფუძვლად დაედო „ნაციონალური მოძრაობის ხელისუფლებაში მოსვლას,”- განაცხადა ამუკა გაჩეჩილაძემ „მედიაცენტრ მთავარში”.…