დღე: ნოემბერი 6, 2020

“არჩევნების მეორე რაუნდისთვის მზადების პროცესში აუცილებლად ვიქნები ჩართული; ექიმების შეფასებით, სრულ გამოჯანმრთელებამდე კიდევ რამდენიმე დღე დამრჩა; ახლაც ისეთ მდგომარეობაში ვარ, დარწმუნებული ვარ, შემიძლია აქტიური მუშაობა თუმცა მოგეხსენებათ, კოვიდის ყველაზე დიდი რისკი მისი გადამდებობაა და უნდა გავუფრთხილდეთ ერთმანეთს”, – ამის შესახებ საქართველოს პრემიერ-მინისტრმა გიორგი გახარიამ განაცხადა. მთავრობის მეთაურის განცხადებით, თვითიზოლაცია ამ ჯაჭვის გაწყვეტის ერთადერთი შესაძლებლობაა, რის გამოც, სამწუხაროდ სახლიდან მუშაობა უწევს. „მინდა, ჩვენს თითოეულ მოქალაქეს ჯანმრთელობა ვუსურვო. მინდა ხაზგასმით აღვნიშნო, რომ ჩვენ ამ კრიზისს, რა თქმა უნდა, გავუმკლავდებით, ეს ჩვენი საერთო გამარჯვება იქნება. ეს არის თითოეული ჩვენგანის პასუხისმგებლობა – მთავრობის, ოპოზიციის,…

„ჩვენი ძირითადი ამოცანა დღეს არის, რომ მინიმალური ზიანი უნდა მივაყენოთ ჩვენს ეკონომიკას, იმისთვის, რომ მაქსიმალურად შევინარჩუნოთ ეკონომიკის მომენტ იქსში სწრაფი აღდგენის შესაძლებლობა მაშინ, როდესაც მსოფლიო პოსტ ეკონომიკური კრიზისის აღდგენას დაიწყებს, – ამის შესახებ საქართველოს პრემიერ-მინისტრმა გიორგი გახარიამ განაცხადა. მან ხაზი გაუსვა, რომ სისტემური „ლოკდაუნები“ ქვეყანაში არ იქნება. „ჩვენ ყველას კარგად უნდა გვესმოდეს, რომ ის ღონისძიებები, ნაბიჯები, ბიზნესის და ჩვენი მოქალაქეების მხარდაჭერის, რომელიც მთავრობამ უკვე გადადგა, დღეს ნათელია უკვე, რომ საკმარისი არ არის და ჩვენ ვამზადებთ ახალ ღონისძიებებს. აქვე მინდა ბიზნესი დავამშვიდო და ვთქვა, რომ სისტემური, საერთო ქვეყნის მასშტაბით, „ლოკდაუნები“ ქვეყანაში…

ცენტრალურ საარჩევნო კომისიაში აცხადებენ, რომ სიმართლეს არ შეესაბამება ინფორმაცია, თითქოს ცესკო-ს შვიდმა წევრმა დაკავებული პოზიცია დატოვა. „სოციალურ ქსელებში ვრცელდება ინფორმაცია, რომ ცენტრალური საარჩევნო კომისიის შვიდმა წევრმა დატოვა დაკავებული პოზიცია. აღნიშნული არ შეესაბამება სიმართლეს. მივმართავთ საარჩევნო პროცესებში ჩართულ მხარეებს – თავი აარიდონ დეზინფორმაციის გავრცელებას და არ შეიყვანონ საზოგადოება შეცდომაში, ცრუ ინფორმაციის გავრცელებით“, – აღნიშნულია ცესკო-ს განცხადებაში.

“პანდემიის პირობებში მსოფლიოში ჩატარებულ არჩევნებთან შედარებით საქართველოში არჩევნებზე დასწრება და მონაწილეობა იყო ერთ-ერთი ყველაზე მაღალი”, – საქართველოს პრემიერ-მინისტრმა გიორგი გახარიამ განაცხადა. მთავრობის მეთაურმა აღნიშნა, რომ დღეს მთავრობის ძირითადი ამოცანაა მოქალაქეების ჯანმრთელობა, ეკონომიკის გადარჩენა და რა თქმა უნდა, ეს ყველაფერი უნდა გაკეთდეს ისე, რომ არავის გამოხატვის თავისუფლება არ შეიზღუდოს. „არავის დაავიწყდეს, რომ ამ არჩევნებში მონაწილეობა მიიღო უფრო მეტმა მოქალაქემ, ვიდრე 2016 წლის არჩევნებში და არავის დაავიწყდეს, რომ ამ არჩევნებში პირველად საქართველოს ისტორიაში ჩვენმა მოქალაქეებმა 9 პარტიას მისცეს მანდატი, შესულიყვნენ პარლამენტში და პარლამენტის პლატფორმით, დემოკრატიული ინსტიტუტების გაძლიერებით, ქვეყნის მომავალზე და ქვეყნის კრიზისიდან…

თბილისის მერმა კახა კალაძემ ქვეყანაში შექმნილ ეპიდვითარებასთან დაკავშირებით სპეციალური განცხადება გააკეთა. მან მოსახლეობას ჰიგიენის წესების დაცვისკენ მოუწოდა. „თქვენ იცით, რომ ხელისუფლებამ, საზოგადოებასთან ერთად, ყველაფერი გააკეთა, რათა ვირუსის მეორე ტალღის ეტაპს, მაქსიმალურად მომზადებულები შევხვედროდით და ქვეყანას ე.წ. ლოქდაუნის დაწესება არ დასჭირვებოდა. მსოფლიოში და მათ შორის საქართველოში, პანდემიის და ინფიცირების მზარდი მაჩვენებლის ფონზე, საქართველომ შეძლო ჩაეტარებინა უსაფრთხო არჩევნები, რომელიც მსოფლიომ აღიარა. ახლა მთავარია, ჩვენი მოქალაქეების ჯანმრთელობა და სიცოცხლე არ დადგეს კიდევ უფრო მომატებული რისკის ქვეშ. კიდევ უფრო არ დაზარალდეს კერძო სექტორი, არ დაზარალდნენ დამსაქმებლები და დასაქმებულები. სამწუხაროდ, ეს რისკი ყოველდღიურად და უფრო მეტიც, ყოველწუთიერად იზრდება“, – განაცხადა კალაძემ.…

„ხმების გადათვლის შედეგად გაყალბების კვალი არ დაფიქსირებულა“, – ამის შესახებ პარტიის ოფისში გამართულ ბრიფინგზე „ქართული ოცნების“ ერთ-ერთმა ლიდერმა მამუკა მდინარაძემ განაცხადა. მისი თქმით, 20-მდე უბნის გადათვლის შედეგად მმართველი პარტიის შედეგები გაუმჯობესდა კიდეც. ამის მაგალითად მან ბათუმი მოიყვანა, სადაც მამუკა მდინარაძის თქმით, „ქართულ ოცნებას“ ჰქონდა ხმები დაკლებული, საუბარია 13 ხმაზე. „ამ ყველაფერს ესწრებოდნენ ოპოზიციის წარმომადგენლები და არც პრეტენზიცები გამოუთქვამთ. შესაბამისად, ფაქტებით დადასტურდა, რომ გაყალბებას ადგილი არ ჰქონია და უმრავლეს შემთხვევაში ტექნიკურ ხარვეზებთან გვქონდა საქმე“, – განაცხადა მამუკა მდინარაძემ