დღე: ნოემბერი 2, 2022

,,ქვეყნის ცხრა რეგიონში, ელექტროენერგიის სტაბილიზაციისთვის გათიშვა გრძელდება, რუსეთი კი არ შეწყვეტს ცხოვრების ნორმალური რიტმის დარღვევას, – ამის შესახებ უკრაინის პრეზიდენტმა, ვოლოდიმირ ზელენსკიმ ყოველდღიურ ვიდეომიმართვაში განაცხადა. მისივე თქმით, უკრაინამ უკვე აღადგინა წყალმომარაგება და ელექტროენერგია ტექნიკურად. „ტერორისტების ფსონი ზამთრისთვის სრულიად გამჭვირვალეა ყველასთვის, ეს გამოწვევა უნდა განიხილებოდეს, როგორც გამოწვევა მთელი ევროპისთვის. მოსკოვი ზამთრის ნებისმიერ სირთულეს თავის პროპაგანდაში წარმოაჩენს, როგორც ერთიანი ევროპის წარუმატებლობის მტკიცებულებას. ამიტომ, ერთად უნდა დავუმტკიცოთ ტერორისტებს, რომ მარცხი არის სიტყვა მათ შესახებ და არა ევროპის შესახებ“, – აღნიშნა ზელენსკიმ.

„ქართული ოცნებიდან“ გასული დეპუტატები ამერიკის საელჩოს, ამჯერად, შეურაცხმყოფელი და არაპარტნიორული დამოკიდებულების გამო აკრიტიკებენ. როგორც „ხალხის ძალის“ წარმომადგენლები აცხადებენ, ქართველი ხალხის სურვილი და მიზანი სწორედ ტრადიციებით და არა ეროვნული და ქრისტიანული ღირებულებების დათმობის ხარჯზე ევროპულ ოჯახში გაწევრიანება წარმოადგენს. ისინი „ლიბერალების“ წარმოებული აგრესიული კამპანიის მხილებას  ერთ-ერთ ძირითად  მიმართულებად ასახელებენ. „დღეს საზოგადოების ყურადღება გვინდა გავამახვილოთ დამოკიდებულებაზე, რომელსაც საელჩო და მისი ფავორიტები განსხვავებული აზრის მქონე ადამიანების მიმართ ავლენენ. ეს არის დამოკიდებულება, რომლის მიხედვითაც, გარდა საელჩოს წარმომადგენლებისა და აგენტებისა, არავის არავითარი ფასი არა აქვს. ყველა ვალდებულია, ბრმად დაიჯეროს ის, რასაც საელჩო ამბობს. არავის არა აქვს…

სამხრეთ კორეის კუნძულ ულეუნგზე საჰაერო თავდასხმის განგაში გამოცხადდა. აღნიშნულის მიზეზი ჩრდილოეთ კორეის მხრიდან  ბალისტიკური რაკეტების გაშვება გახდა. სამხრეთ კორეის ხელისუფლების განცხადებით, ერთ-ერთი რაკეტა ქვეყნის სანაპირო ზოლიდან აღმოსავლეთით სულ რაღაც 57 კილომეტრში ჩამოვარდა. „ჩრდილოეთ კორეის რაკეტის გაშვება ძალიან უჩვეულო და მიუღებელია, რადგან ის პირველად დაეცა სამხრეთ კორეის ტერიტორიულ წყლებთან ახლოს „ჩრდილოეთის ლიმიტის ხაზის“ სამხრეთით“, – აცხადებს სამხრეთ კორეის გაერთიანებული შტაბის ოპერაციების დირექტორი კანგ შინ-ჩულმა.  

რუსეთის მხრიდან ბირთვული იარაღის გამოყენების საფრთხე ისევ რეალობად რჩება. მსოფლიოს ლიდერებმა ფედერაციის პრეზიდენტი პუტინი აღნიშნულთან დაკავშირებით არაერთხელ გააფრთხილეს. უკრაინის ერთ-ერთი ძლიერი მხარდამჭერი, ბრიტანეთის ყოფილი პრემიერი აცხადებს, რომ მისი შეფასებით, პუტინი ამ ნაბიჯზე არ წავა. „არ მგონია, რომ პუტინი ბირთვულ იარაღს გამოიყენებს. გიჟი უნდა იყოს, ეს რომ გააკეთოს… უკრაინის ომი ყველასგან მოითხოვს სტრატეგიულ მოთმინებას და გამძლეობას, მაგრამ აბსოლუტურად არ მეპარება ეჭვი, რომ საბოლოოდ სიკეთე გაიმარჯვებს, უკრაინელები მოიგებენ – ეს კარგს და ცუდს შორის განსხვავებას ჰგავს.  ბოლოს და ბოლოს, ჩვენი ენერგეტიკული უსაფრთხოება მნიშვნელოვანად გაუმჯობესდება“, – აცხადებს ჯონსონი.  

ზამთრის სეზონთან დაკავშირებით, რომელიც უკრაინელებისთვის საკმაოდ რთული და მკაცრი იქნება, ქვეყნის პრემიერ-მინისტრი მოსახლეობას მიმართავს. „სახელმწიფო ემზადება ზამთრისთვის, უკრაინელებიც უნდა მოემზადონ რთული ზამთრისთვის და იქონიონ აუცილებელი ნივთების მარაგი“, – აცხადებს დენის შმიგალი. მა მინისტრთა კაბინეტის სხდომის დროს. პრემიერი ასევე აღნიშნავს, რომ უკრაინას მკაცრი და აქტიური მოლაპარაკებები აქვს პარტნიორებთან, რომ მოსახლეობას რთული ზამთრის დაძლევაში დაეხმაროს. მისი ინფორმაციით, ამ ეტაპზე არსებული მონაცემებით, თორმეტმა ქვეყანამ გამოთქვა მზადყოფნა დაეხმაროს უკრაინას.  

ახლო აღმოსავლეთში, აშშ-სა და სხვა ქვეყნების ჯარები სრულ მზადყოფნაში არიან. აღნიშნულის მიზეზი დაზვერვის მონაცემებია, რომლის მიხედვითაც, ირანი საუდის არაბეთისთვის თავდასხმისთვის ემზადება. ელ-რიადმა ინფორმაცია თავდასხმის მზადების შესახებ აშშ-საც მიაწოდა, რასაც ახლო აღმოსავლეთში აშშ-ისა და სხვა ქვეყნების ჯარების გაძლიერებულ სამხედრო მზადყოფნაში მოყვანა მოჰყვა. ირანის დაზვერვის სამინისტრო და ისლამური რევოლუციის გუშაგთა კორპუსი აშშ-ის, დიდი ბრიტანეთის, ისრაელისა და საუდის არაბეთის სადაზვერვო სამსახურებს ბრალს სდებენ აქტივისტ მაჰსა ამინის სიკვდილთან დაკავშირებული საპროტესტო გამოსვლების დაგეგმვასა და რეალიზაციაში. მაჰსა ამინი მას შემდეგ გარდაიცვალა, რაც ის პოლიციამ  ჰიჯაბის არასწორად ტარების ბრალდებით დააკავა. აშშ-მა, საუდის არაბეთმა და სხვა ქვეყნებმა, დაზვერვის…

ისრაელში გუშინ საპარლამენტო არჩევნები გაიმართა. ამ დროისთვის არსებული წინასწარი შედეგების, ყოფილი პრემიერ-მინისტრის, ბენიამინ ნეთანიაჰუს ბლოკი “ლიკუდი” ლიდერობს. აღნიშნული შეფასება დათვლილი ხმების მიხედვით კეთდება, რომელიც  20.7 პროცენტია. მის მიხედვით, ნეთანიაჰუს მემარჯვენე ბლოკი 120-ადგილიან პარლამენტში 72 მანდატს დაიკავებს. რაც შეეხება ეგზიტპოლებს, ყოფილი პრემიერის ბლოკი პარლამენტში 61-62 ადგილს იკავებს, ხოლო ალიანსი კი, რომელიც მოქმედი პრემიერ-მინისტრ იაირ ლაპიდის მხარდამჭერია, 54 ან 55 ადგილს.  

პრეზიდენტი ზელენსკი ზამთრის პერიოდსა და უკრაინაში მიმდინარე რუსულ ომზე საუბრობს და დარწმუნებულია, რომ უკრაინა ზამთარს გადალახავს. რაც შეეხება რუსეთს, მისი შეფასებით, მათ იმედები არ გამართლდება, აცხადებს პრეზიდენტი. „ბრძოლის ველზე ისინი უიმედოდ არიან. უკრაინელმა ჯარისკაცებმა ეს უკვე დაადასტურეს. მაგრამ დრო, ძალისხმევა, მოთმინება სჭირდება იმის დამტკიცებას, რომ რუსი ტერორისტების ზამთრის იმედი არ გამართლდება. დარწმუნებული ვარ, ამასაც გადავლახავთ. მათ არ აინტერესებთ ენერგეტიკული ტერორის ფასი. მხოლოდ გუშინდელი რუსული თავდასხმის ღირებულებას თუ გადავხედავთ, გამოყენებული რაკეტები და თვითმფრინავები რუსეთს 2 300 000-ზე მეტი რუსული ხანდაზმულობის საშუალო პენსიის ეკვივალენტი დაუჯდა და ეს არის ერთი შეტევა. იმის ნაცვლად,…