ნიუ-იორკის მეტროში, 96-ე ქუჩის სადგურთან, ერთმანეთს 2 მატარებელი შეეჯახა. ერთ მატარებელში 300-მდე მგზავრი იმყოფებოდა, მეორე კი მეტროპოლიტენის სატრანსპორტო სამსახურის უმოქმედო მატარებელია, რომელშიც ოთხი მუშა იყო. შემთხვევის შედეგად, სულ მცირე 26 მგზავრი დაშავდა.
უცხოური მედიის ცნობით, რელსებიდან გადასული მატარებლიდან 300-მდე ადამიანის ევაკუაცია განხორციელდა. ევაკუაცია დასჭირდათ მესამე მატარებლის მგზავრებსაც, რომელსაც შემთხვევის გამო გვირაბში გაჩერება მოუწია.
