ლიბიაში წყალდიდობის შედეგად 800 000 ადამიანი დაზარალდა.
წითელი ჯვრისა და წითელი ნახევარმთვარის საზოგადოებების საერთაშორისო ფედერაციის ინფორმაციით, ეს რიცხვი ლიბიის მოსახლეობის დაახლოებით 11%-ია.
აღმოსავლეთ ლიბიაში სტიქიის გამო საცხოვრებელი 38 000-ზე მეტმა ადამიანმა დატოვა, მათ შორის, 30 000-მა მხოლოდ ქალაქ დერნაში.
ქვეყანაში სამძებრო-სამაშველო სამუშაოები კვლავ გრძელდება. წყალდიდობის შედეგად დაზარალებულ ტერიტორიებზე ერთწლიანი საგანგებო მდგომარეობაა გამოცხადებული.
შეგახსენებთ, რომ ლიბიაში წყალდიდობის შედეგად 11 000-ზე მეტი ადამიანი დაიღუპა.