თვე: აგვისტო 2023

რაჭა-ლეჩხუმ-ქვემო სვანეთის სახელმწიფო რწმუნებულის, პაპუნა მარგველიძის განცხადებით, სტიქიის ზონაში დაღუპული 31 ადამიანიდან ყველა იდენტიფიცირებულია. მისივე თქმით,  2 დაკარგული ადამიანის ძებნა-შველის სამუშაოები გრძელდება. „სამძებრო სამუშაოები უკვე 28-ე დღეა უწყვეტ რეჟიმში მიმდინარეობს ამოსვენებული 31 ნაპოვნი მიცვალებულიდან უკვე ყველა არის იდენტიფიცირებული. ვაგრძელებთ 2 დაკარგული მოქალაქის ძიებას“, – აღნიშნავს მარგველიძე.  

დაგროვებითი პენსიის არსებული მოდელი ძალაში 2028 წლის პირველ იანვრამდე დარჩება. მეორე მოსმენით კანონპროექტის განხილვა ჯანდაცვის კომიტეტზე სექტემბრის პირველ კვირაში იგეგმება. პროექტის მიხედვით, ყველა მოქალაქის დაგროვებითი პენსია ავტომატურად დაბალ რისკიან პორტფელში მოხვდება. მმართველი გუნდის ერთ-ერთი ლიდერის, მამუკა მდინარაძის განცხადებით, საპენსიო სააგენტოს საზოგადოებასთან მეტი კომუნიკაცია მართებდა. ,,საპენსიო სააგენტოს საზოგადოებასთან მეტი კომუნიკაცია მართებდა. სანამ საქართველოს ყველა მოქალაქე არ იქნება დარწმუნებული რას აკეთებს, თავის დანაზოგთან დაკავშირებით მანამდე არანაირი გადაწყვეტილება არ შეიძლება მიიღო- რადიკალური და გარდამტეხი. არ არის სწორი, როდესაც ერთი მხრივ ეუბნები რა კარგია რაღაც და მეორე მხრივ არ აყენებ საქმის კურსში, რომ ჯერ…

30 აგვისტოს, აღმაშენებლის ხეივანზე „ჯორჯიან უოთერ ენდ ფაუერის“ წყალსადენის მაგისტრალური მილი, რომელიც ვაკე-საბურთალოს ნაწილს სასმელი წყლით ამარაგებს, ავარიულად დაზიანდა. GWP-ს ტექნიკური ჯგუფი ადგილზეა მობილიზებული და დაზიანების აღსადგენად მოსამზადებელი სამუშაოები მიმდინარეობს. „გადაუდებელი სამუშაოები დღეს, 30 აგვისტოს საღამოს 21:00 საათიდან დაიწყება და მთელი ღამის განმავლობაში ინტენსიურ რეჟიმში შესრულდება. აღნიშნულთან დაკავშირებით აუცილებელია მაგისტრალური ქსელის წყლისგან დაცლა, რის გამოც დღეს, 30 აგვისტოს საღამოს 21:00 საათიდან, ხვალ, 31 აგვისტოს დილის 11:00 საათამდე, წყალმომარაგება შეეზღუდება: ვაკე-საბურთალოს რაიონში: ვაჟა-ფშაველას I და II კვარტლებს, ვაჟა-ფშაველას გამზირის, III და V კვარტლების ნაწილს, ქავთარაძის ქუჩის და ყაზბეგის გამზირის ნაწილს. ნუცუბიძის…

საქართველოს მთავრობის სხდომაზე მიღებული გადაწყვეტილებით, „სასოფლო-სამეურნეო კოოპერატივებისთვის კენკროვანი კულტურების შესანახი მაცივრების თანადაფინანსების“ სახელმწიფო პროგრამა განხორციელდება. გარემოს დაცვისა და სოფლის მეურნეობის მინისტრის, ოთარ შამუგიას განცხადებით, ბოლო წლების განმავლობაში პროგრამის ,,დანერგე მომავალი’’ მეშვეობით, 2,500 ჰა-ზე მეტ ფართობზე გაშენდა მოცვის კულტურა. მომავალ წლებში საპროგნოზო მოსავალი დაახლოებით 20-25,000 ტონას შეადგენს. აღსანიშნავია, რომ მიმდინარე წლის 7 თვის მონაცემებით, საქართველოდან განხორციელდა 18 მლნ აშშ დოლარზე მეტი ღირებულების 3,000 ტონა მოცვის ექსპორტი, რაც გასული წლის ანალოგიური პერიოდის მაჩვენებელს 118% -ით აღემატება. „სახელმწიფოს მხარდაჭერით გაშენებული ბაღების სრულ მსხმოიარობაში შესვლის შემდგომ ჩვენ გვექნება მოცვის საკმაოდ დიდი მოსავალი. რაც, რა…

თბილისის საერთაშორისო აეროპორტში გერმანიიდან დეპორტირებული ქართველების თვითმფრინავი დაეშვება. არსებული ინფორმაციით, ბორტზე საქართველოს რამდენიმე ათეული მოქალაქე იმყოფება. ქართველების დეპორტაცია გერმანიიდან, სავარაუდოდ, ბერლინის ახალ გადაწყვეტილებას უკავშირდება, რის მიხედვითაც, გერმანიამ საქართველო და მოლდოვა უსაფრთხო ქვეყნების სიაში შეიყვანა. ოფიციალური ბერლინის განცხადებით, ამ ქვეყნების მოქალაქეებს სამშობლოში დევნა არ ემუქრებათ.

გორში, სოფელ ქვემო ნიქოზში შუა ბრინჯაოს ხანის დიდგვაროვნის სამარხი აღმოაჩინეს. ცნობილია, რომ აღმოჩენა გორის სახელმწიფო უნივერსიტეტის სამეცნიერო პროექტის ფარგლებში, არქეოლოგიური გათხრების დროს მოხდა. ,,გორის სახელმწიფო უნივერსიტეტის ორგანიზებით, მეორე წელია, ქვემო ნიქოზში მიმდინარეობს არქეოლოგიურლი გათხრები, რომლის ფარგლებში აღმოჩენილია რეგიონში პირველი, შუაბრინჯაოს ხანის დიდგვაროვნის სამარხი, უნიკალური არტეფაქტებით”, – ნათქვამია უნივერისტეტის მიერ გავრცელებულ პრესრელიზში.