დღე: აპრილი 24, 2023

საქართველოში ევროკავშირის ელჩის, პაველ ჰერჩინსკის განცხადებით, საქართველოს პრეზიდენტის გადასაწყვეტია, შეიწყალებს თუ არა ნიკა გვარამიას. მისი თქმით, პრეზიდენტის კონსტიტუციური უფლებაა, შეიწყალოს ის, ვისი შეწყალებაც სურს. ,,პრეზიდენტის გადასაწყვეტია, შეიწყალებს თუ არა ბატონ გვარამიას. ყველამ ვიცით, რომ პატიმრების შეწყალება მისი კონსტიტუციური უფლებაა. სხვა კომენტარს ვერ გავაკეთებ. თქვენ იცით, რომ 12 რეკომენდაციიდან ერთ-ერთი არის მედიის თავისუფლების დაცვა, რადგან სიტყვისა და გამოხატვის თავისუფლება არის ერთ-ერთი პრინციპი, რომელზეც ევროკავშირია დაფუძნებული. ჩვენ ვაკვირდებით ამ და სხვა საქმეებს ძალიან დიდი ყურადღებით. ჯერ კიდევ არის დრო, სანამ ევროკომისია თავის დასკვნას გამოაქვეყნებს,”- განაცხადა ელჩმა.      

უკრაინის პრეზიდენტის, ვოლოდიმირ ზელენსკის  განცხადებით, უკრაინას არ შეუძლია უარი თქვას ბახმუტზე, რადგან მის ხელში ჩაგდებამ შეიძლება რუსეთს გზა გაუხსნას კრამატორსკსა და სლოვიანსკში წინსვლისთვის.. „ჩვენ არ შეგვიძლია უარი ვთქვათ ბახმუტზე, რადგან ის [დაეხმარება] გააფართოვოს საომარი მოქმედებების ფრონტი და მისცემს რუს ჯარებს და ვაგნერს შანსს დაიპყრონ ჩვენი მიწების მეტი ნაწილი“,- აღნიშნა ზელენსკიმ. მისი თქმით, თუ რუსეთი დაიპყრობს ბახმუტს, ეს შეიძლება გახდეს პლაცდარმი თავდასხმისთვის ორი დიდი ქალაქის – კრამატორსკის და სლავიანსკის წინააღმდეგ. ზელენსკის თქმით, უკრაინა ბახმუტს არ დათმობს. მან ყველას მოუწოდა „ეწვიონ [ქალაქს], რათა გაიგონ, რა შეიძლება მოხდეს და რა საფრთხეები არსებობს“.  

უკრაინის პრეზიდენტი ვოლოდიმირ ზელენსკი დარწმუნებულია, რომ უკრაინას შეუძლია მოიგერიოს რუსეთის შეჭრა. ზელენსკიმ ხაზგასმით აღნიშნა, რომ უკრაინელებს მტკიცედ აქვთ გადაწყვეტილი მიწების დაბრუნება. ,,სიტუაციას კარგს ვერ ვუწოდებ, მაგრამ ჩვენ ვიბრძვით. ჩვენ უფრო ძლიერები ვართ, ვიდრე ერთი წლის წინათ”, – განაცხადა პრეზიდენტმა ფრონტზე არსებულ ვითარებაზე კომენტირებისას. უკრაინის პრეზიდენტმა კონტრშეტევისთვის მზადების შესახებაც ისაუბრა ”ჩვენი არმია ემზადება და ჩვენ ყველაფერს ვაკეთებთ იმისათვის, რომ გავაძლიეროთ იგი”, – აღნიშნა ზელენსკიმ. ზელენსკიმ ასევე მადლობა გადაუხადა მოკავშირეებს მხარდაჭერისთვის, მაგრამ აღნიშნა, რომ ისინი ასევე მხარს უჭერენ საკუთარ თავს უკრაინის დახმარებით. „სიმართლე ისაა, რომ რუსეთი უკრაინაზე არ გაჩერდება და ეს ყველასთვის…

,,იარაღი არის საუკეთესო შუამავალი და ერთადერთი კომუნიკაციის საშუალება, რომელიც რუსეთის ფედერაციისთვის გასაგებია,”- ამის შესახებ უკრაინის ეროვნული თავდაცვისა და უშიშროების საბჭოს მდივანი ოლექსი დანილოვი წერს. მისი თქმით, უკრაინას საკმარისი იარაღი სჭირდება. ,,როცა რუსი აგრესორის მიზანი უცვლელი რჩება – უკრაინის განადგურება, ბოლო დროს გაჟღერებული ინიციატივები მშვიდობიანი მოგვარების შესახებ, სხვა არაფერია, თუ არა პრორუსული მშვიდობის შენარჩუნება. ჩვენ არ გვჭირდება, რომ მუდმივად მოლაპარაკებების მაგიდასთან დაგვსვან, ჩვენ საკმარისი იარაღი გჭირდება. იარაღი არის საუკეთესო შუამავალი და ერთადერთი კომუნიკაციის საშუალება, რომელიც რუსეთის ფედერაციისთვის გასაგებია,”- წერს დანილოვი.

,,მზად ვართ, მოსამართლეების დასანქცირებაზე მოვისმინოთ მტკიცებულებები, განვიხილოთ ერთად და ვიმსჯელოთ, მაგრამ როგორც ჩანს, ეს მტკიცებულებები არ არსებობს,”-  ამის შესახებ კულტურის, სპორტისა და ახალგაზრდობის მინისტრმა, თეა წულუკიანმა განაცხადა. მისი თქმით, ქვეყნის პარტნიორებს და მასთან ურთიერთობას ზუსტად ისე უფრთხილდებიან, როგორც საკუთარ სისხლით მოპოვებულ სუვერენიტეტსა და დამოუკიდებლობას. „ჩვენ ვართ სუვერენული სახელმწიფო, ეს ერთი. ამ სუვერენიტეტსა და დამოუკიდებლობაში საუკუნეების მანძილზე ჩადებულია ძალიან ბევრი თაობის, ძალიან ბევრი ადამიანის, ქალისა თუ კაცის, სხვადასხვა ასაკის გოგოსა თუ ბიჭის ბევრი სისხლი, სიცოცხლე და ჯანმრთელობა. ამიტომ ჩვენ ამ დამოუკიდებლობას ყველა ერთად ვუფრთხილდებით და უნდა ვუფრთხილდებოდეთ კიდე უკეთესად. აი, ამ მოფრთხილების…

რუსეთის საგარეო მინისტრი, სერგეი ლავროვი ამერიკის შეერთებულ შტატებში, კერძოდ კი ნიუ-იორკში იმყოფება. დღეს და ხვალ, რუსი დიპლომატი მონაწილეობას მიიღებს გაერო-ს უშიშროების საბჭოს ოფიციალურ შეხვედრებში. რუსეთის საგარეო საქმეთა სამინისტროს პრესსპიკერის, მარია ზახაროვას ინფორმაციით, ეს არის ოფიციალური ვიზიტი, რომელიც ითვალისწინებს მაღალი დონის შეხვედრებს გაეროში. ვიზიტის ფარგლებში დაგეგმილია შეხვედრა გაერო-ს გენერალურ მდივან ანტონიო გუტერეშთან. რუსეთი 1-ელი აპრილიდან, ერთი თვით, გაერო-ს უშიშროების საბჭოს თავმჯდომარეა.