თვე: დეკემბერი 2021

სემეკი-ს თავმჯდომარე დავით ნარმანიამ „მედიაცენტრ მთავარში“ სამომავლო პროექტებზე ისაუბრა და აღნიშნა, რომ საქართველოს  ელექტროენერგეტიკის სექტორში უდიდესი პოტენციალი გააჩნია, რომ  ნეტო-ექსპორტიორი ქვეყანა გახდეს. სემეკის თავმჯდომარემ ყურადღება გაამახვილა ენერგეტიკულ სექტორში მიმდინარე რეფორმაზე და აღნიშნა, რომ საქართველომ მოკლე დროში შეძლო იმ დირექტივების საქართველოს ენერგეტიკულ კანონმდებლობაში გადმოტანა და განხორციელება, რასაც სხვა ქვეყნებში ათეულობით წელი დასჭირდა. დავით ნარმანიამ ისაუბრა ელექტროენერგიის ადგილობრივი წარმოების განვითარების აუცილებლობაზეც. „ელექტროენერგიის ბაზრის ლიბერალიზაციის პირობებში მნიშვნელოვანია ადგილობრივი წარმოების განვითარება და იმპორტის შემცირება. 2021 წელს  ჯამში მხოლოდ 7 მეგავატამდე სიმძლავრის ჰესები შევიდა ექსპლუატაციაში, ქვეყნის ენერგეტიკული უსაფრთხოებისათვის კი აუცილებელია ე.წ. მარეგულირებელი ჰესების მშენებლობა. ადგილობრივი…

მეტი...

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარემ „მედიაცენტრ მთავარში“ 2021 წლის საქმიანობა შეაჯამა. როგორც დავით ნარმანიამ აღნიშნა, ზედმეტად დარიცხულ კომუნალურ თანხებზე მოსახლეობამ სემეკს უნდა მიმართოს. „მომხმარებლებში პოპულარობით სარგებლობს *303#-ის მომსახურება. მიმდინარე წლის ბოლოს ამ სერვისს დაემატა ელექტროენერგიის, ბუნებრივი გაზისა და სასმელი წყლის დარიცხული გადასახადის გადამოწმების ფუნქციაც. მოქალაქეებს შეუძლიათ მარტივად, ერთი ღილაკის საშუალებით გაუგზავნონ კომპანიებს მოთხოვნა დარიცხვის გადამოწმებაზე. მკაცრად ვაკონტროლებთ კომპანიების საქმიანობას, ჩვენი მიზანია, რომ მომხმარებლის უფლება მაქსიმალურად იყოს დაცული. მოგეხსენებათ, მიმდინარე წელს სისტემური დარღვევებისთვის დავაჯარიმეთ „თბილისის ელექტრომიმწოდებელი კომპანია“ ( თელმიკო)  და „თელასი“ უმაღლესი ოდენობის ჯარიმით. დარღვევების განმეორების შემთხვევაში,…

მეტი...

დავით ნარმანიამ სემეკის 2021 წლის საქმიანობა  „მედიაცენტრ მთავარში“ შეაჯამა. როგორც საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარემ აღნიშნა, ელექტროენერგიის ტარიფების მატება არ იგეგემება. მან დადებითად შეაფასა ენერგეტიკისა და წყალმომარაგების სექტორებში განხორციელებული პროექტები, ისაუბრა სემეკის მიერ შემუშავებულ რეგულაციებზე, რომლებმაც მომხმარებლებს კომუნალური სერვისის მიღება გაუმარტივა. „ძალიან ხშირია სხვადასხვა პირის მიერ ტარიფებით სპეკულაცია და სამწუხაროა, რომ ასეთ სენსიტიურ თემებს საზოგადოების შეცდომაში შეყვანისთვის მიზანმიმართულად იყენებენ. მინდა აღვნიშნო, ტარიფების ცვლილებასა თუ კომისიის ნებისმიერ სხვა გადაწყვეტილებაზე საზოგადოებას  ყოველთვის აქვს ინფორმაცია სემეკიდან. შესაბამისად, თუ რაიმე ცვლილება იქნება, მოსახლეობას აუცილებლად ვაცნობებთ. ხაზგასმით ვაცხადებ, რომ ახალი წლის…

მეტი...

დღეს, პარლამენტის რიგგარეშე სხდომა გაიმართება, სადაც სახელმწიფო ინსპექტორის გაუქმების საკითხს განიხილავენ. საკანონმდებლო ორგანო აღნიშნულ ცვლილებას დაჩქარებული წესით განიხილავს. მიმდინარე კვირას კი კიდევ ჩაინიშნება რიგგარეშე სხდომა, რომ საკანონმდებლო ორგანომ სამსახურის გაუქმება სამივე მოსმენით მოასწროს. შეგახსენებთ, რომ საკანონმდებლო ინიციატივით, უქმდება სახელმწიფო ინსპექტორის სამსახური და მის ნაცვლად ორი უწყება – სპეციალური საგამოძიებო სამსახური და პერსონალურ მონაცემთა დაცვის სამსახური შეიქმნება.  

მეტი...

საქართველოს პრეზიდენტმა, ე.წ. შერიგების პროცესთან დაკავშირებით არასამთავრობო სექტორთან შეხვედრა გამართა.  როგორც სალომე ზურაბიშვილმა აღნიშნა, აუცილებელია სივრცის შექმნა, სადაც ყველა შეძლებს ერთმანეთთან საუბარს.  მისი თქმით, ჩვენი ახლო წარსული ბუნდოვანია, ან თვით ეს წარსულია გახლეჩილი. „სამოქალაქო და იურიდიული სექტორი ნამდვილად ის საფუძველია, რომელზეც შენდება ეროვნული თანხმობა. ეს პროცესი არ არის ადამიანების ერთმანეთთან შერიგების პროცესი, რაც მორალური კატეგორიაა. ჩემთვის, როგორც პრეზიდენტისთვის, ძალიან მნიშვნელოვანია, რომ შეიქმნას სივრცე, სადაც შევძლებთ ერთმანეთთან საუბრის დაწყებას იმ თემებზე, რის გამოც ქვეყანა დაყოფილია, რის გამოც ვართ დაპირისპირებულნი და გადამტერებულნი. ჩვენ ვერ ვპოულობთ ჩვენში ძალას, რომ დავჯდეთ ერთად და განვიხილოთ…

მეტი...

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარე „მედიაცენტრ მთავარში“ 2021 წლის მუშაობის ანგარიშის პრეზენტაციას გამართავს. დავით ნარმანია  ენერგეტიკისა და წყალმომარაგების სექტორებში განხორციელებული პროექტებზე, სემეკის მიერ შემუშავებულ რეგულაციებზე, კომუნალური სერვისის მიღების გამარტივებაზე, ტარიფებით სპეკულირებაზე, ტარიფების ცვლილებებსა და სამომავლო გეგმებზე ისაუბრებს. პრეზენტაცია „მედიაცენტრ მთავარში“ 11:00 საათზეა ჩანიშნული.

მეტი...

მიხეილ სააკაშვილის გორის სამხედრო ჰოსპიტლიდან ისევ ციხეში დაბრუნების მცდელობას უკრაინის საგარეო უწყება გამოეხმაურა და განაცხადა, რომ ეს არასათანადო ნაბიჯი იყო, რადგანაც მიხეილ სააკაშვილს რეაბილიტაცია სჭირდება. „მიხეილ სააკაშვილის ჯანმრთელობის მდგომარეობა ამის საშუალებას არ იძლევა. მას შემდგომი რეაბილიტაცია სჭირდება. მოვუწოდებთ საქართველოს ხელისუფლებას, პატივისცემით მოექცნენ უკრაინის მოქალაქეს და არ დაუშვას ქმედებები, რომლებიც საფრთხეს შეუქმნის მის სიცოცხლესა და ჯანმრთელობას. უკრაინელი დიპლომატები საქართველოში აგრძელებენ სიტუაციის განსაკუთრებულ კონტროლს, ასევე, მუდმივ დიალოგში არიან საქართველოს ხელისუფლებასთან და მიხეილ სააკაშვილის ადვოკატებთან“, –  ვკითხულობთ უკრაინის საგარეო უწყების განცხადებაში. უკრაინული მხარე ითხოვს, გორის სამხედრო ჰოსპიტალში, მიხეილ სააკაშვილის სანახავად უკრაინის კონსული შეუშვან.  

მეტი...

სახალხო დამცველის წარმომადგენელს, საბა ბრაჭულს, გორის სამხედრო ჰოსპიტალში შესვლისა და მიხეილ სააკაშვილის მკურნალ ექიმთან გასაუბრების შესაძლებლობას არ აძლევენ. ასევე ჰოსპიტალთან იმყოფება სახალხო დამცველის სამედიცინო კონსილიუმის წევრი ექიმი თენგიზ წულაძე, რომელმაც განაცხადა, რომ ,,სახალხო დამცველს პატიმრის მონახულების უფლება დაბრკოლებების გარეშე, ნებისმიერ დროს აქვს.” “იმედს ვიტოვებ, რომ ეს გაუგებრობაა. ჩვენ გვინდა მორიგე ექიმთან გასაუბრება, ვინც ზედამხედველობს პაციენტის მდგომარეობას ამჟამად. იმედია, გაირკვევა ეს საკითხი. სახალხო დამცველის რწმუნებულს აქვს უფლება, ნებისმიერ დროს, დაუბრკოლებლად, შეუფერხებლად შევიდეს ნებისმიერ დახურულ დაწესებულებაში, სადაც არის ადამიანი, პატიმარი სახელმწიფოს ეფექტურ კონტროლს ქვეშ. შესაბამისად, მე იმედს ვიტოვებ, რომ ეს არის უბრალოდ…

მეტი...

“ნაციონალური მოძრაობის” წევრმა, თინა ბოკუჩავამ, საკომიტეტო მოსმენაზე, რომელზეც დეპუტატები სახელმწიფო ინსპექტორის აპარატის გაუქმების საკითხს განიხილავდნენ, “ოცნების” წევრებს საქართველოს მესამე პრეზიდენტის, მიხეილ სააკაშვილის წერილი წაუკითხა, თუმცა ამან დეპუტატები გააღიზიანა, რის შედეგადაც მას მიკროფონი გამოურთეს. შეგახსენებთ, დღეს, 27 დეკემბერს, ბიურომ ინსპექტორის სამსახურის გაუქმებაზე ცვლილებების დაჩქარებულად განხილვას მხარი დაუჭირა. როგორც ირკვევა, “ოცნება” აპირებს, ამ უწყების ნაცვლად შექმნას ორი სამსახური – სპეციალური საგამოძიებო და პერსონალურ მონაცემთა დაცვის სამსახურები.    

მეტი...

ნიკანორ  მელია გორის სამხედრო ჰოსპიტალში მომხდარ  ფაქტს, მიხეილ სააკაშვილის ციხეში დაბრუნების მორიგ ძალადობრივ მცდელობას და ჰოსპიტალის ექიმების განცხადებას გამოეხმაურა: ,,უზნეო და ამორალური დამოკიდებულება მიხეილ სააკაშვილის მიმართ გრძელდება. ისევ ძალადობა და არაადამიანური მოპყრობა. არაადამინური ზეწოლის შედეგად, ექიმ გოგორიშვილს ისე შეაცვლევინეს პოზიცია, სსრკ გაგახსენდებოდა! დააკვირდით, როგორ აკონტროლებს და აჩუმებს ვიღაც x ტიპი ექიმს, ზედმეტი რომ არ წამოცდეს! არადა მისი პოზიცია მკაფიოა – სააკაშვილის რეაბილიტაცია თავისუფლების პირობებშია შესაძლებელი! რაც უფრო უსინდისოდ მოიქცევით – მით უფრო მწვავე ფორმას მივცემთ პროტესტს!”  – წერს მელია.

მეტი...

სახელმწიფო ინსპექტორის სამსახურის გაუქმება და ახალი კანონპროექტი საპროცედურო საკითხთა და ადამიანის უფლებათა დაცვის საპარლამენტო კომიტეტების ერთობლივ სხდომაზე ხმაურის მიზეზი აღმოჩნდა. კერძოდ, სხდომაზე, რომელსაც არასამთავრობო სექტორი, სახელმწიფო ინსპექტორის სამსახურის უფროსი და სახალხო დამცველის წარმომადგენლები ესწრებოდნენ, ვითარება არაერთხელ დაიძაბა. სიტყვიერი დაპირისპირება ძირითადად საპარლამენტო უმრავლესობის წარმომადგენლებსა და არასამთავრობო სექტორს შორის ისმოდა. უმრავლესობისთვის  „საქართველოს დემოკრატიული ინიციატივის“ თავმჯდომარის ედუარდ მარიკაშვილის განცხადებები ავტორიტარიზმთან დაკავშირებით გამაღიზიანებელი აღმოჩნდა. „ერთადერთი, რაც შეგვიძლია გავაკეთოთ, არის ის, რომ დავარქვათ თქვენს გადაწყვეტილებებს სახელი, მოსახლეობამ დაინახოს თქვენ რა გქვიათ – თქვენ ახლა ყველა ხართ ავტორიტარიზმის წარმომადგენლები – გივი, ალუდა და ა.შ“, – აღნიშნა ედუარდ მარიკაშვილმა,…

მეტი...

ხმაურით მიმდინარეობდა პარლამენტის კომიტეტის სხდომა, სადაც სახელმწიფო ინსპექტორის სამსახურის გაუქმების საკითხს იხილავდნენ და რომელსაც თავად დეკრეტში მყოფი სამსახურის ხელმძღვანელი ლონდა თოლორაიაც ესწრებოდა. მან, საპარლამენტო უმრავლესობის წარმომადგენელ მამაკაცებს ამ ნაბიჯისთვის მადლობა გადაიხადა და აღნიშნა, რომ გამბედაობა არც ერთს აღმოაჩნდა. „გახსენდებათ რეფორმა, რომელიც ეხებოდა იუსტიციის სამინისტროს და იუსტიციის სამინისტრომ გაიგო ბოლოს? გახსენდებათ ასეთი პრეცედენტი? 15 წელია ვმუშაობ საჯარო სამსახურში და არ მახსენდება პრეცედენტი გატარებულიყო რეფორმა იმ უწყების გარეშე, რომელშიც მე ვმუშაობდი და რომელსაც ეს რეფორმა ეხებოდა. მაინტერესებს, რატომ არ იყო ჩართული სახელმწიფო ინსპექტორის სამსახური ამხელა რეფორმაში და რატომ ვიგებ ამ ყველაფერს წინასაახალწლოდ? რატომ…

მეტი...

2022 წლის 1-ელი მარტიდან დაკავებული თანამდებობიდან გა თავისუფლდება სახელმწიფო ინსპექტორი ლონდა თოლორაია და მისი  მოადგილეები. სწორედ პირველი მარტიდან უქმდება სახელმწიფო ინსპექტორის სამსახური. დაკავებული პოზიციების დატოვება ყველა თანამშრომელს მოუწევს. კანონპროექტში, რომელიც პარლამენტშია წარდგენილი, ვკითხულობთ, რომ მათ არ ექნებათ თანამდებობის ტოლფას თანამდებობაზე, სამუშაო ადგილის ტოლფას სამუშაო ადგილზე აღდგენის მოთხოვნის უფლება. გათავისუფლებულები მხოლოდ რეზერვში ჩაირიცხონ.

მეტი...

იუსტიციის მინისტრის განცხადებით, გორის სამხედრო ჰოსპიტლიდან  მიხეილ სააკაშვილის ციხეში გადაყვანა მოხდება. როგორც მინისტრი განმარტავს, სააკაშვილის მკურნალობის პროცესი დასრულებულია. „მკურნალობა დასრულდა და ის გაწერეს საავადმყოფოდან. პატიმარი ვერ იქნება სამკურნალო დაწესებულებაში, მაშინ როდესაც დასრულებულია მკურნალობა“ – აცხადებს მინისტრი. მას შეფასება წუხელ მომხდარ ინცინდენტზეც გააკეთა და განმარტა, რომ სააკაშვილი არ დაემორჩილა ბადრაგს. „მას გაეწია  სამედიცინო მომსახურება. მკურნალობის დასრულების შემდგომ, მიღებული იქნა გადაწყვეტილება სამხედრო ჰოსპიტლიდან გაწერის შესახებ. იგი არ დაემორჩილა სპეციალური პენიტენციური სამსახურის თანამშრომელთა კანონიერ მოთხოვნას რუსთავის 12-ე დაწესებულებაში გადაყვანის შესახებ, აღელვების ნიადაგზე აღენიშნებოდა წნევის ცვალებადობა და შესაბამისად, სპეციალურმა პენიტენციურმა სამსახურმა მიიღო გადაწყვეტილება გადაყვანის კანონიერი…

მეტი...

„ჩვენ ინტენსიურად ვმუშაობთ კლუბებთან, რომ მივაღწიოთ გარკვეულ კონსესუსს და შედგეს შეთანხმება“ –  ამის შესახებ უწყებათაშორის საბჭოსთან არსებული საოპერაციო შტაბის უფროსმა გიორგი ღიბრაძემ განაცხადა. მისი თქმით, კონსულტაციები აქამდეც იყო და ახლაც ინტენსიურად მიმდინარეობს. „ცხადია, კონსულტაციები აქამდეც იყო და ახლაც ინტენსიურად მიმდინარეობს, იმისთვის, რომ ჩვენ გარკვეულ კონსესუსამდე მივაღწიოთ. სამუშაოები აქამდეც იყო, თუმცა იცით ვირუსის განვითარების დინამიკა და ხალი გარემოებები. ჩვენ ინტენსიურად ვმუშაობთ მათთან, რომ მივაღწიოთ გარკვეულ კონსესუსს და შედგეს შეთანხმება“, – განაცხადა გიორგი ღიბრაძემ.

მეტი...

ფრაქცია “ქართული ოცნების” თავმჯდომარემ, მამუკა მდინარაძემ, განაცხადა, რომ დღეს პარლამენტის ბიუროს სხდომა ოპოზიციის საპასუხოდ, შეგნებულად ჩააგდეს. ბიუროზე “ლელოს” სახელმწიფო ინსპექტორის სამსახურთან დაკავშირებით ალტერნატიული კანონპროექტი უნდა დაერეგისტრირებინა. “სწორედ იმის გამო, რომ ჩვენმა ოპონენტებმა გადაწყვიტეს პროცედურული მექანიზმების გამოყენებით მაქსიმალურად გაეწელათ დრო, ჩვენც ამას დავუპირისპირეთ ჩვენი ის მოქმედება, რომ არ მოვახდინეთ ბიუროს სხდომისათვის რაიმე განსაკუთრებული მობილიზება და შეიძლება ითქვას შეგნებულადაც, ბიუროს სხდომა ჩავარდა კვორუმის არარსებობის გამო”, – განაცხადა მდინარაძემ. ამ წუთებში ინსპექტორის სამასახურის შესახებ კანონპროექტს კომიტეტი განიხილავს, ასევე პარლამენტშია ლონდა თოლორაიაც, რომელმაც ამ ყველაფერს ,,დამოკიდებელი ინსტიტუტის მიმართ შტურმი და შურისძიება” უწოდა.

მეტი...

მიხეილ სააკაშვილის ადვოკატმა, ბექა ბასილაიამ, განაცხადა, რომ  “ნათელია, ხელისუფლების ინტერესს წარმოადგენს, რომ მუდმივად სტრესის ქვეშ ამყოფონ მიხეილ სააკაშვილი”. ადვოკატი ამბობს, რომ გუშინ გორის სამხედრო ჰოსპიტალი ადვოკატებმა 6 საათისთვის დატოვეს, მისი თქმით, გამოსვლისას რამდენიმე სამოქალაქო ფორმაში ჩაცმული კაცი შენიშნეს, რომლებიც დაწესებულებისკენ მიემართებოდნენ და ეს საეჭვოდ მოეჩვენათ. თუმცა ვერ წარმოიდგენდნენ, რომ რუსთავის ციხეში მომხდარი ინციდენტის გამეორება იგეგმებოდა. ,,ჩვენ ვნახეთ სახალხო დამცველის ინიციატივით შექმნილი კონსილიუმის დასკვნა, ცენტრ “ემპათიას” დასკვნა და ​ამ დროს ასე პარტიზანულად, ყოველგვარი წინასწარი გაფრთხილებების, შეტყობინებების, მომზადების გარეშე მსგავსი გადაწყველტილების მიღება არის აი იმ უმძიმესი მოპყრობის გაგრძელება, რასაც მიხეილ სააკაშვილის მიმართ ადგილი…

მეტი...