დღე: დეკემბერი 20, 2021

თბილისის ინფექციური საავადმყოფოს დირექტორი თენგიზ ცერცვაძე საქართველოში დაფიქსირებულ „ომიკრონის“ შტამთან დაკავშირებით დამატებით ინფორმაციას ავრცელებს და აცხადებს, რომ ის „დელტა“ შტამზე უფრო ძლიერი იქნება გავრცელებით. „ საქართველოს სერიოზული მიმოსვლა აქვს უცხოეთის ქვეყნებთან. რა თქმა უნდა, ეს დამატებითი გამოწვევაა, თან ბოლომდე არ ვიცით, როგორი გამოწვევაა. ჯერ კიდევ არ დადებულა საბოლოო დასკვნები შტამის ყველა თავისებურების შესახებ. ერთი რამ მინდა, რომ მკაფიოდ განვაცხადო, ეს არც პირველი გამოწვევაა და შესაძლოა არც უკანასკნელი. მას უნდა შევხვდეთ მომზადებული, როგორც ერთ-ერთ რიგით გამოწვევას, ყოველგვარი პანიკის გარეშე. მოსალოდნელია სწრაფი გავრცელება, უფრო სწრაფი, ვიდრე „დელტა“ შტამი ვრცელდებოდა“ – აცხადებს თენგიზ…

დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ, განაცხადა, რომ ორჯერად აცრილებისთვის კორონავირუსის ვაქცინის მესამე, ბუსტერ დოზით აცრა აუცილებელი იქნება. გამყრელიძე  ამბობს, რომ საკოორდინაციო საბჭოს შესაბამისი რეკომენდაციით მიმართავენ. მისი ინფორმაციით, შესაძლოა, „ფაიზერის“ და „ასტრაზენეკას“ ბუსტერის გაკეთების ვადაც შემცირდეს. „ყველა ადამიანს, რომელიც ორჯერადად არის აცრილი, უნდა გაუკეთდეს მესამე აცრა, ანუ ბუსტერი, ეს აუცილებელი იქნება. საკოორდინაციო საბჭოს მივმართავთ რეკომენდაციით, რომ ბუსტერი იყოს აუცილებელი ყველასთვის, ვინც არის ორჯერ არის აცრილი… ალბათ, იმუნიზაციის სამეცნიერო საბჭოს წინაშე დადგება საკითხი, რომ „ფაიზერზეც“ და „ასტრაზენეკაზეც“ ბუსტერის პერიოდი 5 თვიდან ჩამოიწიოს უფრო დაბლა, რადგან „ომიკრონთან“ ბრძოლისას  ბუსტერიზაცია ერთ-ერთი მნიშვნელოვანი შემაკავებელი ფაქტორია“, – განაცხადა ამირან გამყრელიძემ.

  ჯანდაცვის ექსპერტმა, პროფესორმა დევი ტაბიძემ საქართველოში „ომიკრონის“ შტამის შემოსვლასთან დაკავშირებით „მედიაცენტრ მთავარში“ ისაუბრა და აღნიშნა, რომ ეს იქნება პანდემიაზე უფრო მეტი, შტორმი, რომელიც გადაუვლის ქვეყანას. „არსებობს კლინიკური მიმდინარეობა, როცა ადამიანთა მაქსიმალური რაოდენობა ავადდება და ამას ჰქვია პანდემია. „ომინკრონი“ კი საქართველოსთვის პანდემიაზე უფრო მეტი იქნება, რომელიც მძიმე გადასატანი აღმოჩნდება. ამიტომ ეს იქნება ზუსტად ის შტორმი, რომელიც გადაუვლის საქართველოს და არ მინდა ასე მოხდეს. ამიტომ, ქვეყანა ამ მდგომარეობას მეტნაკლებად მომზადებული უნდა შეხვდეს“ – განაცხადა დევი ტაბიძემ „მედიაცენტრ მთავართან.“ პროფესორის შეფასებით, ერთადერთი გამოსავალი დამატებითი ვაქცინაა. „მაქსიმალურ დაცვა არის მხოლოდ და მხოლოდ, ისევ…

დაავადებათა კონტროლისა და საზოგადოებრივი ჯანდაცვის ეროვნული ცენტრის ხელმძღვანელის, ამირან გამყრელიძის ინფორმაციით, საქართველოში ე.წ. სამხრეთ აფრიკული შტამი დადასტურდა. დადასტურებულია „ომიკრონის“ ორი შემთხვევა. „ორივე შემთხვევა გახლავთ საქართველოს მოქალაქე, რომელთაც აქვთ მოგზაურობის ისტორია აშშ-სა და ახლო აღმოსავლეთში, დუბაიში. ორივე იზოლირებული არიან, მიმდინარეობს მათი 26 კონტაქტის კვლევა. ერთ შემთხვევაში გვაქვს 10 კონტაქტი, მეორე შემთხვევაში – 16. აქედან 11 გახლავთ უცხოელი, დანარჩენი საქართველოს მოქალაქეები. მათი ჩაღრმავებული ეპიდ-კვლევა მიმდინარეობს. ორივე ინფიცირებული იმყოფება თავიანთ ბინაში, იზოლაციაში და მიმდინარეობა არის მსუბუქი“, – განაცხადა გამყრელიძემ.

ჯანდაცვის ექსპერტმა, პროფესორმა დევი ტაბიძემ „კორონავრუსის“ ახალი შტამის – ომიკრონის საშიშროებაზე „მედიაცენტრ მთავარში“ ისაუბრა და აღნიშნა, რომ  მას ვერც ორჯერადად აცრილები და ვერც ვირუსგადატანილები დააღწევენ თავს. „ომიკრონი“ ძალიან სწრაფად ვრცელდება. შესაძლოა, დაინფიცირდნენ როგორც აცრილი ადამიანები, ამასთან ის პირებიც, რომლებსაც გადატანილი აქვთ კორონავირუსი. აქ ვირუსის მიმდინარეობა მსუბუქი იქნება. ასეთია ევროპული გამოცდილება“ – განაცხადა დევი ტაბიძემ „მედიაცენტრ მთავარში“. მისივე შეფასებით, საქართველო მეექვსე ტალღაში ისევ შევა, ამას ვერც იგრძნობს. „ისე გადავალთ “მეექვსე ტალღაში”, რომ ამას ვერც შევიგრძნობთ. “მეხუთე ტალღის” სიმძიმეა ის, რომ კლინიკების ინტენსიური და რეანიმაციული განყოფილებები გაივსო. „ომიკრონის“ მასობრივი შემოსვლა თერაპიული განყოფილებების…

საქართველოში ომიკრონის ვირუსი უკვე შემოსულია, თუმცა, ამ დროისთვის, ოფიციალურად არ დასტურდება. ე.წ. სამხრეთ აფრიკულ შტამთან დაკავშირებით განცხადებს დღეს ჯანდაცვის სამინისტროში გააკეთებენ. როგორც ჯანდაცის ექსპერტმა, პროფესორმა დევი ტაბიძემ „მედიაცენტრ მთავარში“ განაცხადა, აღნიშნულ ინფორმაციას ამ ეტაპზე ვერ დაადასტურებს, თუმცა, ომიკრონი საქართველოში ყველა შემთხვევაში იქნება. „ომიკრონი“ საქართველოში მასობრივად შემოვა და ძალიან ბევრ ადამიანს დაასნებოვნებს.  ჯანდაცვის სისტემა მობილიზებული უნდა იყოს იმისთვის, რომ ინფიცირების მაჩვენებელი სერიოზული იქნება“, – განაცხადა ჯანდაცვის ექსპერტმა, დევი ტაბიძემ „მედიაცენტრ მთავარში“.

ბოლო 24 საათში ვირუსისგან გამოჯანმრთელდა 4 127 პირი, ხოლო ჯამში გამოჯანმრთელებულთა რაოდენობა გაიზარდა 863 076. ბოლო 24 საათში  კორონავირუსით გარდაცვალების 45 ახალი შემთხვევა დაფიქსირდა. პანდემიის გავრცელებიდან დღემდე ვირუსს ჯამში 13 116 პირი ემსხვერპლა. დღეს ქვეყანაში გამოვლენილი ინფიცირების 1 296 ახალი შემთხვევიდან: თბილისში გამოვლენილია 600 შემთხვევა, აჭარა – 122, იმერეთი – 197, ქვემო ქართლი – 85, შიდა ქართლი – 56, გურია – 34, სამეგრელო – ზემო სვანეთი – 64, კახეთი – 71, მცხეთა-მთიანეთი – 31, სამცხე-ჯავახეთი – 31, რაჭა-ლეჩხუმი და ქვემო სვანეთი -5.  

Stopcov.ge-ზე გამოქვეყნებული ინფორმაციის თანახმად, დღევანდელი მონაცემებით, 14 145 ტესტი,  გამოვლინდა ინფიცირების 1 296 ახალი შემთხვევა, გამოჯანმრთელდა 4 127 პირი, დადებითობის დღიური მაჩვენებელი არის  5.89%. ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს  910 456-ს.