თვე: დეკემბერი 2021

„თუ ვინმეს მოუნდება აღიარება, პოლიტიკის შეცვლა, რადიკალიზმზე და რევანშზე უარის თქმა და ა.შ.  ეს გაგვიხარდება, მაგრამ რთულად მესახება ეს პროცესი“ – აცხადებს ირაკლი ღარიბაშვილი ე.წ. შერიგების პროცესთან დაკავშირებით. პრემიერ-მინისტრის შეფასებით, ის სრულად იზიარებს სასულიერო პირების პოზიციას აღნიშნულ საკითხთან დაკავშირებით. „მე ვფიქრობ, ეს რთული გასაკეთებელია. ძალიან ბევრი მეუფის, სასულიერო პირის განცხადება მოვისმინე და სრულად ვიზიარებ, რომ თუ ადამიანი არ მოინანიებს და ჯერ ერთი, არ აღიარებს თავის დანაშაულს, თუ არ დავარქმევთ სახელს ყველაფერს და თუ არ გეტყვის ადამიანი, რომ კი, ასეა ნამდვილად, მე წარმოუდგენლად მიმაჩნია და უბრალოდ რთულად მესახება ეს ყოველივე“ –…

პატიმრობაში მყოფი მიხეილ სააკაშილი გორის ჰოსპიტალში მომხდარ შემთხვევასთან დაკავშირებით დეტალურად წერს. მისი წერილი ჰოსპიტალიდან ნიკა გვარამიამ გამოიტანა. „დღეს შემოვიდნენ წასაყვანად, ექვსის ნახევარი იქნებოდა, შავ ფორმაში ჩაცმულები, შემატყობინეს, რომ გადავყავდი, მაგრამ არ მითხრეს სად. მე მოვითხოვე წნევის და პულსის შემოწმება, წნევა მქონდა 180, მეორე გაზომვაზე უკვე 200/110-ზე. ჩემი ნორმალური წნევა არის 120/80-ზე. ეს იყო ჰიპერტონიული კრიზი, ჩემი აზრით. არასდროს არ ვყოფილვარ ასეთ მდგომარეობაში წნევის და პულსის თვალსაზრისით. ამის შემდეგ სცადეს ძალით ჩემი გადაყვანა მე გავუწიე წინააღმდეგობა, რის შემდეგაც გავითიშე და არ მახსოვს გარკვეული მონაკვეთი. გონებაზე რომ მოვედი, ექიმი მადგა თავზე და…

პატიმრობაში მყოფი მიხეილ სააკაშილი, ღამით სახალხო დამცველის წარმომადგენელმა მოინახულა. მისი გორის ჰოსპიტალში მისვლის მიზეზი ის გახდა, რომ მესამე პრეზიდენტს ისევ ციხეში ეტაპირებისთვის ამზადებდნენ. როგორც ანა ჯანიაშვილმა განაცხადა, სააკაშვილის სასჯელაღსრულების დაწესებულებაში გადაყვანა იგეგმებოდა, რის გამოც სააკაშვილმა გონება დაკარგა და პროცესი შეჩერდა. „მოვინახულე მიხეილ სააკაშვილი. მან მომაწოდა ინფორმაცია, რომ საღამოს საათებში მასთან შევიდნენ, აცნობეს, რომ მისი ჰოსპიტლიდან გაყვანა იგეგმებოდა, რის გამოც მან გაუწია წინააღმდეგობა, შემდეგ აღარ ახსოვს რაღაც ეტაპი და როცა მოვიდა გონებაზე, უთხრეს, რომ აღარ მოხდებოდა მისი ჰოსპიტლიდან გაყვანა. როგორც სააკაშვილმა მითხრა, არ იცის სად იგეგმებოდა მისი გადაყვანა. მოვითხოვე ეს ინფორმაცია, მაგრამ…

პ​ატიმრობაში მყოფი მიხეილ სააკაშვილის დედის, გიული ალასანიას ინფორმაციით, სააკაშილი ცუდად გახდა და გონება დაკარგა. აღნიშნულის მიზეზი კი ის გახდა, რომ ის ძალადობით და მისი ნების საწინააღმდეგოდ ისევ ციხეში გადაჰყავდათ. „გონება დაკარგა, წნევა ჰქონდა 200. მერე არ ვიცი როგორ მოხდა მისი მოსულიერება. არ მომწონს, რომ არ უშვებენ მედიკოსებს. როგორც ჩანს, არ არის შესაბამის ფორმაში, არ უნდათ ალბათ, ასეთ მდგომარეობაში ნახონ. მისი მდგომარეობა დამძიმდა მას შემდეგ, რაც გაიგო, თურმე საბუთები მოუმზადებიათ და უპირებდნენ ისევ ციხეში გადაყვანას, რომელ ციხეში გადაყვანას, მე უკვე არ ვიცი“ – აცხადებს გიული ალასანია.  

სალომე ზურაბიშვილი  სახელმწიფო ინსპექციის სამსახურის გაუქმებასთან დაკავშირებით განცხადებას აკეთებს და აღნიშნულ გადაწყვეტილებას მიუღებლად მიიჩნევს. „მიუღებელია დამოუკიდებელი სახელმწიფო ინსტიტუტის, სახელმწიფო ინსპექტორის სამსახურის გაუქმების შესახებ გადაწყვეტილების წინასწარი კონსულტაციების გარეშე ინიცირება და დაჩქარებული წესით განხილვა! ჩემთვის, როგორც ქალი პრეზიდენტისთვის, ასევე მიუღებელია სახელმწიფო ინსპექტორის სამსახურის ქალი ხელმძღვანელის, ლონდა თოლორაიას მიმართ მსგავსი მოპყრობა. სახელმწიფოში, სადაც გამოცხადებული პრიორიტეტების მიხედვით უნდა ხდებოდეს ქალების როლის გაძლიერება, ქალ ხელმძღვანელს დეკრეტულ შვებულებაში ყოფნისას, წინასაახალწლო პერიოდში, ყოველგვარი გაფრთხილების გარეშე უუქმებენ უწყებას. მიუღებელია, უწყების ხელმძღვანელმა საკუთარი სამსახურის გაუქმებასთან დაკავშირებით ინფორმაცია მედიიდან შეიტყოს. ამასთან, აღსანიშნავია, რომ ინიცირებული ცვლილების განხორციელება გამოიწვევს არამხოლოდ დამოუკიდებელი სახელმწიფო ინსტიტუტის ქალი…

ამერიკის შეერთებულ შტატების ელჩი საქართველოში შეშფოთებულია მმართველი გუნდის მიერ მიღებული გადაწყვეტილებით რომელიც სახელმწიფო ინსპექტორის სამსახურის გაუქმებას ითვალისწინებს. როგორც კელი დეგნანმა ლონდა თოლორაიასთან შევედრის შემდეგ განაცხადა, პროცესი განხორციელდა დაინტერესებულ მხარეებთან კონსულტაციების გარეშე. „შეხვედრა იყო კარგი შესაძლებლობა სახელმწიფო ინსპექტორთან და მის გუნდთან დიალოგისთვის. სახელმწიფო ინსპექტორი საქართველოში მნიშვნელოვან როლს ასრულებს მოქალაქეების უფლებების დაცვაში. მისი მოვალეობა ასევე არის საჯარო მოხელეების მიერ ჩადენილი შესაძლო დანაშაულების შესწავლა, ეს არის რთული, მაგრამ უკიდურესად მნიშვნელოვანი სამუშაო. შემაშფოთებელია ინფორმაცია საკანონმდებლო ინიციატივის შესახებ, რომელიც სახელმწიფო ინსპექტორის ორ ნაწილად გაყოფას ითვალისწინებს. ეს პროცესი განხორციელდა სახელმწიფო ინსპექტორთან და სხვა დაინტერესებულ მხარეებთან კონსულტაციის…

მიხეილ სააკაშვილი გიორგი მარგველაშვილთან შეხვედრაზე გზავნილს ავრცელებს. როგორც პატიმრობაში მყოფი მესამე პრეზიდენტი აცხადებს, ძალიან შინაარსობრივი შეხვედრა იყო. „პირველ რიგში, მსურს დიდი მადლობა გადავუხადო საქართველოს მეოთხე პრეზიდენტს, ბატონ გიორგი მარგველაშვილს. ჩემთვის ძალიან საინტერესო, შინაარსიანი და ვრცელი შეხვედრა მქონდა მასთან. მიუხედავად წარსულში სერიოზული პოლიტიკური განსხვავებებისა, არ შემიძლია არ აღვნიშნო, რომ პრეზიდენტი მარგველაშვილი იმსახურებს პატივისცემას. მინდა გამოვყო რამდენიმე ფაქტორი, თუ რის გამო: ჩემთვის განსაკუთრებით ფასეულია, რომ მან, ბევრისგან განსხვავებით, არ გამოიყენა საკუთარი თანამდებობა პირადი გამდიდრებისთვის და პრეზიდენტობის შემდეგ ჩვეულებრივი ადამიანის ცხოვრებით ცხოვრობს. დავრწმუნდი, რომ გულთან ძალიან ახლოს მიაქვს ხალხის გაჭირვებული ყოფა. ჩემში ეჭვს არ…

,,5 მილიონი ლარი უსახლკარო ოჯახების ბინებით დასაკმაყოფილებლად, 10 მილიონი ლარი კი სოციალურად დაუცველი პენსიონერებისთვის განკუთვნილი 500-ლარიანი მედიკამენტების ვაუჩერების პროგრამისთვის დაიხარჯება,” – ამის შესახებ თბილისის ვიცე-მერმა ირაკლი ხმალაძემ დედაქალაქის საკრებულოში თბილისის 2022 წლის ბიუჯეტის წარდგენისას განაცხადა. 2022 წლის ბიუჯეტის ძირითად პარამეტრებზე საუბრისას ვიცე-მერმა, ასევე, სხვა კონკრეტული თანხებიც დაასახელა, რომელიც მომდევნო წელს დაგეგმილი პროექტების განხორციელებისას დაიხარჯება. „ახალი პროექტების შესახებ მინდა, მოგიყვეთ, რომელიც 2022 წელს დაიწყება და მათი ნაწილი 2022 წელსვე დასრულდება. ეს პროექტებია კრწანისის ქუჩის რეაბილიტაცია, მელიქიშვილის ქუჩის რეაბილიტაცია, მინდელის ხიდის სარეაბილიტაციო სამუშაოები, მეტეხის ხიდის რეაბილიტაცია, ბინათმშენებლობა და ავარიული შენობების გამაგრება –…

თბილისის ვიცე-მერის, ირაკლი ხმალაძის განცხადებით, დედაქალაქში დასუფთავების მოსაკრებელი მხოლოდ ბიზნესსექტორისთვის და დაწესებულებებისთვის იზრდება, საყოფაცხოვრებო სექტორისთვის კი – უცვლელი რჩება. ამის შესახებ მან დედაქალაქის საკრებულოს სხდომაზე განაცხადა, სადაც თბილისის 2022 წლის ბიუჯეტის პროექტს განიხილავენ. ირაკლი ხმალაძის თქმით, ამ მიმართულებით, ბიზნესექტორის სუბსიდირებაში, დაახლოებით, 20 მილიონი ლარი იხარჯება, რაც სწორი არ არის. შესაბამისად, მუნიციპალიტეტს შემოაქვს ინიციატივა, აღნიშნული სექტორისთვის დასუფთავების მოსაკრებლის 1 კუბურ მეტრზე 15-დან 25 ლარამდე გაზრდის შესახებ. „დასუფთავების მოსაკრებლის ზრდასთან დაკავშირებით, ბევრი განცხადება გაკეთდა. ტარიფი იზრდება ბიზნესსექტორისთვის და დაწესებულებებისთვის. ეს არ ეხება საყოფაცხოვრებო სექტორს. კომერციული ანუ არასაყოფაცხოვრებო, ბიზნესსექტორის მომსახურება „თბილსერვის ჯგუფს“ უფრო…

გიორგი მარგველაშვილმა განაცხადა, რომ  “სააკაშვილის, ხაზარაძის, მელიას, გვარამიას და სხვა პოლიტიკურად მოტივირებულ საქმეებზე უნდა გამოცხადდეს მორატორიუმი”. რაზეც გია ვოლსკის პასუხმაც არ დააყოვნა: “მე არ მიმაჩნია, რომ ეს ფორმატი, საერთოდ, პატიმარი სააკაშვილი, პრასტრაციაში მყოფი და რაღაც სულელური ფორმულებით მოლაპარაკე მარგველაშვილი და სალომე ზურაბიშვილის ფორმატი რაიმეს წარმოადგენს ისეთს, რომელსაც შეუძლია ქვეყნისათვის რაიმე სიკეთე მოიტანოს. რა პოლიტიკურ მორატორიუმზეა ლაპარაკი, ადამიანის მიმართ, რომელმაც დანაშაული ჩაიდინა და ეს არ არის საქართველოში შემოღებული რაღაც წესი. დანაშაული რა მაღალი თანამდებობის პირმაც არ უნდა ჩაიდინოს, არ უნდა ვიმსჯელოთ სწორედაც პოლიტიკური ნიშნით მისი ამ დანაშაულისგან, ბრალდებისგან გათავისუფლებასთან დაკავშირებით. ასეთი…

აშშ-ს ელჩი კელი დეგნანი სახელმწიფო ინსპექტორის სამსახურში მივიდა. შეხვედრა ლონდა თოლორაიასთან დახურულია. შეხვედრის თემა სახელმწიფო ინსპექტორის სამსახურის გაუქმებაა, რის გამოც ამერიკის ელჩი შეშფოთებას გამოხატავს. ანალოგიური პოზიცია დააფიქსირა გაეროს ადამიანის უფლებათა უმაღლესი კომისრის ოფისმაც. ინფორმაციისთვის, სახელმწიფო ინსპექტორის სამსახური უქმდება. აღნიშნულის შესახებ მთავარმა ინსპექტორმა მედიისგან გაიგო, თან მაშინ, როცა დეკრეტულ შვებულებაში იმყოფებოდა.

„ნაციონალური მოძრაობის“ თავმჯდომარე ნიკანორ მელიამ სალომე ზურაბიშვილის რეზიდენცია დატოვა. როგორც პრეზიდენტთან შეხვედრის შემდეგ მელიამ ჟურნალისტებს განუცხადა, სალომე ზურაბიშვილს ძალიან სწორად ესმის ყველაფერი და ბევრიც აქვს ნაფიქრი. „ქალბატონ ზურაბიშვილს აქვს ძალიან სწორი აღწერა შექმნილი ვითარებისა.  იგი აღიარებს, რომ ქვეყანაში არის სოციალურ-ეკონომიკურ-პოლიტიკური კრიზისია, როდესაც ქვეყნიდან გარბიან მოქალაქეები იმიტომ, რომ ამ ქვეყანაში მათ აღარ გაეჩერებათ. დიახაც, ეს არის განსხვავებული რამ, რაც მე მომისმენია ბოლო წლების განმავლობაში განსხვავებით იმ ადამიანებისა, რომლებიც წლების განმავლობაში ახმოვანებენ ბიძინა ივანიშვილის პოზიციას. ამ დროს, როდესაც რადიკალურად განსხვავებული განცხადება კეთდება ქალბატონი ზურაბიშვილის მხრიდან, რა თქმა უნდა, ეს არის მისასალმებელი“ –…

ქვეყნის მეოთხე პრეზიდენტი გიორგი მარგველაშვილი საქართველოს ხელისუფლებას პოლიტიკურად მოტივირებულ საქმეებზე მორატორიუმის გამოცხადებას ურჩევს. აღნიშნული გზავნილი მან გორის სამხედრო ჰოსპიტალთან, მიხეილ სააკაშვილთან შეხვედრის შემდეგ გააჟღერა. „გარკვეული პოლიტიკური მორატორიუმი გამოვაცხადოთ ჩვენი შეფასებით პოლიტიკურად მოტივირებულ საქმეებზე სასამართლოში. ეს საქმეები არის სააკაშვილის, ხაზარაძის, მელიას, გვარამიას საქმეები, ანუ ის საქმეები, რაც საზოგადოებამ თავისთავად იცის, რომ მიიჩნევა მოტივირებულად. ეს იმას არ ნიშნავს, რომ ისინი არიან დამნაშავეები, ან უდანაშაულოები. ეს იმას ნიშნავს, რომ გადაფასების და ერთმანეთთან ურთიერთობის პროცესში, ჩვენ ამ პროცესს გარკვეულად ვაჩერებთ.  როცა ამ მაგიდასთან, სადაც ქართულმა საზოგადოებამ და პოლიტიკურმა სპექტრმა უნდა მოიყაროს თავი, ამ საუბრის…

გორის სამხედრო ჰოსპიტლიდან გამოსული გიორგი მარგველაშვილი სამი პრეზიდენტის შეხვედრის აუცილებლობაზე საუბრობს და აცხადებს, რომ კრიზისის დასაძლევად,  ეს ფორმატი აუცილებელია. „ორივე ვთანხმდებით, რომ ძალიან სერიოზული გამოწვევის წინაშე არის საქართველო. ჩვენ მიგვაჩნია, რომ პრეზიდენტების და მთავარსარდლების გაერთიანება და შიდა დაპირისპირების თვალსაზრისით ტემპერატურის დაწევა, რომელიც სალომე ზურაბიშვილის მიერ არის ინიცირებული, უაღრესად მისასალმებელი, დროული და მხარდასაჭერია. ამ თვალსაზრისით, ჩვენ კიდევ ერთხელ ხაზი გავუსვით და გამოვხატეთ ორივემ მზაობა, რომ როდესაც ვსაუბრობთ ახალი ფურცლის გადაშლაზე, ახალი ტრადიციის შექმნაზე, ახალი გამოწვევების მზადყოფნაზე, ბუნებრივი იქნებოდა ჩავატაროთ სამი პრეზიდენტის ფორმატი“ – განაცხადა გიორგი მარგველაშვილმა ჟურნალისტებთან. მისი შეფასებით, სამი პრეზიდენტის შეხვედრის ფორმატი…

ქვეყნის მეოთხე პრეზიდენტი პატიმრობაში მყოფ მესამე პრეზიდენტს რუსეთის პატიმარს უწოდებს და ყველას ურჩევს, ამ რეალობას თვალი გაუსწოროს. გიორგი მარგველაშვილმა გორის სამხედრო ჰოსპიტალი დატოვა, სადაც ის მიხეილ სააკაშვილს ხვდებოდა. როგორც მარგველაშვილმა ჟურნალისტებს განუცხადა, გაერთიანება უნდა მოხდეს ჩვენი ქვეყნის საკეთილდღეოდ. „შეხვედრის ძირითადი ნაწილი ჩვენ ვსაუბრობდით იმ უსაფრთხოების გარემოებებზე, რომელიც საქართველოს წინაშე არის ამ დღეებში.  დეტალურად გავუზიარეთ ერთმანეთს და მიმოვიხილეთ საქართველოს ირგვლივ შექმნილი ძალიან რთული გეოპოლიტიკური მდგომარეობა, რომლის მთავარი აქტორიც არის რუსეთი. ჩვენი ვალია, გავიზიაროთ ეს შეშფოთება და ქალბატონ სალომესთან ერთად  და ვიღვაწოთ იმ მიმართულებით, რომ რაღაც მომენტში, ყველას გვქონდეს საფუძველი და ფუნდამენტი…

საქართველოს სახელმწიფო ინსპექტორის სამსახურის გაუქმებასთან დაკავშირებით  გაეროს ადამიანის უფლებათა უმაღლესი კომისრის ოფისი განცხადებას ავრცელებს და ხელისუფლებას მიმართავს. უმაღლესი კომისრისთვის მიუღებელი და გაუგებარია მსგავსი ხისტი გადაწყვეტილების ასე სწრაფად მიღება. „შეშფოთებული ვართ პარლამენტისთვის სახელმწიფო ინსპექტორის სამსახურის გაუქმების შესახებ წინადადების წარდგენის გამო… მოვუწოდებთ, უკან წაიღონ ინიციატივა და უზრუნველყონ ადამიანის უფლებათა ეროვნული მექანიზმების დამოუკიდებლობა“, – ვკითხულობთ უმაღლესი კომისარიატის განცხადებაში. ინფორმაციისთვის, სახელმწიფო ინსპექტორის სამსახური უქმდება. აღნიშნულის შესახებ მთავარმა ინსპექტორმა მედიისგან გაიგო, თან მაშინ, როცა დეკრეტულ შვებულებაში იმყოფებოდა.

ამ წუთებში, პრეზიდენტის სასახლეში “ნაციონალური მოძრაობის” თავმჯდომარის, ნიკანორ მელიასა და პრეზიდენტ სალომე ზურაბიშვილის შეხვედრა მიმდინარეობს, სადა  ერთ-ერთი სასაუბო თემა მიხეილ სააკაშვილი იქნება. ნიკანორ მელიას, ორბელიანების სასახლეში შესვლამდე კომენტარი არ გაუკეთებია. როგორც მან ჟურნალისტებს განუცხადა, კომენტარს შეხვედრის შემდეგ გააკეთებს. დღეს, პრეზიდენტს მმართველი გუნდის წარმომადგენლებიც შეხვდნენ. კერძოდ, მამუკა მდინარაძე და ირაკლი კობახიძე. შეგახსენებთ, რომ საუბარია „ეროვულ თანხმობაზე“ რომელიც პრეზიდენტის ინიციატივით დაიწყო. როგორც „ნაციონალურ მოძრაობაში“ აცხადებენ, თანხმობა მიხეილ სააკაშვილის თავისუფლების გარეშე ვერ გამოვა.