დღე: ივლისი 26, 2021

პარლამენტის რიგგარეშე სხდომაზე დეპუტატებმა „ადმინისტრაციული სახდელისგან გათავისუფლების შესახებ“ და „ამნისტიის შესახებ“ კანონპროექტები პირველი მოსმენით განიხილეს.  ახალი კორონავირუსის  გავრცელების პრევენციის მიზნით, 2020 წლის 21 მარტს გამოცემული საქართველოს პრეზიდენტის დეკრეტით საგანგებო მდგომარეობის რეჟიმის დამრღვევთა მიმართ დადგენილ იქნა ადმინისტრაციული პასუხისმგებლობის ზომები.  მთავრობის საპარლამენტო მდივნის, ბექა დოჭვირის განმარტებით, ადმინისტრაციული სახდელისგან გათავისუფლების შესახებ კანონპროექტი მიზნად ისახავს 2021 წლის 23 ივნისამდე ყველა ჩადენილ იმ სამართალდარღვევისა თუ სისხლისსამართლებრივი დანაშაულისგან პირის გათავისუფლებას, რომელიც მოიცავს იზოლაციისა და კარანტინის წესების დარღვევას. რაც შეეხება ამნისტიის შესახებ კანონპროექტი, იგი ითვალისწინებს როგორც ფიზიკური, ისე იურიდიული პირების პასუხისმგებლობისგან გათავისუფლებას. „ეს შეეხება 2020 წლიდან 2021…

პარლამენტმა პირველი მოსმენით განიხილა და 82  ხმით მიიღო „იარაღის შესახებ „კანონში შესატანი ცვლილებები, რომელიც მთავარი სერჟანტებისთვის  სამსახურიდან დათხოვნის შემდეგ იარაღის ტარების უფლების მინიჭებას ითვალისწინებს. „ამ ინიციატივით ხდება მათი გათანაბრება ოფიცრებთან. იმისათვის, რომ მთავარი სერჟანტი გახდეს, უამრავი კურსი უნდა გაიაროს საგანმანათლებლო, კარიერული, იარაღთან მოპყრობასთან დაკავშირებით და 20 წელი სჭირდება მთავარი სერჟანტის წოდებამდე მიღწევას“, – განაცხადა თავდაცვის მინისტრის მოადგილემ, გრიგოლ გიორგაძემ.

პოლიტიკურ პარტიები, რომლებმაც 2020 წლის არჩევნების საფუძველზე მოპოვებული საბიუჯეტო დაფინანსება დაკარგეს, საბიუჯეტო დაფინანსების მიღების უფლება 1-ელი აგვისტოდან აღუდგებათ. აღნიშნული პროექტი პარლამენტმა დაამტკიცა.   პარლამენტმა ივნისის ბოლოს მიიღო კანონი, რომლის მიხედვით,  პოლიტიკურ პარტიას, რომელმაც პარლამენტის 2020 წლის არჩევნების საფუძველზე მოპოვებული სახელმწიფო ბიუჯეტიდან დაფინანსების მიღების უფლება დაკარგა, ეს უფლება 2022 წლის 1-ელი თებერვლიდან აღუდგებოდა. პარლამენტის გადაწყვეტილებით, აღნიშნული ვადა შეიცვალა და მისი 2021 წლის 1 აგვისტოდან განისაზღვრა. “გირჩის“ მიერ მოპოვებული ყოველწლიური საბიუჯეტო დაფინანსება 777 990 ლარს შეადგენს, ელისაშვილის „მოქალაქეების „ დაფინანსება კი 497 406 ლარს.

„ოპოზიციას არ ჰქონდა არაფერი სათქმელი არჩევნებთან დაკავშირებით,  მათ ეშინოდათ არჩევნების შესწავლის, სწორედ ამიტომ არ ჩაერთვნენ საგამოძიებო კომისიის მუშაობაში და სწორედ ამიტომ ვერ ვხედავთ ჩვენ ოპოზიციის ძირითად ნაწილს დღეს წარმოდგენილს სხდომათა დარბაზში“,- ამის შესახებ საპარლამენტო უმრავლესობის ლიდერმა, ირაკლი კობახიძემ 31 ოქტომბრის არჩევნების შემსწავლელი საგამოძიებო კომისიის დასკვნის განხილვისას განაცხადა. ირაკლი კობახიძის შეფასებით, არჩევნების გაყალბების ბრალდება ოპოზიციის რადიკალური ნაწილისთვის მრავალთვიანი საბოტაჟის საბაბი გახდა, რამაც არა მმართველი პარტია, არამედ ქვეყნის ინტერესები დააზიანა. „როდესაც ოპოზიციამ საუბარი დაიწყო არჩევნების გაყალბებასთან დაკავშირებით, ჩვენ მათ წარვუდგინეთ 4 სხვადასხვა შეთავაზება. პირველი – ეს იყო გადათვლა;  ჩვენ შევთავაზეთ 200-ზე მეტი…

„ლელოს“ წარმომადგენელი ბადრი ჯაფარიძე ინიციატივით გამოდის, რომ დეპუტატის მიმართ ხელის მოქნევა ან მსგავსი ქმედება დასჯადი იყოს. აღნიშნული ინიციატივა მან ბიუროს სხდომაზე დააყენა. „ხატია დეკანოიძეზე თავდასხმა არის გაგრძელება იმის, რაც ხდებოდა ბიუროზე და პარლამენტის დარბაზში. მათ დაინახეს, რომ მისი კოლეგები თავს დაესხნენ ხატიას, შეურაცხყოფა მიაყენეს, იყო დედის გინება. როცა გარეთ ასეთ რამეს ხედავენ ადამიანები, იმავეს გააკეთებენ. როგორც არ უნდა არ ეთანხმებოდე ადამიანის მოსაზრებას, მისი შეურაცხყოფა უნდა იყოს დასჯადი. მათ შორის, ბიუროს ოთახშიც და პარლამენტის დარბაზშიც,“ – აღნიშნა ჯაფარიძემ. მისივე თქმით დეპუტატის დამცირება უნდა ისჯებოდეს. „კოლეგაზე ხელის მოქნევა იმდაგვარად უნდა იყოს დასჯადი,…