დღე: ივლისი 20, 2021

მცხეთის სამედიცინო ცენტრის სამედიცინო დირექტორი ლიკა მუმლაძე ამბობს, რომ ამ ეტაპისთვის კორონავირუსის დადასტურებული ე.წ. დელტა შტამით კლინიკაში 2 პაციენტი იმყოფება. მისივე განმარტებით, COVID-19-ის წინა ტალღის დროს დაავადება მაღალი ცხელებით არ იწყებდა პროგრესირებას, ტემპერატურის მაჩვენებელი შედარებით დაბალი იყო. ლიკა მუმლაძე ასევე ე.წ. ინდური შტამის სიმპტომებზე საუბრობს. “დადასტურებული დელტა შტამით გვყავს მხოლოდ 2 პაციენტი, თუმცა კიდევ ერთხელ გიმეორებთ, ამოსავალი წერტილი არ არის ამისი ლაბორატორიული დადასტურება. კლინიკური მიმდინარეობის მიხედვით, დაახლოებით 60-70% პაციენტებისა არის დელტა შტამით. დაავადების გავრცელების და კლინიკური მიმდინარეობის გათვალისწინებით, ჩვენ ექიმებს, ეპიდემიოლოგებს უკვე შეგვიძლია ვთქვათ, რომ გვაქვს მუტირებულ შტამთან საქმე. არის მწვავედ დაწყებული დაავადება, სწრაფად პროგრესირებადი, მაღალი ცხელებით…

მე ისრები არავისზე არ გადამაქვს, ვაქცინაციის დაბალი მაჩვენებელი ჩემი, თქვენი, მთავრობის და ყველას პასუხისმგებლობაა, – ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ განაცხადა. მისი თქმით, ამ პროცესებში ჩართულია არა კონკრეტული ერთი ან ორი ადამიანი, არამედ ყველა. „აქ არის ერთობლივი ანუ სოლიდარული პასუხისმგებლობა. პანდემია არის ყველაზე კარგი გამოხატულება დღეს გლობალური სოლიდარობის, აქ ერთი ადამიანი, ერთი პრეზიდენტი ან ერთი ხელმძღვანელი ამ საკითხს ვერ წყვეტს, ამას მთლიანად საზოგადოება წყვეტს“, – განაცხადა გამყრელიძემ. ამასთან, მანვე განმარტა, რომ რეგიონები ვაქცინებით საკმარისად მარაგდება, მაგრამ ეს არ არის საკმარისი. „ვაქცინები რეგიონებში ძალიან ბევრი მიდის, მე თვითონ ჩამოვიარე ყველა,…

კორონავირუსით ინფიცირების შემთხვევების რაოდენობის ზრდა, ჰოსპიტალურ სექტორში არსებული ვითარება და ვაქცინაციის პროცესის მიმდინარეობა განიხილეს უწყებათაშორისი საკოორდინაციო საბჭოს სხდომაზე, რომელიც პრემიერ-მინისტრ ირაკლი ღარიბაშვილის ხელმძღვანელობით დღეს მთავრობის ადმინისტრაციაში გაიმართა. ინფორმაციას მთავრობის ადმინისტრაციის პრესსამსახური ავრცელებს. მათი ცნობით, სხდომაზე აღინიშნა, რომ გასული 24 საათის განმავლობაში, ინფიცირების 2 600-ზე მეტი შემთხვევა გამოვლინდა, რაც საყურადღებო მაჩვენებელია. მთავრობა სიტუაციას სრულად მართავს, თუმცა აუცილებელია ხელისუფლებისა და საზოგადოების ერთობლივი ძალისხმევა, რათა ეპიდემიოლოგიური ვითარება მკვეთრად არ გაუარესდეს და ქვეყანა შეზღუდვების ხელახლა დაწესების აუცილებლობის წინაშე არ დადგეს. პრემიერ-მინისტრის დავალებით, ჯანდაცვის უწყება ჰოსპიტალურ სექტორში დამატებითი საწოლების მობილიზაციის კუთხით დამატებით ნაბიჯებს გადადგამს. სამინისტროს…

დაავადებათა კონტროლის ეროვნული ცენტრის ხელმძღვანელის მოადგილის პაატა იმნაძის განცხადებით, ქვეყანაში ვაქცინაციის ტემპი უნდა აჩქარდეს. რაც შეეხება იმას, რომ ზოგიერთი მოქალაქე „ფაიზერის“ ვაქცინის შემოსვლას ელოდება, იმნაძის თქმით, ვაქცინის მთავარი დაცვა არის, ადამიანი რეანიმაციაში არ მოხვდეს და არ გარდაიცვალოს, რასაც ყველა ვაქცინა უზრუნველყოფს. „ჯეჯერობით, სამედიცინო დაწესებულებებში ცარიელია ის ადგილები, რომლებიც ვაქცინაციისთვისაა გამოყოფილი. ეს არის ჩვენი უბედურება დღეს, რომ ვიძახოდით, არ არის ვაქცინა, არ არის ვაქცინა, ახლა ვაქცინა ხომ ბევრია, დღეს 12 000-მდე ადამიანი აიცრება, ძალიან კარგია, მაგრამ ჯავშნებს რომ ვუყურებთ, ხვალ ამის ნახევარია დაჯავშნილი. თუ ჩემი არა, ყველა ჩემი კოლეგა, ვისაც ჭკუა…

დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, ინფექციის გადატანიდან ვაქცინაციამდე არსებული პერიოდი 120 დღიდან 30 დღემდე შემცირდება. ამის შესახებ ამირან გამყრელიძემ საკოორდინაციო საბჭოს სხდომის შემდეგ გამართულ ბრიფინგზე განაცხადა. “მოგეხსენებათ, ინციფირებიდან აცრისთვის 120 დღე არის დაშვებული. ამ კვირაში ეს შეიცვლება და შემცირდება 30 დღემდე. ამიტომ ყველას შეეძლება, უფრო სწრაფად აიცრას. სავარაუდოდ, მინისტრის ბრძანებას ამ კვირაში მოეწერება ხელი,” – განაცხადა ამირან გამყრელიძემ.

დაავადებათა კონტროლის ეროვნული ცენტრის ხელმძღვანელის მოადგილე, პაატა იმნაძე ქვეყანაში დამძიმებულ ეპიდსიტუაციაზე საუბრობს და ამბობს, რომ დღეს ქელეხები უკვე მსხვერპლშეწირვას ემსგავსება. “არიან ადამიანები ვინც სხვის შეცდომებზე სწავლობენ. ძალიან დიდი იმედი მაქვს, საკუთარ შეცდომებზე მაინც ვისწავლით, კიდევ ერთხელ ვამბობ, იღუპებიან ჩვენი ახლობლები, მეგობრები, ნათესავები. მსხვერპლშეწირვას ემსგავსება ჩვენი ქორწილები და ქელეხები. კონკრეტული მაგალითების მოყვანაც შემიძლია, სამწუხაროდ ვერ დავასახელებ, ეს იქნება პირადი ინფორმაციის გავრცელება. ქელეხის შემდეგ მსხვერპლი შეწირეს გარდაცვლილს და კიდევ ერთი ადამიანი კორონათი დაიღუპა, ახლახანს მოხდა ერთ ერთ რაიონში,” – აცხადებ პაატა იმნაძე. 

ჯანდაცვის მინისტრის პირველი მოადგილის, თამარ გაბუნიას განცხადებით, კორონავირუსისგან მოზარდების მთავარი დაცვა და რეგულაცია არის ოჯახის წევრების ვაქცინაცია. როგორც მან უწყებათაშორისი საკოორდინაციო საბჭოს სხდომის დასრულების შემდეგ განაცხადა, რესპუბლიკურ საავადმყოფოში მოხდა დამატებით პედიატრიული საწოლების მობილიზება და ამ ეტაპზე, ამ მიმართულებით, პრობლემა არ არის. „მოზარდებთან დაკავშირებით რეგულაცია და მთავარი დაცვა არის ის, რომ ოჯახის წევრები იყვნენ ვაქცინირებულები. ეს არის ყველაზე მთავარი დაცვა ამ შემთხვევაში. „დელტა“ შტამის გავრცელებას რაც შეეხება, დიახ, „დელტა“ შტამის ცირკულაცია იმატებს და ყველა ვხედავთ ამას. გამოსავალი აქ არის ოჯახის წევრების სწრაფი ვაქცინაცია. სხვა მხრივ მოზარდი და მითუმეტეს, ჩვილი ბავშვის პრევენციის მექანიზმი…

დაავადებათა კონტროლის ეროვნული ცენტრის ხელმძღვანელმა ამირან გამყრელიძემ განაცხადა, რომ დღეს საკოორდინაციო საბჭოს სხდომაზე მიღებული იქნა გადაწყვეტილება ღია სივრცეში პირბადის ტარება ისევ დაწესდეს. “დღეს იქნა გადაწყვეტილება მიღებული, რომ იგივე ღია სივრცეებში დაწესდეს პირბადესთან მიმართებაში რეკომენდაცია,” – განაცხადა ამირან გამყრელიძემ.

ჯანდაცვის მინისრტის მოადგილის, თამარ გაბუნიას განცხადებით, COVID-19-ის ვაქცინაციის რეგისტარაციისთვის საიტი ტექნიკურად გაიმართა და Pfizer- ის რეგისტრაციის პროცესი მალე განახლდება. “Pfizer- ის რეგისტრაციის პროცესი მალე განახლდება და განახლდება დიდი დოზებით. ჩვენ რამდენიმე დღეში უკვე გვექნება იმის საშუალება, რომ დაზუსტებით გვეცოდინება, როდის იქნება დიდი დოზების გახსნის შესაძლებლობა, რომ თავიდან არ შექიმნას შეზღუდული რეგისტრაციის შესაძლებლობა. რამდენიმე დღეში ჩვენ გვექნება შესაძლებლობა ზუსტად გითხრათ როდის გაიხსნება. ვაქცინის მოწოდება გრძელდება და ჩვენ ველოდებით დიდი რაოდენობით მოწოდებას მოკლე ხანში. საიტი გაიმართა, სერიოზული მუშაობა ჩატარდა მას შემდეგ რაც ხარვეზები დაფიქსირდა და მოლოდინი ტექნიკურ ჯგუფს იმის, რომ საიტი სრულად იქნება გამართული და აღარ იქნება იქნება შეფერხებები…

სკოლებთან მიმართებაში ჯანდაცვის სამინისტროს მთავარი რეკომენდაციაა, რომ ივლისისა და აგვისტოს თვეები სკოლის კოლექტივმა გამოიყენოს აქტიური ვაქცინაციისთვის, რათა სასწავლო წელს დახვდეს უსაფრთხო გარემოში, – ამის შესახებ საქართველოს ჯანდაცვის მინისტრის მოადგილემ, თამარ გაბუნიამ საკოორდინაციო საბჭოს სხდომის შემდეგ გამართულ ბრიფინგზე განაცხადა. მისი თქმით, სკოლებში შეზღუდვების დაწესება და სწავლების დისტანციურ რეჟიმზე გადასვლა კორონავირუსის გაზრდილ შემთხვევებთან დაკავშირებულ პრობლემას ვერ გადაწყვეტს. გაბუნიას თქმით, აუცილებელია ვაქცინაცია. „იმ პირობებში, როდესაც ქვეყანაში გვაქვს მილიონნახევარი დოზა ვაქცინა და კიდევ ერთ მილიონს ველოდებით, სკოლებთან მიმართებაში, პირადად ჩემი და ჯანდაცვის სამინისტროს მთავარი რეკომენდაციაა, რომ ივლისისა და აგვისტოს თვეები სკოლის კოლექტივმა გამოიყენოს აქტიური ვაქცინაციისთვის,…

დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, ქვეყანაში გაუარესებულია ყველა ინდიკატორი, რომელიც ეპიდემილოგიურ ვითარებას განსაზღვრავს. მისივე თქმით, საქართველომ ნარინჯისფერი ზონიდან უკვე წითელ ზონაში გადაინაცვლა, რაც განგაშის ერთ-ერთი საფუძველია. „ჩვენ ახლა ვართ დაახლოებით იმ დონეზე, როგორც ვიყავით მესამე ტალღის პიკზე სადღაც 17 მაისს. ასევე, დღევანდელი ეპიდსიტუაცია მსგავსია იმის, რაც გვქონდა ოქტომბრის ბოლოს-ნოემბრის დასაწყისში, როცა ჩვენ ნოემბრის ბოლოსკენ მივდიოდით პიკისკენ. ეს ძალიან საყურადღებოა. ჩვენ ყველა ინდიკატორით გადავედით წითელ ზონაში. აქამდე ჯონ ჰოპკინსის რუკაზე ვიყავით ნარინჯისფერში, ახლა ვართ წითელ ზონაში, ეს არის განგაშის ერთ-ერთი მთავარი მოცემულობა და შესაბამისი ღონისძიებები უნდა იქნას მიღებული“,…

“შევძელით და ჩამოვიტანეთ იმაზე მეტი ვაქცინა, ვიდრე საჭირო იყო, ერთადერთი თხოვნა გვაქვს, გთხოვთ აიცერით,” – ამის შესახებ საქართველოს ირაკლი ღარიბაშვილმა მთავრობის სხდომის დაწყებამდე განაცხადა. პრემიერის თქმით, 2 კვირის წინ მილიონი ვაქცინა უკვე ჩამოვიდა, “ფაიზერის” მილიონი დოზის შემოტანა დაწყებულია, ყოველ შაბათ-კვირას შემოდის ქვეყანაში, ასევე დაგეგმილია აშშ-ის მთავრობისგან საჩუქრის გადმოცემა რომელიც უახლოეს პერიოდში მოხდება და გუშინ წინ დამატებით ნახევარი მილიონი ჩინური ვაქცინა, “სინოვაკი” შემოვიდა – ანუ ვაქცინის მილიონნახევარი დოზა ადგილზეა. მთავრობის მეთაურის თქმით, აცრილებში დაინფიცირების ალბათობა ძალიან დაბალია და სიკვდილიანობა პრაქტიკულად განულებულია. “მილიონ-ნახევარი ვაქცინა ადგილზეა, მილიონნახევარი გზაშია და შემოვა სულ რაღაც რამდენიმე კვირის განმავლობაში. ვაქცინაცია არის უაღრესად მნიშვნელოვანი.…

კლინიკა “ნეოლაბის” დირექტორი, ინფექციონისტი მაია ბუწაშვილი ქვეყანაში არსებულ კოვიდვითარებაზე და ჰოსპიტალიზაციის ხარვეზებზე სოციალურ ქსელში წერს. სპეციალისტის თქმით, ხდება არასაჭირო ჰოსპიტალიზაცია, მათ შორის ბავშვებისაც: “სანამ ჯერ კიდევ დროა, გავათავისუფლოთ სტაციონარები “წამოწოლილი” პაციენტებისგან! ზოგიერთები კი მაკრიტიკებენ, პაციენტი არ უნახავს და აზრზე არ არის, ვინ უნდა დააწვინონ და ვინ არაო:), მაგრამ სრული პასუხისმგებლობით ვაცხადებ, უამრავი ჩემი ამბულატორიული პაციენტი (ახლობლებზე აღარაფერს ვამბობ), ვისთანაც სიტუაცია ზუსტად ვიცი, რომ სტაციონარში მოთავსებას საერთოდ არ საჭიროებდა, სრულიად გაუგებრად მოხვდა საავადმყოფოში ან პაციენტისვე დაჟინებული მოთხოვნით ან ოჯახის ექიმის გადაწყვეტილებით. მათ შორის, არასაჭირო ჰოსპიტალიზაცია უტარდება ბევრ ბავშვს. ამას შემდეგ მოსდევს სრულიად გაუმართლებელი ჰორმონოთერაპია, (რასაც სტაციონარში მოხვედრილების უმრავლესობას უტარებენ), ანტიკოაგულაცია (ასევე უმრავლესობას უკეთდება) და…

ეკონომიკისა და მდგრადი განვითარების მინისტრის, ნათია თურნავას განცხადებით, სემინარებსა და ტრენინგებზე დასასწრებად ე.წ. სწრაფი ტესტის ჩატარებაც საკმარისი იქნება. როგორც მან აღნიშნა, „ეს კეთდება იმისათვის, რომ ტრენინგები და სემინარები გაგრძელდეს“. „სწრაფი ტესტებიც დაშვებულია. ტურიზმის ადმინისტრაციას სექტორთან კომუნიკაცია ყოველდღიურ რეჟიმში აქვს. შეიძლება რაღაცა დაზუსტდებას საჭიროებდეს, იმიტომ, რომ იცით, რომ უწყებათაშორისი საბჭო ისეთ ვითარებაში ვიღებთ გადაწყვეტილებას, სადაც ძალიან მნიშვნელოვანია სწრაფი გადაწყვეტილების მიღება. თუმცა, ჩვენ ყველაფერს ვაკეთებთ, რომ კომუნიკაცია იყოს სრული. ეს არის ძალიან კარგი გადაწყვეტილება იმისთვის, რომ ტრენინგები და სემინარები არ დაიკეტოს, არ აიკრძალოს და გაგრძელდეს, მაგრამ იყოს აბსოლუტურად უსაფრთხო. ჩვენ გავითვალისწინეთ ინდუსტრიის მოთხოვნა და სწრაფ…

ციციშვილის სახელობის კლინიკაში მართვით სუნთქვაზე მყოფი კორონავირუსით ინფიცირებული მეორე ახალშობილი გარდაიცვალა, – ამის შესახებ ციციშვილის სახელობის ბავშვთა ახალი კლინიკის დირექტორმა, დავით რეხვიაშვილმა განაცხადა. რეხვიაშვილის თქმით, ბავშვი ოკუპირებული აფხაზეთიდან თბილისში პირველ ივლისს, სუნთქვის მწვავე უკმარისობით გადაიყვანეს და მას შემდეგ მართვით სუნთქვაზე იმყოფებოდა. „ჩვილს, რომელიც დაახლოებით ორი თვის იყო, ინდური, ე.წ. დელტა შტამი ჰქონდა დადასტურებული. მას კოვიდინფექცია 24 ივნისს დაუდასტურდა. მკურნალობდა სოხუმის კლინიკაში და დამძიმების შემდეგ, ჩვენთან შემოიყვანეს. კლინიკაში შემოსვლისთანავე პაციენტის მდგომარეობა იყო კრიტიკული, რამდენიმე საათში მოხდა ინტუბირება და გადაყვანა ხელოვნური სუნთქვის აპარატზე. თავიდანვე ჩართული იყო „ევექსის“ სამედიცინო ბორდი და საქართველოს სამედიცინო…

“2 600 შემთხვევა ძალიან საგანგაშო” – პრემიერ-მინისტრი მოსახლეობას მასობრივი იმუნიზაციისაკენ მოუწოდებს. ირაკლი ღარიბაშვილის განცხადებით, დამძიმებული ეპიდვიარების ფონზე COVID-19-ის დამარცხებისთვის ერთადერთი გამოსავალი სწორედ ვაქცინაციაა. “აცრილებში დაინფიცირების ალბათობა არის ძალიან დაბალი და სიკვდილიანობა არის პრაქტიკულად განულებული. აცრილი ადამიანის სიკვდილიანობა სულ რამდენიმე შემთხვევა შეიძლება არსებობდეს მსოფლიოში. ეს არის ერთადერთი პრაქტიკული დაცვა ჩვენი მოქალაქეების, ჩვენი ჯანმრთელობის, სიცოცხლის, ჩვენი ოჯახის წევრების, შვილების. დღეს მაგალითად ჩვენ გვქონდა 2 600 შემთხვევა – ეს არის ძალიან საგანგაშო. მე მინდა კიდევ ერთხელ გავაფრთხილო ჩვენი მოქალაქეები, მოსახლეობა, ძალიან ცუდი ტენდენციაა. ერთადერთი მარტივი თხოვნა გვაქვს ჩვენ, მთავრობას – გთხოვთ აიცერით. ძალიან…

საქართველოს პრემიერ მინისტრის განცხადებით, თუ ქვეყანამ კოვიდვითარების შესაბამისი მართვა ვერ შეძლო, პროგრესი, რომელიც ბოლო პერიოდში დაფიქსირდა წყალში ჩაიყრება, პრემიერის თქმით, ქვეყნის ეკონომიკა კი დაკეტვას ვეღარ გაუძლებს. “ჩვენ რამდენიმე თვის წინ როდესაც გადავწყვიტეთ შეზღუდვების მოხსნა, მაშინ ვიხელმძღვანელეთ ჩვენი ხალხის ინტერესებიდან გამომდინარე, და ახლაც ვიხელმძღვანელებთ ხალხის ინტერესებიდან,”- განაცხადა ირაკლი ღარიბაშვილმა და  ამის მაგალითად ეკონომიკური ზრდის მაღალი მაჩვენებლები, გახსნილი ეკონომიკა და ტურიზმი მოიყვანა. “მინდა ჩვენ ძვირფას მოქალაქეებს მივმართო თხოვნით, ეს ყველაფერი წყალში ჩაიყრება, თუ მოგვიწია ხელახლა შეზღუდვების შემოტანა.  მოვხსენით ნიღბის ტარება ქუჩაში, იმიტომ რომ გაუსაძლისი იყო სიცხეში. ეს ინდივიდუალური გადაწყვეტილება შეიძლება იყოს, თუ სურს ადამიანს შეიძლება ატაროს…

კორონავირუსის ახალი შემთხვევებიდან თბილისში გამოვლინდა 1 557, აჭარაში – 205, იმერეთში – 191, – ამის შესახებ ინფორმაციას მთავრობის ადმინისტრაციის პრესსამსახური ავრცელებს. „Stopcov.ge-ზე გამოქვეყნებული ინფორმაციის თანახმად, ინტენსიური ტესტირების ფარგლებში, ბოლო 24 საათში ქვეყნის მასშტაბით ჩატარდა 36 375 კვლევა ტესტით, მათ შორის 22 825 კვლევა ანტიგენის ტესტით და 13 550 PCR ტესტით. ჩატარებული ტესტირების შედეგად, ბოლო 24 საათში გამოვლინდა ვირუსით ინფიცირების 2 616 ახალი დადასტურებული შემთხვევა. ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 390 945-ს. რაც შეეხება დადებითობის მაჩვენებელს, 19 ივლისის მდგომარეობით, დადებითობის დღიური მაჩვენებელი არის 7.19 %, ბოლო…