დღე: ივლისი 1, 2021

გიორგი გახარიამ გორში პარტია ,,საქართველოსთვის“ ახალი რეგიონული ოფისი გახსნა. როგორც მან ჟურნალისტებს განუცხადა, „ნაციონალებთან“ გადაკვეთა არ ექნება.   “მე მინდა აბსოლუტურად ღიად აი აქ გორში, ყველას გასაგონად ვთქვა, რომ პარტია ,,საქართველოსთვის“ არანაირ ალიანს ნაციონალურ მოძრაობასთან არ განიხილავს და ვერ განიხილავს. ეს არის ჩვენი პოლიტიკური პოზიცია,’’ – განაცხადა პარტია ,,საქართველოსთვის’’ თავმჯდომარემ ჟურნალისტის კითხვის საპასუხოდ, განიხილავს თუ არა მისი პარტია ნაციონალურ მოძრაობასთან ალიანსს. 

„ახალი ქრისტიან-დემოკრატების” თავმჯდომარე  გოგი წულაია საპატიმროდან გაათავისუფლეს. სასამართლო პროცესზე, მოსამართლემ გოგი წულაიას ადვოკატის შუამდგომლობა დააკმაყოფილა და მას 6 000-ლარიანი გირაო შეუფარდა. წულაიამ საპატიმრო დაწესებულება უკვე დატოვა და მედიას განუცხდა, რომ 25 კილო დაიკლო.     შეგახსენებთ, რომ გოგი წულაიას ბრალი სისხლის სამართლის კოდექსის 138-ე მუხლით აქვს წარდგენილი, რაც სექსუალური ხასიათის სხვაგვარ ძალადობას გულისხმობს.

დღეიდან, სოციალურად დაუცველ ბავშვთა დახმარება 2-ჯერ, არსებული 50 ლარის ნაცვლად – 100 ლარამდე იზრდება. დადგენილებას პრემიერ-მინისტრმა ხელი უკვე მოაწერა. გარდა ამისა,   იზრდება დახმარების მიმღებ ბავშვთა რაოდენობა. არსებული 100 000 ქულის ნაცვლად, 100-ლარიან დახმარებას მიიღებენ 120 000-ზე ნაკლები ქულის მქონე ოჯახებში მცხოვრები ბავშვები.  აღნიშნული გადაწყვეტილება 215 ათასზე მეტ ბავშვს შეეხება. პრემიერ-მინისტრის მიერ ინიცირებული პროგრამის დასაფინანსებლად ბიუჯეტიდან ყოველწლიურად 145 მილიონი ლარი გამოიყოფა.

პარტია „საქართველოსთვის“ თავჯდომარე დღეს გორში იმყოფება. პარტიამ  დღეს გორში რეგიონული ოფისი გახსნა. ოფისის გახსნისას გახარიამ მხარდამჭერებს და პარტიის ადგილობრივ წარმომადგენლებს სიტყვით მიმართა.  „როცა ჩვენ ვამბობთ, რომ ქვეყნის ეკონომიკური ზრდა უნდა იყოს ორნიშნა რიცხვი – ეს არ არის მარტო რიცხვი, ეს არის დამატებითი სამუშაო ადგილები. სახელმწიფომ, უბრალოდ,  უნდა შექმნას ყველა ის პირობა იმისთვის, რომ განათლებულმა, ჯანსაღმა, კეთილსინდისიერმა ადამიანმა შეძლოს თავის შრომით თავისი ოჯახი ღირსეულად არჩინოს. ამას ბევრი რამ სჭირდება, სჭირდება ნორმალური  თანაბარი პირობები. ამ ქვეყანაში არ უნდა იყოს პრივილეგირებული ხალხი და ერთხელ და სამუდამოდ უნდა დამთავრდეს, როდესაც ხალხი მთავრობაში მოდის და ჰგონიათ, რომ…

პარტია „საქართველოსთვის“ ლიდერის,  გიორგი გახარიას განცხადებით, აშშ-ში ვიზიტისას, მმართველი გუნდი მისი დასაცავი გახდა. ამის შესახებ გახარიამ ჟურნალისტებთან ისაუბრა. „მოგეხსენებათ, რომ ჩვენ გვქონდა ძალზედ საინტერესო, ინტენსიური ვიზიტი ჯერ ბრიუსელში, შემდეგ ამერიკის შეერთებულ შტატებში. არ მოვყვები, რამდენად მნიშვნელოვანი იყო ეს ვიზიტი. მარტივ რაღაცას გეტყვით, ჩვენი დასაცავი გახდა ამ ვიზიტების დროს „ქართული ოცნება“. არათანმიმდევრული, ხშირ შემთხვევაში სულელური ნაბიჯები, რომლებსაც პარტიის დღევანდელი ხელმძღვანელობა დგამს, ჩვენი დასაცავი გახდა მათი ეს ნაბიჯები, რადგან ხანდახან ივიწყებენ და ვერ იაზრებენ, რომ ისინი მარტო პარტიას კი არა, სახელმწიფოს მართავენ. თავიანთი არათანმიმდევრული, უსუსური ნაბიჯებით ქვეყანას და სახელმწიფოს აზიანებენ. რამდენიმე საკითხი შემიძლია,…

ყოფილი პრემიერ-მინისტრის, პარტია „საქართველოსთვის“ თავმჯდომარის, გიორგი გახარიას განცხადებით, ჟურნალისტები კორუფციასა და ნეპოტიზმს არასწორად ეძებენ, ამიტომ, ყველას ჰპირდება, მიაწვდის ინფორმაციას, სად უნდა ვეძებოთ მსგავსი ფაქტები. „ნებისმიერ რეგიონში, ჩვენი გუნდის ნებისმიერი წარმომადგენელი თუ ვინმეს ასაქმებდა, პირველ რიგში, პროფესიული ნიშანი და კეთილსინდისიერება იყო მთავარი. თქვენ თუ გინდათ, რომ ინფორმაცია მოგაწოდოთ ნეპოტისტები და კორუფციონერები სად უნდა ეძებოთ, სიის სახით, მეილი მომეცით და გამოგიგზავნით“, – განაცხადა გიორგი გახარიამ ჟურნალისტებთან.

„გარემოს დაცვა და სოფლის  განვითარება 2030“ – გრძელვადიანი ხედვა დღეს გარემოს დაცვისა და სოფლის მეურნეობის მინისტრმა, ლევან დავითაშვილმა წარადგინა. მინისტრმა განვითარების ხედვის მიმართულებებზე დეტალურად ისაუბრა. „ჩვენი ამოცანა გრძელვადიანი ხედვის ჩამოყალიბებაა. რამდენიმე მიზანს ვისახავთ – ეს არის სასურსათო უსაფრთხოების მიზნით ჩვენი თვითუზრუნველყოფის ამაღლება; როდესაც ვსაუბრობთ ამ მიზანზე, საქართველოს აგროსასურსათო სექტორის საექსპორტო პოტენციალის მაქსიმალურ გამოყენებაზე, ვგულისხმობთ ასევე ინკლუზიურობას იმისათვის, რომ ეს ზრდა, ეს ეკონომიკური პროგრესი, რომელიც რიცხვებში გვაქვს გამოსახული, შეეხოს თითოეულ ჩვენს მოქალაქეს, განსაკუთრებით სოფლად მცხოვრებ მოსახლეობას და მათ კეთილდღეობას; ის ეკონომიკური სიკეთე გადანაწილდეს ჩვენს თანამოქალაქეებზე. გარემოს დაცვა და ბუნებრივი რესურსების მდგრადი…

საქართველოში აკრედიტირებული გერმანიის სრულუფლებიანი ელჩი ჰუბერტ ქნირში ქვეყანაში სასამართლო სისტემის გამართულობის აუცილებელობაზე საუბრობს და აცხადებს, რომ საქართველოს სჭირდება სასამართლო სისტემის რეფორმა. როგორც ელჩი განმარტავს, მოსამართლეების დანიშვნასთან დაკავშირებით, საეჭვო კითხვები არ უნდა გაჩნდეს. „ჩვენ უკვე გამოვხატეთ ჩვენი დამოკიდებულება, რომ ქვეყანას სჭირდება სასამართლოს სისტემის რეფორმა. მოსამართლეთა დანიშვნის წესთან დაკავშირებით მხოლოდ იმას ვიტყვი, რომ ამ რეფორმის მთავარი მიზანია, მოსახლეობას ჰქონდეს ნდობა მოსამართლეებისადმი და ამ სისტემისადმი. ყველაფერი ისე უნდა გაკეთდეს, რომ ნებისმიერ მოქალაქეს არ გაუჩნდეს ეჭვი მიკერძოებულობაში. მოსამართლეები უნდა დაინიშნონ ისეთი სისტემით, რომ არსებობდეს აბსოლუტური ნდობა ამ სისტემისადმი, რომ მათი უფლებები და სამართალი აღსრულდება“,…

დამოუკიდებელი იურისტების ჯგუფი საქართველოს იუსტიციის უმაღლეს საბჭოს და საქართველოს პარლამენტს მოუწოდებს  უზენაესი სასამართლოს მოსამართლეთა შერჩევის პროცესი შეაჩეროს. როგორც ჯგუფის წევრები აცხადებენ, 2021 წლის 19 აპრილს ხელისუფლებასა და ოპოზიციას შორის ხელი მოეწერა პოლიტიკურ შეთანხმებას, სადაც მკაფიოდ წერია რომ უზენაესი სასამართლოს მოსამართლეთა შერჩევის პროცესი უნდა შეჩერდეს და მოქმედი წესებით მათი შერჩევა არ უნდა მოხდეს. „საქართველოს კონსტიტუციის თანახმად იუსტიციის უმაღლესი საბჭო შედგება ხელისუფლების სამი შტოს: სასამართლოს, საქართველოს პრეზიდენტის და საქართველოს პარლამენტის მიერ შერჩეული წევრებისგან. შესაბამისად, იუსტიციის უმაღლესი საბჭო არ არის მოსამართლეთა საკუთრება და ის ლეგიტიმაციას ხელისუფლების სხვადასხვა შტოებისგან იღებს. დღეს იუსტიციის უმაღლესი საბჭო დაკომპლექტებულია…