დღე: ივლისი 11, 2021

საზოგადოებრივი მოძრობა „ერის“ ხელმძღვანელი ლევან ვასაძე ოპერატორ ლექსო ლაშქარავას გარდაცვალების გამო სამძიმარს გამოხატავს და აცხადებს, რომ რომ არა ზოგიერთები, ვინც ბოლომდე „აწვებოდნენ“ „პრაიდის“ ღონისძიება რომ ჩატარებულიყო, ის ახლა ცოცხალი იქნებოდა. „მინდა ლექსო ლაშქარავას ოჯახსა და მეგობრებს მივუსამძიმრო და თანადგომა გამოვუცხადო. მე ვილოცებ მისი სულისათვის. სანამ მე ჩემს დაავადებას და დიაგნოსტიკას ვებრძვი, რამდენიმე დღით ბინაში გამომწერეს, თუმცა ისევ უნდა დავბრუნდე. ჩემთვის ასეთი ამბის მოსმენა უმძიმესია. პირველ რიგში მინდა ვთქვა, რომ აუცილებლად სახელმწიფო დონეზე უნდა გაირკვეს თუ რა მოუვიდა ლექსო ლაშქარავას, რატო დაიღუპა ის მას შემდეგ, რაც საავადმყოფოდან გამოიწერა. სიკვდილის პირას მყოფი…

ცენტრალური კრიმინალური პოლიციის დეპარტამენტის დირექტორმა – მამუკა ჭელიძემ ბრიფინგი გამართა და სიცოცხლის პერიოდში, ლექსო ლაშქარავას გადაადგილების მარშრუტი გაასაჯაროვა. „მაღალი საზოგადოებრივი ინტერესიდან გამომდინარე, ვასაჯაროვებთ ალექსანდრე ლაშქარავას გადაადგილების ამსახველ ვიდეომასალებს, რომელიც გამოძიების მსვლელობისას ამ ეტაპზეა მოპოვებული. გადაადგილების მარშრუტი შედგენილია გარე ვიდეო-სამეთვალყურეო სისტემების დათვალიერების შედეგად, რომელიც დადასტურებულია მოწმეთა ჩვენებებით. “ტელეკომპანია პირველის” ოპერატორი – ალექსანდრე ლაშქარავა მიმდინარე წლის 10 ივლისს, 15:28 სთ-ზე, მოპედით ტოვებს საცხოვრებელ მისამართს. 15:31 სთ-ზე მეგობართან ერთად შედის ბახტრიონის ქუჩაზე ერთ-ერთ აფთიაქში. აფთიაქიდან გამოსვლის შემდეგ იწყებს გადაადგილებას ფონიჭალის დასახლების მიმართულებით, სადაც ფიქსირდება 16:31 სთ-ზე. აღნიშნულის შემდეგ ფონიჭალიდან მოდის ორთაჭალაში და მოგვიანებით…

პარლამენტთან შეკრებილი აქციის მონაწილეები საქართველოს მთავრობას და პრემიერ-მინისტრს გადასადგომად ვადას 12 ივლისის 12:00 საათამდე აძლევენ. იმ შემთხვევაში, თუ ხვალ 12:00 საათამდე ხელისუფლების სრული შემადგენლობა პრემიერ – მინისტრის მეთაურობით და სუს-ის ხელმძღვანელი არ გადადგება, პარლამენტის წინ ხვალ 18:00 საათზე აქცია კვლავ გაიმართება. „ჩვენ მივეცით ვადა ხელისფულებას ხვალ 12:00 საათამდე, ჩვენთვის მისაღები გადაწყვეტილება ერთადერთია და ეს არის მთავრობის სრული შემადგენლობით გადადგომა პრემიერი ღარიბაშვილის მეთაურობით და სუსი ხელმძღვანელის ლილუაშვილის გადადგომა. აღნიშნული მოთხოვნა თუ არ იქნება შესრულებული ხვალ, ვიკრიბებით ისევ აქ 18:00 საათზე“, – განაცხადა გვარამიამ. შეგახსენებთ, რომ პარლამენტთან და სახელმწიფო კანცელარიასთან აქცია ოპერატორ…

„ოცნების“ ოფისთან მიმდინარე დაპირისპირებასთან დაკავშირებით შინაგან საქმეთა სამინისტრო განცხადებას ავრცელებს და ყველას მიმართავს, ძალადობრივი მოწოდებებისგან თავი შეიკავოს. „შინაგან საქმეთა სამინისტროს თანამშრომლები თბილისში, პარტია “ქართული ოცნების” ოფისთან მიმდინარე აქციასთან დაკავშირებით მობილიზებული არიან და იცავენ საზოგადოებრივ წესრიგს. მოვუწოდებთ აქციის მონაწილეებს, არ გასცდნენ შეკრების და გამოხატვის თავისუფლების კანონით დასაშვებ ფარგლებს. ამასთან, ვაფრთხილებთ აქციის ორგანიზატორებს, არ დაუშვან ძალადობისკენ მოწოდებები და უზრუნველყონ, რომ აქციებმა არ მიიღოს ძალადობრივი ხასიათი. შინაგან საქმეთა სამინისტრო უზრუნველყოფს საზოგადოებრივი წესრიგის და უსაფრთხოების დაცვას. სამართალდარღვევის ფაქტებზე სამინისტრო შესაბამის სამართლებრივ რეაგირებას მოახდენს“ – აცხადებენ შსს-ში.

ამ წუთებში, „ქართული ოცნების“ ოფისთან ვითარება დაძაბულია, სამოქალაქო აქტივისტები და ოპოზიციის ლიდერები, ოფისში შესვლას ცდილობენ. მათ დაპირისპირება მოუხდათ სამართალდამცველებთან. ელენე ხოშტარიამ პოლიციელებს წითელი საღებავიც კი შეასხა. პოლიციელებმა ადგილიდან რამდენიმე აქტიური აქტივისტი გაიყვანეს. ადგილზე იმყოფება მამუკა ხაზარაძეც, რომელიც აცხადებს, რომ „ქართული ოცნების“ოფისში თუ არ შეუშვებენ, ძალიან ცუდი რამ მოხდება. ოპოზიცია მთავრობის სრული შემადგენლობით გადადგომას ითხოვს. ისინი ოპერატორ ალექსანდრე ლაშქარავას გარდაცვალების გამო მთავრობის პასუხისმგებლობის საკითხს აყენებენ.   

ამ წუთებში, „ქართული ოცნების“ ოფისთან  დაძაბული ვითარებაა. ნიკანორ მელია, ელენე ხოშტარია და სხვა აქტივისტები ცდილობენ, „ქართული ოცნების“ ოფისში შევიდნენ, სადაც უმრავლესობის სხდომა იმართება. პერიმეტრზე მობილიზებულია საპატრულო პოლიცია. ადგილზე წითელი საღებავი მიიტანეს, რომელიც პოლიციელებს შეასხეს და შეღებეს. მანამდე კი, ელენე ხოშტარია, წითელი საღებავით სახელმწიფო კანცელარიის შენობა შეღება. ერთ-ერთი აქტივისტი ცდილობდა ასფალტის საფარზე წარწერა “მკვლელებო” გაეკეთებინა, როსი საშუალებაც მათ სამართალდამცველებმა არ მისცეს.

ამ წუთებში  “ქართული ოცნების” ოფისში საპარლამენტო უმრავლესობის სხდომა მიმდინარეობს. ოფისის მიმდებარედ მობილიზებულია საპატრულო პოლიცია. პარალელურ რეჟიმში, “ოცნების” ოფისთან მივიდა ნიკანორ მელია და ელენე ხოშტარია, რომლებიც საპროტესტი აქციას გეგმავენ. ნიკანორ მელია ამ წუთებში პოლიციასთან მივიდა და ოფისში შესვლას ცდილობს, ის სამართალდამცველებს მოუწოდებს, ყველანი რუსთაველის გამზირზე მივიდნენ, სადაც 18:00 საათზე საპროტესტო აქცია იგეგმება.   „ქართული ოცნების“ ოფისთან იკრიბებიან სამოქალაქო აქტივისტები და ოპოზიციური პარტიის წამომადგენლები, რომლებიც ოპერატორ ალექსანდრე ლაშქარავას გარდაცვალების გამო, მთავრობის გადადგომას ითხოვენ.   საპატრულო პოლიცია ნიკანორ მელიას “ქართული ოცნების” ოფისში შესვლის შესაძლებლობას არ აძლევს. 

საქართველოს პარლამენტის ყოფილმა წევრმა ელენე ხოშტარიამ, პროტესტის ნიშნად, სახელმწიფო კანცელარიას წითელი საღებავი შეასხა. აღნიშნულით მან ის ძალადობა გააპროტესტა, რომელიც 5 ივლისს ჟურნალისტების წინააღმდეგ განხორციელდა და რასაც ოპერატორის სიცოცხლე შეეწირა. „ტვ პირველის“ ოპერატორი ლექსო ლაშქარავა დღეს დილით გარდაიცვალა. ამ წუთებში, სამხარაულის ექსპერტიზის ბიუროში, მის ცხედარს ექსპერტიზა უტარდება.  

„ტვ პირველის“ ოპერატორის, ლექსო ლაშქარავას გარდაცვალებასთან დაკავშირებით ირაკლი ღარიბაშვილი განცხადებას ავრცელებს და მომხდარს წარმოუდგენელ ტრაგედიად აფასებს. „ეს არის წარმოუდგენელი ტრაგედია. ამ მძიმე წუთებში თანადგომას ვუცხადებ ოჯახს, ახლობლებს, “ტვ პირველის” კოლექტივს და მთელ მედია საზოგადოებას. შინაგან საქმეთა სამინისტრომ უკვე დაიწყო გამოძიება და საზოგადოებას უმოკლეს ვადებში მიეწოდება სრულყოფილი ინფორმაცია“, – წერს ღარიბაშვილი „ფეისბუქზე“. შეგახსენებთ, რომ „ტვ პირველის“ ოპერატორი ლექსო ლაშქარავა საკუთარ სახლში გარდაცვლილი იპოვეს. შსს-ს ინფორმაციით, მიმდინარე წლის 5 ივლისს, თბილისი პრაიდის წინააღმდეგ გამართული აქციის გაშუქების დროს, ინგოროყვას ქუჩაზე მდებარე ორგანიზაცია „სირცხვილიას“ ოფისში, ტელეკომპანია „ტვ 1“-ის ჟურნალისტსა და ოპერატორს, ალექსანდრე ლაშქარავას სამსახურებრივი მოვალეობის…

„ტვ პირველის“ ოპერატორის, ლექსო ლაშქარავას გარდაცვალებასთან დაკავშირებით, რომელიც 5 ივლისს „რისცხვილიას“ ოფისში სცემეს, შინაგან საქმეთა სამინისტრო განცხადებას ავრცელებს, რომელსაც „მედიაცენტრი მტავარი“ უცვლელად გთავაზობთ. „ტელეკომპანია “ტვ1”-ის ოპერატორის, ალექსანდრე ლაშქარავას გარდაცვალების ფაქტზე ვაკე-საბურთალოს პოლიციის სამმართველოში, გამოძიება საქართველოს სისხლის სამართლის კოდექსის 115 მუხლით დაიწყო. დაინიშნება შესაბამისი სასამართლო-სამედიცინო ექსპეტიზა. აქვე აღვნიშნავთ, რომ მიმდინარე წლის 5 ივლისს, თბილისი პრაიდის წინააღმდეგ გამართული აქციის გაშუქების დროს, ინგოროყვას ქუჩაზე მდებარე ორგანიზაცია „სირცხვილიას“ ოფისში, ტელეკომპანია „ტვ 1“-ის ჟურნალისტსა და ოპერატორს, ალექსანდრე ლაშქარავას სამსახურებრივი მოვალეობის შესრულებისას ფიზიკური და სიტყვიერი შეურაცხყოფა მიაყენეს. ჟურნალისტის პროფესიულ საქმიანობაში ძალადობის მუქარით უკანონოდ ხელის შეშლის, ძალადობითა…