დღე: ივლისი 5, 2021

შინაგან საქმეთა სამინისტრო რუსთაველის გამზირზე მომხდარ ფიზიკურ ანგარიშსწორებასთან დაკავშირებით განცხადბას ავრცელებს, სადაც საუბარია, რომ ამ ეტაპისთვის, დაკავებულია 8 ადამიანი. „გამოვლენილ სამართალდარღვევის ფაქტებზე ამ ეტაპზე ადმინისტრაციული წესით დაკავებულია 8 პირი. ჩატარებული საგამოძიებო ღონისძიებებით 55 პირის მიმართ გამოვლინდა ძალადობის ფაქტები, მათ შორის 53 არის სხვადასხვა მედიასაშუალების წარმომადგენელი. საგამოძიებო და საპროცესო ღონისძიებები გრძელდება გამოვლენილ შემდეგ კანონდარღვევის ფაქტებზე: რუსთაველის გამზირზე, მედიასაშუალებების წარმომადგენელთა მიმართ განხორციელდა ძალადობრივ ქმედებებზე და პროფესიულ საქმიანობაში ხელის შეშლის ფაქტებზე გამოძიება სისხლის სამართლის კოდექსის 154-ე (ჟურნალისტისთვის პროფესიულ საქმიანობაში უკანონოდ ხელის შეშლა) და 126-ე (ძალადობა) მუხლებით მიმდინარეობს. თბილისში მოძრაობა “სირცხვილიას” და “თბილისი პრაიდის”…

„ყველას მოვუწოდებთ მშვიდობისკენ. რა თქმა უნდა, ვემიჯნებით ძალადობას. სამწუხარო ფაქტები მოხდა. თუ იყო რაიმე მოწოდებები სასულიერო პირების მხრიდან, ამაზე რეაგირება აუცილებლად მოხდება“,- განაცხადა საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ დღეს განვითარებულ მოვლენებთან დაკავშირებით. შეგახსენებთ, რომ რუსთაველის გამზირი, დღეს, მთელი დღის განმავლობაში დაპირისპირების ეპიცენტრი იყო. ლგბტ მარშის საწინააღმდეგოდ შეკრებილებმა ანგარიშსწორება მედიის მისამართით განახორციელეს. ნაცემია რამდენიმე ჟურნალისტი. მეუფე შო ინიციატივით გამოდის, კანონმდებლობაში გაჩნდეს ჩანაწერი რელიგიურ და ერობრივ გრძნობებთან დაკავშირებით. „ეკლესიის სწავლებით, ცოდვაში ჩავარდნილ ადამიანებს ვეხმარებით, მაგრამ ვერასდროს შევეგუებით ცოდვის ნორმად გამოცხადებას. ეს რომ აღარ განმეორდეს, რაც დღეს ვიხილეთ და თავიდან ავიცილოთ…

მეუფე შიოს განცხადებით, დღეს, თბილისში მომხდარი დაპირისპირება კიდევ რომ არ განმეორდეს, საზოგადოებამ უნდა დაიწყოს ფიქრი,  რელიგიური და ერობრივი გრძნობების შეურაცხყოფის მცნება კანონმდებლობაში აისახოს. „დღეს ჩვენს ერს აქვს განსაცდელებს შორის ერთ-ერთი ყველაზე მძიმე. რისი მცდელობაც იყო დღეს და ვხედავთ როგორც მთელს მსოფლიოში, ისე ჩვენს ქვეყანაში, ეს არის მცნებების აღრევა. ცდილობენ, სოდომურ ცოდვას უწოდონ სიკეთე და ღირსება.  ამას ჩვენი ერი და ეკლესია ვერასდროს შეეგუება. ეს არის დიდი კამპანიის ნაწილი, რომელიც მიმართულია, რომ ერი დააშორეს ღმერთს, ჩვენს ტრადიციებს, ეკლესიას და მოხდეს მისი გადაგვარება. ამიტომ ვართ დღეს ასე გაერთიანებულნი. თუ უმცროსი თაობა დაიჯერებს ამას,…

საქართველოს პრეზიდენტი სალომე ზურაბიშვილი დღეს, რუსთაველის გამზირზე, მთელი დღის განმავლობაშ მიმდინარე ფიზიკურ დაპირისპირებასთან დაკავშირებით განცხადებას აკეთებს.   „მოვუწოდებ ყველას, იმოქმედოს კონსტიტუციის ფარგლებში და რადიკალური ქმედებებით ხელი არ შეუწყოს ძალადობის პროვოცირებას. მიუღებელია მედიასაშუალებების წარმომადგენელთა მიმართ განხორციელებული ძალადობრივი ქმედებები და პროფესიულ საქმიანობაში ხელის შეშლის ფაქტები, ასევე საზოგადოებრივი ორგანიზაციების ოფისებში შეჭრა და მათზე თავდასხმები. მოვუწოდებ ყველას თავშეკავებისკენ და შესაბამის ორგანოებს კი, საზოგადოებრივი წესრიგის დაცვის უზრუნველყოფისა და ნებისმიერი ძალადობრივი ქმედების აღკვეთისაკენ! მიუღებელია ყველანაირი წაქეზება, რაც ხელს უწყობს რადიკალურ ქმედებებს, საზოგადოების პოლარიზაციას, აღვივებს დაპირისპირებას, აზიანებს ქვეყანას, საფრთხეს უქმნის სახელმწიფოს სტაბილურობას!“- აცხადებს პრეზიდენტი. შეგახსენებთ, რომ რუსთაველის გამზირზე,…

„როგორც მოგეხსენებათ, „თბილისი პრაიდის” ორგანიზატორებმა დღეს დაგეგმილი აქცია გადადეს. საზოგადოებას შევახსენებთ, რომ დღეს, 17 საათზე, ქაშუეთის ტაძარში ტარდება სამშვიდობო პარაკლისი. შესაბამისად, კვლავ მოვუწოდებთ ყველას, განსაკუთრებით მათ, ვინც დედაქალაქის სხვადასხვა ადგილას აპროტესტებს პრაიდის ორგანიზებას, შეიკრიბოს ქაშუეთის ტაძართან, თავი შეიკავოს ყოველგვარი აგრესიული, ძალადობრივი ქმედებისაგან და მშვიდობიან ვითარებაში დაესწროს ლოცვას“, – ვკითხულობთ საპატრიარქოს მიერ გავრცელებულ ინფორმაციაში.

„ქართული ოცნების“ თავმჯდომარე ირაკლი კობახიძე პრაიდის“ მსვლელობის გამო, თბილისში განვითარებულ დაპირისპირებასთან დაკავშირებით პარტიის სახელით განცხადებას აკეთებს. როგორც კობახიძე აცხადებს, მათ იცოდნენ რაც მოჰყვებოდა ამ ღონისძიებებს და სწორედ ამიტომ აფრთხილებდნენ „პრაიდის“ ორგანიზატორებს.  „პირველ რიგში, გვსურს გამოვეხმაუროთ ძალადობის ფაქტებს, რომლებიც დღეს ვიხილეთ თბილისის ქუჩებში. ძალადობას, განსაკუთრებით ჟურნალისტების წინააღმდეგ, არ აქვს არავითარი გამართლება და თითოეული ასეთი ფაქტი მკაცრ სამართლებრივ რეაგირებას საჭიროებს. გვესმის, რომ ვითარების მართვა რთულია ობიექტური გარემოებების, მათ შორის აქციის მონაწილეთა რაოდენობის გამო. თუმცა, მოვუწოდებთ სამართალდამცავ ორგანოებს, გააკეთონ მაქსიმუმი ძალადობის აღსაკვეთად და ვითარების დეესკალაციისთვის. ჩვენ ვაფრთხილებდით „პრაიდის“ ორგანიზატორებს, რომ მათ მიერ დაგეგმილ…

„შინაგან საქმეთა სამინისტრო პირველ რიგში გმობს სიძულვილით მოტივირებულ ქმედებებს, მათ შორის მედიასაშუალებების წარმომადგენლების მიმართ გამოხატულ ძალადობის ნებისმიერ ფორმას“ – აცხადებენ შსს-ში და დედაქალაქის ქუჩებში შეკრებილ მოქალაქეებს მოუწოდებენ, დაიცვან წესრიგი, დაემორჩილონ პოლიციელთა კანონიერ მოთხოვნებს და ნებისმიერ თემაზე პროტესტი გამოხატონ კანონის ფარგლებში. უწყების განცხადებას „მედიაცენტრი მთავარი“ უცვლელად გთავაზობთ. „შინაგან საქმეთა სამინისტრომ თბილისში მოძრაობა “სირცხვილიას” და “თბილისი პრაიდის” ოფისზე განხორციელებული კანონსაწინააღმდეგო ფაქტებთან დაკავშირებით გამოძიება სისხლის სამართლის კოდექსის 187-ე მუხლით დაიწყო, რაც სხვისი ნივთის დაზიანებას ან განადგურებას გულისხმობს. რუსთაველის გამზირზე შეკრებილმა მოქალაქეების ნაწილმა პარლამენტის შენობის უკან მდებარე მოძრაობა “სირცხვილიას” ოფისში შეჭრა სცადეს. ოფისში იმყოფებოდნენ…

რუსთაველის გამზირზე, ქაშუეთის ეკლესიის წინ სასულიერო პირები პარაკლისს ღია სივრცეში აღავლენენ. ადგილზე შეკრებილია მრევლი და მოსახლეობის საკმაოდ დიდი ნაწილი, რომლებიც ლგბტ თემის მსვლელობას აპროტესტებენ. რუსთაველის გამზირზე ვითარება ისევ დაძაბულია. აქტივისტები,  კონტრ-აქციის მონაწილეები და სასულიერო პირები ლგბტ თემის მიერ დაგეგმილ მსვლელობას აპროტესტებენ. ფიზიკური დაპირისპირებისას ჟურნალისტებიც დაშავდნენ.  

რუსთაველის გამზირი ამ წუთებში პარალიზებულია. კონტრ-აქციის ორგანიზატორები და მხარდამჭერები, რომლებიც ლგბტ თემის მხრიდან მსვლელობას აპროტესტებენ, ამ წუთებში ფილარმონიის მიმართულებით დაიძრნენ.     რუსთაველის გამზირზე, აქციაზე ორი ადამიანი დაშავდა, რომლებიც სასწრაფო-სამედიცინო დახმარების ბრიგადამ სამედიცინო დაწესებულებაში გადაიყვანა. „პარლამენტის მიმდებარე ტერიტორიაზე, მიმდინარე მოვლენებისას, სასწრაფო სამედიცინო დახმარების რამდენიმე ეკიპაჟი იმყოფებოდა. ექიმებმა პირველადი სამედიცინო დახმარება 2 მოქალაქეს გაუწიეს. ორივე მოქალაქე ჰოსპიტალიზებული იქნა თბილისში არსებულ სამედიცინო დაწესებულებაში“,- აღნიშნულია ჯანდაცვის სამინისტროს განცხადებაში. შეგახსენებთ, რომ ლგბტ თემი დღეს თბილისის ქუჩებში მსვლელობას გეგმავს, რომელსაც კონტრ-აქციის მონაწილეები აპროტესტებენ.

„კიდევ ერთხელ საჯაროდ მოვუწოდებთ “თბილისი პრაიდის” მონაწილეებს, რუსთაველის გამზირზე, მოწინააღმდეგე ჯგუფების მიერ დაგეგმილი აქციების მასშტაბურობიდან გამომდინარე, უარი თქვან ღია, საჯარო სივრცეში მარშის გამართვაზე“ – აცხადებენ შინაგან საქმეთა სამინისტროში. უწყების ინფორმაციით, მედია გადაყვანილია უსაფრთხო ადგილზე. „დღეს დილიდან, რუსთაველის გამზირზე, სხვადასხვა ჯგუფებმა დაიწყეს შეკრება და საპროტესტო აქციები. შეკრების პარალელურად დედაქალაქში უსაფრთხოების ზომებიდან და საზოგადოებრივი წესრიგის დაცვის მიზნით მობილიზებული არიან პოლიციის თანამშრომლები და განსაკუთრებულ რეჟიმით მუშაობენ. რუსთაველის გამზირზე მიმდინარე აქციაზე შეკრებილი ცალკეული პირების მხრიდან მედიასაშუალებების წარმომადგენელთა მიმართ განხორციელდა ძალადობრივი ქმედებები და პროფესიულ საქმიანობაში ხელის შეშლის ფაქტები. რუსთაველზე პოლიციის თანამშრომელთა რეაგირების შედეგად მედიასაშუალებების წარმომადგენლები…

როგორც ჩვენს ხალხს და ჩვენს მოსახლეობას სურს, ისე იქნება ყველაფერი ჩვენს ქვეყანაში, –  ამის შესახებ საქართველოს პრემიერ-მინისტრმა ირაკლი ღარიბაშვილმა მთავრობის სხდომაზე განაცხადა. მისი  თქმით, დღევანდელი აქციის ორგანიზატორების უკან დგანან ისევ რევანშისტული, რადიკალური ჯგუფები, კერძოდ, რადიკალური ოპოზიცია, სააკაშვილის მეთაურობით. „მე ასევე მინდა აღვნიშნო, რომ სამწუხაროდ, დღევანდელი აქციის ორგანიზატორების უკან დგანან ისევ რევანშისტული, რადიკალური ჯგუფები, კერძოდ, რადიკალური ოპოზიცია, სააკაშვილის მეთაურობით. ისინი არიან ჩართულები, აბსოლუტურად, სრული პასუხისმგებლობით ვაცხადებ ამას, რომ ისინი უკეთებენ ორგანიზებას აღნიშნულ მარშს და ამ აქციებს და რა თქმა უნდა, სწორედ მათი მიზანი არის, დღეს, ჩვენს ქვეყანაში, სამოქალაქო არეულობის და ქაოსის შემოტანა, რაც, რა თქმა უნდა, არ განხორციელდება და ჩვენ ამას არ დავუშვებთ. მინდოდა, რომ ეს მოსახლეობისთვის მეთქვა და განმემარტა. რა თქმა უნდა, როგორც ჩვენს ხალხს და ჩვენს მოსახლეობას სურს, ისე იქნება ყველაფერი ჩვენს ქვეყანაში“, –  განაცხადა პრემიერ-მინისტრმა. შეგახსენებთ, რომ რუსთაველზე ვითარება საკმაოდ დაძაბულია. აქციის ორგანიზატორები ლგბტ მარშს აპროტესტებენ. ადგილზე მობილიზებულია საპატრულო ეკიპაჟები.