დღე: ივლისი 25, 2021

ჯანდაცვის მინისტრის მოადგილის, თამარ გაბუნიას განმარტებით, ქვეყანაში შემოსული „ფაიზერის“ დოზები საკმარისია 240 000 მოქალაქის ასაცრელად. როგორც გაბუნია განმარტავს, „ფაიზერის“ შემთხვევაში, დანაკარგი ძალიან ცოტაა.   „ნახევარი მილიონი „ფაიზერის“ დოზა საკმარისია 230-240 ათასი მოქალაქის ასაცრელად. გათვალისწინებულია ჯანდაცვის მსოფლიო ორგანიზაციის მიერ დადგენილი დანაკარგი, რაც დაახლოებით ათ პროცენტს შეადგენს. ჩვენს ქვეყანაში „ფაიზერის“ დანაკარგის ფაქტორი არის ძალიან დაბალი. უახლოეს დღეებში ადგილებიც დაემატება. კლინიკები  მზად არიან, რვა საათიანი სამუშაო რეჟიმიდან გადავიდნენ 12-საათიან სამუშაო რეჟიმზე,  რათა ის დოზები, რაც გვაქვს, იყოს მაქსიმალურად მოკლე ხანში ათვისებული“, – განაცხადა თამარ გაბუნიამ.

ვაქცინაციის ორჯერადი დოზით აცრის მიუხედავად, ადამიანები „ფაიზერზე“ ჯავშანს მაინც აკეთებენ. არიან ისეთები, ვისაც ვაქცინაცია ჯერა არ ეკუთვნის, თუმცა, მაინც ჯავშნის ადგილს. ამ მიზეზით, 5 000-მდე ადამიანის ჯავშანი გაუქმდა. როგორც ჯანდაცვის მინისტრის მოადგილე თამარ გაბუნია განმარტავს, მათ, ვისაც ვაქცინაციაზე უარი უთხრეს, ნაწილი უკვე ვაქცინირებული იყო და მაინც დარეგისტრირდა, ნაწილს კი  აცრის გაკეთება  არ უწევდა. „გუშინ, დღის ბოლომდე სულ დარეგისტრირდა 157 ათასამდე პირი. აქედან ჯავშანი დაუდასტურდა 142 195 პირს, 4 750-ს კი ჯავშანი არ დაუდასტურდა, რადგან მათი ნაწილი უკვე ვაქცინირებული იყო და მაინც დარეგისტრირდა. ასევე იყვნენ მოქალაქეები, რომლებსაც რიგი მიზეზების გამო ჯერჯერობით არ…

ჯანდაცვის მინისტრის მოადგილის თამარ გაბუნიას განმარტებით, ამ ეტაპისთვის აცრა ნებაყოფლობითია და სხვა მექანიზმი არ მუშაობს. „ამ ეტაპზე ჩვენ მივყვებით ნებაყოფლობითი ვაქცინაციის მოდელს და ამას გავაგრძელებთ. მნიშვნელოვანია, სწრაფად მოხდეს სამედიცინო პერსონალის ვაქცინაცია. მათი ნაწილი უკვე აცრილია, ნაწილი „ფაიზერის“ ვაქცინას ელოდებოდა. მაქსიმალურად შევუწყობთ ხელს, განსაკუთრებით „კოვიდკლინიკებში“ დასაქმებულ პერსონალს და ასევე სასწრაფო გადაუდებელი სამსახურის პერსონალს, რომ პრიორიტეტულად ჩაიტარონ ვაქცინაცია. დოზები საკმარისია და მნიშვნელოვანია, რომ პირველ რიგში ეს ჯგუფი აიცრას“, – განმარტა თამარ გაბუნიამ. მისივე შეფასებით, მოქალაქეები „ფაიზერის“ ე.წ. ბუსტერულ დოზებზეც რეგისტრირდებიან, რაც ავტომატურად უქმდება და მათ ჯავშანი არ უდასტურდებათ.